رواية سجين الروح
الفصل الحادي عشر11
بقلم ريم ابو القاسم
جات قالت لي خير يا تنو قلتي دايراني ، ايوا صح يا خالتو سميه انا قررته بعد اشوف الجامعه انزل داخليه و بالمره تكون قريبه للجامعه و كده ..، ايوا احسن قرار اخدتي انك تقعدي في داخليه عشان تاخدي راحتك و تكوني قريبه طبعا ما رديت علي كلاما لانو ما اتوقعته تقول لي كده قلته ليها ايوا صح و سكته ،ما دايره تاكلي ، لا ما دايره ما جعانه ، من شاي الصباح ما ينفع ح اجيب ليك تاكلي هنا ، ما في داعي يا خالتو لو جعته بجي باكل براي ، لا لا عشان العده و كده افضل تاكلي ، كل مره بتفاجئني يعني عشان العده ما تتوسخ قلته ليها طيب و سكته هي مشت و انا قاعده شويه كده اتصلت علي امي سلمت علي بالبكا طبعا و روان و بيان و حواء قالو لي اسعد و ابوي لسه ما جو لو جو بعدين بتصلو لي يسلمو علي قلته ليهم سلمو عليهم لم يجو خلوهم يرجعو لي لاني بالجد اشتقته ليهم مع انو يوم يداب اها لو قعدته باقي السنوات دي ح اعمل شنو قفلو مسحته دموعي بي فتحت الباب دي خالتو سميه قالت لي اكلي و بعد تخلصي المساء عمك ح يسوقك الجامعه تعرفيها و تتسجلي بالمره قلته ليها ان شاء الله اكلته بعد الظهر كده عمي قال لي اتجهزي مشيت الغرفه لبسته عبايتي و طلعته قال لي جاهزه قلته لي ايوا قال لي يلا ارح فجأه جاهو اتصال قال لي امشي انا بلحقك قلته لي تمام مشيت ركبته العربيه و انتظرته مسافه بعدين جاء احمد ركب قلته لي عمي وينو قال لي جاهو شغل مهم وقال لي اوصلك انا قلته لي يحليلو عمو ده تعبان شديد قال لي تعبان عشانا و بتمني اخلص السنه دي و ابدى شغل معاهو و كده بقدر اريحو و استلم منو قلته لي يعني باقي ليك سنه قال لي ايوا قلته لي سبحان الله اليشوفك يقول يداب في الجامعه ، صح ما انتي براكي لانو ملامحي تتشاف صغيره قلته لي بالضبط كده قال لي وانتي ، انا يداب ح انزل اول سمستر مع انو مفروض اسي اكون قطعته شوط بس العرس و كده غايتو الحمد لله، ما تزعلي كل شي لي خير ، ايوا ان شاء الله، اها بلدنا كيف عجبتك ، ايوا حلوه شديد، لسه كمان ح اوديك و نتفسخ و تشوفيها اكتر ، يا سلام بتمني والله اها بقينا نتكلم عن تركيا و الاماكن النفسي ازورا و الشوارع و بوصف حقيقي كانت بلد حلوه بعدين وصلنا ركن العربيه و نزل بقينا ماشين مع بعض قلته لي ماشي كده كانك بتعرف الجامعه، يا ذكيه انا بقرا هنا طبيعي اعرف ، والله😅 ، ارح ارح مشينا حسيت بي احراج طبعا وصلنا مكتب المسجل و سجلته ما كان في ناس كتيره لانو الزمن اتاخر دايما الزحمه بتكون الصباح بعدين عملنا الإجراءات و لقيت انو الجدول نزل صورتو و طلع النزول بعد اسبوع طوالي قلته لي لي بنزلو بدري كده ، حددو زمن للتسجيل و الليله علي حظك اخر يوم عشان كده، قلته لي ظريف اها طلعنا قال لي كنته عايز اوديك مكان بس عندي مشوار قلته ما مشكلة الايام جايه قال لي بالضبط كده لمن تقولي كفى بقيت ساكته و هو ساكت طبعا قلته اوري اني عايزه داخليه بما انو بقرا في الجامعه اكيد بعرف داخليه قريبه ليها .