رواية بعد عقد قران
الفصل الرابع والعشرون24
بقلم ريم ابو القاسم
ما ردت رجعت تبكي كانو انا ما في قربته عليها و قعدته طرف السرير قلته ليها غنوان انا بحبك و دي حاجه
انا عرفتها فترة وجودي في السجن او بالاحرى وقت زعلتك بي كلامي القاسي و كوني اقول ليك اعفى لي دي حاجه يمكن مستحيله لانو العملتو
ابدا ما كان هين حتى انا بوعدك اتوب اول لي ربنا و ح اتغير اذا انتي كنتي معاي ، رفعت راسا قالت لي يعني ما ح تتوب لي ربنا لو انا ما معاك ، لا انا ح اتوب و ارجع لي ربنا حتى لو انتي قررتي تبعدي بس
انا الما ح ابعد منك حتى لو انتي عايزه كده ، وبالنسبة لي امي و الكلام القلتو ليها انا اسف كنته طايش وخايف لو قررتي تحكي لي اي زول تكون علي الاقل امي معاي بس تصرفي غلط كانت بتعاين لي و ساكته قلته ليها
غنوان قولي اي شي بس ما تسكتي ما بتعرفي بتقطع كيف ، اقول شنو يعني انا حاسه انو نحنا خلاص لازم نعمل Stop للعلاقه دي لانو من البدايه كانت غلط في غلط حتى زواجنا كان ارضا لاسرتنا يعني اصلا نحنا
ما اتخلقنا لي بعض، لا يا غنوان نحنا مع بعض و ح نفضل كده انا مستحيل اخليك و انتي برضو و مسكتها من كتفا و ميلته راسي اتجاه راسا وانفي قصاد انفها غنوان انا بحبك اقسم بالله بحبك ممكن تعفي لي شفته دموعا و حزنا لاول مره من قريب وملامح وشها كانت بتبكي و ترجف
في نفس اللحظه و كلو ده كفيل يخليني اطبع قبله طويله و ازح منها بحركه بطيئه لقيتا مغمضه تاني رجعته كررتها وزحيت بقيت اعاين ليها ولي تعابير وشها لقيتا بتفتح عيونا بحركه بطيئه و بتعاين لي
شديد بس خربت اي شي وقت قالت لي عملته شنو انت اطلع لو سمحته ما عايزه اشوف وشك مسكتها من اطراف اصابعا بس انفعلت زياده و كانت بتصرخ بصوت عالي طلعته طوالي لقيت امي جايه علينا قالت لي
مالا كمان في شنو قلته ليها ما في شي بتهدى براها عايزك في موضوع سقته امي ومشيت ...
بلسان غنوان ...
سمعته صوتو وانا كنته ببكي وراقده و حاسه حياتي كلها سواد في سواد حتى ما ليها طعم تاني رفعته راسي بعد اتكلم معاي كلام نصو فهمتو و نصو لا لانو كنته تعبانه نفسيا و مرهقه مسك اكتافي و قربني عليو و بقول لي بحبك مع اني ما بحبو ولا
شي بس قلبي كان بضرب بسرعه للكلمه دي و كنته في حالة ضعف كبيره و استسلام بزات وقت قبلني مفروض ابعدو بس لا خليتو بعد خلص تاني رجع كررا فتحته عيوني اتفاجئته بي وش تاني مع انو نفس
وش مصطفى بس انا يمكن وعيت و حسيت انو ده مصطفى الزمان بتاع البنات الخاين قلته لي عملته شنو انت مسك لي اطراف اصابعي جاتني رجفه جرت في كامل جسمي خلتني انفضو و اصرخ فيهو انو يخليني في
حالي و يبعد مني تلقائيا طلع و رجعته ابكي يمكن دي تراكمات للكان بحصل ما كنته ببكي كده اسي كل ما تنزل مني دمعه بحس بي راحه كبيره ...
بلسان مصطفى...
سقته امي وديتا غرفتا و قعدته مسكته ليها يدها قلته ليها ح احكي ليك شي بس ما تزعلي مني قالت لي
في شنو يا ولدي احكي ، غنوان زوله نضيفه و بريئه و ما حصل عملت شي كعب بالعكس ولدك هو الوسخان من جوه ، ده كلام شنو يا ولدي غنوان دي زوله صعبه اصلك ما تقارن نفسك بيها ، لا علي فكره الكلام القلتو
ليك داك كلو غلط عن غنوان وانا كنته البعمل كده بس عشان كده ما بطيقا قلته فيها كده ، يا ود ده كلام شنو عارف نفسك بتقول في شنو و نفضت يدها مني ، ايوا عارف انا الكنته بجيب البنات و بظلما و كنته
دايما غلطان في حقها من بدايه علاقتنا لحدي نهايتا بس هي دايما صابره و ما كانت بتحكي لي زول فيكم و متحمله ...