رواية مليكة قلبي الفصل الثالث عشر13 بقلم نجمه براقه

رواية مليكة قلبي

 الفصل الثالث عشر13بقلم نجمه براقه

مر الاسبوع ومحدش قدر يكلم رمضان ويقوله علي اللي حصل  وتسنيم  حاولت تسيب البيت لكن مهران منعها وقفل عليها الاوضه  بالمفتاح لغيت ما رجع ولقي وشوشهم حزينه  بقا يسألهم في ايه ومحدش بيرد  ،  دخل اوضته ودور علي رباب ملقهاش طلع تاني يسأل عنها علشان ترد مديحه وهي مش قادره  تبصله 

- راحت لامها 

:  امها؟!  من غير ما تسألني؟!  ،  في ايه يامه ما تتكلمي  ايه اللي حصل مالكم؟!  انتو اتعركتو

تنهد مهران وقال

:  مرتك سقطت عيلها 

وقف مكانه يبصلهم بصدمه قبل ما يقرب من ابوه ويقول بانكار 

:  سقطت كيه  ،  كيه يعني سقطت يابه  ،  ما تردو عليه  ،  كيه رباب سقطت  

مهران:  حريم قليلة العقل  ، باين شدو مع بعض  ف وقعتها وسقطت 

: حريم مين اللي شدو مع بعض  يابه فهمني   ، متسكتوش اكده   ،  رباب سقطت كيه...  قولي يامه!!!! 

قالت مديحه ببكاء 

:  كنت بتسبح ومره واحده رباب بقت تصرخ ولما طلعت لقيت تسنيم جمبها وقالت انها سقطتها

قالت كده علشان تروح عينيه لاوضة تسنيم ف يسيبهم ويروح بسرعه هناك ويحاول يفتح الباب لكنه ما بيفتحش  ، بقا يخبط ويزعق 

:  افتحي!!!  افتحي بقولك  

مهران:  انا قافل عليها كانت عاوزه تمشي قبل ما تيجي  

جري عليه  

:  اديني المفتاح  يابه

خد المفتاح من مهران ورجع بسرعه وفتح الباب لقاها واقفه جوه وبتبكي قرب منها وسألها وهو بيحاول يمنع دموعه من انها تظهر 

:  ايه اللي حصل  

قالت ببكاء  

:  والله ما لمستها  

عاد سؤاله  بجمود 

:  ايه اللي حصل  ؟! 

قالت  ببكاء 

= معرفش   ، هي  كانت بتصرخ جريت عليها لقيت هدومها كلها دم حاولت اساعدها  ولما شافت مرات عمي قالت ان انا سقطتها   ،  بس والله ما قربتلها  

قال بخزلان 

:  يعني سقطت نفسها علشان تتبلا عليكي قصدك 

جفت دموعها علشان تقول وهي بتشير لنفسها

:  انت ممصدقنيش 

= هشوف هصدقك ولا له لما اسمع منها  

سابها  وراح علي طول علي بيت ابو رباب وفورا سال عليها قالوله في اوضتها دخل عندها من غير استأذن لقاها قاعده لوحدها اول ما بتشوفه بتقوم ف بيوقف قدامها ويسألها بصوت مختنق 

:  سقطتي كيه؟!  

بصتله باحتقار وقالت 

:  بسببك  ،  هي وبتزقني وتضربني قالتلي هكسر فرحته زي ما عذبني  ،  انا  خسرت ولدي بسببك انت وهي  

قال بانكار

:  هي مش عفشه لدرجه دي   ،  قولي سقطتي كيه انا مش هزعل  

:  هي دي الحقيقه  ،  تسنيم سقطتني علشان تقهر قلبك  ،  والله هي اللي سقطتني   وانت حر تصدق ولا له اكده اكده انت هطلقني مش هعيش معاك تاني  

زعق فيها وقال 

= رباب!!!!   ،  قولي اللي حصل احسنلك 

:  قولت اللي حصل  ومتصدقش خلاص مبقتش فارق معايا  ،  بعد ما خسرت ولدي بسببك  انا مش عاوزاك  و روح اتجوزها دلوك انتو التنين زي بعض  ،  واحد معندهوش قلب والتانيه سقطتني علشان انت زعلتها 

قال وهو يحاول منه دموعه 

- يعني متاكده انك سقطي صوح 

:  متاكده  ،  سقط قدام عيني  والدكتوره عملتلي تنضيف   ،   روح الله يكرمك  ،  روحلها ومتجيش تاني   

استدار علشان  يمشي وهو مقهور ف بيوقفه صوتها وهي بتقول 

= قبل ما تطلع طلقني  ،  انا مش عاوزاك ولا هعتبرك راجل بعد اكده  

بصلها وقال تلبد 

:  انتي طالق 

= الف حمد وشكر ليك يارب  ،  اخيرا هشم الهوا  

مهتمش بكلامها وسابها  وراح الارض  ودخل بين حقول الغله  وقف هناك يبكي علي فقدانه ابنه قبل ما يشوفه وعلي صدمته في تسنيم  ، مكنش متخيل ان كرهها ليه وعدم مسامحته يوصلها انها تسقط رباب عشان تنتقم منه     

ـــــــــــــــــــــــــــــــــــــ  

كانت قاعده في اوضتها مش قادره توقف عياط  لغيت ما اتفتح عليها الباب ودخل رمضان و وقف قدامها متلبد بعد ما نشفت دموعه من كتر العياط  علشان تبصله وتتفحص تعابيره وتقول ودموعها ماليه عنيها 

:  قابلتها؟!  قالتلك إيه؟؟ 

قال بجمود  بعد صمت 

:   قالتلي اللي حصل  ، 

يضيف بزلان

=  ليه  ؟!  عملك ايه العيل اللي لسه مكملش خلقه في بطن امه  ،  انا  زعلتك كنتي جيتي قتلتيني انا  

قالت وهي بتبكي

:  رمضان والله كدابه  ،  والله ما قربتلها  ولا عمري اقدر آآذي حد كده  

= انتي!!  انتي الشر بعينه  ،  انا اتخدعت فيكي   ،  انا ممكن اقتلك دلوك  بس مش هعملها  ،  شايفه وشي ده   ، هو اكبر عقاب ليكي  هتصحي وتنامي عليه  ،  والعيل اللي سقطتيه هخلف منك مكانه عشره   ،  رضيتي  ،  مرضتيش هاخدك غصب  

قرب منها عشان تصده بايدها وهي بتبكي وترتجف 

:  استنا!!! 

شال ايدها وحاوطها بايديه وقربها ليه 

:  استنا إيه!!  مفيش استنا  ،  متتعبنيش علشان مش هتقدري تفلتي من يدي 

قالت ببكاء وهي بتحاول تبعده 

- علشان خاطر عمي بلاش والله ما عملت حاجه  

:  خلص الحديت  ،  اششششش مش عاوز نفس  

قالت وهي تبكي 

- طيب خليها يوم تاني  انا كنت هوافق عليك اصلا  ،  ونبي خليها يوم تاني  

:  دلوك من بعدين مش هتفرق   ، يلا انا طلقت رباب ومفيش غيرك دلوك مرتي  ،  تهتمي بيه وتجبيلي عيال 

بقت واقفه قدامه تبكي وهو بيقرب منها وايديها بتسري علي جسمها ويبتدي يجردها من ملابسها ويجبرها تطيعه وتستسلم ليه لغيت ما خد منها اللي هو عاوزة ولما جت تقوم شدها ونومها في حضنه ورفع وشها ليه وهي بتبكي علشان يقول ببرود 

- مبروك يا عروسه   ،  متزعليش جت علي الضيق بس تتعوض في اسبوع ولدنا مهران الصغير  ،  شدي حيلك عاد معاكي تسع شهور تجيبيه فيهم 

بصتله ودموعها ماليه عنيها 

:   لتاني مره هقولك معملتهاش  ،  ومش هسامحك لا انتي ولا عمي ولا مرات عمي علي اللي انتو عملتوه فيه   

- ومين قالك عاوزك تسمحيني  تجيبي العيل وتمشي  انا معوذكش 

سابها وقام 

:  من الليله هتنامي معاي  وتكملي شغل في البيت زيك زي الخدامه  ،  وكلامك معاي يكون برسميه  حتي وانتي معايا علي السرير  ،  قومي جهزيلي غيار 

ارتجف فكها وقالت 

- حسبي الله ونعم الوكيل فيك  

:  طيب قومي!!!  

                  *****

بتعدي الأيام وهي بتنام معاه في اوضته والكلام بينهم يكاد يكون معدوم   وحالت الاتنين اسؤ من بعض  ، هي كرهته وبتتمنا الموت علشان تخلص منه  ، وهو زعلان من نفسه علشان مش قادر يكرها بعد اللي عملته  ولانه وهو معاها بينسا هو معاها ليه ومش بيكون فاكر حاجه الا انه مع حبيبته مش انه بيعوض ابنه اللي هي قتلته  ،  ومن نحية رباب ف بدات تحس بحركة في بطنها في الاول تجاهلت لكن لما بدات تزيد راحت لدكتوره تاني علشان تكشف ف قابلتها بإبتسامة وبقت تضحك علي شكوتها علشان  تقولها رباب  

:  بتضحكي ليه  

- هو انتي مروحتيش لدكتور من وقت ما جتيلي مع جوزك 

:  مبقاش جوزي انا اطلقت منه  ،  انا جيالك تكشفيلي البتاعه اتاخرت قوي عن كل مره وحاسه برعص في بطني بيقولولي بسببها 

:  يا نهار اسود عليكي  ،  اطلقتي يخربيتك 

- ماهو اتخرب بتخربيه تاني ليه 

:  يابنتي انتي ربنا غضبان عليكي لدرجه عماكي  ،  انتي حامل لما جتيلي انتي وهو اتفاجات بحملك وبقيت اقولك حامل وانتي  مش فاهمه 

بصتلها بصدمه وقالت 

:  انتي بتقولي ايه  ، مين دي اللي حامل 

:  انتي يا فالحه  قومي نكشف ونشوف وصلتي لفين 

= انتي بتقولي ايه يا دكتوره اكيد انتي غلطانه  

:  قومي بس 

قامت معاها وبدات بالكشف و وريتها الجنين في الشاشه علشان تبصلها رباب بصدمه وهي مش عارفه هتقول ل رمضان ازاي بعد اللي حصل  ،  خرجت من عندها ورجعت البيت  وهي حتي مش عارفه تصارح اهلها  

ـــــــــــــــــــــــــــــــــــــ  

دخل عليها الاوضه لقاها قاعده شارده والحزن مالي وشها  ولمعت عينيها الي كان بيشوفها انطفت  ،  ابتسامتها وبهجتها اتبدلو وكل مشاعرها ماتت  ،  قرب منها وقعد جمبها يبصلها بتساؤل لا يخلو من السخريه وقال 

:  مالك يا مرتي  ،  مين مزعلك غيري   ،  انا من الصبح مرجعتش البيت  زعلانه ليه  

فتحت ايدها علشان يظهر فيها اختبار حمل بصلها باندهاش وخده منها وقال 

:  حامل؟! 

- بيقولو  ،  فاضل 8 شهور تقريبا ويجي  وتاخده 

 بصتله ودموعها ماليه عنيها 

:  وبعدها تطلقني وامشي  ،  انا مسامحه فيه مش عاوزاه 

- مستغربتش  واحده غلطت مع واحد مش جوزها  ، وسقطت واحده حامل مش مستحيل تسيب ولدها  

:  انت صح  انا سقطتها وغلطت مع واحد ومش عاوزه ابني  ،  بس احلف انك هطلقني  

- هطلقك  من غير حلفان 

ابتسمت وسط دموعها وقالت 

:  شكرا  عاوزه انام  حاسه نفسي دايخه  ،  سامحني في تجهيز العشا

قالتها ونامت  وهو فضل باصصلها شويه ودموعه متعلقه بطرف عينه ف بيقوم ويطلع بره  ويقعد في المندره يبص لاختبار الحمل وهو مش عارف يفرح وبعد وقت نام مكانه وعدت الساعات وطلع النهار ودخل جوه لقاها واقفه في المطبخ نفسها غامه عليها وبتسند علي الرخامه ف بيجري عليها ويسندها في حضنه لغيت ما بتستعيد وعيها وترتاح  ف بتبعد عنه وتدخل اوضتها وتنام علي السرير وبعد شويه بيدخل عندها بصنية الاكل ويحطها جمبها ويمشي   وبعد ما بيفطر مع مديحه ومهران بيقولهم علي حملها  ولكن من غير اي تعبير للفرحه وفي وسط كلامهم وفرحة ابوه وامه بيخبط الباب وبتقوم مديحه تفتح علشان تتفاجاء بدخول رباب عليهم وفي ايدها شنطت هدومها  علشان يقوم رمضان من مكانه ويروح عندها ويقول باستنكار 

:  ايه ده  ؟!  جايه ليه تاني  

وطت رأسها بخزي وقالت بعد صمت 

- سامحني يا رمضان  انا من حبي فيك وغيرتي عليك  ، كدبت 

اتقدم ليها وقال بترقب وخوف وهو  متوقع اللي هتقوله 

:  كدبتي في ايه  

حطت ايدها علي بطنها  

- انا مسقطتش  مكنتش اعرف اني حامل اصلا  لما قولت اني حامل قولت بالكدب علشان ترجعني بس دلوك انا حامل صوح في الرابع  ولدك اتحرك في بطني  

          الفصل الرابع عشر من هنا

لقراءة باقي الفصول اضغط هنا