رواية كوفير تمني
الفصل السادس6
بقلم ريم ابو القاسم
بعد الجري ده كلو مسكني وكان بتنفس بصعوبه و انا اصلا حيلي مات لينا ساعه جارين هو ما فتر و لا انا ... في النهايه رجولي ماتت و سرعتي خفت عشان كده مسكني.... قال لي باخر نفس عايزه تهربي من العداله بقيت ابكي قعدته غي الأرض... قال لي انتي كده مرتاحه تهربي ما عارفه اقول شنو قال لي للاسف ده شغلي و انا ملزم احاكمك مسكني شديد من يدي... قلته لي انا ما ح اهرب تاني... قال لي ما بضمنك... بقيت منتظره بعد اتصل للشرطه ... قمته بحركه شلته تراب و رشيتو في عيونو و جريت تاني لحدي ما يفتح عيونو من أثر التراب انا جريت بقيت جاريه تقريبا ساعتين انا جاريه ... لقيت زير شربته مويه لانو نفسي ده فوق... اثناء ما بشرب لقيت وحده قالت لي انتي تمنى الخبيره عاينته ليها قلته ليها لا بخوفه جات قالت لي والله انتي بي ابتسامه ... قلته لي صح قالت ممكن صوره اخدت لي صوره معاها و مشيت قدام لقيت بيت يداب مبني بعد المغرب و الجو ظلم بقيت قاعده و ببكى عاينته لي نفسي لقيت كلي تراب و شعري منكوش و رجلي انجرحت.....
نمته في مكاني داك بقيت ما فاهمه شي بطلع اشرب مويه و برجع نفس البيت يوم جعته شديد حتى المويه ما انقذتني.... قلته امشي اشحد تاني قلته مستحيل امشي اشحد انا ما شحاده بقيت في مصارعه مع نفسي في النهايه قررته البس طرحتي و ألفها في وشي ... لفيت الطرحه و مشيت الاستوب بقيت اعاين للعربات وواقفه بعد ساعه من الشمس حسيت راسي لافي زهجته وكنته عايزه ارجع... لحظه في زول قال لي يا مره تعالي هاك اداني الف جنيه شلتها بغصب قلبي مكسور اني بشحد قلته لي عايزه شغل جات مني كيف ما بعرف يمكن لاني ما ح اشحد طول عمري ... قال لي ما عندي شغل الطرحه وقعت من وشي شاف وشي و رفعتها سريع ... قال لي تشتغلي طبيخ نظافه هزيت راسي قال لي ده كرتي قلته لي انا وحيده ما عندي أهل هنا ولا تلفون قال لي طيب تسكني معاي في البيت بس غرفه مخصصه للخدم ... قلته طيب ما كان عندي خيار لانو لو بقيت الف في العربات لي يوم و مازن او الشرطه تعرفني و تقبضني ....
ركبته معاو وراء وصلنا بعد تعب من الزحمه العصر قال لي اتفضلي وراي اعرفك علي المدام ناداها من فوق جات تعاين لي و تعاين ليو كنته مغطيه وشي بس عيوني ظاهره... قالت ليو في شنو قال لي دي وحده شغاله جبتها ليك قالت ليو طيب تعرفي تنظفي و تطبخي قلته ليها ايوا قالت لي لانو انا لوشغلك ما عجبني ح اطردك في نفسي قلته انا بشتريك و بشتري البيت الساكنه فيو قلته تمام ... قالت لي ديك غرفه الخدم امشي حاجات النظافه في غرفتك و هدى المطبخ اي شي موجود جوه اوعك تناديني فاهمه قلته ليها حاضر و منزله قالت لي يلا امشي مشيت دخلته الغرفه لقيتا مرتبه بس رقدته في السرير بقيت اعاين للسقف عاينته نفسي لقيت جردل فيو مويه طلعته العبايه و غسلتها تاني استحميت و رقدته شريت العبايه لانو كانت وسخانه تلاته يوم انا ما غيرتها و كنته بنوم في الحصى و التراب ....
تاني يوم صحيت الصباح نظفته البيت كلو و رتبتو و بخترتو زي ما متعوده في الكوفير جهزته الشاي ... بعدين نزلت ست البيت قالت لي ما شاء الله عليك ايه النظافه دي و الترتيب ده انتي زولتي و الشاي كمان جاهز ابتسمته و دخلته المطبخ اجهز الفطور.... و تاني فطروا بقيت اغسل العده و عملته الغداء اثناء غسيل العده عاينته لي نفسي بي استهزاء شوفي يا تمنى حلمك وين و اسي وين واصلته شغلي ... بقيت علي الروتين ده اسبوع كامل كل مره ست البيت تشكرني هي وزوجها ربنا لسه ما رزقا أطفال... يوم جاتني قالت لي الليله جايين ضيوف ما عايزه غلط و عايزه كل شي يطلع ظابط فهمتي قلته ليها تمام .... فعلا رتبت اي شي الظهر كده الباب ضرب مشيت فتحته الباب فضلتهم مشيت اجيب المويه و العصير بعد ختيتو الطرحه اتفكت وشي ظهر ... بعد صلحته الصينيه صلحته الطرحه ... مشيت اجيب باقي الضيافه لقيتهم كلهم بعاينو لي بخلعه ست البيت قالت لي اتفضلي تعالي أقعدي اتونسي معانا قلته ليها لا امشي اجيب باقي الحاجات بس ما كان زي ما خليتهم نظراتهم كلها لي بعد جيت انقلبت لي ابتسامه مشيت اجهز الفطور بعد رصيت الصفره الباب ضرب ست البيت قالت لي تعالي افتحي الباب مشيت افتحو اتفاجئته بي دوريه كامله من الشرطه و قدام واقف مازن ما في طريقه اهرب المره دي بقيت واقفه و مصدومه حاسه بالزمن وقف .......