رواية سجين الروح
الفصل الثالث3
بقلم ريم ابو القاسم
مديت ليو القروش، ده شنو هاك القروش و امشي الجامعه ح تتاخري كده ، لا ما ماشه ساقني قعدني و قعد جمبي في السرير ، قصدك عشان قروشي خلصت 🥰 ، لا بس يعني حاسه نفسي تعبانه ما قادره امشي ، تعبانه ولا سبب تاني لانك جهزتي لي الشاي حتى لابسه عبايتك ده بعني انك ماشه كنتي ، صح بس خليتو ، قصدك الدراسه ، ايوا يا الشريف ممكن اقرى بعدين عادي اجمد السنه لانو شايفه الوضع صعب شويه و ح يكون مصاريف دراسه و مواصلات و فطور و غير الشيتات مسح وشو و سكت مسافه صح بس انا وعدتك اني اخليك تكملي مهما كان ، بس انا ما عايزه اكمل اخدته قراري خلاص، ما ح اقول كملي لانو فعلا وضعي صعب زي ما شايفه و فكره كويسه انك تجمدي السنه لحدي ما ربنا يفرجا و ممكن الفتره دي الم ليك مصاريف و ربنا يكمل عقلك بجد كل مره بتثبتي لي اني محظوظ بيك ابتسمته وقمته كنته حاسه بوجع ما كنته قايله ح يوافق بالسهوله دي بس وقت قبلته عاينته ليو ابتسم لي حسيت اني ظلمتو فعلا هو وضعو تعبان و لازم اقيف معاه بدل اكون عائق ليو طلعته العبايه و دخلته المطبخ ما لقيت شي اعملو قلته لي عايز اجيب خضار و حاجات اداني القروش المعاه و دخل الحمام و انا دخلته المطبخ بعد مشيت جبته الفطور و الخضار جاني لابس قال لي عايزه حاجه اجيبا ليك معاي بعدين قلته لي لا قال لي طيب انتبهي لنفسك و ما بتاخر للعصر كده برجع تمام هزيت ليو راسي ابتسم وطلع بعد شويه لتصلت لي ثريه سالتني لي ما جيت من قبيل منتظراني قلته ليها ح اجمد السنه ، لي مالك ، والله ساي عايزه اتفرغ للبيت و كده ، ضحكت يعني ما في بيبي ، لا لا يا بت ما في شي، تمام ح اجي عليك بعد اخلص عندي ليك موضوع، شنو قولي لي ، لا لا ما ينفع بالتلفون نتقابل اول ، خلصته شغلتي سريع سريع بعد الظهر كده جات نفسا قايم قعدت اديتا مويه ، شربت شويه وختت الكبايه بقيت قاعده قصادا و مبتسمه منتظره تقول لي موضوعا بس فاجأتيني وقت قالت لي عرفته السبب الخلاك تجمدي الجامعه، عرفتي شنو ما في شي يا ثريه ، من متين بتكذبي علي علي فكره انتي اختي و معزتك عندي اكتر من الشريف اخوي يعني ما اخت راجلك بس جمدتي السنه عشان الشريف وضعو صعب ، رفعته راسي انصدمته كيف عرفت ، ما تنصدمي انا من البدايه قلته ليك كملي اول والعرس ملحوق بس انتي رفضتي، يعني كنتي متوقاني اقعد في السجن داك ابوي عامل لي عقده لا نطلع و لا في زول يزورنا محبوسين في اربعه حيطان و اخوي الما برضى حتى يشوفنا لابسين حاجه قصيره تتوقعي انو في زول بقدر يتحمل وضع زي ده وامي ما عندها كلمه لا قادره تقيف معانا ولا مع ابوي واخوي 💔، صح كلامك بس عدم تحملك كلفك مستقبلك ملاحظه صح؟! ، اعمل شنو وانسي حصل خير انا مؤمنه بقدري و بعدين ياتو موضوع جايه في نص النهار ، صح ذكرتيني موضوع احمد ، احمد مش اتخرج ، صح اتخرج بس امس اتصل علي وكان مصر ادي رقمك بس انا رفضته وقلته ليو انك اتزوجتي اول ما صدق بس تاني بقى يبكي و يقول انتي حقتو و كيف تتزوجي زول غيرو ، كيف يعني اتصل ليك انتي واعيه بتقولي شنو😳، واعيه جيت اخزرك و افضل نوري الشريف عشان لو عرف ما يعمل ليك مشكلة ، لا لا ما يعرف الشريف اديني انا بحسم الموضوع و بوقفو و بقول ليو اني اتزوجته و افضل يبعد من طريقي ، انتي جاده مستحيل طبعا لو عايزه تخربي بيتك اتصلي و اتكلمي معاو من غير علم الشريف ...