رواية بعد عقد قران
الفصل الثامن8
بقلم ريم ابو القاسم
غنوان يا بت غنوان اصحي ، بسم الله وقمته عرقانه شديد مصطفى قال لي في شنو انا العيان ما عملته كده في نومي 😂 ، ضحكتيني طبعا قال مصطفى، مصطفى و الدموع دي
عشره عشره هاك مرايه شوفي خلقتك 😂 شفتيني ميت ولا شنو، اول صرخته بصوت عالي وقت شفتو قدامي عايزه اجري مسكني من يدي بقيت اصرخ زياده غتيت وشي بي يدي انا لسه ما مجمعه معقوله يكون ده
حلم ود متخلف خلاص قال لي معناها بالجد شفتيني ميت وبضحك ماسك بطنو ، قلته يا ريت لو كان حقيقه قعدته سرحته الا اداني لبعه في ظهري المعفن بعدين اتسوعبته انو الحصل كلو كان حلم عاينته لي بنظرات كلها غضب يا ريت لو كان حقيقه يا عفن قوم مني قوم سريع ولا
اقول ليك انا بقوم ، قمته دخلته الحمام وقفته في المرايه مسافه بحاول اجمع انو معقوله موت مصطفى و يكون من وراء نارين .... بس دقايق انا مالي ومالو ان شاء الله يتحرق بي جاز طلعته لقيت طلب الشاي شربته
طبعا في سكات لانو لسه الحاصل ما واقع لي راسي قال لي بالمناسبه انا ح انزل شغل تاني و انتي ترجعي البيت عارفه ما عندي بيت حاليا ولا بقدر ااجر ليك لانو قريب الزواج المزيف ده ح يخلص قلته لي اصلا منو العايز يقعد معاك و علي فكره انا بخاف علي رقبتي وقت تكون معاي
في مكان واحد يا متحرش وقت قلته كده اتشرق الا شرب مويه عاين لي مسافه حسيتو زعل قام طوالي طلع حسيت بي ذنب ما كان لازم اقول متحرش بس هو بالجد متحرش يعني عشان الحقيقه مره يعني شوف ده بلاي ..
فتحته قران ما بسمع اغاني وبقيت اردد و الم ملابسي رتبته المكان الكان جايط تاني وقفته بقيت اضحك قلته اسي لو صح يعني ح ابقى ارمله و اقعد اربعه شهور ما اشوف الشارع 😂😭😭...
بعد خلصته باقي بس ملابسو قلته اكسب فيو اجر ارتبا ليو اها بعد خلصته عاينته للزمن لقيت انو زمن رجعتو قرب دخلته الحمام بعد جيت مارقه كنته لابسه فستان التوب
قصير كده بس ما شديد اتعطرته قعدته اسرح شعري مشربك شديد عشان غسلتو اثناء ما بسرحو باب الغرفه فتح عرفتو ده مصطفى دخل عاين لي مسافه رمى المفتاح و دخل الحمام بعد طلع جاء جمبي في التسريحه بقى
يسرح شعرو و يرش فيني المويه الفي راسو صراحه غاظتني الحركه لاني من قبيل تعبانه في رقبتي يجي اسي يخرب لي اي شي بزات الفستان لونو ما بستحمل اي وسخ قمته غضبانه قلته لي يعني ما بتتغير دايما باهرني بي قرفك ده يعني عاجبك ، الخلاني انو اسكت كان ساكت ساي وبعاين
لي زي المنبهر قلته لي هوي انت طقطقته ليو مسك لي يدي عايزه افكها ما قدرته طبعا عشان هو اقوى مني و بي مراحل كمان قلته لي مصطفى فكى لي يدي اخير ليك تفكها كان بعاين لي وانا بتقاوى معاهو فجأه
بحركه سريعه لقيت نفسي قدام ليو وحاضني قلته لي مصطفى احسن تبعد نزل راسو في رقبتي قال لي ممكن تسكتي ثواني و تبطلي كلام قلته لي مصطفى..، طبعا سرحته معاو و نظراتو لي بس كل شي طار وقق لزاني قربته اقع دخلت فيني خلعه ما يعلم بيها الا الله قال لي معقوله
عايزاني للدرجه دي 😂😂😂😂 وكان بضحك لمن ماسك بطنو قعدته اعاين لي جاتني فكره شيطانيه جيتو قريب و عضيتو في يدو كان بحاول يفكها بس ابيت لحدي ما عاين لي وعيونو كلها دموع من الالم قال لي غنوان رجاءا.
... بعدين فكيتو قلته لي عشان تلعب معاي تاني مسك يدو لانو مكان العضه بقى ظاهر و وارم الا جاب مرهم قال لي سعرانه وحده وقت اقول ليك حمقاء ما تزعلي لانو دي ما تصرفات شفع حتي الشفع ارتقو و بقو ما بعضو بس الحمد لله معرس لي كلبه سعرانه ...
دخل لبس و جاء لقاني خلصته حارسه شال الشنط و مشى قدامي قمته وراه و طلعنا ركبنا العربيه الطريق
كلو سايق في سكات عامل نفسو زعلان قلته في سري ما تنسى تتطرشق فتحته تلفوني بقيت اتصفح لحدي ما نصل بعد وصلنا قال لي انزلي نزلته
مشيت قدامو مرت عمي فتحت لي الباب سلمت علي قالت لي وين مصطفى قلته ليها بره جاي دخلته اول شي حضنته اسراء اشتقته ليها ياخ سلمته عليهم و قعدنا واخيرا وصل مصطفى كان بحمر لي مشى قعد جمب مرت عثمان يضحك و يتونس معاها كاني ما موجوده ...