رواية سجين الروح
الفصل الرابع عشر14
بقلم ريم ابو القاسم
اقعدي اشربي الشاي اول ، قلته لي كيف اصبحته يا عمو ، بخير وعافية الحمد لله وانتي كيف اصبحتي يا بتي ، كويسه الحمد لله ، شيلي كبايه الشاي دي حقتك و ده بسكويت ما تخجلي اشربي براحتك ، شلته الكبايه بقيت اشرب خالتو سميه قامت قالت لينا اخدو راحتكم انا ماشه عندي مشوار هنا و جايه
كده يداب اتوترته 💔🙂 بعد طلعت عمي قال لي قلتي لي احمد عايزه داخليه صح ، ايوا ، ما مرتاحه هنا يعني في بيت عمك ، لا ما كده يا عمو بالعكس مرتاحه شديد بس احمد ما ح ياخد راحتو و انا كمان ما ح اقدر اخد راحتي ، احمد هو قال ليك ما مرتاح ، لا بس انا ما مرتاحه و هو كمان و اكيد ما بقدر يقول ما مرتاح ، انتي عارفه احمد قال دايرك ، طيرته لي عيوني كيف يعني دايرني ، دايرك طالب يدك بس قال اول اشوف رأيك ، سكته ابيت ارد ، قال شايف انو ده أفضل قرار عشان تقعدي في البيت و تاخدي راحتك طالما هو السبب ، بعد كلامو ده روحي فارت بي جوه كيف احمد ياخد عني قرار زي ده هو شنو اصلا عشان ياخد عني قرار ما من حقو نهائي طوالي قمته ما قدرته استحمل كلام عمي ولا ثانيه بقيت ابكي في الغرفه
هناك ...
اكيد بتكون خجلانه 😂 ..
عندي....
لازم اوقف احمد و تفكيرو عند حدو لانو ما بقبل بحاجه زي دي قررته انزل تاني واقول لي عمي ما موافقه و شوفو لي داخليه ده قراري نزلته منفعله وقفته قدامو قال لي تنو تعالي قلته لي يا عمو انا ما موافقه خت الكبايه من يدو و ما عايزه اتزوج اسي لانو ما جاهزه و بدري علي و افضل احمد يشوف لي داخليه لو ما بقدر انا براي بطلع افتش 😊 ، دقايق اهدي و روقي اول اقعدي قعدته طيب طالما ده قرارك انك ما موافقه و عايزه داخليه افضل راحتك اهم شي بس انا الح افتش الداخليه لانو ما بضمن اي مكان ابتسمته قلته لي شكرا يا عمو ، ولو يا بتي اهم شي راحتك حسيتو زعل عشان كده قلته لي بس ح اجيكم طوالي في اجازه نهاية الأسبوع ، ان شاء الله تنوري البيت بيتك في اي وقت حتى لو غيرتي رايك البيت فاتح ليك ابتسمته قعدته شويه قال طالع عندو مشوار اها طلع بقيت براي ليان طلعت مع امها و احمد من الصباح ما في و شايفه العده و النظافه قلته اشتغل لحدي ما هي تجي مشيت لميت العده غسلتها و نظفته البيت و بخرتو و قعدته احضر...
شويه كده الباب فتح كانت خالتو سميه ليان جات جاريه قالت لي ماما جابت ليك حديه قلته ليها شنو حبيبتي قالت لي عطر حلو طلعته لي كيس فيو عطر جميل خالتو سميه قالت لي حاجه بسيطه مشينا نتسوق اتذكرناك ، لي تعبانه كده يا خالتو ما كان في داعي ، العفو ما في تعب عافيه عليك ، تسلمي بجد كده ، انتي نظفتي و غسلتي العده يا حليلك يا تنو ما كان في داعي ، معقوله يا خالتو ما في تعب ، ربنا يكمل عقلك ح امشي اعمل الفطور لانو اتاخرنا في السوق اها مشيت جهزتو و بعد مسافه جات اكلنا و دخلتا جوه طوالي ده روتيني اكل ارقد انوم اقوم اصلي انزل تحت اقعد مع خالتو شويه كده عمو جاء بعد قعد جبته لي مويه قال لي لقيت ليك داخليه قريبه للجامعه ...