رواية سجين الروح
الفصل السابع7
بقلم ريم ابو القاسم
قلته ليها ايوا بس ما ممكن نقدم المحكمه ، للاسف صعب ما ممكن هو ياجل السفر ، ما ح يوافق اسي انا شايله هم اكلمو يقوم يضربني، اول مستحيل يضربك لو لمسك ساي اتصلي علي في الرقم ده ح تجيك دوريه للبيت و بالنسبة للسفر اديني رقمو انا بتفاهم معاو و سفرو ح يتاجل لحدي بعد المحكمه، انتي شايفه ده أفضل حل ، اكيد اما او عندك حل تاني قولي ، لا للاسف يا ريت💔 ، طيب خلي الموضوع علي ما تشيلي هم و انا بحب المره القويه الما بتخلي حقها اكتبي لي الرقم هنا مدت لي ورقه بيضاء كتبته ليها رقمي و رقم الشريف و مشيت طول الطريق كنته شايله هم كيف اكلم ابوي و اسعد بزات كلام ابوي انو ما ارجع الا وانا جثه يعني ما في رجعه طالما طلعته قطع حبل افكاري اتصال اسعد بسالني من الشريف قلته لي انا بره البيت، قال لي وين مشيتي للزمن ده ، لا قصدي مشيت الدكان بعد ارجع بقول ليو يرجع ليك تمام ، اي ما تتحاومي بليل خلي راجلك يطلع عنك الدنيا ما امان ، حاضر، يلا مع السلامه ما تنسي تخلي يتصل لي موضوع مهم و قفل رجعته البيت لقيتو زاتو ما في قعدته مسافه للساعه 10 قلته بعد ده ما اظين يجي شكلو بايت بره عايزه اقفل المطبخ عشان اقفل البيت الباب ضرب مشيت فتحتو لقيتو واحد طويل مع الضلام ما شايفه الملامح كويس طبعا خوفته وجسمي ده برجف لانو براي عايزه اقفل الباب لزاهو قلته لي في شنو انا براي داير شنو بقى يتكلم بي يدو باين انو ما بتكلم طبعا فهمتو لانو عندي صحبتي في الجامعه ما بتتكلم الا بلغه الاشاره كان بقول لي داير بيت هنا و مدا لي ورقه قلته لي انا عروس جديده طبعا ده كلو بالاشاره قال لي شكرا قلته لي العفو بس اسال الجيران ديل طلعته راسي لقيتو راكب عربيه اخر موديل قلته في سري صحي الله ما بدي اي شي و قفلته الباب علي كده طبعا للصباح ما في خبر الشريف الساعه 8 كده الباب ضرب مشيت فتحتو لقيتو ابوي و الشريف و اسعد طبعا اتخلعته ابوي قال لي ما عايزه تدخلينا بيتك قلته لي العفو يا ابوي اتفضل البيت بيتك دخلو قعدو كلهم مشيت لبسته توب ماشه اجيب مويه ابوي قال لي ما عايزين شي تعالي اقعدي نتفاهم الخوفه الدخلت فيني من طريقه كلامو جسمي ده بس يرجف و رجولي تطاقش قعدته نزلته راسي اسعد قال لي دي تربايتك الربيناك ليها ابوي قال ليو اسكت انت ابوي قال لي ارفعي راسك ما عندنا بت بتطلع تجي راجعه و كمان بتمشي المحكمه و بتطلب الطلاق و تشتكي راجلا ما عندك وليان بقيت ابكي تبكي علي شنو مش من البدايه وافقتي علي العرس ده وما في زول جبرك اسي مالك ، بضربني يا ابوي و بعذبني و ما بثق فيني اقل سبب بكورك اليوم الانا جيتكم مسكني من باب الشارع حتى ما سالني كنتي وين تتوقع شنو من زول زي ده ابوي قال ليو الكلام ده صح، الشريف نزل راسو طبعا هو عارف و امام مستحيل يكذب ابوي قال لي خساره فيك راجع دينك الدين ما بس تحفظ قران و تصلي بالناس الدين كمان كيف تتعامل مع زوجتك و تكون قدوه للرسول عليه افضل الصلاة والسلام بس خساره بتي ليك ما تستاهلا بقيت ابكي قلته لي شوف كمان يا ابوي وريتو العلامات و اصلا علامة خشمي ظاهرة اسعد من شاف عايز يضربو الا ابوي مسكو قال لي اهدي يا ولد احترم ابوك انا بتفاهم معاو ، شوف يا الشريف نحنا اديناك امانه وانت اهملتها عشان كده حتى الطلاق بالمحكمة ما عايزنو طلقا لينا اسي و سافر سفرك و ورقتا بنطلعا عادي بعدين الشريف قال ما بطلقا ما انتو بتحددو اطلق مرتي ولا لا مش هي لسه في عصمتي وزمتي يبقى انتو بره ان شاءالله اكتلا انتو ما دخلكم 😊، يداب بينته علي وشك الحقيقي يعني الورق بقى مكشوف وتاني اي زول يعمل الفي راسو طيب مش راكب راس انا بوعدك بتي دي بكره براك زي الوقت ده ونفس القعده دي ح تطلقا غصب عنك و نشوف ركوب الراس ده حدو وين ....