الفصل الأول1
بقلم رنا تامر
وبعد الانتهاء من الجزء الاول من كيان فارس علي خير قررت اعملكوا جزء تاني والان سوف اعرفكم علي احفاد المنشاوي.
فارس وكيان انجبوا/ تيام.. شخص مغرور و لديه الغضب اكثر من الهدوء ويحب المزاح.. ريما شقيقته الصغري..بنت جميله و رقيقه وتحب المزاح دائما.
عمر و ريم انجبوا/ روميساء.. وهي بنت جميله ذو شعر اصفر وعيون سوداء وبشره بيضاء..مرحه وتحب المزاح وتفعل اشياء مجنونه دائما.
اياد وجاسمين انجبوا/ يوسف.. يبدوا شخصيه جاده لكنه يحب المزاح وهو عصبي قليلا... تاليا شقيقته الصغري.. دائما ما تغضب علي اتفه الاشياء لكنها في الحقيقه تحب المزاح ومرحه وطيبه القلب.
بعد 𝟐𝟓 سنه..
في غرفه شاب ذو جسم رياضي و شعر اسود كثيف وعيونه عسلي فاتح وبشره بيضاء ولحيه صفراء.
كان يغفو بعمق حتي جاءت من تفزعه من غفوته كل يوم.
/ انت كل يوم كده افضل اصحي فيك ومش بتصحي انا لازم اتصرف معاك.
قالتها روميساء بتفكير ومن ثم نظرت له بإبتسامة تدل علي الشر.
قامت بمسك كأس الماء البارد وكبتها عليه.
تيام فاق بخضه/ اددده في ايييه.
روميساء بضحك/ ههههه شكلك مسخره.
تيام بحده وغيظ/ انتي متخلفه يا بت في حد يصحي حد كده لا وكمان مايه بارده يا بارده.
روميساء ببراءه/ انت اللي اجبرتني علي كده.. انت كل يوم بتعذبني في صحيانك وخالتو سابتلي مهمت صحيانك معأنها عارفه اني مجنونه وممكن اعمل اي حاجه عشان تصحي لكنها صممت انه انا اللي اصحيك كل يوم.
تيام بسخريه/ اه يعني ماما هي اللي بقت غلطانه دلوقتي.
روميساء بضحك/ بس متنكرش انه شكلك تحفففه يا تيمو هههههه.
تيام بغيظ شديد/ طب تعالي بقي عشان انتي قرفتيني في عيشتي.
روميساء رأته يقترب عليها فاسرعت بالفرار من الغرفه وهي في ضحك.
تيام نظر لها وهي تهرب وتحدث بضحك/ هههههه مجنونه بس بحبها.
ـــــــــــــــــــــــــــــــــــــ♥
في الاسفل..
نزلت روميساء وجلست علي مائده الافطار بإبتسامة انتصار.
ريما بهمس/ مالك يا مجنونه هببتي ايه.
روميساء بهمس/ متخفيش ملحقش يمسكني.
ريما بهمس/ انتي مش هترتاحي غير لما يمسكك في مره و يخليكي تقولي حقي برقبتي.
روميساء بهمس وغرور/ حبيبتي انا روميساء المنشاوي استحاله حد يعرف يتغلب عليا.
ريما بهمس وسخريه/ ما هو ده اللي بيخوفني عليكي.
فارس بحده/ بترغوا في ايه بقالكوا ساعه.
ريما بارتباك/ لا مفيش يا بابي.
كيان بتساؤل/ امال فين تيام يا روما اوعي تقوليلي انه لسه نايم.
روميساء كانت ستتحدث لكن تيام اوقفها بصوته وكان في قمه شياكته و يتحدث بثقه
/ لا ازاي يا كوكي انتي تعرفي عن ابنك كده.
فارس بغيره/ انا مش قولتلك ميت مره اسمها ماما.
تيام جلس بجانب روميساء وتحدث بضحك/ انت لسه بتغير يا حجوج.
جاسمين بضحك/ ما انت عارف انه ابوك بيغير علي كيانه من الهواء الطاير.
تيام بضحك/ عندك حق يا عمتو.
يوسف بضحك/ ده انا عمري ما انسي في مره جيت اكلم خالتو كيان وخالو اللي رد وبدل ما اقولها يا خالتو قولتلها يا كوكي تخيلوا بقي اول ما سمعت صوت خالو كنت حاسس انه هيجبني من الموبيل.
ظلوا جميعهم يضحكوا بشده وفارس تحدث بنظرات مرعبه/ خلصتوا ولا لسه.
جميعهم صمتوا عندما رأوا غضب فارس.
تيام بجديه/ يلا يا يوسف عشان ورانا ميتنج مهم.
يوسف بجديه/ تمام انا جاي وراك.
تيام و يوسف خرجوا و روميساء تذكرت شئ فاسرعت الي تيام.
ريم بإستغراب/ صحيح فين تاليا مش قاعده معانا يعني.
جاسمين بسخريه/ نايمه لحد دلوقتي اصل اجازتها انهارده من الجامعه.
ريما ل فارس/ اه صحيح يا بابي مش كنت قايلي اني ممكن ابدأ اشتغل في الشركه.
فارس بإبتسامة/ ايوه يا روحي انتي دلوقتي خلصتي جامعتك وتقدري تشتغلي عادي.
______الأمـيࢪه ࢪنـا تــامــࢪ______👑✨
عند تيام..
كان سيرحل هو ويوسف لكن اوقفه صوت روميساء.
تيام بسخريه/ ده انتي جرئيه اوي مش خايفه اعقابك علي اللي عملتيه فوق.
روميساء بجراءه/ لا مش خايفه وانت عارف اني مبخفش.
تيام بإبتسامة ساحره/ و ده اللي حببني فيكي.
روميساء بنظره حب/ بجد.
يوسف بضحك/ احم اسف علي مقاطعه فيلم روميوا و جوليت اللي بيحصل ده بس احنا ورانا ميتنج بعد ربع ساعه.
تيام بضحك/ طيب سلام بقي يا مجنونه.
روميساء بغيظ/ انا مجنونه يا تيام.
تيام بإبتسامة ساحره/ واحلي مجنونه بحياتي.
ركبوا السياره ورحلوا و روميساء ظلت في صدمه الحب الي ان عادت لوعيها وتحدثت بغيظ
/ اووف اديني نسيت اللي كنت جايه اقولهولوا.
عادت الي الفيلا وصعدت الي غرفتها.
ــــــــــــــــــــــــــــــــــــــــ♥
في جنينه الفيلا..
كانوا يجلسوا الثلاثي يتحدثون ويتذكروا ايام الماضي.
اياد بضحك/ و فاكرين ساعت لما كنا هنعمل حادثه.
فارس بضحك/ ايوه احنا ساعتها كنا زي المجانين.
عمر بضحك/ ما هو كل ده عشان بنجري بمراتتنا اللي كل واحده فيهم كانت بتصرخ بأعلي صوت.
اياد بضحك/ وكل واحد بيسوق عربيته ولا كاننا كنا بنعمل سباق.
فارس بضحك/ لا وكلوا كوم وانهم التلاته وهما دخلين اوضه العمليات يقولوا في صوت واحد طلقوناااا ده كوم تاني هههه.
عمر بإبتسامة/ كانت ايام جميله.. مين كان يتوقع انه احنا نكبر بالسرعه دي.
اياد/ والعيال هما اللي كبرونا.
فارس بغرور/ لا اتكلموا علي نفسكوا انا لسه شباب.
ظلوا جميعهم يضحكون..
______الأمـيࢪه ࢪنـا تــامــࢪ______👑✨
عند البنات..
ريم بغيظ/ يعني هما قاعدين لوحديهم وانتم جاين وقرفانه ومش عارفين نقعد لوحدنا زايهم ايه الرزاله دي.
جاسمين بضحك/ يا بنتي انتي مش هتبطلي جنونك ده بقي.
كيان بضحك/ ازاي بقي ده خلت بنتها تورثه منها.
روميساء بضحك/ ااااه قولتيلي بقي يا انطي و انا عمال اقول انا طالعه لمين اتاريني طالعه لست الكل.
ريم وهي تمسك بالوساده وتضرب روميساء/ قصدك اني مجنونه يا بت ولا ايه.
روميساء بضحك وهي تحمي نفسها/ فشررر ده انتي ست العاقلين.
ريم تركتها وتحدثت بسخريه/ ايوه كده اتعدلي.
روميساء بتمثيل الصدمه/ اوحش حاجه في الدنيا انه اقرب الناس ليك يفهموك غلط.
ريما بضحك/ لا متخفيش يختي احنا علي طول بنفهمك صح.
روميساء بضحك/ اوختي اللي فاهماني دايما😂.
جاسمين برجاء/ بقولك ايه يا روما خدي البت دي و روحوا صاحوا المقتوله اللي فوق دي.
ريما و روميساء في صوت واحد وبإبتسامه شر/ حااااضر يا انطي.
ـــــــــــــــــــــــــــــــــــــــــ♥
في غرفه تاليا..
دخلو كلا من ريما و روميساء بتسحب ونظروا اليها كانت في قمه غفوتها.
ريما بتساؤل وهمس/ احم انا مش فاهمه بردوا ايه هي الخطه.
روميساء بإبتسامة شر/.........