رواية بعد عقد قران
الفصل الثاني والعشرون22
بقلم ريم ابو القاسم
رجعته البيت الساعه كانت 8 لقيت مصطفى قاعد في الغرفه ولا عاينته ليو و دخلته الحمام طلعته شلته مفرش عايزه اطلع من الغرفه قال لي يعني لسه ؟ انا اسف يا غنوان اشرح
ليك كيف اني كنته في حالة نفسية صعبه ما كنته قادر اتقبل. زول ، يعني عشان في حاله نفسيه تقوم تتفشى فيني انا طيب ذنبي شنو اوريك ذنبي شنو ذنبي اني بعد رفضك و كذبك لي ساعدتك ووقفته جمبك ده ذنبي
، مسك يدي غنوان ما تقولي كده انا ندمان علي فكره يعني لو سمحتي انسي الحصل كلو وانا بوعدك اعوضك عن كل اللحظات الكعبه العيشتك ليها ، لا لانو الحصل كلو بي سببك و جيت رميت اللوم علي و بقيت انا
الغلطانه بقيت صغيره قدام مرت عمي و عمي و ناس بيتنا كل الناس كانت بتعاين لي عين شفقه و ده بسبب كذبك و ابتلاك لي طوالي دموعي نزلت مسحتها سريع قال لي انا عارف نفسي غلطه و عايز اصلح غلطي ممكن تديني فرصه ، يعني لسه مصر و عشان اكمل ليك فهمك مشيت فتشته
الشنطه عشان اطلع ليو ورقه الطلاق لقيتا ما في قلبته الملابس كلها من المكوه و حتى الشباشب الاسبورتات برضو ما في قال لي بتفتشي في شنو لو سالتك اسي ، بفتش في الورقه الرسلتها لي عشان ننهى المهذله دي بس شكلو الحظ دايما ما واقف معاي جاني قريب و مسك
يدي لفتني عليو قال لي و عمرو ما ح يقيف معاك اذا الموضوع بخصنا عارفه لي لاني بحبك يا غنوان بحبك لانو رغم العملتو فيك وقفتي جمبي و كنتي مخلصه للعلاقه دي رغم العملتو فيك حتى حاسي انك حاسه نفس الشي اتجاهي صح ، غلط انا من زمان شلتك من راسي الشي العملتو كان
طبيعي جدا لانو اي زول في مكانك واقع في مشكلة زي دي و مظلوم اكيد ح اساعدو حتى لو كلب في الشارع دي اسمها انسانيه يا فالح انت ، بعد كلامي ده فكى يدي و بكل هدوء مشى رقد و مسك تلفونو
حركتو غاظتني شديد طلعته و قفلته الباب شديد... رقدته في غرفه مرت عمي هناك الصباح قمته كان يوم جمعه جهزته الشاي ما في زول صحى غيري و ظبطته الفطور و قدته عاينته لساعه التلفون لقيتا 9 قلته
ما شاء الله خلصته بدري الليله اها قلته بدل قاعده ساي اتصل لي عواطف اسالا من ظرف تشوفو لي في الدلفه اتصلته عليها ردت لي طوالي بعد سلمته عليها قلته ليها عواطف ما لاقاكي ظرف اصفر فيو اوراق ، ابوي امس دخل الغرفه عايز يجيب واحد يصلح الدولاب حقك عشان يعمل
ليو مفتاح و لقى ظرف قال اكيد نسيتو بس مالو يعني فيو شنو ، واي يا عواطف انتي جاده مع ابوي ، اي امس لقاهو و شالو ، واسي ختاهو وين ، بري شن عرفني اكيد في الصالون، خلاص انتي بتنضفي صح عليك الله امشي فتشي و شيلي دسي وخلي معاكي ، يا بت ده كلام شنو و بعدين
الليله الجمعه حبيبه ما بقدر افتش و الظرف فيو شنو هايجه كده من الصباح ، فيو اوراق طلاق اوعك تفتحي خشمك توري زول ، وبعلي يا بت اوراق طلاقك لعنو ، اي ياخ و وطي صوتك ده المهم عليك الله راقبي ابوي الليله ما تخلي يفتح الاوراق و انا بتصل ليك يوم تاني اشرح ليك الحاصل
و من يطلع صلاة الجمعة امشي فتشيها لو لقيتي دسي ، ظابط يا زوله ما تشيلي هم و قفلته منها قلته سترك يا رب عاينته وراي لقيت ده مصطفى واقف مربع يدو قلته لي واو كمان بتتصنت ، ضحك ضحكه غياظه
قال لي يعني عمي ما عارف بالاوراق و خايفه يشوفا لانك نسيتيها ، وانت يخصك بي شنو دايما حاشر انفك في شي ما بخصك ، يخصني لاني بحبك و لاني زوجك ، كلامك ده قولو لي وحده فاره تاكل راسا بكل
سهوله بس انا ثابته علي قراري عواطف تلقى الاوراق طوالي ح اطلق منك و ابقى حره للابد قال لي متاكده عايزه تبقى حره قلته لي انت
شكلك فاضي بس انا عندي ستين شغله غيرك و قمته عايزه امشي علي الغرفه الباب ضرب اتخلعنا الاتنين مشى فتحو هو ! ...