رواية سجين الروح
الفصل الخامس عشر15
بقلم ريم ابو القاسم
طبعا فرحته شديد بالخبر و اني ح ارتاح تاني ابتسمته قال لي لو ما عشانك و عشان مضايقه ما كان وافقته بس ما تنسي وعدك انك ح تجي في أجازة نهاية الاسبوع ، اكيد يا عمو مستحيل أنسى وعدي ليك باذن الله.
خالتو سميه قالت لي الليله عايزين نشرب جبنه من يدك بتقدري قلته ليها جدا يا خالتو ، عمو استاذن و قالت لي عندها جارتا تعزما تجي تشربا معانا قلته ليها رايك شنو اعملا زي ما بنعملا في بورتسودان قالت لي يا ريت والله بسمع بيها و انو عندكم ليها طقوس و حاجات ضحكتني 😂 قلته ليها اي والله اسكتي ساي طيب عندك كانون و فحم ، ايوا في بس مجدوع جوه ما شغاله بيو كتير ، طيب حلو ممكن اطلعو ، اكيد اتصرفي براحتك و ح اتصل لي احمد ما يجي قلته ليها لا يا خالتو ما في داعي لو جاء بس بغطي وشي ، لا ما ممكن عايزاك تلبسي براحتك زي البنات و تمشي براحتك بعد نخلص منها ممكن يجي قلته ليها طيب ، حلو امشي اقلعي لبسك ده و البسي جلباب عادي و تعالي و ياريت بدون طرحه كمان و ضحكت ، ما بقدر يا خالتو بدون طرحه ، يعني بتخجلي مني انا كمان ، لا بس ، بس شنو امشي بدون لا امشي البسي ، مشيت متردده طبعا فتحته الدولاب اخترته جلبابه بلو طويله شويه ومخنصره من الخصر طلعت حلوه اشتريتا جديده و كنته زعلانه اني ما ح البسا لانو هنا مقيده بس يلا لبستها و لبستو و سرحته شعري اصلا مسرح لي وراء و طلعته لقيتا بتجهز في العده من شافتني قالت لي ما شاء الله عيني بارده يا تنو عسل ما شاء الله لي بتتغطغتي كده اسي تلقى عريس كيف ما في زول شايف الجمال ده البسي اتلحلحي كده تجيبي عريس سريع ، منو قال ليك يا خالتو العرس باللبس انا حتى لو ما بطلع لو ربنا كاتب لي و عندي قسمه بتزوج و الزواج ده قضاء وقدر ما مربوط باللبس ، صح قدر بس الوش عندو دو كبير اسي انا لو ولد ما شفته بت ما بعرسا ، سكته ابيت ارد لانو شكلو النقاش معاها ما ح يوصلنا لي نتيجه وقت شافتني ساكته و بولع في النار سكتت قالت لي غايتو ربنا يديك ود الحلال اليسعدك قلته ليها ان شاء الله يا خالتو اها ختيت الكانون و جهزته الطربيزه بس ناقص الفناجين نحنا بنشرب في فناجين صغار و هم كبابي لاكن صغار برضو ما فرقت قلته ليها يا خالتو لو رجعته اجازه ح اجيب ليك من فناجينا هديه و معاها طربيزه الجبنه قالت لي يا ريت يا تنو و اي شي بخص الجبنه و بورتسودان عايزه بزات طرابيز الصدف قلته ليها اكيد ما تغلى عليك ، ربنا يخليك يا عسل انتي 😘 المهم جارتا جات و عندها بت قدري كده اسمها هاله ظريفه وونسانه عملنا الجبنه شربو و حلفتني الا يوم اجيهم قلته ليها ان شاء الله اها شربناها و استاذنو قلته اقدمهم و بالمره اعرف البيت وين لانو قالو بيتهم جمب بيتنا طلعته قلته ليها وين بيتكم يا هاله امها قالت لي هدا الجمبكم ده قلته ليها البعد البيت ده قالت لي لا لا البيت ده زاتو طبعا قلبي اشتغل دلوكه وقت قالت لي كده اتخيلو طلع بيت الولد داك ..🐸💔 قلته ليها بصلكم ان شاء الله ودعوني و مشو بعد دخلته خالتو سميه قالت لي سريع البسي لحقي ناس هاله المطبقه حقت امها نسوها ، لبسته عبايتي و نقابي سريع و مشيت من وصلته البيت متردده كنته و برجف من الخوف قلته يا زوله افضل تدخلي اصلا هو مستحيل يكون قاعده زي الزمن ده ده كلو وانا بتكلم بي صوت تحت النقاب شويه الباب فتح براه و طلع ده هو بقى بعاين لي واعاين ليو بصدمه ...