رواية كوفير تمني
الفصل الثالث3
بقلم ريم ابو القاسم
قلته لي رزان اوعك تغلطي فاهمه عارفه لسانا بفلت مرات قالت لي كويس لبسته احسن لبسه و طلعنا مشينا أي وحده تشوفني تقول لي ما مصدقه تمنى هنا راسي ما باقي الا يطرشق🐸💔....
دخلنا جوه البيت كان خرافي كبير و فخم زي حق المسلسلات قلته لي رزان ح نشترى زي ده عما قريب ... جات بت قالت لي تعالي العروس منتظراكي في غرفتا مشينا وصلنا دقت الباب قالت اتفضلو فعلا دخلنا لقيتا زي الملكه السرير كبير و فخم و مزين كانو جنه و معاها بتين ديل واقفين في راسا اعتقد لو قالت عايزه شي بجيبو ليها ... قالت لينا اتفضلو انتي تمنى قلته ليها ايوا قالت لي ما بتعرفي قدر شنو نفسي كان اتعامل معاكي 😍😍😍... قلته ليها يسعدني و يشرفني قالت لي تحبو تشربو شنو قلته ليها اي شي مشو جابو لينا عصير و كيك ... قالت لي طبعا عرسي باقي لي اسبوعين و شوفي جسمي فتحت لي يدها و رجولا كلها عباره عن حبوب شايله مويه.... فتحته عيوني 😳😳 قالت لي دي عين بس قالو لي تمنى بتعالج اي شي ابتسمته قلته ليها ان شاء الله بتتعالجي كنته فرحانه من جوه لو بجد اتعالجت البت دي انا ح ابقى مشهوره اكتر من كده ...
شربنا العصير قالت لينا امشو ارتاحو العصر نبدأ اي وحده دخلوها غرفه قلته ليهم لا نكون في غرفه وحده عشان رزان يدي اليمين فعلا ... العصر جاء اديتا الخلطه وريتا تستعملا صباح و مساء فعلا بتعمل فيها انا أبيت ابدا اي برنامج قبل ما تبقى كويسه ... الفتره دي بقيت شغاله لي بنات أهلهم في قبول كبير لخلطات الوش ... العروس جسما بدى يتصلح شويه شويه و بعد اسبوع جاتني تبكى في الغرفه قالت لي شوفي يا تمنى بقيت كويسه انا😭😭😭😭😭 ما مصدقه انا😭😭💔 الخبر انتشر و جو اهلا اتشكروني حتى اخوها طلب يدي بس بطريقه غير مباشره بقت تعالمني زي اختا بدينا الجلسات العاديه و نضاره و ترطيب وكده وكل يوم جسما ماشي احسن 😍🫶....
اثناء تواجدنا معاهم الخلطات انتهت لانو حتى العجايز بطلبو ... قلته لي رزان نعمل شنو قالت لي انتي التعملي شنو و ضحكت و مشت 💔 حسيتا بتغير مني قلته ما مشكلة فكرته كده ما لقيت حل الا امشي اجيب جلد الزبونه ديك قررته اطلع الصباح بدري قبل يصحو امشي الكوفير و اجي قلته لي رزان تتحجج ليهم باي شي ان شاء الله صحبتا في المستشفى قالت لي طيب ...