رواية مهره
الفصل الثالث عشر13
بقلم منه محمد
كانت سعيده بعد ان تحررت منه و من تحكماته المزعجه بسرعه اتصلت ب"سليم" الو ايوه يا سليم
سليم : مهره عامله ايه؟
مهره بفرح : انا كويسه كويسه اوي بقولك ايه ايه رأيك نخرج انهارده
سليم بتعجب : نخرج !! نخرج فين مينفعش نخرج مع بعض عشان
مهره بمقاطعة : هاقولك كل حاجه بعدين بس يلا اجهز هنتقابل ف نفس المكان اللي اتقابلنا فيه المره اللي فاتت
سليم : طيب
اغلقت معه و هي سعيده بدأت تفتش ف الدولاب عن الملابس الذي سوف ترتديها بحماس
________________________________________________________________________________
رانيا : اييييه !!
عبد الرحمن : ايوه بحبك يا رانيا و متابعك من زمان حتي موضوع الجيم ده انا عملته عشان اشوفك بس
رانيا بعجرفه : ايه اللي انت بتقوله ده و انت فاكر ان انا ممكن ابص لواحد زيك
كان يكتم اهانتها داخله و لا يبدي اي رده فعل : الحب بيعمل المعجزات صدقيني يا رانيا انا بحبك ارجوكي اديني فرصه مش يمكن تحبني
رانيا : بس بس بس مس عايزه اسمع اكتر من كده ابعد من وشي و دفعته بغضب و ذهبت
نظر لها بغضب و خبث و بعد ان تأكد انها اختفت رفع هاتفه لإجراء مكالمه : الو ايوه يا شريف عملت زي ما قولتلي بالظبط، زي ما توقعت نفتضلي
شريف : معلش هي الخطه محتاجه صبر ف الاول بس معلش النتيجه هتفرحك ف الاخر، يلا اقفل بقي عشان عندي شغل
عبد الرحمن : ماشي سلام
شريف : سلام، اغلق هاتفه و وجدها امامه
غاده : الله الله الله حضرتك بقي سايب الشغل و قاعد بتتكلم ف الفون
شريف : حضرتك ده وقت البريك اظن مسموحلي اعمل فيه اللي انا عايزه
غاده : مظبوط و ماله خدلك بريك لانك هتحتاجه اوي، ثم ذهبت و تركته
نظر لطيفها بتوعد : و انا هندمك علي كل حاجه عملتيها فيا و ده و عد مني
________________________________________________________________________________
التقطت به في نفس المكان الذي قابلته فيه اخر مره، و عندما رآها
انبهر بها و جمالها و فستانها الرقيق و كأنها اتت من زمن اخر
مهره بابتسامه : مالك متنح كده ليه؟
سليم : مبهور شكلك مختلف عن اخر مره شوفتك فيها
مهره : فعلاً انا مبسوطه اوي أخيراً فسخت الخطوبه
سليم : ايه فسختي خطوبتك انت بتتكلمي بجد !!
مهره : اه و عشان كده انا عايزه احتفل بالمناسبه العظيمه دي
سليم : ياااه للدرجه دي الخطوبه دي كانت منكده عليكي
مهره : فوق ما تتخيل، احنا ليه قاعدين
سليم : عايزنا نروح فين؟
مهره : اي حته استني انا عندي مكان تحفه
______________________________________________________________________________
اخذته إلي العزبه الخاصه بعائلتها و التي فيها اسطبل للخيول
سليم : ايه المكان ده !!
مهره : ده المكان اللي بنربي فيه الخيول بتاعتنا اصل احنا عيله بنحب الخيول اوي
سليم : اااااه عشان كده اسمك مهره
مهره : بالظبط بابا بيحب الحصنه جداً و عشان كده سماني بالاسم ده
كانت تربط علي الخيل الخاص بها : و دي ليلي الخيل بتاعتي سمتها كده عشان لونها اسود زي سواد الليل
اخذت يربط عليها بخوف قليلاً : لطيفه
مهره : ايه رأيك تجرب
سليم : اجرب ايه؟
مهره : تركب
سليم : بس انا عمري ما ركبت حصان قبل كده و مبعرفش اتعامل معاهم
مهره : متقلقش انا هساعدك
بدأوا سباق بالخيل و لكنه لم يستطع التحكم و وقف علي الارض، توقفت بسرعه و ذهبت تتفقده : سليم انت كويس
سليم : اه انا كويس
اخذت تضحك عليه ، مما جعله يضحك هو الاخر و هو يتأمل ابتسامتها و ضحكاتها الرقيقه
كان ف السوبر ماركت يشتري بعض الاشياء و سمع صوت شخص ينادي باسمه فالتفت له : لين !!
لين : ازيك يا سمير
سمير : انت بتعملي ايه هنا؟
تعجبت من سؤاله : عادي يعني كنت بشتري شويه حاجات و لقيتك بالصدفه قولت اسلم عليك
سمير : انا اسف بس احنا مفيش بنا سابق معرفه توصل للدرجة دي و ذهب و تركها
تعجب من رده فعله و حزنت كثيراً لماذا يعاملها الجميع هكذا حتي
الشخص الوحيد الذي احبته و ظنت انه مختلف ابتعد عنها