رواية سجين الروح
الفصل الرابع4
بقلم ريم ابو القاسم
ما بقدر يا ثريه اكلم الشريف خلاص قولي لي تبيان اتزوجت و افضل تبعد من طريقا لانو هي بتحب راجلا ، تمام ما تشيلي هم شويه كده الباب فتح عاينته لقيت ده الشريف جاء سلم لي ثريه و دخل جوه ثريه استاذن حلفته ليها الا تقعد تتغدا بس رفضت لانو امها براها و لسه عندها شغل قلته ليها تمام ما مشكلة مشت وانا دخلته المطبخ سخنته الاكل بقيت حارسه يطلع زهجته مسكته التلفون بقيت اقلب في الفيس وكده فجأه ظهر لي منشور في صفحه احمد كاتب بحبك يا منقبتي حني علي شويه وعامل الاموجي ده🥺😘 و عامل لي منشن عايزه ارسل ليو جاني صوت الشريف بقول بتتفرجي علي شنو وكان جاي علي من الخلعه التلفون وقع مني قمته سريع ملبوشه لا لا ما بتفرج في شي مهم رفعتو و قفلته التلفون نكب الغدا اتاخرته شديد ، ايوا صح كان عندي شغل اضافي ،ما مشكلة مشيت جهزته الغدا اكلنا لميت المكان هو مشى رقد نام وانا في العريشه قاعده ماسكه التلفون قلته افضل امسح صفحتي والفيس نهائي لانو بالطريقه دي ح يعمل لي مشاكل مسحته الصفحه و الفيس و عملته ازاله اسمي من المنشن العاملو لي جاني الشريف بتعملي شنو في الجو البارد ده خشي جوه ، طيب تمام دخلته رقد بقيت قاعده قال لي ما نعسانه صح هزيت راسي قال لي حتى انا عايز اتكلم معاك في موضوع، طبعا خفته قلته لي شنو قال لي موضوع حساس ، طوالي جاء في بالي موضوع احمد قلته لي شنو احكي قال لي لقيت لي شغل في السعودية اتوسط لي اخوك قلته لي اسعد قال لي ايوا ، يعني ح تسافر تشتغل ، ايوا لو ربنا سهل بس اعمل الإجراءات لانو كل شي جاهز هناك ، اممم ، احكي ما عندنا خيار تاني شغلي مرتبي يداب يكفينا حق اسبوعين ما عندي خيار تاني لازم نامن مستقبل لينا ولي اولادنا يا تبيان مسك يدي بقيت ابكي يعني ح تخليني براي في البيت ، لا يا هبله ما ح تكوني براك ح تمشي ناس امي مره ومره ناس امك و ثريه قاعده واخواتك ، صح بس انا عايزاك انت و بقيت ابكي ، ها بدينا انا قلته ليك ما تبكي في اقل سبب عاينته ليو شايف ده سبب بسيط يا احمد، احمد ؟! احمد منو ، قلته احمد قصدي انت شايف لخبطته لي راسي ، 😂😂 ما للدرجه دي علي العموم انا اكيد ما ح اسكن هناك سنتين بالكتير و بجي و لو ربنا سهل برسل ليك تجي مسح لي دموعي حاضر هزيت راسي بي ايوا طيب ممكن اقرى ليك ابتسمته ورقدته كان بقرى بنفس الطريقة المؤثره بقيت ابكي المره دي ببكي عشان منو الح يقرى لي بعدين و انوم علي صوتو لحدي ما نمته قمته الصباح لقيتو ما في عرفته انو ماشي للاجراءات حقت السفر بعد خلصته شغل ضرب لي اسعد اخوي ، معقوله يا تنو اصلا عارف دموعك ديك حقت تماسيح لا ح تشتاقي ولا شي تنسي الناس بالسرعه دي وحتى تستخرسي تضربي تطمني ، ما كده يا اسعد بس عارف المسؤوليه وكده ، صح بس برضو دقيقه بس تسلمي تشوفي اخوكي ده حي ولا ميت ، لا لا باين نصيح لمن بقيت تتوسط سمسار وكده 😂، قصدك راجلك ايوا جاني عايز شغل كان بس انا اقترحته ليو السعوديه عندي واحد عايز عمال هناك ، بس الشغل ما يكون صعب و متعب ، هو بصراحه صعب و متعب لانو بشتغل بناي وكده بس في النهايه شغل و الشغل ما عيب.، لي يا اسعد ما في شغل تاني غير ده ، انا اقترحته عليو ساي و لقيتو موافق و متمسك وما اتوقعته يوافق بالسرعه كده ، فعلا نحنا محتاجين، يا زوله بتفرج ، ان شاء الله سلم لي امي وابوي و قول ليهم بكره بجيكم من الصباح، اي عليك الله اظهري لينا ،😂😂 كويس يلا و قفلته منو المساء جاء الشريف قلته لي اتاخرته شديد الليله قال لي صف طويل و باقي الجواز اسي عشان يطلع محتاج اسبوع بالمناسبه الليله صرفته وجيت بدري عشان داير اعزمك ، ٠😍😍😍😍 بالجد ، ايوا بتقدري تمشي ، اسي قصدك، اكيد البسي لو بتقدري مسافه ادخل الحمام ، اكيد ده ما بتوفت٠😂😂😂 مشيت احترته البس شنو فضيت الدولاب كلو مع اني كان بلبس اي عبايه و نقابي وخلاص بس دي اول طلعه لينا بعد العمره و ما حصل طلعنا محلات وكده سامعه صوت الشريف لسه ما لبستي عاينته ليو ما عارفه البس شنو جاء اختار لي عبايه سوادء و طرحه سوداء ، قال لي عارفه لي اخترته الاسود لانو ما بحب زول يعاين ليك وانتي متزينه بالالوان الزينه دي لي انا فاهمه، هزيت راسي كنته مبسوطه شديد انو بخاف علي من نظرات الناس ده دليل علي انو الشريف بدى يحبني لبسته قال لي خلاص قلته لي ايوا طلعنا ركبنا مواصلات مشينا محل سمك كده رايق مكان بسيط فيو أضواء خفيفه ملونه من دخلته نفسياتي براها فتحت فاتح علي البحر كل طربيزه فيها اربعه كراسي قعدني و مشى طلب و جاء قعد بقى يعاين و يتامل في المكان حقيقي كان حلو وبديك احساس الامان وكده والجو خوافي في هواء بارد قال لي المكان حلو صح ،شديد كمان😍😍 ، ابتسم و مسك يدي بقى يعاين لي ابى يكسر عيونو قدر ما انزل عيوني و ارفعا القى لسه بعاين قلته لي علي فكره ما بستحمل انا ، ابى يرد اجي يخواني بس يعاين ، سرحته وين اوعى تكون مشيت السعودية و فكيتا ضحكه😂😂😂 قرصني احي يا يدي حاره ياخ حمرته ليو و نزلته عيوني اتحسس يدي من الالم قال لي عشان تاني تستهزئي بي راجلك اها جابو لينا السمك اكلنا و مشى جاب عصير اثناء ما بشرب اتدفق فيني قال لي يا ساتر سحروك لي وبقى يضحك 🤣 شال منديل بقى يمسح في العبايه قلته لي كده ما ح ينضف افضل امشي اغسلو عشان ما يعمل لي بقع قال لي صح افضل كده الحمام هناك مشيت الحمام بعد غسلته جيت مارقه عايزه اقفل الباب قبلته عشان امش اتفاجئته بي احمد قلبي قطع و اشتغل دلوكه من الخلعه قلته لي الجابك هنا شنو انت قال لي جيت عشانك وانا من قبيل متابعك 😔 حنى علي و ارجعي معاي بوعدك اتزوجك و اعيشك احسن عيشه ، شوف يا احمد افضل تبعد من حياتي لاني انا مره متزوجه ، فجأه جاء الشريف اتهجمته وقت شفتو كان غضبان اتاخرتي عشان تقابلي عشيقك و ده هو احمد البتقولي عنو كان صوتو حاد و عالي و باين غضبان قدر شنو ، لا يا الشريف احلف ليك اني ما جيت اقابلو .....