رواية اميرة الجيل الفصل الثاني2بقلم نشوه عادل
- رزان انتى....انتى مصاصة دماء مش بنى ادمة عادية
رزان بضحك: دمك خفيف اوى يا دادة انتى بتتفرجى ع افلام كتير اثرت عليكى ولا ايه 😂😂
امسكت بيدها اشجان واتجهت بها الى المرآة لتجعلها ترى انعكاسها وقالت: بصى ع شكل عيونك انيابك بشرتك اللى لونها باهت الاكل اللى يكفى ٦ افراد واكلتيه لوحدك ومشبعتيش لكن لما شربتى الدم شبعتى مرضك اللى ملوش اى تفسير وفوقتك اللى برضه ملهاش تفسير
رزان بدموع: دم...هو اللى انا شربته ده كان دم طب ازاى مستحيل اصدق اللى قولتيه انتى كذابة
اشجان: للاسف هى دى الحقيقة اللى لازم تقبليها يا بنتى
رزان : لا لا اكيد دى مش حقيقة ده كابوس ايوة كابوس او انتى بتهزرى معايا صح قولى انك بتهزرى
اشجان: لا كابوس ولا هزار دى الحقيقة انا هسيبك شويه مع نفسك يمكن تهدى
خرجت اشجان ونظرت رزان لانعكاسها وهى غير مصدقة ما يحدث لها وفجأة انفتح بالحائط سرداب وخرج منه اسراب من الخفافيش السوداء والذين احاطوا برزان
احدهم: ايه ده مصاصة دماء جديدة
الاخر: اهلا بيكى فى عالمنا تعالى معانا انتى مكانك مش هنا
رزان: اجى معاكم فين انتم مين ودخلتم ازاى وعايزين منى ايه وازاى بتتكلموا حد يفهمنى؟
الخفاش: اهدى وهتعرفى اجابة كل الاسئلة لما تيجى معانا لكن صدقينى لو فضلتى هنا هتموتى
بكت رزان كثيرا فهى لا تعلم مصيرها المجهول ولكن حبها للفضول اخذها الى الذهاب معهم فهى بالرغم من قلقها الا انها لم تكن خائفة وقبل الذهاب استدارت تنظر الى غرفتها وبيتها لعلها تكون النظرة الاخيرة دخلت الى السرداب حيث الظلام والنور الخافت وبمجرد دخولها مع الخفافيش اختفى السرداب وبعد وقت ليس بالقليل من المشى وجدت نفسها فى غابة كثيفة الاشجار وفروعها الكثيفة تمنع اشعة الشمس من الوصول لارضها ...كان المكان هادئ بشكل مخيف نظرت لاحد الخفافيش
رزان: ادينى جيت معاكم ممكن بقا اعرف اجابة اسئلتى؟
الخفاش: انتى سريعة اوى كده ليه اهدى فيه شوية حاجات لازم تتعلميها الاول وبعدها هناخدك تقابلى ملكنا
رزان: حاجات ايه دى اللى لازم اتعلمها !
وفجأة بدأت الخفافيش تتشكل بشكل بشر باهتة الوانها تشبه رزان باختلاف الملامح احدهم: اعرفك انا يورى وده اسير ودى روفان ودى كتاليا وكلنا مصاصين دماء زيك ودلوقتى لازم نعلمك القواعد اللى بيها هتمشى بقيت حياتك
بدأ يورى يفهم رزان القواعد واللى فهمت من خلالها ان طبيعتهم تغلب عليها الشر والاذى
رزان: ولو موافقتش اعمل كده؟
يورى: انتى اللى هتموتى ودلوقتى تعالى معانا عشان هتقابلى الملك
وفى اثناء ذهابهم للقصر وجدوا غزال ابيض جميل يجلس ع الارض نظرت كتاليا لرزان: حلو دى فرصتك الاولى جاتلك روحى للغزال ده ومصى دمه
رزان نظرت اليهم بتوجس ثم توجهت الى الغزال ووجدته جريح فقالت بحزن: يا مسكين انت مريض ومجروح ازاى فى قسوة كده
وضعت يدها ع الجرح وفجأة خرج من يدها نور قوى وعند ملامسته لجرح الغزال اختفى ووقف الغزال على رجليه وكأنه لم يكن جريح منذ قليل صدم الجميع بما فيهم رزان وفجأة تحول الغزال الى شخص وسيم وقال: انتى طيبة مش طبيعتك شرسة زى باقى المصاصين
رزان باستغراب: انت مين ؟
الشخص: اسمى أهيل وانا مستذئب فى النهار اقدر اخد اى صورة انا عاوزها لكن بليل بكون ذئب
رزان: وايه اللبس اللى انت لابسه ده
أهيل: انا امير المملكة وابن الملك هوشيام اللى المفروض هتقابليه دلوقتى
دخلت رزان مع أهيل للملك اللى اول ما شاف رزان قال : مش ممكن الاميرة؟! الاميرة وصلت وووووو............