رواية احلام والاقدار الفصل السادس6بقلم هبه احمد
الحاج مصطفى / لية يابنى هو انت مشبعتشت غربة
محمد / خلاص انا اتعودت على كده وعلشان مستقبلى أهو آقدر اعمل مشروع أنا و حازم
الحاج مصطفى / لو على الفلوس موجودة اعمل اى مشروع مهما يتكلف انا تحت أمرك
محمد / لسه فاكر دلوقت بعد ما اتغربت ونمت ليالى طويلة من غير عشا
ماما سميحة / انت نسيت نفسك ياولد اتكلم مع أبوك باسلوب كويس والا اقسم بالله مالك عندي غير
الحاج مصطفى قال سبيه ياحاجة وقام دخل اوضتة
حازم / اية اللى انت هببتة ده
محمد / انا قولت حاجه غير انى عوز أسافر تاني
احلام / بس بابا محتاج ليك وبعدين هو قال ايه لردك الناشف ده قول انت عوز كام لأى مشروع انت عوزة واحنا نوفر ليك المبلغ
محمد / اشمعنى دلوقت بتقولوا كده
حازم / انا هافهمك تعالى معايا واخد أخوة وطلع شقة محمد وحكى له ما حدث
محمد / انا كنت حاسس بكده كنت باسمع بابا وماما بيتكلموا بعد ماننام بس مكنتش مستوعب
حازم / أنزل صالح بابا واعتذرله
محمد / حاضر
حازم / خلى بالك أن نظرتنا لاحلام زى ما هية
محمد / دى اختى وعمرى مقدر استغنى عنها هانزل اصالح بابا و ماما
حازم / وانا هاقعد مع البنات شويه
نروح لمحافظة اسيوط
============
مرسى اللي تبع أحمد المحامى
مرسى /بيسأل واحد قاعد على القهوة وأنت منين من اسيوط ياولد العم
الرجل الصعيدى( اسمة عبد الباسط) انا من قرية (.......)
مرسى / متعرفش قرية (....)
عبد الباسط دى قرية جنبينا
مرسى /تعرف حد فيها
( عبد الباسط ) / ايوة اعرف دحتى بنت عمى متزوجة فيها
فجاه جة واحد وقعد على القهوة
عبد الباسط / شوفت الراجل اللى لسه قاعد فى اخر كرسى هناك
مرسى / ايوة ماله
عبد الباسط / اهو ده من النجع اللى بتسأل عليه
مرسى /طيب المشروب على حسابى
عبد الباسط / لا يمكن انت ضيفنا
مرسى / لا والله انا اللى هادفع
عبد الباسط / تشكر يا ولد العم ومشى
مرسى / السلام عليكم
مسعد / وعليكم السلام اتقضل تشرب ايه
مرسى / هاخد شاى
مسعد / شاى ياصبرى وغيرلى الشيشة دى
صبرى (صبى القهوة ) حاضر ياسى مسعد جاى اهو
مرسى / انا اخوك مرسى سيد العوضى
مسعد / انا مسعد سعد نور
مرسى / هو انت من قرية (.......)
مسعد / ايوة انا من القرية المخروبة دى قرية مطوحة وفقرية و واكلة ناسها
مرسى / لية بتقول كده
مسعد /كل ولد بيشب بيسيب أهلة والأرض ويجرى على برا البلد او الاسكندرية ومصر يشتغلوا اى حاجة
مرسى / صدقت هو ده حال اغلب الناس هنا بقولك
مسعد / اتفضل تحت امرك
مرسى / ابوية كان بيحكى ليه عن واحد كان صاحبة اوى كانوا زى الاخوات زمان واتفرقوا اسمة مصطفى نور الدين محمود صالح من القرية دى هو تعبان وطالب يشوفة وانا بدور عليه
مسعد / منتهالى انا سمعت الاسم ده قبل اكده بقولك هاسأل ابوى هو رجل كبير اكيد يعرفة
مرسى/ ياريت الا ابوية عوز يشوفة قبل مايموت
مسعد / محلولة بكرة هنا فى نفس المعياد هاجى واجيب ليك المفيد
مرسى / تماما ياولد العم
مسعد / ياواد ياصبرى الحساب
صبرى / ايوة جاي ياسى مسعد
مرسى / والله ما يحصل الحساب عندى
مسعد / دانت ضيفنا ياخوى
مرسى/ المرة الجاية هاتصل اطمن ايوية لانة قلقان
مسعد / سلام و انا ورايا مشوار
مرسى / مع السلامة ومسكة هاتفة وطلب عدة ارقام وعندما جائة الرد قال
مرسى / السلام عليكم استاذ احمد
احمدالمحامى ( بتاع صفوت) وعليكم السلام وصلت لحاجة
مرسى / ايوة اتعرفت على واحد اسمة مسعد من القرية بتاعة مصطفى نور الدين وقاللى هيسأل ايوة ويرد علية بكرة
احمد/ ماشى خلص وارجع على طول متكترش فى الكلام معاه خد المعلومة وحمامة على هنا
مرسى / حاضر يا استاذ
مسعد رجع البيت لقى ابوه قاعد
مسعد / مساء الخير يابوى
سعد / يسعد مساك ياولدى خلصت مشوارك
مسعد /لا انا مرحتش اصلا
سعد/ لية ياولدى
سعد/ انا شوفت واحد على قهوة الحاج حسنين اللى بنقعد عليها وجه سألنى على حاجة غريبة
سعد / على اية يا ولدى
مسعد/ على عمى مصطفى يابوى
سعد الكوب وقع من أيده وقال ياخوفى للماضى يتفتح ياولدى
مسعد /انا قولتله انى هاقابلة بكرة
سعد/ سابنى دلوقت ياولادى عوز ابقى لوحدى مصدع شوية تصبح على خير ياولدى
مسعد / تلقى الخير يابوى
نرجع الاسكندرية
~~~~~~~~~~
الكل مجتمع فى الصالون
احلام /بابا ماما محتاجة دعواتكم اوى بجد انا خايفة
محمد/ متخفيش دانت موسى مذاكرة
حازم / بلاش قر ياض دى اختك برضة
الحاج مصطفى/ ربنا ينجحك يابنتى ويحفظك
ماما سميحة/ ربنا يوقفلك ولاد الحلال وينجحك يابنتى
احلام /قعدت تبكى وقالت يارب ياماما
الحاج مصطفى/ محمد البس وخد احلام واخرج اتمشوا شوية
حازم / هاجى معاكم يلا يا اية نخرج غلاسة معاهم على حساب محمد
سميرة / وانا كمان بالله عليكم
الحاج مصطفى/ اخرجوا بس بلاش تأخير
احلام / متاجى معانا انت وماما
الحاج مصطفى/ لا سبولولى الحاجة وراحوا انبسطوا
احلام / ربنا يخليك لينا يابابا
الحاج مصطفى / ويصلح حالك يابنتى
اية / انا لبست يلا ياسمسم
سميرة / وانا خلاص يلا يا احلام
احلام يلا فين محمد وحازم.
اية /فوق بيلبسوا
حازم / يلا يابنات هنروح فين
سميرة/ نروح نتمشى على البحر
اية / نروح المنشية
احلام / نروح المنشية علشان نشترى شوية حاجات ايه رأيكم
محمد / موافق يلا عوز اجيب شوية حاجات من هناك
احلام / وانا هاجيب طقم لحازومة ولاية وللبت اللميضة سمسم وليك ولبابا وماما
حازم / انا عندى كتير ياحبيبتى
محمد/ انا اللى هادفع
احلام / لا انا اللى هادفع دحلاوة مناقشة الرسالة بتاعتى
سميرة / انا عوزة جزمة شيك وشنطة غير الطقم مليش دعوة
احلام / طول عمرك بتستغلى المواقف. افكر ههههه
سميرة / مليش دعوة هاصرخ واقول انتم خطفينى هههههه
احلام / خلاص حاضر يابطة
محمد تعالوا نتفرج هنا
. نسيبهم ونروح لصفوت
صفوت / الو يااحمد عملت ايه
احمد المحامى / بكرة هيجيب كل الاخبار و بكرة مناقشة الرسالة بتاعة احلام وانا كلمت صاحبى هتروح معاه
صفوت / تمام تشكر اخلع على خفيف و تاجى تخدنى بكرة العربية فى التوكيل
احمد/ / ليه عملت حادثة ولا
صفوت / سرحت وانا سايق خبط فى عمود وربنا ستر الحمد لله
احمد/ الحب بهدلة يامعلم هههه
صفوت / امشى ياواطى اقفل بئا
احمد/ طب متزقش ههههههه
شريف كان واقف فقال /فى ايه ياصفوت فهمنى
صفوت /مفيش يابنى مالك انا كويس اهو
شريف/ مش باين دانت حالك اتغير خالص
صفوت / متخدش فى بالك
شريف / هو انت هتحضر مناقشة الماجستسر بتاعة احلام
صفوت / ايوة عندك مانع
شريف/ خلى بالك جميلة الموظفة عندنا فى الحسابات هتكون هناك
صفوت / بص فى الارض وقال نفسى اشاركها المناسبة دى امشى وسبنى لوحدى
شريف / طيب ماتروح تتقدم ليها وتتزوجها
صفوت / لا دى زمانها بتحتقرنى وبالاكتر لما بقت مليونيرة
شريف /مليونيرة ازاى فهمنى
صفوت حكى لشريف كل حاجة
شريف / يانهار احوس حرام عليك كدة ممكن تأزى البنت الغلبانة انت مجنون كنت قولليه وانا كنت عرفت عنها كل حاجة عن طريق اللواء فهمى خال سها مرأتى مش تفضح الدنيا كده
صفوت/ اهو اللى حصل اصلى انا اتجننت لما عرفت اختلاف اسمها مع اسم اخوها الصغير
شريف / ربنا يستر دول صعايدة ياعمنا
نروح المنشية
~~~~~~
سميرة/ انا تعبت ومش عارفة اشيل يلا نروح
محمد /تعالوا تاكل ايس كريم وناخد تاكسى ونروح
احلام / ومين اللى هيدفع تمن الايس كريم
حازم / انا طبعآ
احلام / لا محمد هو اللى يدفع دة معاه فلوس اد كده على قلبه ههههه
محمد / ده حسد بقى ههههه
احلام/ لا ده. قر هههههه
محمد / امشى يابت هههههه عيونى ليكم
احلام /ربنا لا يحرمنى منكم يارب
اكلوا الايس كريم وروحوا لقوا ماما وبابا نايمين هم كمان ناموا
صباح يوم جديد
~~~~~~~~~
احلام / ماما صحى بابا الفطار جاهز
ماما سميحة / صباح الخير ياحبيبتى كنت اقعدى راجعى وانا كنت حضرت الفطار
احلام/ الحمد لله انا مذاكرة و كله تمام
ماما سميحة/ رنى الجرس على محمد وحازم والبسى وانا هاصحى بابا
احلام / حاضر وهاصحى البنات
محمد /صباح الفل
حازم / محمد ايه رايك نخلى عمى صابر ويوصلنا علشان بهدلة الموصلات
محمد/ ياريت والله وخلى احلام تتصل بجميلة تاجى معانا
حازم / تمام هانزل اشوفة ماما عوزة حاجة من تحت
ماما سميحة/هات عيش وربع شاى
حازم /حاضر
احلام / خد يابابا يارب يعجبك وانتى ياماما دول ليكى
ماما سميحة/ تسلمى منحرمش منك حبيبتى
الحاج مصطفى/ ايه دكله انا عندى كتير
احلام / متكسفنيش بئا
الحاج مصطفى / هدية مقبولة يابنتى
محمد / يلا عمى صابر تحت هيوصلنا ويجيبنا
اية/ يلا ياسمسم اتأخرنا
احلام / مصممة متجيش ياماما
ماما سميحة / انا هاصلى وادعليك ياحبيبتى
احلام / منحرمش منك يارب
نسيبهم على ما يوصلوا نكون رحنا الصعيد سعد راح للحاج متولى خال مصطفى وحكى له كلام مسعد
الحاج متولى / ده معناه ان ولد مصطفى اخوك لسة عايش وعوز ياخد بتار ابوه
سعد/ انا مليش دعوة انا كنت صغير انت اللى ضغطت عليه وشوف انت هتعمل ايه
الحاج متولى /خلى مسعد يجيب الرجل هنا وانا هاتصرف
سعد / بشرط بلاش دم كفاية اللى حصل
الحاج متولى / هاتلى الرجل من غير شروط
سعد / حاضر لما نشوف
نرجع لكلية الهندسة جامعة الاسكندرية
ناقشت احلام الرسالة وكانت بتتحدث بثقة وترد بثبات. وفى النهاية سمعت. قررنا نحن الدكاترة ................................ منح الطالبة احلام مصطفى نور الدين محمود صالح الماجستير بدرجة امتياز مع مرتبة الشرف وقررنا تعين الطالبة استاذ مساعد فى الكلية نظرا لتميز رسالتها
القاعة عجت بالتصفيق والتهليل
الكل بارك لاحلام ومنهم الدكتور محمد المشرف على الرسالة
احلام / مالت على وجميلة وقالت. بت ياجميلة انا شوفت البشمهندس صفوت موجود فى القاعدة هو كان هنا صح ولا انا بيتهيالى
جميلة /هو فعلا كان موجود ومنزلش عينه من عليكى وهو لسه ماشى اهو
احلام / غريبة وده اية اللى عرفه بميعاد مناقشة الرسالة وجاى اصلا ليه
جميلة /بجد معرفش انا اخدت اجازة وماقولتش لحد والله غير ماما وبابا
احلام / عادى يابنتى يلا نمشى