رواية كيندرا
الفصل الحادي والعشرون والثاني والعشرون
بقلم حليمه عدادى
بعد مدة من البحث عن سارة مالقوش ليها أثر
جاد بغضب : لو عملتها وهربت مش هرحمها حسام بلغ المعازيم يروحوا ..
سناء : سارة مهربتش أكيد حصلها حاجة ..
أم سارة بدموع : بنتي فين ياسناء أكيد حد من أعدائكم هو اللي خطفها ..
جاد : أنا هروح لعمي دلوقتي ولو عرفت إن ليه إيد بالموضوع دا مش هرحمه ..
سناء : جاد مش عمك بس مايمكن تكون كيندرا ..
جاد : لا ياماما مش كيندرا لأنها كانت تعبانه والنهاردة كانت في المستشفى ..
حسام : بس ياجاد مافيش حاجة تأكد إنها اتخطفت ..
جاد : ماهو دا اللي مجنني بس لو إتأكدت إنها هربت وكانت السبب في إحراجنا قدام الناس أنا ساعتها مش هرحمها أبداً ..
حسام : إنت هتروح لسعد دلوقتي ..
جاد : أيوه ولو كان هو ورى اللي حصلها دا أنا هعرف إزاي احاسبه ..
رن هاتف جاد برقم مدير أعماله
جاد : وعليكم السلام إزيك ياعم صالح ..
صالح : الحمد لله ياجاد بيه أنا أتصلت علشان أقولك خبر حلو ..
جاد : خير ياعم صالح خبر إيه اللي هتقولي عليه شكلك مبسوط ..
صالح : الشركة والقصر وكل أملاكك رجعولك ..
جاد : دا خبر حلو أوي إهتم إنت بالموضوع دا ياعم صالح لحد ما أنا أجيلك ..
صالح : تحت أمرك ياجاد بيه مع السلامه ..
جاد : مع السلامه وقفل الخط ..
سناء : خير ياجاد مين اللي إتصل في أخبار عن سارة ..
جاد : دا عم صالح إتصل علشان يبلغني إن الشركة وكل أملاكي رجعولي ..
ريم : ألف مبروك ياجاد وأخيراً الشركة رجعتلك ..
جاد : أنا هروح دلوقتي يلا بينا ياحسام ..
*******************************************
خرجت رنا من أوضتها شافت زينب قاعدة بتتفرج على التلفزيون ..
رنا : ماما هي فين كيندرا أنا ماشوفتهاش من الصبح ..
زينب : خرجت ومعرفش راحت فين أنا سألتها قالت إن عندها حاجة لازم تعملها وهترجع ..
رنا : تمام ياماما أنا هروح أقعد في الجنينة لحد ماترجع عايزه أتكلم معاها ..
زينب : رنا كيندرا حالتها بقت وحشه أوي خذيها واخرجوا سوى علشان تغير جو حاولي تخليها تنسى اللي حصل ..
رنا : حاضر هعمل اللي أقدر عليه علشان كيندرا ترجع زي ماكانت ..
خرجت رنا للجنينة شافت كيندرا قاعدة على الأرض قعدت جنبها لقتها بتبتسم
رنا : الحمد لله أخيراً شوفت إبتسامتك خير شيفاك مبسوطة أوي ..
كيندرا : مبسوطة أوي أوي يارنا ..
رنا : أنا ماشوفتكيش من إمبارح إنتي كنتي فين ..
كيندرا : كنت فين هههه كنت بنفذ مهمه وهي اللي خلتني مبسوطه بالشكل دا ..
رنا : يابت قوليلي أي هي المهمه دي ..
كيندرا : أنا وقفت جوازة جاد وسارة جاد ليا أنا وبس ومش هيكون لحد غيري ولحد دا آخر نفس فيا ..
رنا بصدمة حطت إيدها على بوءها : إنتي روحتي هناك يامصيبة ووقفتي الفرح وجاد قالك إيه ..
كيندرا : إنتي غبية يابنتي أنا مروحتش سكتت شوية وبعدها كملت أنا خطفتها ..
رنا بصوت عالي : إيييه خطفتيها ..
حطت كيندرا إيدها بسرعة على بوء رنا
كيندرا : اشششش إنتي عايزة تفضحيني بس اسكتي أيوه خطفتها ..
رنا : خطفتيها لوحدك إزاي وهي فين دلوقتي ..
كيندرا : هقولك ..
فلاش باك
بعد ماخرجت رنا من أوضة كيندرا كيندرا نامت شوية فاقت على صوت الموسيقى والزغاريد نزلت دموعها
كيندرا : أنا مش ضعيفة دا مش وقت دموع أنا مش هسمح لأي واحدة إنها تاخذ جاد مني جاد ليا أنا وبس ..
لبست هدومها وخرجت من غير ماحد يحس بيها ركضت لحد ماوصلت للمزرعة دخلت وهي بتتسحب قربت لأوضة شافت ريم طالعه منها استنت لحد ماريم بعدت ودخلت الأوضة ...
سارة : إنتي مين أنا أول مرة أشوفك هنا ..
كيندرا : أنا صديقة جاد وجيت علشان اتعرف عليكي علشان ناخذ راحتنا بعيد عن جاد ..
سارة : اه أهلاً بيكي سارة جت تقعد مثلت كيندرا إنها عايزه تعدلها الطرحة من ورى ومسكت مزهرية كانت جنبهم وضربتها بقوة على راسها وقعت سارة فاقدة الوعي قربت منها
كيندرا : دا جزات اللي عايز ياخذ حاجة مش بتاعته طلعت من الأوضة ورجعت بسرعة ومعاها اثنين علشان يشيلوها ..
كيندرا : يلا بسرعة قبل محد يشوفنا خذوها للمخزن الصغير ..
باك
رنا بصدمة : أنا مكنتش أتوقع منك إنك تعملي كدا إتأكدتي إنها بخير ماماتتش ..
كيندرا : اه لسه عايشه وأنا روحتلها وادتها درس ..
رنا : إنتي عملتي فيها إيه يامجنونة إنتي ضربتيها ..
كيندرا : أيوه أنا فقدت أعصابي لما تخيلتها مع جاد في بيت واحد ..
رنا : أنا شايفه إن جاد خذ عقلك من مكانه ..
كيندرا : خذ عقلي وقلبي ومش هسمح لأي واحدة إنها تاخذه مني ..
رنا : طيب ياختي هتعملي معاها إيه ..
كيندرا : هسيبها كدا لحد مافكر هعمل معاها إيه رنا أوعي تقولي لحد ولا حتى يوسف ..
رنا : يارب تعدي على خير إنتي روحتي للدكتور ..
كيندرا : هروح بالليل يلا ندخل عايزة أنام ..
*****************************************
وصل جاد عند بيت سعد ونزل من عربيته والغضب باين على وشه دخل لقى سعد قاعد مع سماح ..
سعد : إيه وحشتك يابن اخويا ..
جاد : إتكلم هي فين ولوكذبت عليا هتندم ..
سعد بإستغراب : هي مين أنا مافيش عندي حد ..
جاد : خطيبتي سارة هي فين إنت خطفتها وأكيد واحد خاين مثلك هو اللي هيعملها ..
سماح : إحنا مالناش شغل معاك ولا مع سارة ممكن تكون كيندرا هي اللي خطفتها ...
جاد : إنت فاكر إني هصدقك إنت واحد كلب خاين وأنا ماعنديش ثقة فيك..
سعد : أنا ماعنديش حد إمشي من هنا ..
جاد مهتمش بكلامه بص لحسام
جاد : بلغ الجارد يدوروا في كل مكان ..
سعد : هتندم ياجاد على كل اللي بتعمله دا ..
جاد : اللي لازم يخاف هو إنت ياسعد بيه أنا مش هرتاح غير لما أوصلكم بإيدي لحبل المشنقة ..
حسام : مافيش حد ياجاد إحنا دورنا في كل مكان ..
جاد : أنا هرجعلك ثاني ..
خرجوا من عندوا
وقف سعد بغضب حارق كسر كل حاجة قدامه
سماح : اهدى ياسعد وماتستسلمش لغضبك ..
سعد : اهدى إزاي وهو جي يهددني في بيتي ..
سماح : لازم نعمل خطة علشان ناخذ كل حاجة من كيندرا أما جاد بقى فأمروا سهل ..
سعد : كلامك صح ..
************************************
في المساء جاد قاعد مش قادر وهيتجنن
سناء : لوهي مش عند سعد تبقى مع كيندرا ..
جاد : ماما كيندرا دلوقتي مابقتش عايزه تنتقم خلاص هتخطفها ليه هتعمل بيها إيه وكمان هي تعبانه مش قادرة تعمل حاجة ..
سناء : هتعملها مش علشان تنتقم ممكن تعملها لأنها غيرانه ..
جاد ضحك بسخرية : ههههه ليه هي حبتني أصلاً علشان تغير عليا ماما كيندرا مش ممكن تعملها ..
ريم : ممكن تكون هربت ..
سناء : هربت إزاي وليه هي كانت تتمنى إنها تكون مرات جاد النهاردة قبل بكره ..
جاد : أنا هروح أشوف شغلي في الشركة ولو وصلت لحاجة هبلغكم ..
**************************************
دخلت كيندرا ورنا للمخزن شافوا سارة في حالة لا يرثى لها
كيندرا : نورتينا ياسوسو ها الضيافة عجبتك ..
سارة بتعب : إنتي مين وعايزة مني إيه ...
كيندرا : أنا مش عايزه منك حاجة إنتي هنا ياحلوة علشان حاولتي تاخذي حاجة مش ملكك ..
سارة : أنا ماخذتش منك حاجة ولا أعرفك ..
كيندرا : هتعرفني كويس مع الوقت لأن ضيافتك عندنا هتطول ..
سارة : طلعيني من هنا أنا معملتلكيش حاجة ..
مسكتها كيندرا من فكها بقوة وغضب
كيندرا : إنتي تجرأتي وكنتي هتاخذي جاد مني لكن يكون في علمك العين اللي بتبص لجاد أنا هقلعها من مكانها و اللسان اللي ينطق إسمه أقطعه فهمتي ..
سارة : جاد بيحبني وكان عايز يتجوزني ..
كيندرا بغضب ضغطت على فكها ثاني :
أنا قلتلك ماتجيبيش إسمه على لسانك لو نطقتي إسمه ثاني صدقيني مش هرحمك ..
رنا : كيندرا سيبيها هتموت في إيدك ..
خرجت كيندرا تجري بغضب لحقتها رنا
كيندرا : رنا أنا مش عايزه حد جنب جاد أنا استحملت لما كنت بنتقم لكن دلوقتي مش هسمح لأي حد انه يقرب منه ..
رنا : دا حب ولا هوس ياكيندرا ..
كيندرا : اعتبريه زي ماتحبي يلا بينا في حاجة لازم أعملها ..
***********************************************
جاد دخل الشركة بإطلالته التي تأخذ الأنفاس الكل كان مبسوط برجوعه
جاد : السلام عليكم أنا رجعت من ثاني وإن شاءالله هنبدأ نظام جديد للشركة يلا كل واحد يروح يشوف شغله ..
صالح : كل حاجة زي ماطلبت ياجاد بيه ..
جاد : متشكر ياعم صالح لازم نعين سكرتيره جديدة ..
صالح : ماتقلقش ياجاد بيه أنا هحل الموضوع دا..
***************************************
وصلت كيندرا قدام المستشفى دخلت وهي حاسه بالقلق وقلبها مقبوض
كيندرا : لو سمحتي عندي معاد مع الدكتور كريم ..
الممرضه : إتفضلي هو مستنيكي من إمبارح ..
كيندرا : متشكرة أوي ..
خبطت على الباب سمحلها الدكتور إنها تدخل
كيندرا : آسفه إني إتأخرت على الموعد يادكتور ..
الدكتور : مافيش مشكله طلعت نتيجة التحليل ..
كيندرا : أنا كويسة مش كدا أنا عارفه إنه مجرد تعب عادي ..
دكتور بحزن : للأسف يا آنسه كيندرا إنتي عندك ورم في الدماغ و من زمان أوي .
.كيندرا بصدمة : إييه لا مستحيل ..
الدكتور : للأسف ياآنسه عندك ورم و من زمان لكن ..
كيندرا : لكن إيه يادكتور ..
الدكتور : لوعملنا العملية نسبة نجاحها هتكون 20% يعني ..
كيندرا : يعني مش ممكن إني أعيش نجاح العملية شي مستحيل ضحكت بوجع ههههه دا إنتقام ربنا مني على اللي عملته في جاد
طلعت من عند الدكتور وهي مكسورة وموجوعه الدنيا القاسية خذت منها جاد ودلوقتي الموت هيفرقها عن معشوقها ..
وقفت في الشارع حست بدوخه والدنيا اسودت في عينيها مسكت في شجرة جنبها ووقعت فاقدة الوعي ..
الفصل 22
فتحت عينيها لقتهم كلهم حواليها حست بألم في إيدها جت تحركها لكن الكانيولا اللي بإيدها وجعتها
زينب : بنتي حبيبتي إنتي كويسه حاسه بحاجة في حاجة وجعاكي ..
يوسف : اتكلمي ياحبيبتي ليه ماقلتلناش إنك تعبانه ليه خبيتي علينا ..
كيندرا بتعب ظاهر على وشها اللي بقى شاحب : أنا مكنتش أعرف أنا لسه عارفه النهاردة ..
خالد بدموع : ماتقلقيش ياحبيبتي هتكوني كويسه ..
زينب بدموع : بنتي هتبقى كويسه..
دخل الدكتور
يوسف : ممكن تطمنا عن حالتها يادكتور هي ممكن تعمل العمليه وتبقى كويسه ..
الدكتور : العملية نسبة نجاحها 20% ومش هنقدر نعملها دلوقتي لأن نفسيتها تحت الصفر ..
يوسف : إيه اللي لازم نعمله أنا مش هقدر أسيب أختي تموت ..
الدكتور : هتبقى هنا أسبوع تحت الملاحظة وإنتوا دوركم إنكم تحاولوا تحسنوا من نفسيتها علشان نقدر نعمل العملية ..
يوسف : تمام يادكتور هنعمل كل اللي نقدر عليه علشان تبقى كويسة ..
الدكتور : دلوقتي لازم ترتاح وقت الزيارة خلص ..
زينب بدموع : ماتزعليش ياحبيبتي هتكون بخير إن شاءالله ..
كيندرا بصوت متعب : عايزه رنا تبقى معايا شوية ..
يوسف : تمام ياقلبي هتبقى معاك ..
طلعوا كلهم رنا قعدت جنبها
كيندرا بدموع : رنا عايزه أطلب منك طلب ..
رنا : من عيوني اطلبي ..
كيندرا : روحي هاتي سارة لعندي لكن الأول جيبيلها هدوم نظيفة وقوليلها إني عايزه اتكلم معاها ..
رنا : عايزه تتكلمي معاها في إيه كيندرا إنتي تعبانه ولازم ترتاحي ..
كيندرا بدموع : عايزه أتأسفلها عن اللي عملتوا فيها وأسيبها تعيش مع جاد بسعادة أنا مش عارفه إذا كنت هعيش ولا هموت ..
رنا بدموع : متقوليش كدا إنتي هتبقي كويسة ..
كيندرا : أرجوك يارنا إسمعي كلامي كيندرا حست بالم في رأسها تاوهت بألم ..
رنا : كيندرا إنتي كويسة بلاش تتكلميش كثير تمام هروح وأجيبهالك ..
كيندرا :متتأخريش يارنا ..
خرجت رنا و هي حاسه بالحزن فكيندرا مش صحبتها وبس هي بنت عمها و أختها ..
******************************************
جاد وحسام كانوا خارجين من الشركة فجأة جاد مسك قلبه وكان هيقع مسكه حسام بخوف
حسام : خلي بالك مالك ياجاد إنت كويس ..
جاد : حسيت فجأة بنغزة في قلبي ودا مش بيحصل إلا لما .. سكت جاد ..
حسام : كمل ياجاد سكت ليه قول لما تكون كيندرا مش بخير ..
جاد : أيوه ياحسام انا حاسس إن فيها حاجة هي مش بخير قلبي بيوجعني لما يكون فيها حاجة ..
حسام : إنت هتسامحها هي غلطت لكن حبكم لبعض أكبر من كل حاجة ..
جاد : لا أنا مش قادر أسامحها كل ما أحاول أسامح افتكر خيانتها ليا يلا بينا ياحسام ..
************************************
دخلت رنا المخزن من غير ماحد يشوفها جابت لسارة الهدوم اللي جابتها معاها علشان تغير هدومها اللي اتبهدلت
سارة : أرجوكي طلعيني من هنا هتوديني فين ..
رنا : ماتقلقيش هتيجي معايا عند كيندرا هي عايزه تتكلم معاك وبعد كدا هتسيبك ..
سارة : بحد هتسيبني ..
رنا : قلتلك الأول هتتكلم معاك وبعدها روحي مكان ماإنتي عايزه ..
طلعوا من المخزن ركبوا العربية وراحوا المستشفى
*******************************
في المستشفى
طلعت كيندرا صورة جاد من صدرها هي حطاها دايماً جنب قلبها بصت للصورة بإشتياق وحزن نزلت دموعها
كيندرا بدموع : إتمنيت إننا نكون سوى لكن الحياة قاسية فرقتنا بتمنالك السعاده حتى لو مع غيري عارفه إن دا هيكون صعب عليا لكن المرة دي مش هكون أنانية
فاقت من شرودها على طرقات على الباب باست الصورة ورجعتها مكانها جمب قلبها
دخلت رنا ووراها سارة
كيندرا : قربي متخافيش مش هقدر أعملك حاجة المرض خذ مني كل حاجة ..
سارة : صحبتك قالتلي إنك هتسيبيني أروح ..
كيندرا : أيوه أنا بس عايزه أعتذر منك أنا خطفتك لأني مقدرش أشوف جاد مع واحدة ثانية غيري لكن دلوقتي أنا معدتش نافعه لحاجة ..
سارة : أنا فهماكي وهقبل إعتذارك ممكن أروح دلوقتي ..
كيندرا : أيوه رنا هتوصلك لغاية البيت ..
رنا : لكن أنا مقدرش أسيبك لوحدك ..
كيندرا : روحي معاها يارنا أنا عايزه أبقى لوحدي ..
خرجت رنا و سارة
نظرت كيندرا إلى الفراغ أمامها ونزلت دموعها بغزارة
******************
سناء : جاد لازم نبلغ البوليس إحنا لحد النهاردة مش عارفين مكان سارة ..
جاد : مش عارف ياماما هي مش عند سعد أنا سيبت هناك حد يراقبه ..
سناء : أنا قلتلك يمكن تكون كيندرا هي اللي خطفاها لكن إنت لسه حبها عامي عينيك ..
حسام : ماما وقتها كيندرا كانت تعبانه زي ماقال جاد وكانت في المستشفى ..
ريم : كيندرا مستحيل تعمل كدا ومش ممكن تكون هي اللي خطفت سارة ..
جاء صوت سارة من وراهم
سارة : هي اللي عملتها هي اللي حطفتني ..
سناء جريت لعندها وحضنتها بدموع
سناء : بنتي إنتي بخير هي عملتلك حاجة ..
سارة : متخافيش ياخالتي أنا بخير ..
ريم : طب هربتي منها إزاي ..
سارة : أنا مهربتش هي اللي سابتني ..
جاد : سارة فهيمينا إزاي خطفتك وبعدين سابتك ..
سناء : أنا قلتلك إن هي اللي خطفتها وإنت ماصدقتش حبك ليها خلاك شايفها ملاك ..
سارة : هي خطفتني لأنها مش عايزه أي واحدة تاخذ منها جاد ..
سناء : إزاي ماحدش ياخذ جاد منها علاقتها مع جاد انتهت ..
سارة : حبها لجاد مش مجرد حب عادي هي مهووسة بجاد قالتلي العين اللي تبص لجاد هقلعها من مكانها واللسان اللي ينطق إسمه هقطعه ..
ريم : طب إزاي سابتك ..
سارة : اليوم جت صحبتها وخذتني ودتني عندها هي اعتذرت مني وبعدها سمحتلي أروح ..
جاد : سابتك ليه واعتذرت منك ليه إنتي قالتلها حاجة ..
سارة : هي بالمسشفى وشكل حالتها خطيرة وقالتلي أنا مبقتش نافعة لحاجة وشها كان شاحب الظاهر إن مرضها صعب ..
جاد بخوف وقلق ودقات قلبه بقت مسموعه وحس بأنفاسه تكاد أن تسلب منه
جاد : إيه إسم المستشفى اللي موجوده فيها ..
سارة : ٠٠٠٠٠٠٠٠٠٠٠٠
جاد طلع يجري ومكنش سامع حد ركب عربيته سقها بسرعة جنونية والخوف والقلق يأكل قلبه
***************************************
زينب بخوف : في إيه يابني ليه الدكاترة داخلين خارجين من أوضتها ..
يوسف : اهدي ياماما هنعرف لما الدكتور يخرج ..
دخل جاد بيجري لحد ماوصل عندهم
جاد : كيندرا فين يايوسف فيها إيه حصلها إيه ..
يوسف بحزن : كيندرا عندها ورم في الدماغ وحالتها متأخره ..
جاد من شددة صدمته كان هيقع إزاي معشوقته تبقى مريضه وهو آخر من يعلم حس بقلبه ينزف دم
جاد : متأخر إزاي ممكن نسافرها تتعالج برا ..
يوسف بحزن : للأسف ياجاد نجاح العمليه 20 % يعني نجاحها مستحيل وكمان نفسيتها تحت الصفر العملية هتتعمل بعد أسبوع ..
حاول جاد منع دموعه من إنها تنزل لكن نزلت دمعة حارقه من عينيه مسحها بسرعة وبص ليوسف
جاد : أنا عايز أشوفها أرجوك يايوسف عايز أشوفها حتى لو مرة واحده ..
خرج الدكتور جريوا ناحيته
جاد بلهفة : قولي يادكتور هي بخير إزيها دلوقتي ..
الدكتور : أنا قولتكلم إن نفسيتها وحشه وإن دا هيأثر عليها أوي لكن في حاجة حصلت هي السبب في إن نفسيتها تتعب للدرجة دي قلبها كان هيقف ..
جاد : حصلها إيه يايوسف خلالها تتعب بالشكل دا ..
يوسف : معرفش أنا روحت وسبتها مع رنا ولما رجعت شوفت الدكاترة داخلين خارجين من عندها ..
الدكتور : في حاجة ثانية لما فقدت وعيها لقينا دي في إيدها كانت حضناها وبتبكي ..
بصوا للي في إيد الدكتور كانت صورة جاد
زينب : إنت دائماً سبب وجع بنتي ..
جاد : دكتور تسمحلي أدخلها ..
الدكتور : معاك خمس دقايق ..
زينب : يوسف ماتسمحلوش يدخلها هو سبب تعبها ..
يوسف : اهدي ياماما هو ماعملش حاجة تعالي معايا ..
****************
دخل جاد أوضتها بصلها بشتياق وحزن قعد جنبها ومسك إيدها باسها نزلت دموعه على إيدها وهو شايفها تصارع الموت وسط الاجهزة ..
جاد : أنا آسف لوكنت سبب تعبك رغم اللي عملتيه فيا لكن قلبي مش قادر يقسى عليكي أنا اشتقتلك في كل دقيقه و كل ساعة بشتاقلك مقدرش على بعدك مهما حاولت أبين الجمود قدامك أنا زي طفل محتاج لحضنك ..
حس بيها بتحرك إيدها بصلها بلهفة
كيندرا بصوت ضعيف : أنا آسفه أرجوك ياجاد سامحني ..
جاد : اششش ماتتكلميش المهم دلوقتي صحتك وإنك تبقي بخير ..
كيندرا : آخر أمنية كانت بتمناها هي إني أموت بين إيديك ياجاد والحمدلله ربنا حققهالي ..
جاد : ماتقوليش كدا بعد الشر عليك هتبقي بخير وهحققلك كل أحلامك ..
كيندرا : جاد لازم تعرف إني حبيتك أكثر من نفسي وأكثر من أي حاجة في الدنيا كلها لكن شاء القدر إننا نفترق بحبك وغمضت عينيها ..
جاد : كيندرا كيندرااااا رد عليا حبيبتي لا لا ماتعمليش فيا كدا
سمع صوت صفرات جهاز القلب بيعلن عن توقف القلب
جاد بدموع و صوت عالي : يادكتووووور كيندرا