رواية سجين الروح
الفصل العاشر10
بقلم ريم ابو القاسم
عملته لي بالاشاره ممكن توطي الصوت شويه لانو مزعج عمل لي كده 👍 بعدين رقدته تاني نمته فتراته ياخ صحيت مع نزلت الطياره الطرحه كيف و النقاب نزل تحت بهدله شديده كنته عرقانه في النوم بقيت اصلح في النقاب لقيتو بعاين لي قال لي بالاشاره( يا جماعه تاني ما ح اقول بالاشاره لانو تاني الكلام بالاشاره اتفقتا🤣😘) ، قال لي راجلك وين مش قلتي عروس جديده، قلته لي اطلقته منو ، قال لي اسف لاني ذكرتك و كان زعلان اكتر مني من ملامحو مع اني نسيتو و بقى من الماضي بالنسبه لي🥰💔 قلته لي ما مشكلة ما تزعل طول الكلام ده 🥰 اها يلا عايزين ننزل بعد نزلنا قال لي عندك زول جاييك ولا قلته لي ايوا عندي عمي هنا منتظرني بره سلم على و استاذن تاني رجع استغربته اداني ورقه قال لي اتصلي لو احتجتي اي شي في البلد دي قلته لي شكرا جزيلا ليك وعلي لطفك بجد كان لطيف شديد كانو بعرفني قبل كده انتظرني لحدي ما مشيت و لقيت عمي و ولدو واقفين لي سلمته عليهم عمي قال لي نورتي البلد ، ولدو قال لي ان شاء الله ما تعبتي في السفر قلته لي لا ما في تعب بالعكس عمي قال لي يلا العربيه جاهزه اكيد تعبانه مشينا ركبتا وراء و هم قدام طول الطريق بعاين للشوراع و النظافه و الانوار و الانتظام الفيها بجد تفتح النفس كتير بحضر المسلسلات التركية بتمنى ولو مره ازورا كانت احلى في الواقع بي كتير 🫶، وصلنا بعد مسافه و اساله من عمي و ولدو عن الاهل و البلد كيف هناك اتذكرنا حاجات كتيره لانو هم خلو السودان ليهم اكتر من عشره سنه تواصلنا معاهم كان بالتلفون نادر جدا اها وصلنا استقبلتنا مرت عمي حضنتني مسافه سلمت علي و عندها بت صغيره زي خمسه سنه اسمها ليان قعدنا جابو العشاء اكلنا و استأذنت منهم لانو نعسانه و تعبانه شديد مرت عمي ورتني غرفه كده قالت لي من الليله دي غرفتك لو احتجي اي شي انا قاعده جمبك هنا اشرت لي علي غرفه طوالي تعالي لي قلته ليها حاضر تسلمي بجد قالت لي ولو يا بتي اعتبري البيت بيتك ابتسمته و دخلته كانت مرتبه شديد و كل شي منظم رقدته من التعب نمته سريع تاني يوم الصباح كان يوم جمعه من نزلته شامه ريحه الاكل باين اكل بلدي لقيت مرت عمي في المطبخ بتعمل في ملاح التقليه قلته ليها واو تقليه قالت لي كيف اصبحتي قلته ليها الحمد لله كويسه شديد، علي فكره يا تنو التقليه دي مره مره بناكلا نادر شديد هنا بس عشان عمك بحبها بس هنا أولادي ما عندهم بيها شغله ، لي ياخ مع انو الاكلات السودانية دي زيها ما في ، اي والله بس الويكه و البصل الناشف هنا ما في ولو في غالي شديد هاك اخلطي لي الطماطم دي ، شلتها منا و بقيت اخلط فيها شويه كده (احمد) ولد عمي قال السلام عليكم طوالي غطيت وشي بي الطرحه بعد شافني عملته كده شال كبايه و طلع بدون ما يعاين لي حسيتو زعل كده مرت عمي عاينت لي (خالتو سميه ) قالت لي حتى احمد ده بتغطي منو ما زي اخوك يا بتي ، لا يا خالتو سميه هو ولد عمي ما صح لانو بعتبر اجنبي ، الناس اسي خلت الكلام الزي ده و امور ناس زمان ولد عمك ده زي اخوك ، بس يا خالتو سميه الدين ده واحد من زمان مستحيل يتغير حتى لو الناس كلها عملت الغلط اي زول بعدين بتحاسب براو و الحرام حرام لحدي ما تقوم الساعه ، قالت لي كلام لاكن بس ح تقعدي تتغطي كده من ولد عمك كل ما يجي ، قلته ليها ما مشكلة يا خالتو كده مرتاحه و جيبي اعمل الشطه قالت لي في التلاجه بتلقيها مشيت جبتها خلطتها و عملتها و جهزته الصفره معاها ده كلو وانا لافه وشي عمي قال لي طبعا ما ح تقدري تاكلي مع ولد عمك نعمل ليك يا احمد اكلك براك ، احمد قال ما مشكلة باكل براي اخدي راحتك يا تنو ، خالتو سميه قالت ليو كيف تاكل براك يا ولدي لو ما اجتمعنا كلنا في صفره واحده بزات الجمعه انا ما برتاح ، طبعا كلاما زعلني باين كانو انا ما مهمه اهم شي راحه اولادا ما علقته بي شي قلته لي عمي ما مشكلة انتو اكلو اسي انا بجي قال لي ماشه وين يا بتي ،دقائق بس اسي بجي مشيت الغرفه لبسته نقابي واصلا العبايه طويله بس الجونتات يا ربي كيف اكل قدامو قررته امشي لي خالتو سميه واقول ليها تعمل لي اكلي براي تاني عشان احمد ياخد راحتو انتظرته لحدي ما ياكلو شويه كده جاتني ليان قالت لي ماما دالت ليك تعالي اكلي قلته ليها قولي ليها تنو قالت ليك اكلي وتعالي ليها فوق حاضر هزت راسا بي حاضر و مشت بقيت قاعده منتظراها تجي .....