رواية سجين الروح
الفصل الخامس5
بقلم ريم ابو القاسم
كانو بضاربو احترته اعمل شنو واتصرف كيف بقيت ابكي والناس اتلمو فينا بقو يحجزو فيهم جريت الشريف لسه عايز يضرب احمد بس قدرته امسكو تقريبا حسى اني الماسكاهو لزاني و بهناك احمد مشى و قبل يمشي قال ليو تبيان لي من زمان و ح تفضل لي و مشى هنا الشريف كان فاير زي اليضربني بي اي شي قدامو و الخوفني اكتر سكوتو المفاجئ في مواقف زي دي ما بخلي حقو كنته واقفه و هو واقف جمبي جات مواصلات ركب و مشى حتى ما قال لي اركبي كنته منتظره يخليني اركب اول بقيت اعاين للحافله و هي ماشه قدامي من الزعل الجواي مشيت للبيت بي رجولي كان معاي مفتاح فتحتو دخلته لقيتو راقد في العريشه و السحاب باين شايله دخلته جوه و رقدته و قلبي كان كلو معاو يا ربي كيف هو مع الرعد و البرد و العريشه مفتحه الليله كلو اقوم امشي اشوفو و كنته خايفه راقده براي في الغرفه حاسه كانو في اشباح و لا جنون معاي متردده بين امشي ارقد معاو ولا لا الخوف بقى كتير علي قررته امشي مشيت رقدته جمبو او عديل اتلصقته فيو بعد مسافه في مقاومه منو كانو عايز يزحني بس وقت اتكنكشته زياده رخى و رجع تاني و انا يداب نمته الصباح قمته لقيتو ما في قلته اكيد طلع عملته الفطور امي اتصلت جايه متين انتي يا بت راجنك للفطور، نسيت والله دقيقه بس مسافه الطريق، ما بتعقلي اصلك معقوله مش امس قلتي لي اخوك جايه ، اي يا امي مسافه السكه ، دخلته الحمام لبسته و مشيت لقيتم قاعدين خاتين الصينيه قدامهم تقريبا حارسني💔🙂 ، قلته ليهم بسم الله كان تاكلو انا وقت اجي بلقى قسمتي ، روان اختي قالت لي بطلي فلسفه وتعالي اكلي نحنا الجوع كتلنا ضحكته مشيت غسلته و جيت قعدته معاهم اها بعد اكلنا عملته ليهم الشاي اتونسنا مسافه مع بعض روان و بيان و حواء حواء دي كلمه شاذه فينا مسمينها علي حبوبتي عشان كده🤣 ، صلينا الظهر امي قالت ماشه تنوم و بيان ممتحنه للشهاده مشت تقرى و حواء اصلا ما عندها كلام لحقت امي باقي انا و روان قالت لي مالك ما جيتي الجامعه هي طبعا قريبه مني شديد و قريبه مني في العمر حكيت ليها اي شي قالت لي اطلقي معقوله يكون راجل ما بثق في مرتو مستحمله كيف الزول ده قلته ليها الحمد لله بس ما عارفه ناوي علي شنو بس سكوتو ما بطمن ، يا زوله ما مجبوره تبرري ليو لانو زول ما بثق فيك ده خلاص اقنعي منو ، سكته ابيت ارد لانو راسي مضغوط و ما عايزه افكر كتير في الموضوع ده البحصل يحصل تاني ، وقت حست بي زهحانه قالت لي رايك شنو نعمل عصير ليمون و في باقي كيك نقزقز بيو هزيت ليها راسي مشت تجهز تلفونا كان جمبي جاتا رساله قلته ليها روان تلفونك تعالي ، دي رساله خليو ، مسكته التلفون عايزه اشوفو ساي بس فتحته المحادثه بالغلط حقت الرساله الجاتا مكتوب امس كانت احلى ليله و بكره يا ريت تجيبي معاك البتاع حقك الأبيض لانو بموت فيو يا قلبي طبعا الرسائل كلها كده مقرفه و حاجات كعبه و الفاجاني اكتر وقت قريت الاسم فوق كان احمد انصدمته صدمه عمري باين من المحادثه انهم بتقابلو كتير كنته مصدومه وانا بقرى فيها معقوله دي روان البت البريئه ما بتوقع منها حاجه زي دي و معقوله احمد يكون بالحقاره دي سامعه صوتا جايه طوالي قفلته التلفون قالت لي اتفضلي ابتسمته و شلته العصير و قعدت قالت لي الرساله جقت ناس زين صح جنوني الا اتصل ليهم ابتسمته بقيت اشرب حاسه نفسي بشرب سم لانو قرفانه منها و ما مرتاحه بالقعده معاها نهائي فتحت الواتساب حقها و فتحت الدردشه بتاعت احمد ده زاتو وانا متابعاها اظين شافت الرساله عرفت الرساله دي جات اسي و انا قريتا عاينت لي بصدمه قالت لي انتي فتحتي الدردشه....