رواية سجين الروح
الفصل التاسع9
بقلم ريم ابو القاسم
ابوي قال لي شوفي يا بتي طبعا كنا عايزين نطلقك منو بالقوه بس الحمد لله بفضل ربنا كل شي اتسهل و طلقك بي ارادتو بس الخبر السمح انو بعد تخلصي عدتك ح تواصلي دراستك في تركيا و جوازك و كل شي جاهز بس انتي تخلصي تاني يوم ح تسافري طبعا كنته مصدومه لا عرفته اضحك ولا عرفته ابكي قلته لي بحد يا ابوي ، من متين؟! 😍😳، بكذب عليك انا ، صح بس كيف و متين انا ما عارفه، كانت مفاجأة محضرها ليك من زمان بس انتي قررتي تتزوجي و دسينا منك الموضوع عشان كنتي متحمسه للعرس بس اسي ده الوقت المناسب كنته مبسوطه شديد(ما صدقته قصه المفاجأة دي شكلو ابوي عمل كل شي اسي بس عشان يخفف علي قصه الطلاق و ما اخط الموضوع في راسي ❤️ ) دخلته الغرفه بقيت راقده و بفكر كيف ربنا عوضني بالسرعه دي ما اني خسرته زواجي بس كسبته حاجه اكبر من العرس جاتني روان قالت لي المحظوظه و خطت تلفونا في الشاحن ، قلته ليها حتى انا بقول عن نفسي كده اني محظوظه شديد ، هه فعلا محظوظه من عرس لي طلاق لي تركيا ، حارقك وين انتي 🐸💔، ما حارقني و علي فكره احمد خطبني ، انتي اكيد جنيتي ووافقتي ؟! ، اكيد و رفعت لي يدها ، ح تندمي يا روان بحذرك من الزول ده ابعدي منو ، ما بتحددي لي انتي شوفي حياتك بعد ده و شفنا اختيارك في العرس فمافي داعي تختاري لي و تحددي لي اتزوج منو ولا لا فهمتي 🙂 طبعا زعلته من كلاما وقع علي زي السم قبلته اديتا ظهري بقيت ابكي بحرقه بالجد كيف اقدم نصايح و باين اختياري وصلني لي وين لحدي ما نمته الصباح قمته ما في موضوع قاعده اغلب الوقت مع امي و حواء شغل البيت طبايخ و نظافه عدت الايام و نفس الروتين و التلاته شهور(طبعا في ناس ح تقول لي تلاته حيضات للمراءه المطلقه ما تلاته شهور ايوا صح تلاته حيضات هم ❤️ ) عشان اتم التلاته في التلاته دي ما شفته فيها الشريف حتى ثريه تواصلي معاها نادر ممكن عادي شهر بعدين تتصل علي اما علاقتي مع روان شويه كويسه لانو حاسه بيها ما كويسه شكلو احمد عمل ليها شي حتى الخاتم في يدها ما في بس ما حبيت اسالا او اجيب ليها سيره خايفه اخسرا او تقول شمتانه فيها بقيت علي حالنا ده كده اما انا و سفري باقي لينا يوم الليله من الصباح طلعته مع بيان وروان السوق جبته حاجات كتيره لفينا السوق كلو المساء عملو لي قعده مع الاهل ودعوني و مشو اها الليل كلو برتب في الشنطه ما بحب انوم وانا مسافره الصباح قمته دخلته الحمام و صليت و لبسته شلته الشنطه مرقتها بره لقيتم كلهم قاعدين شكلهم منتظرني امي مسكتني تبكي تاني ح تخلينا يا بتي يحليلك حسدوك 😭 وانا ابكي معاها الا ابوي جاء فكاها مني قال ليها هي التبكي عشان ح تخلينا كلنا و ح تكون براها من قال كده قعدته ابكي جات بيان و حواء و روان قلبنا البيت بيت بكا اسعد زاتو شايفه يمسح في دموعو قلته لي ما عايز تحضن اختك لانو مسافره جاء حضني كان ببكي بي صوت احساس اني ح اخليهم كم سنه احساس مؤلم لمن وشي حمر ابوي قال لي يلا العربيه جات عشان ما تتاخري امي مسكتني تاني تبكي حضنتها شديد و شميت ريحتا عشان اتذكرا حاسه اني ما راجعه تاني كملته دموعي كلها بعد تعب اسعد فكانا طلعته ركبته العربيه ودعوني بي يدهم و اتحركنا الطريق كلو دموعي ما عايزه تقيف تحت النقاب بعد وصلنا موعد الطياره لسه كان باقي ليو ربع ساعه انتظرنا كان ابوي بقول لي انتبهي لنفسك و قرايتك عشان ترفعي راسك وترفعي راسي يا بتي بقيت ابكي و اهز ليو راسي الشي الخلاني اتاثر وقت مسح دموعو اول مره اشوف ابوي الصعب معانا ودايما قوي ببكي شوفتو كده خلتني ابكي بي صوت حضنتو طوالي احساس مؤلم يا جماعه كونو تسيب زول عزيز عليك فجأه ندهو موعد الطياره حقتي ابوي فكاني و باسني في راسي اسعد حضني و اداني كيس كده ما عارفه فيو شنو قال لي اتذكرينا بيو حاجه بسيطه و ما تنسي تتصلي تطمنينا لو وصلتي ابتسمته و كلي دموع و ودعتهم و مشيت ركبته الطياره قعدته و جاء قعد جمبي ولد طويل كده ذكرني بالراجل الجانا داك بليل طبعا من الطياره اتحركت مسكته في الكرسي شديد و غمضته عيوني حاسه قلبي ح يقيف من الخوف بس تاني شويه بقى عادي بعدين جسمي رخى ( اول مره عاد يا جماعه 🤣💔💔) بعد مسافه اصلا نعسانه نمته طوالي من الملل و الجمبي كان بتبظ في تلفونو شويه حسيت بي زول بهبش فيني قمته مخلوعه طلع الراجل الجمبي عاينته ليو كان باشر بي يدو و بتكلم بالاشاره قال لي قالو اربطو حزام الأمان سرحته فيو وب علي ما شاء الله يا جماعه سماحه زي دي ربنا يحفظو بس قلته في سري تاني اشر لي بي يدو في عيوني بعدين انتبهته ربطه حزامي قلته ليو بالاشاره انت اتذكرتني ، قوس لي حاجبو تاني قال لي لا ، قلته لي انا المراءة الجيت سالتني عن عنوان البيت و قلته ليك عروس جديده، قال لي ايوا اتذكرته كان ببتسم عايز يسلم علي عملته لي اني ما بصافح ختى يدو في صدرو ابتسم وقبل كان بستمع في اغاني شكلو لانو الصوت كان مزهج وواصلني ...