رواية بسمتي الفصل العاشر10بقلم حليمة عدادي

أحبك كما أنت بكل المميزات التي استطاع قلبي أن يحصيها 

وبكل العيوب التي أصر عقلي على الإعتراف بها أحبك وأنا أثق ألا أحد قادر على ملئ هذا الفراغ بين ضلوعي إلا أنت 

احبك ولا يعنيني أن يسمعها 

**********************************************

علي : بسمة إفهمي قصدي كريم عايز يطلب يدي جوري من أبوها وطلب مني أسألك لوفي حد في حياتها ..

 

بسمة : وماقلتش كدا من الأول ليه  لازم يعني تعصبني ..

علي : اللي يشوف عصبيتك يقول إنك بتحبيني ها قولي كريم مستنيني أرد عليه بفارغ الصبر ..

بسمة : وهو مستعجل كدا ليه إنت عملت إيه في موضوعك ..

علي بإستغراب : موضوع إيه مش فاهم ..

بسمة : موضوع مايا إنت هتتجوزها ..

علي : موضوع مايا خلص خلاص أنا قلتلك قبل كدا إني مش هتجوزها إطمني .. 

بسمة : تمام هقولك جوري مافيش حد بحياتها أنا هتكلم معاها وناخذ  موعد من أبوها ..

 

علي : بسمة ممكن اسألك سؤال ولو مش عايزه ماتجاوبيش ..

بسمة : اسأل على حسب السؤال ..

 

علي : إنتي حبيتي قبل كدا ..

بسمة : لا مكنش عندي وقت للحب وكمان الحب الحقيقي مابقاش موجود كثير ..

 

علي : ليه ..

بسمة : مكنتش مهتمه بالحاجات دي كان كل همي إني أشتغل علشان ماما وإزاي استخبى من جدي علشان ميلاقنيش ..

علي : امممم طيب أنا زهقت من البيت تعالي نخرج شوية تعرفي مكان كويس نروحله ..

بسمة : فكرة حلوة تعالى نروح البحر المكان هناك جميل ..

علي : ماشي يلابينا نروح من يوم ماجيت ماطلعتش .. 

 غيروا هدومهم وخرجوا 

___________________________________________

في قصر مراد سلمان 

مراد قاعد بيتكلم مع اخته لارا

لارا : مراد إنت اتكلمت مع علي في موضوع جوازه من مايا ..

هناء : إبني مش موافق يامراد مش هتجبره على حاجة ..

مراد : هو رافض ليه علي كان عايز واحدة تحبه وإحنا لقناها ..

 

رؤيا : بابا مايا مش بتحب علي ..

مراد : رؤيا كفاية أنا قلت قراري لو مجاش أنا اللي هروح وأجيبه ..

 

لارا : مراد إنت شايف مراتك بتقول إيه بنتي بتحبه وأنا اللي يهمني هو سعادتها ..

مراد : هي بس خايفه عليه ..

 

رؤيا : إنتي مش مكسوفه من نفسك أخويا مش عايزك هو مابيحبكيش ..

 

مراد بغضب : رؤياااا إيه قلة الأدب دي مش محترمه وجودي ..

مايا بدموع التماسيح : أنا بحبه يلا ياماما  

 خرجت هي وأمها وهي بتبتسم بمكر

مراد وهز متعصب من رفض إبنه 

رؤيا : هنعمل إيه ياماما بابا مش هيغير رأيه ..

 

هناء : علي مش هيوافق هو عارفها كويس هي وأمها عايزين يستغلوا علي ..

رؤيا : إن شاءالله علي هيقدر يخلص منها ..

_____________________

بسمه قعدت جنب علي قدام البحر بتبصله كل فترة أما علي كان شارد بيبص للبحر فاق من شروده على صوتها وهي بتنادي عليه 

بسمة : سرحان بإيه مين اللي واخذ عقلك ..

 

علي : بفكر هعمل إيه لو بابا أصر على موضوع جوازي ..

بسمة بحزن : لو أصر هتوافق ..

 

علي : لا مش هوافق لكن لازم اقنعه ..

رن تلفونه بصله شاف رقم غريب 

بسمة : مين ياعلي رد ..

 

علي : دا رقم غريب ..

 

بسمة : رد وأفتح الإسبيكر علشان أسمع علي رد على التلفون

 

...... : الو حبيبي إزيك ..

 

علي : إنتي مين ..

 

مايا : معقول نسيت حبيبتك مايا ..

علي بضيق : عايزه إيه يامايا ..

مايا بدلع : بكلمك علشان موضوع جوازنا يابيبي ..

بسمة ماستحملتش خذت التلفون 

بسمة بعصبية : انتي مش مكسوفه من نفسك وإنتي بتكلمي جوزي بالشكل دا ..

 

مايا : جوزك مين إنتي مجنونه ..

بسمة : لو مابعدتيش عن علي وقتها هتعرفي الجنون على أصوله ..

 قفلت السكه علي كان مبسوط وهو شايفها غيرانه لكن خاف إنهم يأذوها هو عارف مايا 

علي بغضب : إيه اللي عملتيه دا إنتي اتجننتي إزاي تقوليلها انك مراتي ..

 

بسمة بدموع : كل اللي يهمك إني قلتلها إني مراتك ولا خوفت على مشاعر حبيبتك ماتخافش فاضل شوية وقت وكل واحد يروح لحاله  وقتها اتجوزها أو أعمل اللي عايزه ..

 

علي : بسمة أنا ماقصدش ..

 

بسمة : مش عايزه أسمع حاجة أنا فهمت قصدك يلا نرجع على البيت ..

بسمه زقت الكرسي وهي حابسه دموعها علشان ماينزلوش

***********************************************

كريم بنفاذ صبر : علي أنا عايز أفهم من لما دخلت البيت لحد دلوقتي إنت قاعد هنا زعلان ومراتك جوا حصل إيه فهمني ..

علي : عايزني أقولك إيه أنا تعبت ومابقتش فاهم حاجة ..

كريم : حصل إيه ياعلي أنا سبتكم وإنتوا كويسين ..

علي حكاله كل اللي حصل من لما خرجوا  

علي : دا كل اللي حصل أنا اتعصبت عليها لأني خوفت يعملولها حاجة ماقصدتش حاجة مش عارف هي اتعصبت ليه هي مابتحبنيش أنا مش فاهم مالها ..

 

كريم : لأنك غبي إنت مش عارف هي اتعصبت ليه لأنها بتغير عليك ..

علي : وهتغير على واحد زي ليه ..

 

كريم : ياأخي تعبتني البنت بتحبك واضح من تصرفاتها ..

 

علي : عرفت إزاي إنها بتحبني ليه متكنش شفقة عليا ..

كريم : إنت عايز تجنني يابني الغيرة دليل إنها بتحبك أقعد واتكلم معاها لوهي بتحبك مش هتلاقي أحسن منها ..

علي : حاضر هتكلم معاها على فكره قالت إن جوري مافيش حد في حياتها هتسألها وترد علينا ..

كريم بفرحه : متشكر ياعلي يلا روح اجبر بخاطر مراتك علشان جوازي ميبوظش هههه وابقى جنبك ..

علي : ماتخافش هحل الموضوع روح قول لبسمة إني عايز اتكلم معاها ..

 

كريم دخل المطبخ شاف بسمة بتحضر الأكل وهي سرحانه

كريم بمرح : مرات أخويا علي عايز يكلمك في موضوع مهم روحيله وأنا هكمل تحضير الأكل ..

 

بسمة : ماتتعبش نفسك أنا هكمل اللي بعمله وأروحله ..

 

كريم : مرات أخويا ماتعارضينيش روحيله هو زعلان وإنتي عارفه إن الزعل مش حلو ليه ..

بسمة خافت عليه : تمام أنا رايحه  خرجت وهي باصه للأرض 

بسمة : إنت طلبتني عايز مني إيه لوكنت مضايق من طريقة كلامي معاها أنا هكلمها وأحل الموضوع ماتقلقش ..

علي : لا يابسمة أنا مضايقتش من طريقة كلامك أنا خايف عليكي منها أنا أعرفها كويس ..

بسمة : ماتخافش عليا أنا هعرف إزاي أحل الموضوع مش عايزه  اتسببلك في مشاكل ..

 علي قرب منها مسك إيديها 

علي : بسمة إنتي مش عايزاني اتجوز مايا ليه خايفه أطلقك ومتلاقيش اللي يحميكي من جدك ..

بسمة : علي أنا عايزه أسمع منك إجابه واحدة إنت عايز تتجوز مايا؟ لو عايز تتجوزها روح اتجوزها ..

علي : أنا عايز واحدة تحبني وتكون سندي في الدنيا دي عايز اللي تقبلني زي ما أنا ماتجيش في يوم وتتعب من عجزي 

بسمه تقبلي تكملي حياتك مع واحد زي إنتي بنت جميلة وهتلاقي اللي يكون سند ليكي أنا عبئ على كل الناس مش هقدر أسعدك ..

 بسمة بصتله وهي متوتره وعماله تفرك بإيديها

بسمة بخجل : أنا مش عايزه حد يسندني غيرك إنت اللي هتحميني إنت سندي ياعلي ..

علي: هسألك سؤال وعايزك تجاوبيني بصدق مش عايز شفقه  

بسمة هزت رأسها بالموافقة

علي : الأول أنا اتجوزتك علشان أحميكي من جدك مكنتش أعرف إن قلبي هيدق ليكي أنا مش عارف حبيتك إمتا يومي مابقاش يكمل غير بيكي 

بسمة إنتي بتحبيني عايز تقولي اللي حاسه بيه مش عايز منك شفقة أكثر حاجة بتدمرني هي الشفقة ..

بسمة بخجل: علي أنا بحبك من زمان من قبل ما اتجوزك ..

علي بفرحة : بتتكلمي جد من إمتا .. 

بسمة : من لما تعبت أول ماجيتوا على الحارة وأنا ماقدرتش أنساك  كنت بفكر فيك كل وقت فرحت أوي لما اتجوزنا وزعلت لما عرفت  إن جوازنا كان بإتفاق ..

علي : ودلوقتي إنتي مبسوطه وعايزه تكملي حياتك معايا ..

 

بسمة بفرحه : لو تعرف قد إيه أنا مبسوطه ..

علي : اتمنى إنك ماترجعيش تندمي يابسمة ..

بسمة : أنا حبيتك بكل الميزات اللي قلبي قدر إنه يحصيها 

 وكملت بكسوف ودلوقتي عايزه أحضنك لوسمحتلي ..

 

علي : هههه طب ومكسوفه كدا ليه أنا جوزك على فكرة ..

 علي فتح إيديه بسمة حضنته وهي مبسوطه مكنتش متخيله إن حلمها هيتحقق وعلي يبادلها نفس المشاعر 

بعدت عنه لما سمعوا صوت كريم اللي خرج  فجأه 

كريم : إحم إحم خلصت تحضير الأكل يلا العشى جاهز ..

دخلت بسمة المطبخ تجري وهو مكسوفه

كريم بفرحه : ألف مبروك ياصاحبي قلتلك هتلاقي اللي تحبك ..

علي خذوا بالحضن وهو مبسوط 

علي : إنت سمعت اللي قالتهولي ..

كريم : احم سمعت شوية بس ..

علي : هههه شوية ..

*************************

مايا : ماما ياماما إنتي فين ..

 

لارا : حصل إيه إنتي متعصبه ليه .. 

مايا : رنيت على تلفون علي جاوبتني واحدة قالت إنها مراته وكانت متعصبه ..

لارا : مايا أكيد اتجننتي إنتي عارفه إنتي بتقولي إيه ..

 

مايا : أيوه وكمان هددتني علشان ابعد عنه ..

لارا : إنتي متأكده يامايا ..

مايا : أيوه ياماما كانت بتكلمني وهي متعصبه ..

لارا : لازم أبلغ أخويا حالاً ..

********************************************

كانت بسمة بتتحرك من مكان لمكان ملت السفرة بالأكل وماتوقفتش عايزه تحضر كل الأكل اللي علي بيحبه كانت تحضر الأكل بكل حب كانت هتطير من الفرحه كم هو جميل أن يحبك من تحب 

جهزت كل حاجه على السفرة وراحت ناحية أوضة علي علشان تصحيه قعدت جنبه وباسته من خده

بسمة : علي أصحى ..

علي فتح عينيه وهو مبتسم كان فاكر إنه بيحلم لكن لما شافها صدق إنها حقيقة

علي : صباح الخير ايه الصباح الجميل دا أنا بحمد ربنا إنه بعثك ليا كنت دائما بقول إن الحب مش حقيقي لكن كل حاجة اتغيرت من لما دخلتي حياتي ..

 

بسمة : كل الحب دا ليا أنا كنت طمعانه بشوية حب ..

علي بحب : إنتي بسمتي اللي نورتي حياتي ..

 

بسمة : يلا قوم الفطار جاهز يلا علشان أساعدك ونخرج بسرعة قبل ماكريم يخلص الفطار ..

علي : الولد دا مفجوع مش عارف هو طالع لمين ههه تعالي ساعديني ..

بسمة ضحكت : ماتخافش أنا حضرت كل الأكل اللي إنت بتحبه حضرت أكل كثير ..

علي باس أيدها بكل حب 

بسمة : يلا ياعلي هنتأخر على الفطار ساعدته يدخل الحمام ويغير هدومه حطتله عطره المفضل ومشطت شعره ..

علي : تسلملي ياقلبي ..

بسمه زقت الكرسي خرجوا لقوا كريم مستنيهم 

علي : صباح الخير شايفك مستنينا ..

 

كريم : هههه صباح النور إيه الشياكه دي والفطار الملوكي ..

 

علي : أنا مبسوط أوي النهاردة ومش عايز حد يضايقني ..

كريم: هههه ديما مبسوط إن شاءالله ..

بدأوا في تناول الفطار وهما مبسوطين كريم كان فرحان وهو شايف الفرحه في عنين صاحبه 

كريم : أنا عجزت ياناس عايز اتجوز بقى ..

  

علي: هههه مستعجل ليه هناخذ موعد ونروح .. 

كريم : متشكر ياخويا يلا يامرات أخويا كلميهم بسرعه وخذي موعد ..

علي : ههه يابني لسه بدري اصبر شويه ..

خلصوا فطار بسمة شالت السفرة ودخلت علشان تكلم أمها علشان تتكلم مع والد جوري

***********************************************

في قصر مراد سلمان 

كلهم كانوا قاعدين يفطروا وهما مبسوطين برجوع بيجاد ومراته بعد غياب 

بيجاد : وحشتوني أوى ..

 

هناء : البيت كان وحش من غيركم إنت وعلي ..

 

بيجاد : أخباره إيه هو لسه مالاقش البنت المناسبه ..

وهما بيتكلموا لارا نزلت لارا تجري وبنتها وراها بصولها بإستغراب 

مراد : في إيه يا لارا حصل إيه ..

 

لارا : مراد إنت خبيت عليا ليه  كذبت عليا ليه ..

مراد : في إيه لارا وضحي كلامك ..

لارا : إبنك طلع متجوز وإنت قلت إنه لسه بيدور على واحدة ترضى تتجوزوا ..

 

كلهم بصولها بإستغراب 

مراد : إنتي بتقولي إيه علي لسه ماتجوزش مين اللي قالك الكلام دا ..

لارا : مراته هي اللي قالتلي لما كلمته ..

لارا حكتله كل حاجه وعن كلام بسمة  

هناء  : كذب إنتي بتقولي الكلام دا  على إبني علشان يتجوز بنتك غصب عنه إبني لايمكن يتجوز من غير مايقولي ..

 

مراد بعصبية : بس اسكتوا أن هعرف بنفسي لو كان الكلام دا حقيقي ولالا ..

رؤيا بفرحه : لو علي اتجوز دا معناه إنه لقى اللي بيدور عليه ..

 

بيجاد : رؤيا عندها حق لازم نروحله علشان نعرف لو الكلام دا حقيقي ولالا ..

 

نور : فعلاً لازم نتأكد علي مش بيخبي عني حاجة ..

لارا : مراد إنت بتوهم بنتي ليه إذا إبنك متجوز ..

 

 مراد : أنا قلت إني هعرف الحقيقة 

خرج مراد وهو متعصب من تصرفات إبنه   

لارا خرجت وهي متعصبه لأنها مقدرتش تعمل اللي هي عايزاه .. 

رؤيا بغيظ : اه كل ما بشوف مايا العقربه بكون نفسي أطبق في زمارة رقبتها إزاي هتكون مرات أخويا ..

هناء بحزن : ياريت كلام لارا يكون حقيقي وابني يكون اتجوز هو استحمل كثير نفسي أشوف ولاده هو بيحب الولاد لما نور جابت سليم شوفت الحزن في عينيه ولما سألته زعلان ليه قالي إن أمنية حياتي إني أشيل إبني بين إيديا لكن دا مش هيتحقق ..

 

رؤيا : أنا بتمنى إن علي يكون اتجوز بجد هنكون صحاب أنا وهي ..

بيجاد  : هههه أنا شايفك متحمسه خليها تيجي بالاول وبعدين هنشوف هيحصل إيه ..

 

رؤيا : إن شاءالله هتيجي علشان نخلص من العقربه مايا .

**********************************************

علي وكريم قعدوا مستنيين بسمة 

كريم : بسمه إتأخرت لو ماوافقتش أنا هعمل إيه ..

 

علي : اصبر يابني هي لسه هتاخذ موعد علشان نروحلهم إنت بتحبها أوي كدا ..

 

كريم : أنا مش عارف حبيتها من إمتا الحب بيجي من غير ميعاد علي إنت ناوي تعمل ايه هتقول لبسمة الحقيقة ..

علي : أنا خايف من الحقيقة خايف تسيبني لو عرفت ..

كريم : العلاقة اللي تبدأ بالكذب تنتهي بسرعة قولها الحقيقة وهي لو بتحبك مش هتسيبك يمكن تزعل شوية بس دا من حقها ..

علي : أنا عارف دا ياكريم لكن لو عرفت إني كذبت عليها من الأول هتزعل أوي ..

كريم : حبل الكذب قصير ياصاحبي وهي أكيد هيجي يوم وهتعرف 

وكمل بهزار بس عايز منك حاجة واحدة ماتقولش لمراتك لحد خطوبتي ماتم ..

 

علي بضحكه : هههههه مصلحجي ياوحش ..

بسمة خرجت من الأوضة كريم بصلها واتكلم بلهفه 

كريم : ها هنروح نطلبها إمتا ..

بسمة : ماما اتكلمت ماما مع أبوها بس ..