رواية النار في بيت ابو صقر الفصل الرابع4بقلم هويدا زغلول
عز
انتي عايزه اي بالظبط
بعدها قربت منه وقالت
عايزاك تخطب وتتجوز وحده تليق بيك يا عز..
عز قام وقف
انتي قصدك ايه بالكلام ده يا صفاء انا مش مرتاحلك من بدري..
صفاء
ليه بس كده يا سي عز ده انت غالي عليا اووي والله..
عز
طيب انتي عايزه ايه يا صفاء انجزي عشان وجودك هنا عندي غلط..
صفاء بتوتر
ما انا قولتلك عايزاك تتجوز وحده تليق بيك، البت هاله اختي واخده ثانويه ونفسها اوي تكمل للكليه بس الظروف بتاعت اهلي ما تسمحش انها تكمل..
عز بضيق
وانتي بقي عايزاني اتجوز هاله اختك عشان تكمل للكليه..
صفاء بسرعه قالت
لا والله العظيم انا مش قصدي كده خالص، انا بس عايزاك تتحوز وحده. متعلمه زيك البنت اللي الحجه نعمه عايزاك تاخدها دي جاهله مش متعلمه..
عز بهدوء
بس مش بالتعليم يا صفاء، العروسه اللي امي جيباها دي انا مش رفضها عشان التعليم لا انا رافضها عشان بحب وحده تانيه وهتجوزها..
صفاء بغيظ
اييه مين دي اللي انت بتحبها بنت مبن في البلد؟..
عز اتنهد بضيق وقال
وحده مش. من. البلد من القاهره انتي ما تعرفيهاش اصلا..
صفاء بسخريه
وانت فاكر بقي ان الحجه نعمه هتخليك تتجوز وحده من بنات بحري اللي لا ليهم ماسك ولا رابط..
عز بعصبيه
دي حاجه بيني انا وامي انتي ما لكيش دعوه واتفضلي يا صفاء اطلعي بره واختك ربنا يرزقها با ابن الحلال..
اتعصبت صفاء وطلعت بره الاوضه ولقيت في وشها نوال وبتبصلها بخبث..
صفاء بتوتر
نن نوال عايزه ايه يا نوال؟..
نوال بخبث
كنتي بتعملي ايه عند عز جوه يا صفاء، مش عيب تدخلي عنده الاوضه كده...
صفاء
انتي ايه اللي بتقوليه ده يا نوال، عز ده اخويا عيب كلامك ده..
نوال بسخريه
معلش فهمتكم غلط يلا بقي تصبحي علي خير، وابقي اقعدي في اوضتك او اوضة بناتك عشان ياسر ما يجيش يزعلك..
صفاء بحده
جرا ايه يا نوال هو انتي اللي لتعمليه مع بدريه وصباح هتطلعيه عليا ولا ايه؟..
نوال
لا بطلعه يا اختي عليكي ولا علي غيرك انا اصلا رايحه انام...
مشيت نوال وراحت اوضتها وكانت صباح شايفه اللي بيحصل، وبعد شويه الكل رجع من العزا..
حسين
انا هروح اشوف الولاد عشان بدريه بايته عند حماتي..
نعمه
طيب وابعت مرتك يا يوسف تيجي تطلعلي غيار قبل وتشيل الهدوم دي..
ياسر
ابعتلك صفاء طيب يا امي عشان هي الكبيره بعد بدريه وما تاخدش علي خاطرها..
نعمه بحده
هي جايه تصنع الطياره، وانت خايف تنكد عليك ولا ايه؟..
ياسر بضيق
لا ما اقصدش يا امي تصبحي علي خير..
دخلت نعمه اوضتها وبعد شويه جات وراها صباح وكانت متوتره وقالت..
صباح
تحت امرك يا حجه نعمه؟..
نعمه
تعالي يا بت قلعيني الجزمه وطلعيلي هدوم من الدولاب يلاا..
صباح
حاضر يا حجه من عينيا..
جات صباح تنزل علي الارض عشان تقلعها الجزمه بس قالتلها نعمه...
نعمه
تعالي يا بت يا صباح اقعدي جنبي..
قعدت صباح جنبيها وقالت
نعم يا حجه خير في ايه؟..
نعمه
في وحده من البنات زعلتك في حاجه قولي يلاا..
صباح
لا ابدا ما فيش حاجه والله بس انا تعبانه شويه..
نعمه
تعبانه من ايه، لتكوني حامل يا بت فرحيني وقولي ايوه..
صباح بقلق قالت
لا لا يا حجه لسه ما حثلش نصيب بس اا..
سكتت صباح ونعمه قالت بجمود
في ايه يا بت انتي ومش هكرر سؤالي تاني، انطقي حصل ايه واياكي تكدبي عليا عشان انا اللي مربياكي ولو كدبتي عليا انا هعرف..
صباح بدموع
يا حجه انا بدري قالتلي اللي اسمه كاني ما سمعتوش وماليش دعوه بحد وابقي في حالي وانا مش عابزه اتكلم واجيب مشاكل لنفسي..
نعمه طبطبت عليها
جدعه يا صباح بس اللي تسمعيه تقوليه ليا انا وخصوصا لو كانت حاجه تخص البيت ومصلحته..
صباح
هقولك يا حجه بس والله العظيم ورحمة ابويا وامي ما بكدب في حاحه ولا بالف انا هقولك اللي شوفته بالظبط..
نعمه
اتكلمي با بتي انا عارفاكي كويس من غير ما تحلفي...
وقالت ليها صباح علي الكلام اللي سمعته من نوال وصفاء اللي كانت طالعه من اوضة عز، وسكتت نعمه...
صباح
يمكن كانت عايزاه في حاجه كده ولا كده، ونوال هي اللي كبرت الموضوع..
نعمه
روحي اوضتك يا صباح واياكي تنطقي بكلمه من اللي قولتيه ده قدام حد والا هيكون اخر يوم ليكي في الدنيا كلها مش في البيت ده بس..
صباح بخوف
حح حاضر بس اطلعلك الهدوم وامشي وبعدين ااا..
زعقت فيها
اسمعي الكلام بقي مش ناقصه كلام انا دلوقتي يلاا..
_وتاني يوم الصبح كانت نعمه قاعده في المندره ونزل حسين ومعاه اولاده اللي كان عمره 12-13 سنه، وقرب منها وقال..
حسين
صباح الخير يا امي، هستاذنك اروح اودي الولاد عند بدريه واروح بعد كده الشغل..
ما ردتش عليه نعمه وهو مسك ايدها وقال
امي انتي معايا ولا فينك؟..
نعمه
خير يا ولدي في حاجه ولا ايه؟..
حسين
في ايه يا امي ده انا بقالي شويه بكلمك وانتي مش هنا خالص..
نعمه
في ايه يا حسين اتكلم؟..
حسين
انا رايح اودي الولاد الاول عند بدريه قبل ما اروح الشغل و..
نعمه
طيب روح وقولها ترجع النهارده بالليل بيتها محتاجها..
حسين
حاضر يا حجه اللي تؤمري بيه بعد اذنك..
مشي حسين وبعد شويه نزل عز وقال لامه وهي ماسك شنطته في ايده..
عز
كويس انك هنا يا ماما انا كنت جايلك دلوقتي..
نعمه
واخد الشنطه دي ورايح فين؟..
عز بضيق
رايح القاهره عندي شغل مهم ولازم اكون موجود في الشركه..
نعمه
رايح للشغل ولا رايح للبت اللي ماشي معاها يا بيه يا محترم..
عز اتنهد وقال
الاتنين ما انا مش هسيبها يا امي؟..
نعمه
موافقه اخليك تتجوزها بس تجيبها هنا هي واهلها واشوفهم الاول...
عز فرح وقال
بجد يا امي انتي موافقه، والله العظيم انتي هتشوفيها هتحبيها اووي..
نعمه بجمود
صفاء كانت عايزه منك ايه لما جاتلك اوضتك بالليل يا عز؟..
اتوتر عز وقالها
هاا وانتي عرفتي منين بحاجه زي دي؟..
نعمه
يعني صح كان نفسي تكدب كلامي، انطق البنت دي عايزه كانت جيالك عايزه منك ايه؟..
عز
ما تفهميش غلط يا ماما صفاء كانت عايزاني اتجوز اختها هاله واخليها تكمل كليه وكده بس انا قولتلها اني عايز اتجوز هنا وبحبها..
اتنهدت نعمه بصيق وقالت
طيب روح شوف طريقك وبعد يومين تكون عندب انت واللي بتقول عليها هنا دي ومعاها ابوها وامها..
عز بحماس
من عينيا يا اعظم ام في الدنيا، يلا باي باي..
نعمه
وبعدين معاك اعدل لسانك وتقول السلام عليكم تحية الاسلام يا اللي عشتلي يومين في بلاد الخوجات نسيت اصلك..
ضحك عز وقال
ههههه حاصر يا يت الكل السلام عليكم..
ومشي عز وراحت نعمه اوضة صفاء وكان ياسر لسه طالع..
نعمه
لسه طالع دلوقتي مش كفايه كسل وتروح لاخوك وتمسك الشغل معاه من بدري..
ياسر
والله مش هتتكرر تاني رايح اهوو..
مشي ياسر ودخلت نعمه عند صفاء اللي كانت رايحه تطلع وقالتلها..
نعمه
استني عندك ادخلي جوه يلاا..
صفاء بقلق
خير يا حجه نعمه انا كنت طالعه اجهز الفطار مع البنات وابعت الافطار لياسر وسي حسين علي شغلهم...
نعمه
حلوه اختك هاله يا صفاء تليق تبقي عروسه لعز..
فرحت صفاء وقالت
بجد يا حجه ده يوم الهنا لما تختاري هاله اختي لسي عز..
نعمه
لسه برضو عايزااه ياخد اختك حتي بعد ما قالك انه بيحب وحده تانيه وهيتجوزها..
خافت صفاء وقالت ببكاء
انا اسفه يا حجه ابوس ايدك سامحيني والله ما هعمل كده تاني..
نعمه ببرود.
البت اللي كنت عايزه اخدها لعز انا اديت كلمه لابوها، بنت صغيره وحلوه وانا مش هليزه اطلع قليله قدامهم ولا ارجع في كلامي ولازم اخليها تيجي البيت ده زي ما وعدت الحج ابراهيم ابوها..
صفاء بخوف
اللي تشوفيه يا حجه انا موافقه بيه وكلنا هنا تحت امرك..
نعمه بخبث
بس هي مش هتيجي هنا مرت عز لاا هجيبها هنا عروسة ياسر عشان تجيب ليه الواد يا ام البنات..
صفاء اتصدمت وقالت
ايييه انتي بتقولي ايه يا حجه نعمه، والله انا اسفه والله ما هعمل حاجه تاني من وراكي بس بلاش تخلي ياسر يتجوز عليا والنبي..
نعمه بحده
هيتجوز انا صبىت عليكي كتير، ولو بوزك اتفتح ولا عملتي حاجه تزعلني هتطلقي ومش هتشوفي بناتك تاني..
صفاء ببكاء
حرام عليكي يا حجه هتجيبيلي دره وهتحيبي لبنات ولدك مرت اب ليه كده، انا وغلاوة بناتي مش هتدخل في حاجه تاني وهعيش هنا في حالي..
نعمه بسخريه
لا ما انتي هتعملي كده برضو، وابقي بعد. كده ما فيش هدوم هتتاخد من هنا وتروح لاهلك من عير معرفتي والدهب اللي شيلاه عند. امك يرجع..
صفاء بخوف
حح حاضر يا حجه اللي تؤمري بيه والله العظيم..
طلعت نعمه من عندها وصفاء راحت لنوال المطبخ وقالتلها بعصبيه..
صفاء
انتي تعملي فيا كده، خربتيلي بيتي يا نوال...
نوال
وانا عملتلك ايه علي الصبح يا صفاء ولا انتي جايه ترمي بلاكي عليا وخلاص..
صفاء بعصبيه
اطلعي براهم يا بت انتي انا عارفه كويس ان الحركه دي ما تطلعش غير منك، ما حدش غيرك راح قال للحجه اني كنت في اوضة عز باللليل..
نوال
والله العظيم ما جيبت سيره لحد والله، وانتي عارفه كده كويس..
صفاء
ما حدش شافني غيرك واقسم بالله لا تتردلك، علي الاقل انا مش هيقدرو يطلقوني عشان معايا تلات بنات من صلبهم، انما انتي ارض فاضيه..
نوال بدموع
طيب فكري كده تعمليلي حاجه يا صفاء والله اخليكي انتي وبناتك تترمو في الشارع..
جات صباح وقالت
الحجه بتقولكم وطو صوتكم عشان لو جات مش هيحصل كويس..
_سكتو كلهم وتاني يوم صحيو كلهم لما سمعو صوت بدريه بتزغرت بره ولما طلعو كانت الدايه طالعه من عند صباح..
نوال بقلق
خير يا جماعه بتزغىتو ليه؟..
يوسف وهو فرحان
عقبالك كده يا نوال صباح حامل جديد..
نوال بغيظ
بجد طيب مبروك..
صفاء بصت ليها بشماته وقالت
الف مبروك يا يوسف انا هدخل ابارك لصباح بنفسي..
محمد
مبروك يا يوسف ربنا يقومهالك بالف سلامه..
نعمه بحزن
رايح فين يا محمد من وش الصبح كده..
محمد
عادي يا امي طالع اتمشي بره شويه..
نعمه
تعالي معايا عايزاك في كلمتين..
دخل محمد مع نعمه جوه، ونوال مسحت دموعها وقالت..
نوال بحقد
البت صباح لازم ما تخلفش، لو جابت الولد هي كمان انا مش هيكون ليا مكان وسطيهم..
وفي اوصة نعمه قالت لمحمد
انا عارفه كويس انك مدايق عشان مرت اخوك حامل..
محمد بحزن
لا يا امي المشكله مش في مرت اخويا حامل ده انا افرحله، بس ده حالي في كل مره اسمع ان حد بقي اب في البلد ونا اللي متجوز من سبع سنين لسه زي ما انا لا عيل ولا غيره..
نعمه
طيب ما تسمع كلامي واجوزك واجيبلك اللي تجيبلك الولد، اصلا نوال دي لا شبهنا ولا تنفع تبقي ام اصلا..
محمد
عايزاني ارجعها عند مرات ابوها، لا يا امي انتي لو تعرفي اللي حكتهولي علي مرات ابوها هتقوليلي اوعي تطلقها..
نعمه
راجل يا محمد، بس عقلها وقولها تبتد عن صباح وبلاش غيرة حريم..
محمد
حاضر با امي بعد اذنك..
وتةني بوم كانت نعمه وحسين واقفين قدام البيت مستنين عز اللي جاي مع اهل هنا، واول نا نزلت هنا من العربيه وهي لابسه فستان قصير ويشعرها نعمه قالت..
نعمه بعصبيه
يا نهارك مش فايت يا يوسف عايز يتجوز رقاصه..