رواية محبوبة الفارس الفصل الحادي عشر11والثاني عشر12بقلم اميمه شوقي عوض
لا تبتعدى عنى يا فتاه فقلبى أصبح معلق بک 💛
*****************
كانت تنظر إليه بصدمة ثم قالت بتوتر: ايه عرفت منين
فارس بسخريه : دا اللى فارق معاكى عرفت منين
تحاول الهرب بعينيها منه وهى تفرك فى يديها بتوتر وتجيب بتعلثم: انا بس ...كنت
فارس بعتاب : كنت مستنى تحكيلى ،اسبوع سايبك تعرفى غلطك وتيجى تقوليلى وتحكيلى اللى حصل
بس انتٍ عملتى ايه ،ولا حاجه
كل شويه اسفه اسفه وخلاص ولما زعقتلك لما دخلتى المكتب رايحه بسرعه تسيبى القصر وتمشى
دا تصرف ناس كبيره وعاقله !!!!!!
ردى ساكته ليه
انتٍ لو مش واثقه انى اقدر احميكى مكنتيش اتصرفتى من دماغك وعرضتى حياتك للخطر
منى بخوف : فيه حد بعتلى ان لو مروحتش لطنط صفاء المستشفى هيقتلها ،فأنا خوفت وجريت اروح لها ولما روحت فيه حد كان هيخدرنى بس فيه ممرض لحقنى
فارس بسخرية لاذعه : ممرض دا واحد من رجالتى
،
ومقولتيش ليا ليه
منى بحزن : خوفت عليك ،اى حد بيقرب منى بيقتلوه
انت ذنبك ايه يكون فى حياتك واحده المشاكل والقتل بيجرى وراها
ذنب ماما نرمين أن تحس حياتها أو حياه ابنها الوحيد خطر
وجودى من الاول غلط فى حياتكم ولازم اطلع منه
فارس بجديه : بعيدا عن كلامك العبيط دا
لانى مش طفل علشان تخافى عليا
انتٍ المفروض تكونى واثقه فيا وأنى اقدر احميكى
مش فارس الملك اللى يتخاف عليه، دا يتخاف منه
وكمان فاروق مش عايز يسيبك وهو اللى كان باعت حد يخطفك وكان ناوى يقتلك
انا مش بقول كده عشاان اخوفك ،انا بقولك علشان اعرفك حجم الخطر اللى كنت رايحه له بنفسك
دا واحد مجرم وراه بلاوى ورجالتى وراه لحد ما يمسكوه ياريت توعدينى انك متتصرفيش من دماغك تانى
واى حاجه من دى تقوليلى الاول وإذا كان على طنط صفاء اللى خايفه عليها ،حطيت حراسه عليها يعنى مفيش يقدر يعملها حاجه
ولو عايزه تشوفيها قوليلى وانا اخدك
لتؤمى إليه وهى تقول طباعه : حاضر
ثم تقول بمرح : خلاص بقى قلبك ابيض سامحنى واوعدك مش هتصرف من دماغى تانى
فارس بابتسامة : خلاص مسامحك يا لمضه هانم
منى بسعاده /شكرا
فارس بابتسامه : مبسوط انك اتعودتى علينا ونسيتى حزنك شويه وبقيتى بتهزرى وتضحكى
منى بحب : دا كله بفضلكوا ،بسببكم حسيت بالحنان وان حد موجود بيخاف عليا
ثم بدأت الدموع تتجمع فى عينيها وهى تقول :
تعرف انا مليش أصحاب خالص
علطول حاسه انى وحيده بس كنت بقول وجود بابا وماما واخواتى كفايه عليا
لحد ما راحوا هما كمان وبقيت ضعيفه ووحيده
كنت بتعب لوحدى ومفيش حد يسأل عليا عامله ايه
ولا حد يسهر جنبى انا ....
ليقاطع حديثها فارس عندما وجودها تزداد فى البكاء : بس..... بس اهدى انا مش بقول كده علشان تبكى ،انسى دا كله
احنا معاكٍ
وأكمل بمرح ليخفف عنها /ويلا أمسحى دموعك يا عيوطه هانم
من اول يوم شوفتك فيه وانتٍ علطول بتعيطى
حتى اللحظه الحلوه بتعيطى فيها
منى بتذمر : بس متقولش عيوطه
يضحك على تذمرها ويقول: ماشى يا عيوطه
منى بغيره/ مين بقى نانسى دى
فارس بابتسامه وقد احس بغيرتها /حبيبتى
منى بصدمه وغضب /نعم ...مين دى اللى حبيتك
فارس بابتسامه/ايه غيرانه
منى بارتباك/ لا .. انا..انا بس
ليقهقه فارس على ارتباكها
خلاص خلاص انتٍ هتعيطى ولا ايه
تحاول منى الهروب من أمامه فهى تعرف أنه يتلاعب بها منذ أن شعر بغيرتها
منى بهروب : هقو..هقوم اعمل قهوه
فارس بابتسامه :استنى بس ،ولا حبيبتى ولا حاجه
دا شغل جديد معاها صفقه مهمه جدااا
منى بسعاده لا تستطيع اخفاءها/ بجد يعنى شغل بس
فارس بخبث : اه شغل بس ،بس مالك مبسوطة ليه
منى بارتباك/ ولا مبسوطة ولا حاجه ...ايه مش هتقوم تغير هدومك
يقترب منها فارس بشده وهو يقول بصوت منخفض فى أذنيها : اهربى ...اهربى
لما اشوف هتقدرى تهربى لحد امته
يبتعد عنها ببطئ شديد وهو يراقب وجهها ثم يقول لها : انا هطلع اغير لحد ما تعملى قهوه
بمجرد مغادرته تتنهد تنهيده طويله وهى تضع يديها على قلبها
تذهب منى لإعداد القهوه وفارس يجلس فى الغرفه بتعب ثم يتذكر ما حدث فى المخزن الخاص به
فلاش باك
فى المخزن يجد فارس الرجل الذى حاول خطفها فلم يستطيع الهرب من رجاله
فارس بهدوء مخيف /انت تبع مين وكنت عايز تخطفها ليه
يحاول الرد عليه فمن كثره الضرب الذى أخذه أصبح لا يشعر بجسده : انا معرفش حد يا باشا ،انا كنت هاخد سبوبه ورا خطفها وخلاص
فارس بصوت مخيف :خلاص خليك مشرف معانا هنا لحد ما تقول والرجاله تعمل معاك الواحد
شعر بالخوف من هيئته وان يُضرب منهم مره اخرى
ليقول له بسرعه وخوف :
يا باشا صدقنى انا معرفش حاجه ،لو اعرف انها تبع الملك كنت استحاله لمستها
فارس وهو يجلس ويضع قدم فوق الأخرى : كويس انك عارف انك حاولت تأذى حاجه تخص الملك
ثم أكمل بنبره تهديد : ،مش هتقولى مين وراك ولا ايه
__واحد اسمه فاروق يا باشا ،قال نخطفها ونتسلى عليها شويه وبعد كده نقتلها
فارس بعصبيه وهو ينهض ويقترب منه ويضربه بوحشية : يا ولاد الكلب
يحاول سليم أبعاده عنه وهو يحاول تهدئته ويقول : خلاص يا فارس اهدى خلاص هيموت فى ايدك واحنا ممكن نحتاجه
#
فلاش باك
✨✨✨✨✨✨✨✨✨✨✨✨✨✨
ينهض فارس من مكانه ويذهب إلى والدته فهو يعلم أنها قلقه بشأنهم
يجلس فارس بجانبها وهو يقول لها ؛عامله ايه يا ماما
نرمين بزعل / كويسه يا فارس
أحس فارس أنها حزينه منه ليقبل يديها وهو يسألها:
زعلانه ليه يا ست الكل
نرمين بعتاب : كنت مزعل منى ليه يا فارس ،البنت مبطلتش عياط خالص
فارس : صالحتها والله يا ماما
نرمين بتساؤل : انت بتحبها يا فارس ؟ ،هى دى البنت اللى قولتلى بتحبها ولا كنت بتضحك عليا علشان مضغطش عليك فى موضوع الخطوبه
فارس بصراحه : انا حبيتها بس فرق السن اللى مخلينى ساكت
خايف تشوفنى كبير عليها أو تكونى حبتنى كأخ علشان حست معانا بالأمان وحنان العائله
معانا ، خايف تكون شايفه أنى أمانها بس
نرمين بارتياح : اعترف لها يا فارس وهى تقرر ،رغم انى شايفه أنها حبتك ،الاسبوع اللى كنتوا زعلانين فيه كانت زعلانه وحزينه وكل شويه تقولى فارس مسألش عليا
☘️☘️☘️☘️☘️☘️☘️☘️☘️☘️☘️☘️☘️
فى الوقت دا تكون منى انتهت من إعداد القهوه وتذهب لتقول لفارس وتنادى نرمين أن تجلس معهم
وعند اقترابها من الباب تسمع نرمين وهى تقول : انت عارف ان مينفعش منى تعيش هنا اكتر من كده ...،
بمجرد أن سمعت هذا ركضت إلى غرفتها وهى تبكى
حمقاء يا فتاه لم تستمعى إلى الباقى ورحلتى بسرعه
منى ببكاء وألم : ااه ،يارب ،قلبى واجعنى اوى
ليه كده ،كل ما احب حد يبعد عنى ليه
انا لازم ابعد عنهم
يارب خليك معايا ، انا تعبت ما صدقت اضحك واعيش حياتى شويه والاقى حد يحبنى
ثم تنهض وتصلى وهى تبكى ومن كثرة البكاء تنام على الأرض مكانها
*********
عند نرمين وفارس
فارس بتعجب : ليه يا أمى ، دا انتٍ اللى صممتى انها تقعد هنا
نرمين بتوضيح : يبنى مش قصدى على قعدتها فى القصر. دا انا أشيلها فوق دماغى
انا بقول مينفعش تعيش انت وهى بالطريقه دى ،مفيش حاجه اسمها اعتبرينى أخوكى يا فارس وانت عارف دا
عارفه انك عمرك ما تعمل لها حاجه
بس انا خايفه عليك انت وهى
وانت عارف كويس أن حرام تعاملكم دا
فارس وهو ينهض المغادره : خلاص يا ست الكل هشوف الموضوع دا بكره
*********
يدخل فارس غرفته بارهاق ويذهب ليبدل ملابسه
بعد مرور بعض الوقت بمجرد انتهاءه
يتذكر أنها تنتظره فى الاسفل ،فينزل إليها بسرعه
ولكنه لم يجدها
يبحث عنها فى الحديقه وفى المطبخ ،ولم يجدها
فارس بتعجب : امال هى راحت فين تكون طلعت تنام لما لقتنى منزلتش علطول
عملت القهوه وسابتها وطلعت ولا ايه
فيذهب لرؤيتها فيجد اضاءه الغرفه مشتعله ليطمئن أنها بالداخل
ويذهب لغرفته هو أيضا لينام
***"""""**"""***********
يوم جديد
تفوق منى بتعب من نوم الأرض
انا نمت على الأرض امبارح ، اه جسمى مكسر
يا ترى فارس افتكر أنه كان هيقعد معايا ولا لا
وتذكرت حديث نرمين
فتقول فى نفسها :
لا يا منى متزعليش انتٍ متعوده على كده خليكى قويه واطلعى من حياتهم بهدوء
وتعزم على الرحيل
****"
بمجرد خروجها من الغرفه تتقابل مع فارس
فارس بحب /صباح الخير يا منى
تجيب عليه دون النظر إليه فهى لا تريد أن يشعر يشئ : صباح النور
يشعر فارس بوجود خطب ما
فارس بتركيز معاها : مالك يا منى
تحاول أن تخفى توترها وتقول : ها ...لا مفيش حاجه انا بس منمتش كويس
فيظن انها حزينه لانه تركها أمس ولم يسهر معاها
فارس بتوضيح : على فكره نزلت تحت لقيتك سايبه القهوه وطلعتى
منى بكذب : كان ورايا مذاكره
ورحلت من أمامه بسرعه حتى لا يكشفها
فارس ومنى فى صوت واحد إلى نرمين : صباح الخير يا ماما
نرمين بحب لهم : صباح النور يا حبايبى
بعد الفطار ينظر فارس إلى منى وهو يقول لها :لا يا منى علشان اوصلك
منى بكذب : هتأخر شويه ,عندى محاضره متأخر ،روح انت
يشعر فارس بوجود شئ خاطئ لكنه يكذب نفسه وهو يقول : تمام بس السواق يوصلك ومتروحش اى مكان لوحدك مفهوم
#أميمة_شوقى
************************************
بعدما قام السائق بتوصيلها إلى الجامعه بمجرد رحيله من أمامها
ترحل فى تاكس إلى شقتها وتغلق هاتفها حتى لا يتواصل معاها فارس
********
فارس /وصلت الهانم على الجامعه
السواق /وصلتها يا فارس باشا بس وانا واقف بعيد شوفتها وهى بتوقف تاكس وبتمشى بيه وفضلت ماشى وارها ولقتها راحت العنوان دا
فارس بأمر :تمام متتحركش من هناك ،خليك واقف قدام العماره
يرحل فارس من الشركة بسرعه فهو خائف عليها وهو يقول بعصبية :تانى يا منى .....تانى
*** ********
بمجرد وصوله يطرق الباب بشده ويقول بعصبية:
افتحى يا منى افتحى بدل ما اكسر الباب
بمجرد فتحها وعندما رأى هيئتها
فارس بخضه/منى مالك ...
الفصل الثاني عشر12
تفتح الباب بوجه شاحب من كثره البكاء وملابس مبتله
يقلق فارس بشده من هيئتها هكذا فيقول بخوف وفزع : منى مالك
تحاول منى الرد عليه بتعب شديد ولكن وقعت مغشى عليها ليلحقها فارس بسرعه
يحملها ويدخل بها الشقه ويضعها على الأريكة ويحاول افاقتها
فارس بلهفه وخوف :منى حبيبتى مالك ردى عليا
يقوم بالاتصال على سليم بسرعه عندما وجدها لا تستجيب له
الوو سليم ابعتلى دكتوره على العنوان دا بسرعه
سليم بقلق :فيه ايه يا فارس
فارس بسرعه : بسرعه الاول يا سليم ، منى تعبانه
سليم : تمام..... تمام
يمرر فارس يديه على وجهه وهو يقول بحزن : ايه حصلك بس يا منى
يا ترى مالك يا منايا , انا مقدرش اعيش من غيرك يا حبيبتى
انا كنت بعمل مفاجاه النهارده علشان اعترفلك بحبى
تقومى تسيبى كل حاجه وتمشى
يا ترى ايه حصل تانى عمل فيكٍ كدا يا حبيبى
****
بعد مرور بعض الوقت يصل سليم بالطيبة ليرى لهفه وحزن فارس على منى
أراد أن يجلب طبيب وليس طبيبه ليعترف صديقه بغيرته وحبه إلى منى
ولكنه يعلم غضبه ويعرف أنه سوف يقوم بطرده وما ذنب هذه الطفله المريضه لهذا أتى بطبيبه
************
يحاول سليم تهدئته فهو يراه خايف وينظر إليها بلهفه وحب
سليم بهدوء : اهدى يا فارس هتكون كويسه ان شاء الله
فارس بحزن : انا مقدرش اخسرها يا سليم ، لما شوفتها كده حسيت اني روحى بتتسحب منى
يربت سليم بصمت على كتفه , عندما لاحظ إنتهاء الطبيبه
الطبيبه بعملية : شكل الانسه أعصابها تعبانه ،ياريت تبعد عن أى توتر ، و ياريت تهتموا بيها اكتر وتبعد عن أى ضغط وتهتموا بأكلها شويه
فارس بقلق : يعنى هتكون كويسه يا دكتوره
الطبيبة :اه يا فارس باشا بس ياريت تجبها المستشفى نعمل لها تحاليل علشان شاكه أن عندها أنيميا
فارس بإماء : تمام يا دكتوره
******
فارس يجلس يضع يديه على رأسه وينظر أرضا
ينتبه على دخول سليم بعد أن قام بإيصالها
سليم بهدوء : مالك يا فارس ،اجمد كده يا بوص
هى محتاجلك يا فارس ،تطلعها من حزنها
فارس بصوت ضعيف :كل ما احاول ابعد عنها اى حزن يحصل حاجه ،انا حبيتها أوى يا سليم
فى الاول كنت بقول لنفسى لا يا فارس مينفعش تحبها بس انا حبيتها مش عايز اخسرها
هى ازاى شايفه نفسها وحيده لسه واحنا معاها
انا هكون كل عائلتها بس متسبنيش
سليم محاولا تهدئته : انت عارف انها حساسه وصغيره على اللى هى فيه دا ،ا اهدى علشان لما تفوق تلاقيك معاها وتعرف سبب حزنها دا وتطلعها منه
ثم أضاف بعد أن تذكر شئ : هى سابت القصر ولا ايه
هى ليه هنا
فارس بتوهان وعدم استيعاب لما يحدث : مش عارف هى الصبح كانت مرتبكه شويه وقالت إنها هتروح الجامعه متأخر والسواق قالى أنها على ما راحت الجامعه سابتها وجات هنا
سليم بمرح ليخفف حزنه : عشت وشوفت فارس بيحب وخايف على واحده بالطريقه ،روق كده يا صاحبى
هسيبك معاها علشان لما تفوق ،عايز حاجه منى قبل ما امشى
فارس بابتسامه فهو يعرف أن صديقه يفعل هذا من أجله فيرد عليه بإمتنان : شكرا يا سليم
سليم بحب : انت اخويا يا فارس ومفيش الكلام دا بينا
ثم يقوم بإحتضانه : يلا يا صاحبى سلام
ولو حصل اى حاجه رن عليا وانا هطمن ماما نرمين متقلقش انت
************************************
يدخل فارس يجد منى تهلوس بإسمه واسم والدته
منى بهلوسه وكلام غير مرتب : فارس متسبنيش ،انا بحبكم اوى
ماما ....ماما نرمين
الكل سابنى بلاش انت وماما نرمين تسبونى
عايزين تسبونى ليه
ماما.....فارس
انا تعبانه...ماما نرمين مش عايزانى
فارس بحب يمرر يديه على ملامح وجهها : عمرى ما اسيبك ابدا
ويلاحظ أن ملابسها مبتله و ترتعش من البرد
يبحث فى ملابسها على شئ فيجد أكثر ملابسها
ملابس طفوليه وعليها اشكال كرتونيه مضحكه
فارس بابتسامه :طفله
((لقد وقعت فى حب هذه الطفله )))فلا تستخف بكونها طفله
يقوم باطفاء الضوء وتغير لها ملابسها ويخرج للبحث عن مكان المطبخ
بعد مرور بعض الوقت من محاولته لطهى حساء ساخن لها
يذهب لايقاظها
منى .......منى اصحى يا حبيبى
فتبتسم عند رؤيته وتقول وهى ليست فى وعيها بالكامل : فارس انت موجود ومعايا , انت مسبتنيش
فارس بحنان :مقدرش اسيبك يا حبيبى ،قومى يلا أشربى الشوربه دى علشان تتدفى
منى بطفوله : لا مش بحب الشوربه
فارس وكأنه يتحدث إلى طفلته :معلش يا حبيبى
اشربيها وانا هجبلك شيكولاته مش انتٍ بتحبى الشيكولاته
منى بإبتسامه بلهاء : انا بحبك انت
فارس بحب : وانا بعشقك يا حبيبى ،يلا أشربى
بعد الانتهاء من شربها
فارس بابتسامة: حبيبتى الشطوره
منى بنعاس : انا عايزه انام
يساعدها فارس على النوم : يلا حبيبى نامى
متتمسك بيه كأنها طفله خائفه أن تتركها والدتها /بس خليك جنبى ومتسبنيش
فارس بحنان وهو يجلس بجانبها ويضمها إليه :مش هسيبك يا حبيبى ،يلا نامى انا معاكى
**********************
يظل طول الليل بجانبها فهو خائف أن تمرض مره اخرى
حتى غفى وهو يمسك يديها بحماية
ب
********
بتشرق الشمس بيوم جديد عليهم
تستيقظ منى من النوم وتجده يمسك يديها
منى بسعاده وحب : يعنى مكنش حلم وفارس كان عندى
وبتحرك أيدها على شعره
تتوقف يديها عن الحركة بخجل عندما سمعت صوته الناعس وهو يقول :لا مكنش حلم يا حبيبى
تحاول فك يديها الأخرى منه
وهر تقول بخجل شديد : انا مكنش قصدى كده ...انا
يقترب فارس منها وهو يقول بصوت هامس :امال كان قصدك ايه يا حبيبى
منى ببلاهه : حبيبى
فارس بابتسامه على هيئتها : اه حبيبى
وأكمل بحب واضح : بحبك يا منايا
ابتسمت منى بخجل وهى تقول : يعنى انت كنت بتقول ليا منايا بجد مكنتش بتخيل
فارس بحب /لا مكنتيش بتتخيلى ،انت فعلا منايا وحبيبتى،بس مش عايز تقوليلى حاجه غير لما تكونى على اسمى
واقترب منها بشده وهمس فى أذنها /انا عارف اصلا انى بتحبينى وسمعتها قبل كده
منى بصوت منخفض جدا : ايه دا هو انا مكنتش بحلم
يبتعد عنها و هو يضحك بعلو صوته على شكلها المضحك وهى مصدومه
فارس بضحك ومشاغبه : لا مكنتيش بتحلمى
دا انتٍ قولتى حاجات كتير ويغمز لها بعينيه
تشعر بالخجل الشديد من حديثه وتبعد نظرها عنه فهو يعبث معاها وهى تخجل
✨✨✨✨✨✨✨✨✨✨✨✨✨✨
فارس بتذكر وهو يترقب ردها : صحيح ايه اللى حصل امبارح وليه حالتك كانت كده
تنظر فى أرجاء الغرفه هروبا من النظر اليه وتقول بكذب : مفيش حاجه ،البيت هنا وحشنى وكنت حابه اقعد شويه
فارس بجديه :ومقولتيش ليا ليه دا لو كلامك مضبوط اصلا
ثم يكمل بصرامة :بصى يا منى علشان تكون حياتنا كويسه لازم يكون فيه شويه ثقه ومفيش حاجه تخبيها عليا
انتٍ الصبح مكنتيش على بعضك وبعدها تطلعى من الجامعه بتجرى على هنا
ايه حصل ومن غير كذب
منى بحزن :انا سمعت ماما نرمين امبارح وهى بتقول أن انا مينفعش اقعد معاكوا اكتر من كده
وأكملت بدموع : هى معاها حق ،ليه تشيلوا همى
فكنت عايزه اطلع من حياتكوا وكفايه عليكوا كده
فارس بتركيز /سمعتى ايه بالضبط وامته دا
منى : لما كنت بعمل قهوه لينا ،طلعت اشوفها عايزه حاجه قبل ما تنام ولا لا
سمعتها بتقولك أن انا معتش ينفع اعيش معاكوا اكتر من كده
واكملت ببكاء شديد : انا اصلا كنت عايزه امشى قبلها وانت مرضتش ،عارفه أن دا كله شفقه وانا مش عايزه شفقه من حد بس قلبى وجعنى اوى لما قالت كده عشان انا حبيتها أوى
انا كنت اتعودت اكون لوحدى ومعاكوا اتغيرت بس هحاول اتعود تانى
انا مش زعلانه منها ،هى كتر خيرها استحملتنى الفتره دى كلها وكانت بتعاملنى احسن معامله وعمرى ما حسستنى انى واحده غريبه عنكم
فارس بعتاب :بقى ماما مش عايزاكى تعيشى معاها يا منى ،ودا كله شفقه
يعنى انتٍ شايفه أن كل تصرفاتها دى شفقه ؟! طب حبى ليكٍ كمان شفقه ؟!
منى بصوت مختنق ودموعها مازالت تتساقط : انا سمعتها قالت كده ومين عايش معاكوا غيرى
فارس بتوضيح :كانت بتقول كده علشان عرفت انى بحبك وعايزانى اعترفلك وانا كنت بكدب نفسى واقول انت كبير عليها يا فارس وخليها تشوف حد من سنها
بس هى كانت بتقولى اعترفلك بحبى لان طريقه تعاملنا دى غلط
يا كده يا اسيب ليكم القصر علشان تكونى على راحتك. وانا اكون فى اى فيلا قريبه منكم
منى بحزن من تصرفها السريع الاحمق : اسفه بس انا خوفت تكونوا زهقتوا منى
فارس بجديه /طب ايه حصل. فى الجامعه ليه سبتيها بالشكل دا
منى بحزن شديد /فيه حد مصورنى وانا معاك فى العربيه وصور وانا نازله وانت بتكلمنى
والصور اتنشرت فى الجامعه كلها
والكل بيقول اللى عامله حزينه ووحيده على موت أهلها بتتسلى مع شباب عادى اهو
فارس بعصبية شديده/يا ولاد الكلب عملتها يا ...... الكلب