رواية اميرة الجيل الفصل الاول1بقلم نشوه عادل
-اسف يا عز بيه احنا والله عملنا كل اللى نقدر عليه لكن مش قادرين مشخص المرض اللى عند انسة رزان والموضوع حاليا بايد الله
عز بغضب : يعنى ايه امال انتم دكاترة ازاى مش دوركم انكم تعرفوا التعب اللى عند بنتى وتعالجوها امال انا بدفع فلوس هنا ليه
الطبيب: يا عز بيه مفيش داعى للشوشرة دى كلها احنا بنعمل اللى علينا والشفاء ده بايد ربنا
عز: طيب خلصلى كل الإجراءات المطلوبة واسفرها برة
الطبيب: صدقنى لو كان سفرها هيكون بمصلحتها كنت انا بنفسى طلبت منك تسفرها لكن اللى بنعمله هنا برة مش هيعمله نصه حتى دعواتك ليها عن اذنك
جلس عز على اقرب مقعد له وهو يدفن رأسه بين يديه معلناً استسلامه التام وهو يقول بضعف : يارب
اقتربت منه زوجته ولاء وهى تقول بحزن : عز بنتى هتروح منى ابوس ايدك اعمل اى حاجة
عز: طب اعمل ايه اكتر من اللى عملته اكبر دكاترة واكبر المستشفيات حتى الشيوخ لجأت ليهم ومحدش عنده علاج قوليلى بايدى اعمل ايه وانا هعمله
اطلقت ولاء العنان لدموعها لتنهمر على وجناتيها اكثر وهى تقول: يارب اشفيها وعافيها يارب نجيها لشبابها
تمر الايام سريعاً ولا جديد يذكر فى حالة رزان فهى جثة مؤقتة تعيش على الاجهزة ليس الا حتى جاء يوم وفتحت عيناها وهى تنظر حولها
رزان: ماما انتى قاعدة كده ليه؟
ولاء بفرحة وهى غير مصدقة: رزان حبيبتى يا بنتى انتى فوقتى انتى كويسه صح فيه حاجة تعباكى
رزان بدهشة: لا ابدا انا بخير مفيش اى حاجة بس احنا ليه فى المستشفى
ولاء : هفهمك كل حاجة بس اتصل ع ابوكى يجى واجيب الدكتور يشوفك الاول
بالفعل هرولت ولاء حيث يوجد الطبيب لتخبره ان ابنتها استفاقت كما اجرت اتصال بزوجها تخبره ان يأتى سريعاً ليرى فلذة قلبه قد عادت من جديد ...فحصها الطبيب بعناية وقال: الحمدلله الانسة رزان زى الفل وتقدر تخرج معاكم كمان
انهى عز الاجراءات واخذها للمنزل برفقة امها واختها الصغيرة روان ومربياتها منذ صغرها وتدعى اشجان وما ان دخلت للمنزل
روان: حمدالله ع سلامتك يا رزان البيت نور بوجودك يا حبيبى
رزان: الله يسلمك يا صغننة بس بجد انا عاوزة افهم ايه اللى حصل وليه روحت المستشفى؟!
اخبرها والديها عن انها كانت بغيبوبة طويلة ليس لها سبب فقالت: غريبة دى
ولاء: بس بقا صلوا ع النبى وغيروا السيرة المهم انك رجعتى بالسلامة
رزان: الحمدلله بس انا جعانة اوى يا ماما
ولاء: يا نن عيون ماما حالا هحضر العشا يا ست البنات على ما تاخدى شاور وتغيرى هدومك
دخلت ولاء الى المطبخ برفقة اشجان واعدوا الطعام للجميع ووضعوه على طاولة الطعام واخبروا الجميع ان يحضروا لتناول العشاء وفى اثناء الجلوس لاحظوا شيئاً غريباً فقد انهت رزان كل الطعام الموجود على الطاولة وحدها نظر الجميع الى بعضهم باستغراب
رزان: خير يا جماعة بتبصولى كده ليه؟
ولاء: مفيش يا حبيبتى اصلك اكلتى كل الاكل لوحدك ما شاء الله وده مش عادتك انتى حتى مسبتيش حاجة لينا
رزان بانتباه: انا اسفة جدا والله مقصدش انا بس كنت جعانة اوى اوى وبصراحة لسه جعانة برضه مشبعتش
نظر الجميع لبعضهم فى دهشة ...عز: مش مهم يا حبيبتى بالهنا والشفا اطلبلك دليفرى؟
رزان: ياريت
عز: حاضر يا حبيبتى
غادرت رزان الى غرفتها وبدأ الجميع يتهامس فيما بينهم وقد اثار هذا الشئ دهشة اشجان بالاخص فدخلت الى المطبخ وحرصت على ان لا يراها احد اخرجت من الثلاجة زجاجة بها سائل لونه احمر قاتم ووضعته بكوب وذهبت الى غرفة رزان واستأذنت بالدخول
رزان: تعالى يا دادة
اشجان: اتفضلى يا حبيبتى اشربى العصير ده
اخذته رزان وتناولته بشهية كبيرة وقالت : الله العصير ده حلو اوى بس غريبة ليه لما شربته حسيت بالشبع
لحظات وبدأت ملامح رزان تتغير شيئا فشيئاً بهت لونها وتحولت عيناها للون الاحمر ويكسوها من الخارج اللون الاسود وانيابها اصبحت اطول لتصيح اشجان بصدمة : رزان انتى .....انتى مصاصة دماء ووووووووو............