رواية كوفير تمني
الفصل السابع7
بقلم ريم ابو القاسم
في وقفتي يدك جو مرتين مسكوني من يدي شديد مازن قال ليهم دي خبيثه سريع ارح قبل تهرب.... قبلته لست البيت لقيتا بتبتسم قالت لي قايلاني ما عارفاكي استغليتيني حرام عليك و دخلتي بيتي وانتي أكبر مجرمه ....اكتفيت بالصمت ... المرتين جروني بعد كلبشوني.... ركبوني العربيه وصلنا السجن مازن قال ليهم دخلوها غرفه الحراسه (دي بدخلها الزول لحدي ما تثبت عليو التهمه) المره قالت لي اتحركي انا عزه نفسي بقيت ماشه و حابسه دموعي جواي عاينته شديد في عين مازن و مشيت .... فتحو السجن ودخلته قالو لي يلا خشي ابو يفكو الكلبشات اكيد مازن موصيهم انو انا خطره 💔..... بقيت سرحانه و خاته وشي في رجولي ...
احكي ليكم عن بشاعه اليوم الأول السجن ما فيو سرير ولا مويه ولا كهرباء بعد عطشته شديد قمته ضربته الباب بقيت اقول يا ناس يا عالم جاتني شرطيه صاره وشها قالت لي خير قلته ليها عطشانه مشت و جات شايله مويه في كوز وسخان حتى المويه بطني طمت منها أبيت اشربا بقت واقفه منتظراني اشرب ... وانا ما قدرته حتى اختها قريب خشمي ... قالت لي انا ما خدامه فاهمه و ختفت الكوز من يدي .... بقيت اقول ليها ما تشيلي عليك الله تعالي بشرب والله نزلته بي ظهري و بقيت ابكي بحرقه ..... المساء رقدته في مكاني مع اني جعانه و عطشانه اثناء انا نايمه حسيت الباب بفتح قبلته لقيتو ده مازن دايره اتكلم قال لي ولا كلمه عاينه يدو لقيت شايل اكل و مويه صحه قال لي امسكي اكلي واشربي سريع... بقيت اعاين لي باستغراب.... و برفع حاجبي نظام ده شنو ... قطع نظراتي بي لو ما عايزه برجعو قلته لي لا فتحته الكيس بشغف بقيت اكل بسرعه لاني جعانه حسيت قرف من طريقه اكلي بس وقت عاينته لي لقيت نظرات الزعل و الشفقه .... خلصته اكل و شربته مويه قلته ليو لي بتعمل كده....
قال لي ما بعرف يمكن لسه جواي مشاعر ... عاينته لي بنظره يعني ما فهمته شال باقي الاكياس و مشى قفل الباب عاين لي ....قال لي براكي جبتي لي نفسك ده في داعي كان ؟؟! ومشى خلاني واصلته نومي بعد تعب و كلمه براكي جبتي لي نفسك بتردد جواي ... الصباح صحيت بالباب بفتح جات الشرطيه قالت لي اتحركي يلا قلته ليها وين قالت لي بطلي كلام فارغ ما من حقك اصلا تسالي ... بقيت ماشه وصلنا مكتب كده ضربت الباب سمعته اتفضل دخلتني و قفلت الباب.... لقيت مازن و معاهو واحد قالو لي اقعدي قعدته قالو لي عايزين اعترافك قلته لي مازن مش حكيت ليك تاني داير بيو شنو .... بغضب قال لي ما من حقك تسالي هنا تجاوبي علي قدر السؤال اعترافك و خلصينا بلاي بقيت مصدومه من طريقه الكلام جات دمعه نازله قشيتا سريع و عاينته لي بعين ما اعتقد ينساها كلها لوم قال لي خلصينا انطقي ... بديت احكي الراجل المعاه شغال لا حول ولا قوة الا بالله قضيتك كبيره شديد الراجيك الا ربنا يحلك منو .... بعد تميت المعاو طلع حسيتو قرف بقيت انا ومازن رفعته راسي قلته ليو لي بتعمل معاي كده زح وشو ابى يتكلم بقيت ساكته بعد صحبو جاء قال لي بكره محكمتك اجهزي للراجيك ضرب للشرطيه جات ساقتني ودتني محلي ......