رواية سجين الروح
الفصل الاول1
بقلم ريم ابو القاسم
مهري كان مصحف و زفافي عمره سافرنا مكه قضينا احلى ايام و رجعنا كنته ما بعرفو ولا بتربطني بيو علاقه زواجنا كان عن طريق الترشيح كان امام مسجد وانا زوله عاديه واكتر بدرس في الجامعه ده اخر سمستر لي ووعدني حتى بعد الزواج ح يخليني اكمل دراستي بيتي كان عادي غرفه و عريشه ومطبخ و حمام حتى عفشي بسيط اول يوم بعد رجعنا من مكه امو قالت لينا ننزل عندهم عملو لينا كرامه صغيره و عزمو فيها الاهل امي ادتني نصايح شوفي يا تنو عارفه ابوكي صعب وقال لي طالما بتك طلعت ما بترجع الا جثه يعني تمسكي بيتك ما اي مشكله تلمي شنتطك و تجي ، حاضر يا امي انا عارفه ابوي كويس وانو ما بقبل بي حاجه زي دي عشان كده اطمني ، شويه كده سمعته صوت بقول السلام عليكم صلحته نقابي ،امي قالت ده انت يا ولدي كنته بتكلم مع تنو ، جيت اقول ليها انوبعد ده العشاء لازم نمشي عشان المواصلات قلته لي تمام حضنته امي مسافه و ببكي ما عايزه افكها الا الشريف قال لي انتي ما شافعه بكره ممكن تجيها تاني خليك عاقله و خلي البكا رفعته راسي عاينته ليو (صراحه الشريف ووضوحو معاي في الكلام بزعجني دايما بخت لي الكلام علي طول ما براعي لي مشاعري لو كلامو بجرح او لا بس اتجاوزته) شلته الشنطه جاء اخدا من يدي ابتسم وشالا بعدين طلعته سلمنا عليهم ثريه اخت الشريف قالت لي بكره ح تمشي الجامعه صح طبعا هي بتقرى معاي في نفس التخصص و السنه و زواجي من الشريف كان بسببا هي عاينته للشريف نظام شوفي راي اخوكي وجهت السؤال ليو قال ليها انا ما عندي مشكله بس اكيد تبيان تعبانه اسي خليها ترتاح يومين تلاته من السفر و تنزل *ملاحظه ما بقول لي تنو نهائي بس تبيان🙂💔 قلته ليو بس انا ما تعبانه عادي بنزل قال لي متاكده هزيت راسي قال لي تمام ان شاء الله ربنا يحينا وعدته ثريه انو بكره ح نتلاقه و كده و طلعنا وصلنا البيت الوقت كان بدري والشريف قاعد بقرى قران ما عندنا تلفزيون نفرق ولا شي شلته الشنط و مشيت علي الدولاب قلته اخير من اعقد ساي بقيت ارتب الدولاب ختيت ملابسو كلها وقت جيت ارتب ملابسي سامعه صوتو قال لي اساعدك قلته بسم الله لانو اتهجمته شديد قلته لي لا قربته اخلص😊 قال لي لا ح اساعدك عشان تخلصي اسرع ابتسمته ليو وزحيت شويه بقى يشيل و يرص معاي فجأه شال عبايتي قديمه شديد من عباياتي وقعت منها صوره رفعا انا كنته ما منتبه قال لي ده منو عاينته ليو وعاينته للصوره بقيت ارجف قال لي بنهره بسالك يا تبيان ده منو ، طبعا ما بعرف اكذب قلته ليو ده واحد كان زمان بحبني في الجامعه عيونو فجأه قلبت لمن خفته قال لي بحبك ولا بتحبي انتي لمن محتفظه بي صورتو لحدي اسي عايزه تستغبيني صح يعني تقولي لي كان بحبني ، والله ما كنته بحبو ولا شي هو ، هو شنو من البدايه سالتك كان في واحد في حياتك قلته لا و برضو كررته السؤال ده تاني وقت سافرنا جاوبتي نفس الاجابه اسي اجي اتفاجئ انك كنتي عاشقه رفعته راسي ونزلتو بقيت ابكي كلامو كان حار وما اداني فرصه اشرح ليو موقفي شال تلفونو وطلع ..