رواية بعد عقد قران
الفصل الثالث والعشرون23
بقلم ريم ابو القاسم
طلعو ديل عمي ومرت عمي ..
بلسان مصطفى...
وقت فتحته الباب اتفاجئته بي الحاج و الحاجه طبعا امي طوالي دموعا جو نازلات و جات حضنتني قالت
لي متين رجعته يا ولدي لي تسافر من غير تقول لي زول و تودع امك للدرجه انا وابوك بنهون عليك ، استغربته من كلاما معناها ما عارفين بي شي ابوي قال افتحو لي الباب انا تعبان عايز ارتاح يعني كانو ما شايفني
جات غنوان شالت منو الشنط قال ليها لا يا بتي ما تتعبي نفسك انا بدخلهم ،اما امي الا فكيتا مني كانت بتبكي و تقول لي قلبي واجعني شديد و انت بعيد للدرجه دي قلبك قسى ما تتصل تقول امي دي قلقانه و خايفه حتى لو رساله المهم تطمني عليك حتى ابوك زعلان منك قلته ليها اهدي
يا امي مشيت جبته ليها مويه شربت و قعدت قالت لي ابوك زعلان منك شديد يا ريت تمشي تراضي اول قلته ليها ان شاء الله بس انتي اعفي لي اول ، انا عافيه ليك يا ولدي عاينت لي غنوان لقتا واقفه بتعاين لينا قالت لي دي الجابا شنو مش طلقتها ، ما وقتو يا امي اسي الوضع شوي
ه متوتر ولازم اصالح ابوي و اجي اشرح ليك ، عاينت لي غنوان من فوق لي تحت و دخلت طوالي عاينته لي غنوان عشان ابرر ليها موقف امي لقيتا بتمسح دموعا و جرت غرفتا قلته يا رب صبرك 💔 .. مشيت الصالون دقيت الباب و دخلته لقيتو قاعد ماسك الرادي و بسمع قلته لي ابوي
عاين لي و عّلى الصوت قلته لي عارفك زعلان مني بس الح احكي ليك ح تنصدم بس مستحيل اكذب عليك ولازم احكي ليك الحصل بالتفصيل، انا كنته في السجن الفتره دي كلها و رجعته امس بسبب اني كنته متهم بي جريمه قتل قفل الرادي وبقى يعاين لي بانتباه شديد، وواصلته كلامي ........ لحدي اخر شي واني طلعته براءة ، بعد خلصته اداني
كبايه مويه قال لي هاك اتخلعته بقيت اعاين ليو بعين ما مفهومه قال لي اشرب شربته قال لي انا عارف اي شي اي شي بحصل في البيت ده عارفو سواء صغير او كبير عارف ليه لاني سيد البيت ده و ابو البيت ده يعني ما في شي بروح علي بس عامل نفسي ما عارف و مخصوص سقته
امك عشان ما تحس بي شي وقلته لو ما طلعته بريئ و اثبتت عليك التهمه كنته اشتريت قطعه ارض هناك في البلد و سكتنا امك عارف لي لانو هي عيانه ما بتستحمل طيشك ده طول عمري بسكت علي تصرفاتك و عدم وعيك دايما مخالف حتى بعد اتزوجته غنوان دي قصرت معاك في شنو
وريني مره الف راجل يتمناها بس انت كالعاده بترفس النعم البتجيك ما تقول انا ما عارف انا عارف اي شي اي صغيره و كبيره بس عشان صحه امك بتهمني عشان كده طلعتها بره البيت بحجه مناسبه ولد عمك عرفته ، انا ما عارف اقول ليك شنو يا ابوي بس انا اسف ، اسف تتوقع ح تعمل
شي اسف دي ما تقولا كده ساي امشي اعمل حاجات تعبر عن كلمة اسف وراضي مرتك دي هي العذبتها معاك ولو ما عايزا ما في داعي تعلقا عادي طلقا ، لا يا ابوي انا عايزا و عايز اسمتر في العلاقه دي بس هي رافضه، هي رافضه من حقها طبعا بس انت بتعرف كويس تتصرف كيف في المواقف
دي و بتعرف ترضي وانا بعافي ليك وقت تعافي ليك بتي غنوان غير كده اعتبرني ما موجود و فتح الرادي باعلى صوت طوالي قمته ...
وقفته جمب الباب فكرته مسافه و مشيت الغرفه لي غنوان لقيتا راقده علي بطنا و بتبكي و بتشهق قلته ليها غنوان رفعت راسا وعاينت لي و كلها دموع قلته ليها ممكن اتكلم معاك ضروري...