رواية سجين الروح
الفصل الثامن8
بقلم ريم ابو القاسم
ابوي قال لي انتي اقعدي ما من حقي اسوقك معاي اسي اصبري لي بكره ما رديت بي شي اصلا كنته خايفه من الح يحصل شكلو ما بطمن ابوي واسعد طلعو و بقيت قاعده معاهو عاين لي بغضب و دخل قفل عليو الباب كنته فاكره ح يضربني بس الحمد لله ما عمل شي حسيت بجوعه كده دخلته المطبخ طقيت تمام (بطني ذنبها شنو يجماعه 💔🐸) جيت مارقه عاينته للغرفه لسه شكلو جوه قعدته في العريشه اتبظ في تلفوني شويه كده اتصلت علي ثريه قالت لي افتحي لي الباب انا بره مشيت فتحتو لقيتا سلمت علي قلته ليها اتفضلي عاينت للغرفه قالت لي ده الشريف جوه ، ايوا راقد جوه ، ايوا تمام و قعدت مشيت اجيب ليها مويه قالت لي تعالي يا تنو ما عايزه حاجه جيت قعدته طبعا نظراتا ما بطمن ولا انا الفتره دي عايشه علي اعصابي ما بعرف قالت لي السمعتو ده صح ، سمعتي شنو ، ح يكون شنو ما تعملي غبيه يا تنو لي انتي و الشريف عايزين تطلقو وقت سمعته الخبر ده انصدمته و زعلته و طوالي قررته اخلي اي شي في يدي و اجي اتكلم معاكي ، تتكلمي معاي انا بس ؟ علي فكره حتى اخوك عندو يد ، صح بس انتي عارفه اني بعتبرك اختي وانك قريبه لي اكتر من الشريف عشان كده بتكلم معاك كده ممكن تحكي لي مالكم والموضوع لي يصل لي انك تشكيهو و تطلبي الطلاق في المحكمه ، بقيت ابكي شوفي طلعته التوب و قمته علي حيلي ، قالت لي واي يا تنو ما تقولي لي ده الشريف بس ، ح يكون منو هو زاتو وكلو بي سبب احمد ، مش قلته ليك ابعدي من طريقو أحمد ده من البدايه قلته ليك عشان ما يصل الموضوع هنا كلمي الشريف بس دايما بتعملي الفي راسك بعد كلاما ده جانا صوت الشريف بقول حتى انتي عارفه و كمان يعني الموضوع كبير كده و بالجد في علاقه بينكم كل مره بقرف منك بس المره دي حتى وجودك في البيت تحت سقف واحد ما عايزو انتي طالق و بالتلاته كمان وحده زيك ما ممكن تقعد في بيت طاهر لانك زوله طوالي جيت قدامو و زغردته ههه ايوا بصراحه ما عرفته اعمل شنو بقى متفاجئ قلته لي ما تتفاجئ عارف زغردته عشان شنو ؟!! زغردته عشان مبسوووطه اني بقيت حره و اتفكيت منك بعد الحصل برضو مفروض تسال ثريه او تسالني بس تحلل من عندك كده انت ما ح تتغير و لا انا ح استحملك ، ثريه قالت لي اهدى يا تنو ، مروقه حبيبتي و تعالي ساعديني الم ملابسي و ارجع بيت اهلي جريتا من يدا عاينت للشريف و جات معاي بقيت الم حاجاتي لقيت جردل البسكويت لسه ما خلص ضحكته علي حالتي و بكيت في نفس الوقت قلته لي ثريه هاك قزقزي لحدي ما نخلص مسحته دموعي قالت لي باين انك مقهوره تمثليك فاشل بالقوه اطمنك عاينته ليها و بقيت ابكي حضنتني بكيت قدرتي حتى كنته بشهق بعد مسافه سكته قالت لي خلاص هزيت ليها راسي قالت لي اقعدي انتي انا بلم ليك حاجات بس وصفي لي هزيت ليها راسي مشت لمت ملابسي كلها و كل حاجاتي قالت لي دقيقه طلعت بره اظين اجرت امجاد و جات قالت لي ارح هي شالت شنطه و انا شنطه لبسته نقابي و عبايتي و طلعنا لقيت الشريف ما في شكلو طلع الحمد لله زاتو ما عايزه اشوف وشو ركبنا الامجاد مسافه الطريق بس وصلنا نزلت معاي يحليلا امي من شافتني قالت لي طلقك قلته ليها ايوا براسي جات حضنتني بقت تبكي لي يا بتي لي تخربي بيتك ما ممكن تستحملي مالو لو استحملتي و حافظتي علي بيتك ، استحمل لي يا امي معليش لو زول بعرف معني الزوجه و الحياه الزوجيه بس ده شوفي طلعته عبايتي بعد شافت عاينت لي قالت لي معقوله ده الشريف بقيت ابكي قالت يدو الضربك بيها بالنار و البلاء المتلاحق بقت تبكي عاينت لي ثريه شكلها يداب انتبهت لي وجودا قلته ليها ثريه عارفه و هي معاي مسحت دموعا و جات سلمت ليها قالت اعفي لي يا بتي بس قلب الام ما بستحمل قالت ليها العفو يا خالتي انتي زي امي واحد وانا بتفهم موقفك ، يديك العافية يا بتي اها قعدنا مسافه ساكتين ثريه استاذنت حلفنا الا تتغدا بعد اصرار قعدت اكلنا و طلعت قلته لي امي وين اسعد وابوي قالت لي مرقو من الصباح قالو عندهم شغل ، طيب وين روان ، بايته عند صحبتا من امس يمكن تجي بعد ده قلته ليها لسه روان مصره قالت لي شنو قلته ليها لا قصدي مصره تنجح ، اي ما زيك خليتي قرايتك و باريتي العرس قلته ليها انا خلاص بعد ده بقيت حرههه اتم عدتي و اواصل دراستي ، بيان قالت لي اي احسن تتمي دراستك يا بايره 🤣 ، عايزه اشيل المسند افنا قامت جاريه اصلو ما بتعقل البت دي المساء كده روان شرفت لقتني قاعده انصدمت قالت لي الليله معانا ولا شنو بي ابتسامه قلته لي اطلقته و معاكم للابد ، بقت تضحك ايوا ، امي قالت ليها قلبك ميت في شي يضحك ، ايوا تنو عارفه البضحك شنو و رفعت لي يدها شفته خاتم شكلو جديد غمزت لي و دخلت امي قالت لي يا ربي مالا اكيد القرايه جننتا ما تشتغلي بيها كتير ، ابتسمته لي امي و سكته شويه ابوي و اسعد جو من شافوني ما اتفاجئو سلمو و قعدو ابوي قال لي يا بتي جهزي لينا الغدا عاينته ليهم اسعد قال لي ما سامعه ابوك قال شنو امشي عاينته لي ابوي ابتسم لي قمته دخلته المطبخ سخنته الاكل و حضرتو و جيت ختيتو قدامهم قعدو اكلو بعدين جبته الشاي يداب ابوي اتكلم الف مبروك طلقك صح ، هزيت راسي بي ايوا بس لسه ما فاهمه شي عاينته لي اسعد لقيتو يتبسم ساي عملته لي بي كتفي في شنو قال لي اسمعي ابوك .....