رواية كوفير تمني
الفصل الرابع4
بقلم ريم ابو القاسم
وصلته الكوفير نظفتو كان فيو تراب و قلته اشرب مويه اثناء ما بشرب حسيت يد مسكتني من وراء ... قبلته اشوف ده منو بخلعه كده لقيت ده اخو العروس الكان عايزني قال لي مفاجأة... كنته مصدومه و بعاين ليو بهجمه قلته ليو انت قال لي مازن لو سمحتي ... قلته ليو مازن الجابك شنو قال لي سألته منك قالو مشيتي الكوفير براكي كيف تمشي و انا موجود ابتسمته اطمنته انو ما عارف شي قلته ليو جيت اشيل حاجات من هنا ما حبيت اتعبك قال لي ابدا بي ابتسامه عريضه ما في اي تعب .... قلته ليو خلاص امشي انا احتمال أطول قال لي لا ما ح امشي خطوه بدونك بقلبي قلته ده شنو اللصقة ده يا جماعه ... الله يخارجك مني ابتسمته قلته ليو خلاص انتظرني هنا ماشه الغرفه ديك قال لي تمام.... مشيت. وانا بعاين لوراء و كل ما اعاين القاهو ببتسم اطمنته انو ما ح يلحقني ....
من فتحته باب الغرفه طلعت ريحه كريه جدا ... و عرفتها دي ريحه الجثث بس قلته ان شاء الله ما تصلو الريحه قبل ما أتم كلامي لقيتو في وشي و قافل انفو قال لي في ريحه غريبه صح قلته ليو ايوا يكون فار او شي ميت قال لي معقوله الريحه قويه شديد عايز يدخل يفتش قلته ليو لا ما بحتاج انا بجيب زول ينظف ابتسم قال لي و حاجاتك دخلته شلته دسته واخر دسته بتاعت خلطات قلته ليو نمشي بي ابتسامه قال لي ارح مشيت قدامو خليتو يطلع بعدين قفلته الباب بالمفتاح و طول الطريق كان بونس فيني طبعا ما بحب الزول الكلامو كتير اتضايقه بس ما ظهرته ليو .... انتبه لي قال لي عارفك شايله هم للكوفير ما تشيلي هم بكره برجع انظف من الاول ابتسمته و وصلنا اخيرا ... نزلته بسرعه قبل يمسكني تاني لقيتو دور فات و انا دخلته جوه لقيت وحده قالت لي (رونق) العروس عايزاكي جوه .... مشيت ليها قالت لي ما بعرف اشكرك كيف طلعت صندوق قالت دي حاجه بسيطه تعبر عن شكري و امتناني ليكي فتحته الصندوق لقيت ملان قطع ذهب عيوني رغرغت قلته ليها ابدا ما بشيل منك انا ما عملته شي....
قالت لي لو ما شلتي ما عايزه معاكي كلام تاني بعد تحانيس منها شلتو ... قالت لي بكره الحنه بتاعتي عايزاكي ترتاحي عشان الميكب ح يكون منك قلته ليها حاضر و طلعته وصلته الغرفه لقيت رزان بتصفق لي قالت لي واو طبيعي ماخده قلب و عقل الناس مع انو نحنا مشتركين كلهم تنمى تمنى تمنى ما في زول قال رزان قلته ليها حبيبتي شوفي ده وريتا الصندوق زحتو بي يدها انقلب و وقع قلته ليها بغضب حكايتك شنو انتي ما شايفه نفسك كترتيها و تصرفاتك بقت واضحه قالت لي انا ولا انتي يا حضره الخبيره المجرمه تقتلي الناس و تاخدي جلدهم و تصنعي خلطات عايزه تنشهري بي كده احب اطمنك ليك يوم يا مجرمه يا كتالته الكتله و تنكشفي علي حقيقتك قلته ليها احترمي نفسك ما بسمع ليك بغضب قالت لي انتي كسرتي كل معايير الاحترام و مشيتي بعيد شديد لو بقى علي كلامي الحقيقة هين يختي و بقت تضحك .... اثناء نقاشنا سمعنا صوت بره مشيت فتحته الباب لقيت دي البت القالت لي رونق عايزاكي جريت وراها وقت قبلت شافتني اتخلعت بقت تجري كنا في الطابق الفوق و الممر كان طويل زدته السرعه و لحقتها مسكتها من يدها بقت تحاول تفك يدها و انا كنته محكمه القبضه حقتي هى تحاول و انا احاول فجأه يدها مالت و وقت من فوق عاينته تحت لقيت الارضيه كلها دم اكيد ماتت الناس التحت بقو يعاينو ليها بخلعه.... جريت غرفتي و قفلته الباب.....