رواية سجين الروح
الفصل الثاني عشر12
بقلم ريم ابو القاسم
قلته لي يا احمد عايزه اقول ليك شي بس ما تزعل و ما تفكر غلط ، قولي سامعك ومستحيل ازعل منك ، طيب انا عايزه داخليه تكون قريبه للجامعه و ما اتعب في الرجعه و المشيه ، داخليه ؟! فجأه وقف العربيه داخليه ليه داخليه و انتي قاعده في بيت ، صح بس بصراحه انت شايف الوضع و بقيت افرك يدي ، وضع شنو يا تنو اليخليك تخلي البيت انتي ابوك من هناك رسلك امانه لينا يعني شيلي فكره الداخليه دي من راسك و شنو اليخليك من الاساس تفكري كده في زول ضايقك من البيت ،لا ما في زول ضايقني بس ما بقدر لانو ما ممكن و قعادي غلط لا انت مرتاح ولا انا مرتاحه بالقعده حتى الاكل صعب اكل وانت موجود و انا متشدده شديد و انت داخل ومارق و ما ينفع اقيدك في الداخليه برتاح بتصرف علي راحتي مع انو كلهم بنات ، سكت مسافه وقال كلامك منطقي بس برضو ما في داخليه ممكن نفصل انا و الحاج ناكل برانا لو علي الاكل و انتي والحاجه براكم بس شيلي فكره الداخليه دي لاني بزعل ، بس انا اخدته قراري يا احمد ما بقدر اقعد في البيت بجد انا ما مرتاحه و متمسكه بقراري شديد كمان يا ريت تفهمني 😔 ، طيب 😊 طالما شايفه ده الاحسن و طالما اخدتي قرارك ، عاينته لي لقيتو مضايق قلته لي ما تزعل يا احمد بس والله ما في خيار تاني غير ده واكيد كل اجازه بجي اقعد معاكم و برجع تاني ، سكت ابى يفتح خشمو بكلمه اها دقايق ووصلنا البيت قال لي انزلي انا عندي مشوار نزلته دور بسرعه و فات عايزه ادخل البيت في عربيه جات ماشه بي جمبي شديد لمن وقعته علي رجلي قمته نفضته قلته انت عميان و بتاع العربيه ركن العربيه جمب البيت الجمبنا انتظرتو لحدي ما ينزل اشوف ده منو بعد نزل كان مديني ظهرو بقيت اقول انت عميان ما بتشوف قدامك كيف ادوك رخصه سايق زي البهيمه قبل عاين لي انصدمته طبعا طلع نفس الزول الكان جمبي في الطياره قلته لي انت ابتسم و سلم ختى يدو في صدرو تلقائيا ابتسمته قلته لي اهلين وعليكم السلام ورحمة الله وبركاته الجابك هنا شنو قال لي ده بيتي طبعا كلو بالاشاره قلته لي والله ؟ حتى انا ساكنه هنا و اشترته ليو علي البيت حسيتو فرح و ابتسم قلته احي الابتسامة دي بتقتلني استغفترته تاني 😂😭 قال لي معقوله قلته لي والله ده بيت ناس عمي قاعده معاهم قال لي كيف حالك قلته لي تمام وانت قال لي الحمد لله اها وقفنا شويه ودعني و دخلنا كنته مبسوطه ما عارفه لي و حاسه نفسي خفيفه حتى من دخلته رفعته النقاب و طلعته الطرحه خالتو سميه طلعت من المطبخ قالت لي ما شاء الله راقيه شكلك و النوره باينه من وشك ، خجلته منها قلته ليها ده الجو 😂 ، دايما ان شاء الله نفع معاك جونا ، ايوا شديد كمان و برضو ح انزل الاسبوع الجاي، ما شاء الله موفقه يا رب قلته ليها امين تسلمي يا خالتو ، امشي ارتاحي و تعالي ناكل من جبيل منتظراك ، قلته ليها حاضر في سري قلته سبحان الله مغير الاحوال ادوشته و لبسته عبايه طويله و طرحه كبيره عشان لو جاء احمد الفها كويس و جونتياتي في يدي و لابسه طبيعي شرابي طلعته اكلنا و اتونسنا شربنا الشاي و بقت تحكي لي عن زواجا من عمي كان سريع لانو عرسا هنا في تركيا هي اصلا تركيه بس احمد شايل ملامح ابو و ليان ملامح امها قلته ليها ليان وين الليله ، ليان راحت لي حبوبتا ، ايوا كويس والله تفرق شويه بس اشتقته ليها ليونه ياخ ، بتجي بعدين المساء، الونسه جرت و نعسته استذنتها و مشيت الغرفه كنته براجع في اوراقي حقت الجامعه و كده حسيت بكتمه قلته افتح الشباك يجيب لي هواء مشيت من فتحتو لاقاني هواء بارد زي النسيم بقيت واقفه و رافعه راسي بشم في الهواء فجأه و بدون مقدمات ظهر لي الولد داك وقف قصاد الشباك المقابل علي شباكي كان منور اتجاه بيتو بس ما شافني المسافه بين بيتنا و بيتو ما كبيره شديد كان بعمل في شي تقريبا قهوه بعد خلص من البعملو عايز يعاين اتجاه الشباك طوالي زحيت شايفه واقف و بعاين اتجاه البيت و تحديدا شباكي كانو رايحه لي حاجه جوه او كايس زول معين ...