رواية سجين الروح الفصل السادس عشر16 بقلم ريم ابو القاسم

 رواية سجين الروح 

الفصل السادس عشر16

 بقلم ريم ابو القاسم 

قلته لي انت 😳 طبعا عارفه ما ح يسمعني تاني ضيقته عيوني قلته لي اهلين سلم لي كالعاده قلته لي جيت لي ناس البيت بي ربشه كده حتى يدي في الحركه كانت بترجف  ابتسم ابتسامه كبيره قال لي اتفضلي قاعدين دخلته خليتو واقف من اللخبطة والتوتر الدخل فيني رجولي بتطاقش مع بعض دخلته بقيت اعاين في البيت رهابه ما شاء الله ولا اللوحات المعلقه باين في زول راسما بي دقه شديده اثناء سرحتي جاني صوت هاله بتقول تبيان دي انتي اتفضلي ، ايوا جيت الحق خالتو المحفظه بتاعتا 

ده منو يا بت ..

دي تبيان ..

جات مارقه تبيان بتي كيفك نورتي والله 

تمام الحمد لله بس جيت الحقك المحفظة نسيتيها شكلك مع الاستعجال

فعلا تسلمي يا بتي تعبتك معاي 

ما في تعب يا خالتو معقوله 

اتفضلي اتفضلي مع هاله انا بستاذن اخدته حبوبي و بتنعسني امشي اخد غمضه انتو اخدو راحتكم 

لا يا خالتو مستعجله والله بجيكم يوم تاني .. 

هالة ..

والله يا تبيان ما تقعدي شويه ما بجيكم و تعالي هنا ما قايلاك منقبه ...

قعدته منقبه لي ما شبهي النقاب😂..

لا بس البشوفك لابسه قبيل ما يشوفك اسي

انتي عارفه لبسته كده بس عشان خالتو طلبت مني لانو دايما متعوده علي الطويل و كده...

طويل اكتر من الابسه ده يابت يوم واحد امي اخدت لي زي جلبابك الابسه ده طوالي دفعتو مستحيل البس حاجات زي دي في البيت ...

دي انتي يا هاله انا ما قعده في بيتنا و صعب شديد ولد عمي داخل ومارق ..

قصدك احمد😂😂😂

ايوا احمد ما ينفع عشان كده قررته ارح داخليه و بعد بكره طوالي ح انزل و بكره بمشي ..

واي يا تنو ما تقوليها انك ح تمشي برضو 😭 لي ياخ اي وحده اتعرف عليها في الحي ده لازم تمشي و ما عندي صحبات عليك الله ما تمشي انا بوصلك كل يوم او طارق بوصلك بس لا عليك الله 😭😭💔...

طبعا سرحته مسافه اسمو طارق واي قلته ليها قصدك اخوك الاسي لقيتو طالع ...

ايوا طارق بس ما بتكلم ..

بعرف قلته في سري بس ما حبيت افتح تاني موضوع معاها لاني اتاخرته شديد و الزمن ...

قلته ليها يا ريت لو حكايه التوصيل الحكايه اكبر من كده يا هاله انا ما ماخده راحتي اتخيلي احمد شافني 🙂💔...

واي يحليلك طبيعي لازم يشوفك طالما انتو في سقف واحد علي العموم توعديني انك تجي حتى لو من الداخليه...

اكيد هو انا لاقياك وين و بجد فرحانه اني اتعرفته علي بت كيوته زيك كده وطيوبه و بستاذنك الونسه حلوه بس الزمن و ما تنسي راجيني ترتيب حاجاتي لانو المشي بكره🥺 ...

لو ما كده ما كنته خليتك تمشي الا تاكلي بس يلا نتلاقه ان شاء الله...

يلا مع السلامه و سلمي لي خالتو وقت تصحي ...

حاضر بصل اكيد

قدمتني لحدي الباب و بعدها دخلته البيت لقيت احمد كان مديني ضهرو و بقول هي فاكره البيت ده زريبه تطلع علي كيفا و كمان تتاخر حركات البنات دي ما بتنفع معاي ...

في سري قلته ده مالو و خالتو سميه شغاله ليهو بي عيونا و خشما ما باقي الا تقول لي تنو وراك تقريبا فهم قبل لقاني واقفه انصدم اول و بعدين جاء علي 

انتي فاكره نفسك شنو ...

بالنسبه.. 

بالنسبه؟؟؟ بالنسبه يا حضره السيادة طلوعك و قعادك للزمن ده وتقولي بالنسبه ...

انا ما طلعته رفاهيه طلعته عشان الحق خالتو المحفظة...

حتى ولو مش لحقتيها طوالي ترجعي البيت اليخليك تعقدي شنو للزمن ده ما شايفه الساعه المغرب قرب ...

اعتقد يا احمد ما شي يخصك معليش لو خالتو سميه او عمو بس انت ما تتدخل في حياتي فاهم ..

كمان جابت ليها لائمه اهلك ما ربوك  بصوت عالي طوالي دموعي نزلت ما متعوده زول يتناقش مع بالحديه دي و الكواريك دخلته الغرفه رقدته بي نقابي كنته ببكي لمن بشهق اول مره اشتاق لاهلي هو مالو و مال اهلي ما يخصو ما عملته شي عشان يقول لي ما ربوك كيف سكته ليو ده كلو في راسي و انا ببكي قمته فتحته التلفون بقيت اتفرج لي صور ناس البيت و ابكي صورتي مع ابوي و حواء و بيان و روان و صوره امي معاي و اسعد حقيقي اشتقته ليهم كيف ح اقدر اتحمل السنين دي كلها من غيرهم فجأه تلفوني اتصل لقيتا دي ثريه قلته كيف اتذكرتني ...

الو ..

تنو مشتاقين والله ..

بالاكتر والله كيف انتي ..

انا كويسه بس انتي يا بايخه تسافري و ما اعرف الا بالصدفه من الشريف ...

هو الشريف عرف من وين ؟ ..

ما بعرف بس وراني هو .. حسيتا زعلت من طريقه كلامي حبيت اغير الموضوع طبعا فايتك كتير يا ثريه يا ريت لو تجي تشوفي الرهابه و البلد ...

يا ريت والله يا تنو بس دايره منك شي واحد لو راجعه😂😭 ..

طوالي عيوني ليك يا قلبي ...

عايزه شنطه ميكب كامله 🥺🥺🥺 

بس طلبك جاهز اعتبري واكيد بصلك ...

تسلمي يا تنو ما بتقصري كيف الاهل هناك ..

كويسين الحمد لله كلهم وانتو كيف و خالتو كيف سلمي عليها ...

كويسه الحمد لله تسلم عليك والله كل مره تهلوس بيك بس اسي بقت كويسه شويه مع العلاجات ...

يحليلا سلمي عليها ..

ان شاء الله بصل 

بعد قفلته منها حقيقي حسيت بالذنب لانو انا السبب في ده كلو بس اعمل شنو 💔...

اثناء ما ماسكه التلفون جاتني رساله من رقم غريب محتواها (ممكن تبطلي تبكي و تكشري و ابتسمي لانك حلوه شديد و بتكسري بيها 

         الفصل السابع عشر من هنا

لقراءة باقي الفصول اصغط هنا