الفصل الاول1
بقلم نجمه براقه
مهران: يعني ايه اختفت ومحدش لقيها يا ستاذ محمه ، بت اخوي فين
محمد: ياحج مهران والله ما نعرف هي من يومين مختفيه وانا بعد ما دورت وغلبت الاقيها اتصلت يمكن جتلكم
مهران: له مجتش ، وهتيجي كيه وهي عمره ما جت قبل اكده ، له يا ستاذ الكلام ده مينفعنيش بت اخوي لو مرجعتش هيطير فيها رقا*ب ، علشان انا قولت البت تيجي تقعد حدانا انتو اللي قولتلو له هتقعد مع خالتها
محمد: روق اعصابك ياحج مهران ادينا بندور وان شاءلله هنلاقهيا
مهران: ماشي وانا هجيب رمضان واجيلكم
محمد: تنور يا حج مهران
مهران: سلام
رمضان: ايه اللي سمعته ده يابوي
مهران: تسنيم بت عمك محدش لقيها يلا اجهز هنروح نشوفها فين ونجيبها
رمضان: كيه يعني نروح ندور ، ما تغور يابه وهي تعرفنا ولا عمرها جاتلنا علشان يكلمونا لما تضيع
مهران: اتقوليه انت ، عاوزنا نسيبها تايهه اياك
رمضان: له يابه منسبهاش ، ولو اني معارفش هندورو كيه واحنا منعرفش شكلها عامل ايه ، هغير واجي
« في مكان اخر »
نوران: هتفضلي كده لامتي يابنتي زمان خالتك وجوزها قالبين عليكي البلد
تسنيم ببكاء: انتي لو مش عاوزاني في بيتك قولي
نوران: يابنتي انتي هبله ، انا بقولك كده علشان خايفه عليكي
تسنيم ببكاء: لا متخافيش عليه واطمني انا همشي واسافر عند عمي
نوران: هزعل منك والله؛ بقا انا تقوليلي كده ماشي شكرا
تسنيم: متزعليش انا بس مش عارفه بقول ايه
نوران: انا عارفه ، المهم هتعملي ايه دلوقتي
تسنيم: هسافر لعمي
نوران: طيب مش هتقولي لخالتك ونجلاء علي اللي حصل
تسنيم: اقولهم ايه ، اقولهم حبيت مهاب وكنت هخطـ، ـفه ، ده انا حتي مش قادره احط عيني في عينها
نوران: سيبك منك انتي دلوقتي ، انتي هتقوليلهم علشان نجلاء متتخدعش فيه ده حقـ،،ير
تسنيم: انا اللي حقـ،، ـيره ، انا اللي كنت هسلمه نفسه ، اصلا ميجليش عين اقولهم ، هقولهم ايه!! جالي وانتو مش موجودين وحصل بينا تجاوز ولولا ستر ربنا كان زماني عملت معاه علاقه
نوران: هيزعلو منك بس هيعرفوه علي حقيقته ، مش انتي بتقولي انه بقا يحاول معاكي ويلمح لغيت ما حبتيه
تسنيم: اسكوتي ، هو اصلا بعد عني وقالي انه يقرف يلمسني وان نجلاء اشرف مني ومستحيل ينـ،، ـجس نفسه معايا قبل ما يتجوزها
نوران: الله يلـ،، ـعنه. والله انا صدقت انه بيحبك
تسنيم بدموع: وانا ؛ والله ما كان باين عليه ، بعد ما كنت بكر، هو وحظرت نجلاء منه قدر يضحك عليه
نوران: منه لله ربنا ينـ،، ـتقم منه
تسنيم بدموع: يارب... نوران ممكن خدمه
نوران: اه طبعاً حبيبتي
تسنيم: محتاجه فلوس علشان اسافر لعمي وهردهالك اول ما اوصل
نوران: حاضر حبيبتي من عنيا
« في مكان اخر»
شادي: ايه يابني مالك هتفضل كده كتير
مهاب: عاوز ايه
شادي: عاوز اطمن عليك امك مش بتبطل تتصل وتسالني فينك
مهاب:
شادي: طيب ادام زعلان عليها كده عملت فيها كده ليه
مهاب:
شادي: انا مبقتش فاهمك انت بتحبها ولا بتكرهها
مهاب بضيق: انا كنت بردلها اللي كانت بتعمله ، بس مكنتش عاوزها تختفي كده ، انا بحبها يا شادي وهي اللي اطردتني اعمل فيها كده ، هي اللي اهانتني قدام الناس في الاول
شادي: انت بتضحك علي نفسك بالكلام ده هي مأهنتكش ولا حاجه ، انت اللي مقبلتش ان واحده ترفضك ومتحبكش وتجري وراك ، هي واحده ورفضتك عادي و متستاهلش تعمل فيها كده ؛ ده انت علشان تنتقم منها روحت خطبت بنت خالتها ، ده انت جابروت
مهاب: اعمل ايه مكنش في طريقه تانيه علشان ادخل حياتها غير الطريقه دي
شادي: حتي لو مفيش غيرها ، انت كده مش هتجر،، ح تسنيم بس ده انت كمان هتجر،، ح نجلاء لما تسيبها
مهاب: تو،، لع نجلاء انا ميهمنيش غير تسنيم ولازم اعرف هي فين واتجوزها حتي لو غصـ،، ـب عنها
« في مكان اخر»
محمد: اتفضل ياحج اتفضلو
مهران: مش جاين نتفضلو عاوز اعرف بت اخوي فين
محمد: معرفش ياحج ادينا انا وخطيب نجلاء بندور ومسبناش مكان مدورناش فيه
مهران: يعني نسكتو ونسيبو بت اخوكي منعرفش عنها حاجه قصدك يا ستاذ محمه
رمضان: طول بالك يابه ، هي قالت رايحه فين قبل ما تختفي ياحج محمه
محمد: قالت رايحه لصحبتها ولما اتصلنا بيها قال مجاتش ودورنا عند باقي صحابها وبردو قالو مشفوهاش
رمضان: صحبتها!! ليها حق تروح ومتجيش طالما عادى تروح لصحبتها اكده وحدها ومفتوحلها الباب علي البحري
محمد: عيب اللي بتقوله ده تسنيم عاقله وانا مربيها احسن تربيه هي اكيد حصلها حاجه
رمضان: وده اللي انا قصدته يا حج محمه ، البنته مينفعش تروح وتيجي اكده وحدها ...« يضيف بضجر» رايح ابلغ يابوي ، هتيجي امعاي ولا تقعد
مهران: لا هاجي .. متشكرين قوي ياحج محمه علي حفظك للامانه ، يلا يا واد
محمه: بقا كده ياحج مهران ، متشكر قوي
رمضان: لا شكر علي واجب يلا يابوي بلاش نضيع وقت..
قال ذلك واستدار ليجد مهاب في وجهه
مهاب: حضراتكم مين
رمضان ينظر إليها من أسفل لاعلي: وانت مالك
محمد: تعاله يابني
مهاب يقف امام رمضان: اسمع ان الصعايدة ذوق ، حضرتك مش طالعلهم ليه
رمضان يخرج مسد'سه: تحب اعرفك ليه ولا تخفي من خلقتي
محمد يمسك يد مهاب: تعاله يابني
مهاب:
رمضان: هتصورني ولا ايه ، ما تعدي لا ادب فيهم رصا، صتين اللي بتبحلقلي بيهم دوله
مهران: خلاص يا رمضان مشي بينا
رمضان: حاضر يابوي .. ذهبو لينظر اليهم مهاب وهو يضم قبضته بغضب ثم يوجه نظره الي محمد ويتحدث مستفسرآ
مهاب: مين دول
مهاب: دول عم تسنيم وابن عمها
مهاب: مين!!! ( يضيف محدث نفسه) عمها وابن عمها ، لا لا ، انت لازم تلاقيها قبلهم والا مش هتقدر تشوفها تاني
نجلاء: مهاب انت هنا
مهاب: اه.. جايه منين
نجلاء: كنت بدور عند صحاب تسنيم عليها
مهاب باهتمام: وعرفتي حاجه
نجلاء تتنهد بعمق: اه تسنيم سافرت لعمها البلد «تضيف بحيره» بس انا هتجنن هي ليه مشيت وهو حد زعلها
محمد: يعني رجعت لعمها ومقالتش ليه ، عمها كان هنا اصلا ... يادي المصايب «اضاف وهو يتصل ب مهران» انا هكلمه ، ايوه يا حج مهران
مهران: ايوه يا ستاذ محمه
محمد: وصلتنا اخبار ان تسنيم مسافرالكم البلد
مهران: وه ، ومن غير ما تقولكم ، يعني البت طفشت اهه يا ستاذ محمه
محمد: شكلها كده بس والله مانعرف ليه حتي كانت كويسه جداً وبتجهز لفرح نجلاء معانا ، ارجوك لما تشوفها تطمني عليها ، انا لو كنت اقدر كنت جيت بس انت عارف بنجهز للفرح ومش هقدر اسافر
مهران: ماشي بس اديني رقمها.. رمضان امعاك يتملاه.. خد
رمضان يأخذ الهاتف: ايوه قول
« اليوم التالي في البلد »
رمضان: ادينا خبطنا مشوار علي الفاضي علشان ست الحسن
مهران: خلص في الحديت
مديحه: حمدالله علي السلامه ياخويا نورتو
مهران: مجتش بردك
مديحه: له ياخويا والله ما جت
مهران: وه هتكون راحت فين دي
رمضان: تلاقيها تاهت في الطريق ، علي اساس حافظة المكان علشان تيجي واحده ادي اخرت اللي يسيب البنته علي حل شعرها
مهران: انت هتخلص ولا له
رمضان: خلصت يابه ، رايح اشوف وكل عيشنا
مديحه: رايح فين ياولدي وسايبنا
رمضان: سايبكم فين يعني يامه.. بالاذن .. ذهب وهو مضجر ويتمتم بغيظ حتي اقترب من مدخل حديقة المنزل ف يقف محله عندما راي فتاه جميلة تتقدم نحوه.
كان يبدو عليها صغر سنها رغم كبر حجم جسدها وامتلائه قليلا، كانت بيضاء تنعكس اشاعة الشمس علي وجهها ف يصعب عليه تدقيق النظر بها حتي اقتربت أكثر ليظهر لون عينيها الاخضر وصغر شفتيها بلون الوردي وامتلاء وجنتيها وتردهم ، ولون شعرها المائل للاصفر المختلط بالاسود.
كانت تمشي بتعثر حتي وصلته لتقف امامه وهي تفرك في يديها بتوتر
تسنيم: احم ، انا..
رمضان ينظر اليها ولا يستطيع ابعاد عينيه عنها: انتي مين
تسنيم: انا تسنيم بنت اخو مهران
رمضان تتوسع عينيه: انتي !!! جيتي كيه ، وليه مقولتيش انك جاية ، افرضي حاجه حصلتلك في الطريق ، حد كان ناقصك
تسنيم تخفض جفنيها بتوتر: انت مين عشان تكلمني كده
رمضان بغيظ: انا ود عمك يختي ، قدامي علي جوه!!!
تسنيم تنتفض بخوف: حا حاضر