رواية بعد عقد قران
الفصل التاسع9
بقلم ريم ابو القاسم
قلته لي اسراء تعالي عايزاكي في موضوع قالت لي شنو قلته ليها تعالي بس ، مرت عمي قالت ليها قومي مع اختك قامت وقت وصلنا قرصتها انتي يا معفنه رافعه لي سعر مالك مش قلته ليك تعالي ، اييي ياخ حتى بعد عرستي ما بتتغيري ، شوفي معاي حل انا اخوكي ده لو قعد معاي اكتر من كده يا قتلتو يا قتلتو ما في خيار تاني ، بقت تضحك عليك الله اعمليها نحنا زاتو ما عايزنو😂😂😂 ، شوفي انا جاده علي فكره طلعته التوب ، واي يا غنوان لاكن الفستان حلو شديد معاك ، تسلمي والله دي حاجات امي و مرت عمي ، ما شاء الله رهيب شديد حتى جاي مع جسمك ، انتي بس عايزه تغيري الموضوع انا اسي اتصرف كيف مع مصطفى ده ، يعني انتو لسه ما ... ، لسه ما شنو قصدك شنو ، قصدي يعني ما ح تبقو تلاته ، تلاته في عينك انتي لو معانا كنتي شفتي اكشن شغالين كفيت بس ، ما جادين طبعا لو ما طايقين بعض للدرجه دي اطلقو بس ما مجبوره تعرسي واحد ما بتحبي ، عاينته ليها بإستهتار كيف ما مجبوره وابوي لو ما وافقته كان ضبحني وقتي ، والله يحليلك المهم ربنا يعينك و يعني ما تستاهلي ده كلو ، الحمد لله اقول ح امشي اغير تمام، كويس اطلعي لينا للعشاء بعد تخلصي ، لا لا انا ملانه ما بقدر قولي ليهم بعتذر لاني ماكله قبل اطلع بس عايزه انوم ، تمام يلا ...
بعد مرقت اسراء غيرته و جيت رقدته طوالي من التعب بقيت قاعده افكر اسي انا كده كده ما ح ارتاح هنا افضل اواصل دراستي مدام انا و مصطفى ما بتربطنا اي علاقه قررته انزل خلاص لاني زهجته من قعاد ساي علي الاقل اغير جو اها رخمته خلاص و عيوني وقعت الباب فتح افتكرتها اسراء لانو بنوم سواء كنا ، بس اتخيلو طلع منو ؟🙂..... بس ياهو الجاء علي بالكم مستر مصطفى قلته لي اسراء وين قال لي اسراء عاقده عليك تاني ما في شي اسمو اسراء في شي اسمو مصطفى وبس ، لويت لي خشمي علي الاقل عارف نفسك شي ما بني ادم 😒 ... سخيفه حمقاء ، حاكيتو سخيفه حمقاء ما عندك غير الكلمات دي انت حفظتنا خلاص ، تحبي تعرفي عندي كتير وبقى يقرب قلته مصطفى زح من وشي احسن ليك و لسه بقرب و بتبسم ، والله اصرخ الم فيك ناس البيت ..
مصطفى ما تضربني عليك الله انا عملته ليك شنو و بالغصب طلعته لي دموع ...
قال لي يا زوله مالك في زول هبشك ...
لا لا يا مصطفى، مصطفى لا ...
يلا يداب سمع صوت مرت عمي قالت لينا مالكم وجهت سؤالا لي مصطفى مالك مع بتي في حاجه ...
قال ليها لا لا يا حجه بس ...
قمته من السرير و جريت ليها حضنتها و بقيت ابكي قالت لي مالك يا بتي ، عايزه انوم معاك ما عايزه انوم هنا ، شكلها حست تقول لسه متحسسه من الحصل قالت لي طيب حبيبتي ما تبكي تعالي وقت جيت اقفل الباب طلعته لي لساني و مشيت...
رقدته قلته ليها يا عمتو ممكن انزل الجامعه بكره مع اسراء بعد حسيت انو هي برضو صاحيه ، لا يا غنوان
انتي لسه عروس جديده شهر ما تميتي الناس يقولو عنك شنو ما ينفع الا بعد تاخدي زمن ، والله زهجته من قعاد البيت وبعدين حتى مصطفى نازل شغل انا اقعد اعمل شنو ، طيب اول اخدي راي مصطفى و نح
نا ما عندنا مشكله في سري قلته ليها ولدك ده اصلا ما عندي ليو شي قلته ليها كلمتو و قال موافق وانا اصلا ما كلمتو قالت لي مدام كلمتي يا بتي بكره ممكن انزلي مع اسراء انبسطت شديد قلته ليها تمام تسلمي يا احلى خالتو ...
الصباح قمته بدري متحمسه للجامعه لبسته و قشرته وطلعنا انا واسراء بدري شديد حتى شكلو مصطفى
ما قام وصلنا لقيت صحباتي باركو لي و اتونسنا و حضرنا المحاضرات قلته لي اسراء محاضره التشريح القبل دي عندك ليها لانو دي ما بتتفهم الا اراجع ديك قالت لي انا معتمده علي الشيت بعد يطلع الا تشوفي محمد هو الوحيد البكتب مع الدكتور قلته ليها يا ربي بكون طلع ، لا لا بكون
مشى المكتبه اكيد زي الزمن ده قلته ليها طيب ارح اصور منو مشيت لقيتو قاعد سلم علي قلته لي يا محمد عايزه اصور منك محاضره التشريح القبل دي لاني ما كنته حاضره قال لي جدا طلع الدفتر صورتو و قلته لي
شكرا قال لي ولو دايما لو احتجتي اي شي تعالي لي ما تخجلي ،ابتسمته و قلته لي شكرا ان شاء الله بعد طلعنا اسراء قالت لي اشي علي انتي عارفه انا كنته منتظره يحرجك عشان تاني ما تسيبي الجامعه عشان العرس و
تجي تكوسي قلته ليها كيف قالت لي لانو محمد ده ما بجامل في تلخيصو يعني لا بوريك ساي نظريا كاتب شنو لمن يخليك تصوري انا الوقت كلو مصدومه و فاتحه خشمي بقيت اضحك قلته ليها غريبه قالت لي غريبه لمن غلط😂 ..
بعد طلعنا لقينا مصطفى واقف بعاين في الباب جمب عربيتو قال لينا مالكم اتاخرتو مش الجدول مفروض الساعه 2 تخلصو قلته لي كنته بصور الفاتني قال لي ده كلو تصوير ، قلته لي اها يا الجاسوسات من متين الاهتمام ده اما اسراء ماتت بالضحك
، قال لي شوفي الساعه التخلصي فيها طوالي رجلك للباب ما تلفو لي هنا ولا هنا ، قلته لي كلامي معاك في البيت اسي احتراما لي اسراء ما ح اقول شي 😌 ...