رواية سجين الروح
الفصل التاسع عشر19
بقلم ريم ابو القاسم
بعد الكف الاداني ليو عايزه افتح خشمي تاني لصق لي واحد و قال جيبو لي توب سريع البنات واقفين بعاينو ليو فاكرنو مجنون الا قال دي خطيبتي منقبه جيبو حاجه استرا عايزه افتح خشمي قال لي ولا كلمه ولا كلمه ما شايفه حالتك 😡 دي قرايتك صح وحده جابت توب لفاني بيو زي الجثه حتى انفى عيوني كلي ما خلى فيني شي ظاهر من الغضب وانا اكتفيت بالبكا لانو حاسه نفسي غلطانه و ما غلط هين غلط مستحيل ينغفر جراني ركبني العربيه و مشا بي ما بعرف وين وصلنا نزل و قال لي البسي التوب ده و لفى كويس في وشك جسمي هبط و دموعي ما قادرات تقيف بعد تعب لبستو و انا بجر يدي جر خليت بس عيوني بعد شافني خلصته ركب قال لي من هنا لي بورتسودان تاني ثانيه ما بتقعدي في البلد دي و لو عايزه تقعدي الا تكوني في بيتي غير كده ما في قعاد ليك ..
بعد كلامو ده انفعلته انت فاكر نفسك شنو ااا فاكر نفسك منو انت مسحته دموعي انت مجنون و لا ما بتفهم زول ما دايرك لي بتبقى لصقه كده ما عندك كرامه ...
مهما ما تقولي ده كلامي و حتى الوالد لو عرف متاكد ده قرارو ...
تفتح خشمك و تحكي لي زول ما برحمك فاهم ولا حتى عمي و بقيت ابكي ياخ عايز مني شنو انت😭😭😭💔 ...
ما شايفه نفسك في المرايه ده شنو بقى ياشر في الجلباب كان ظاهر لانو التوب شفاف كان ... ده تعب ابوك دي ثقتو ده وعدك ليو ح يصدم لو عرف واحتمال يروح فيها لا قدر الله و بعدين انا شفته اي شي افضل توافقي بي عشان لو ما وافقتي ح اكلم ابوي و عمي عرفتي و تنفضحي ...
عايز تصل لي انت شنو ما قايلاك بالتفاهة دي يغسي بجد بقرف انك ولد عمي و اني احترمتك في يوم من الايام ..
تفهمني ما تفهمي مشكلتك انا بحبك و دايرك و داير استرك و بوعدك اني اكون احسن زوج ليك يعني مفتكره قعادك في داخليه في بلد اجنبي صح و لا ح ينفعك بالعكس ده اقل من يوم بقيتي ما تبيان البعرفا المحترمه خايف لو قعدتي يومين تلاته تاني تفكي النقاب و تبقى معاهم واكعب احتمال ...
ما ح اعمل كده اصلا مستحيل و يعني لو شفتني ؟؟؟! ما اصلا شفتني قبل كده فارقه معاك. ...
فارقه شديد يا تنو عايز اكفر عن ذنب غض البصر العملتو وعاين لي بكل حنيه عرفتي بجد ندمان وحاسي بالذنب ...
بس انا كرهي ليو كان اكبر قلته لي ذنب؟ انا عافيه ليك بس ما دايره اتزوجك فاهم ...
حلو معناها ترجعي بورتسودان بدون اعتراض تقولي ما حبيتي دراسه هنا و عايزه تدرسي هناك 🥰
ما برجع و ما بخلي الدراسه هنا ...
اذن اتجهزي لي عقدك القريب قال جملتو لي دي و سكت تاني ما نطق بي كلمه انا نبزتو بس ما اشتغل بي الشغله قال لي علي فكره وصلنا بعد نزلنا دخلته طوالي الغرفه حتى ما عاينته قدامي و قفلتها علي من جوه جات خالتو سميه تدق الباب احمد قال ليها خليها تعالي مشت معاه شكلها تاني ما سمعته صوتا قلعته التوب شفته نفسي في المرايه بالجد بقيت رخيصه شديد لفيت نفسي تاني بالتوب و نزلته تحت بدون وعي قلته لي انا موافقه اتزوجك يا احمد موافقه حتى لو بكره قدام عمي و خالتو سميه جات قالت لي في شنو يا بتي احمد جبرك ولا عمل ليك شي عمي قال ليها اصلا احمد قال ماشي يرجعا مرتو و طالما هي راضيه و هو راضي نقعد ليكم طوالي 😍 و بتي ترجع بيتا تاني خالتو سميه قالت بس باين من شكلا انو في شي تاني احمد قال لا يا امي ما في شي بس هي اشتاقت لي امها و اتمنت تكون معاها انتي اطمني و امشي جهزي لي مرتي وانا وابوي نجيب المأذون احمد كان مبسوط و بنطط ساي اما انا كئيبه و ساكته و حاسه بي كسر جواي حاسه بي الم و طعنات في قلبي و خيبات و كلو حاسه بي ندم باختصار حاسه باي احساس مزعج ممكن يحس بيو انسان ضعيف قعدته قالت لي مرت ولدي السمحه اتمنيت اللحظه دي و اتحققت المنيه يلا تعالي دخلتني غرفتا عملت اتصالات و جات و جابت معاها توب احمر و طقمو و عطور و اكسسوار و كل شي بخص العروس قالت لي ديل حقاتي وانا عروس لحدي اسي محتفظه بيهم و لو ما عرس مستعجل كان لبستك افخم من ده يا بتي ❤️....