رواية احفاد المنشاوي الجزء الثاني من كيان فارس
الفصل الثالث عشر13
بقلم رنا تامر
عند البحر...
وصلوا كلام من تيام ويوسف و رأوها واقفه وتتامل البحر.
تيام ل يوسف/ اوعي تخرج خليك هنا.
يوسف بغمزه/ حاضر يا عم الروميوا.
خرج من السياره وذهب اليها و وقف ورأها وسمع حديثها ثم تحدث بحب
/ ومين قالك اني بتالم بسببك.
روميساء بخضه/ انت جيت هنا ازاي.
تيام بخبث/ انتي بتوهي ومش عايزه تردي علي سؤالي.
روميساء بجديه/ انا بتكلم بجد جيت هنا ازاي.
تيام بإبتسامة/ انتي نسيتي يا استاذه انه وانا وانتي كنا بنجي هنا مع بعض واحنا صغيرين.
روميساء بضحكه خفيفه/ هي دي ايام تتنسي كنا بنيجي هنا ونتلكك اننا زعلنين واحنا كنا بنبقي قاصدين نيجي هنا.. ثم اكملت بحزن.. ياريت الايام دي ترجع.
تيام امسك بيدها وتحدث بحب/ الايام دي عمرها ما بقت ماضي طول عمرها هتفضل موجوده وهتتكرر كأننا بنعملها لاول مره.. تاكدي انه عمره ما فيه حاجه هتفرقنا انتي فاهمه.
روميساء هزت راسها وابتسمت بحب ثم جاء يوسف وتحدث بمرح
/ ايه بقي قصه روميوا وجوليت دي مش هتخلص ولا هنبات هنا ولا ايه.
تيام بغيظ/ تصدق انك عيل رخم.. انا مش قولتلك متخرجش من العربيه.
روميساء بضحك/ انت المفروض يسموك مخرب اللحظات الرومانسيه.
يوسف يمكر/ ده انا برضوا.. وبعدين يا هانم انتي فاكره انه مسيو تيام هينسي اللي عملتيه ويسكت كده عادي.
تيام بتذكر/ صحيح فكرتني.
يوسف بحماس/ ايوه كده وريها يلا انا مستني اللحظه دي من زمان.
تيام بسخريه/ متتحمسش اوي كده ده انا كنت عايز اقولها انه انا مسامحها.
روميساء انفجرت في الضحك وتحدثت بشماته/ اللهم لا شماته بس انا شمتانه هههه😂.
يوسف بغيظ/ نينينيه بتضحكي علي ايه يا مجنونه انتي.. وانت يا بيه بتكسفني قدام حبيبه القلب طيب وريني بقي مين هيساعدك بعد كده.
تيام في سرعه/ يعم متبقاش قفوش اوي كده.. ثم نظر ل روميساء بمكر.. وبعدين انا ااه سمحتها لكن عايزها تتوقع مني اي حاجه كده او كده.. طبعا انتي فهماني.
روميساء بلعت ريقها بخوف ثم تحدثت بنظره خوف قائله/ احم انا بقول بقي نروح عشان زمانهم قلقانين اووي.
تيام بسخريه/ يلا يختي قدامي.
ذهبوا ثلاثتهم الي السياره واتجهوا الي الفيلا.
ــــــــــــــــــــــــــــــــــــــــــــ♥
مسااااءااا..
في فيلا المنشاوي...
ريم بقلق/ هتكون راحت فين بس ياربي انا قلقانه اوي.
كيان وهي تربت علي كتفيها/ اهدي يحبيبتي هي اكيد كويسه وزمان تيام ويوسف بيدوروا عليها دلوقتي.
جاسمين وهي تربت علي كتف ريم من الجهه الاخري/ كيان عندها حق يا ريم لازم تهدي وان شاءلله هيلاقوها وهيرجعولنا بالسلامه.
فارس كان يستمع للحديث بصمت ولا يتفوه باي كلمه لانه يعرف مكان روميساء ويعرف ان تيام سيعرف طريقها.
كانوا جالسين في قلق واياد وعمر يعملون اتصالات علي امل انه احد يجدها.
دخلوا كلا من تيام و يوسف و روميساء وهما في ضحك.
فارس بسخريه/ اهو المجانين جم اهم.
ريم ذهبت اليها وتحدثت بحده/ كنتي فين يا هانم انتي كل شويه تقلقيني عليكي كده.
روميساء بخضه/ في ايه بس يا ست الكل ده بدل ما تقوليلي حمدالله على سلامتك ياقلبي او اي حاجه كده.
ريم بغيظ/ تصدقي انك بارده انا غلطانه اني قلقت علي كلبه زايك.
رحلت ريم من امامها ثم تحدثت روميساء بمرح/ طب بقولك ايه يا ست الكل عاملين اكل ايه في الفيلا دي عشان انا جعانه ومكلتش حاجه من الصبح.
تيام بسخريه/وبالنسبه لي التلاته كريب اللي انتي وكلاهم لوحدك واحنا جاين في الطريق ده نسميه ايه.
يوسف بضحك/ ولا اللتر البيبسي اللي شربته لوحدها برضوا.
روميساء بغيظ/ الله اكبر في عنيكم هتجيبوا اجلي يخربيتكم سديتوا نفسي خلاص مش واكله انا طالعه انام.
جميعهم ظلوا يضحكوا علي هؤلاء المجانين.
ــــــــــــــــــــــــــــــــــــــــــــ♥
صباااااحااااا..
في الجامعه..
كان يقف مازن ومعه صديقه بلال وكانوا يتحدثان سويا
بلال بإستغراب/ مش ملاحظ انه البت اللي ضربتك مبقتش تيجي.
مازن بغيظ/ ايه ضربتك دي ما تلم نفسك.
بلال بسخريه/ يعم اسكت ده انا كنت هقولك الكلمه التانيه.
مازن بغيظ/ طب اسكت بقي ولم لسانك شويه.
بلال بسخريه/ شويتين تلاته كمان اصلي سمعت بعيد عنك كده انه الكلام بقي بفلوس اليومين دول.
مازن كان يفكر في تاليا حتي تحدث بلال بضيق/ بص الصراحه مش بعرف اسكت انت عارف كده فخلينا نتكلم في اي حاجه بدل ما اسيبك واروح اشوف السينيوره اللي بقالها ساعه بتغمزلي وانا مطنشها عشانك.
مازن بسخريه/ لا يا واد جدع اوي.
بلال بغرور/ اوماال انت متعرفش ولا ايه.
مازن بتفكير/ انا بردوا مستغرب غيابها ده كله لتكون جرالها حاجه.
بلال بمكر/ انت حبتها ولا ايه يا صحبي.
مازن بارتباك/ بحبها ايه يا متخلف انت.
بلال بمكر/ اومال ايه خايف ليكون جرالها حاجه دي.
مازن بتوهان في الامر/ بتكلم مجازا يااخي الله.. بقولك ايه روح للبت اللي انت مطنشها بقالك ساعه.
بلال بحسره/ لا ما هي مشيت اساسا.
مازن بضحك/ احسن وفرت عليك المشاور.
بلال بضحك/ لا هو اللي يضحك فعلا انها طلعت مش بتغمزلي انااا😂.
مازن انفجر في الضحك.. وظلوا يضحكون بشده.
ــــــــــــــــــــــــــــــــــــــــــــ♥
في شركه ادم...
طرق الباب ودخل وجلس امامه وتحدث بجديه
/ انا عرفت كل حاجه علي البنت اللي انت عايز معلومتها.
ادم بجديه/ طب ومستني ايه ما تقول بسرعه.
معاذ بإبتسامة/ بص يا سيدي ركز معايا.
ادم بنفاذ صبر/ مركز قول وانجز.
معاذ بإبتسامة/.............
ادم بإبتسامة شر/ اوووه دي كده احلوت اوي البنت دي هتفديني كتير ف اللي عايز اعمله.
معاذ بإستغراب/ وايه هو اللي عايز تعمله.
ادم بشر/ استني وهتتفرج.