رواية سجين الروح
الفصل السادس6
بقلم ريم ابو القاسم
قلته لي ايوا فتحتها بس بالغلط و برضو انصدمته، انتي لي تفتحي تلفوني اصلا حتى لو بالغلط ، اهدي يا روان خليني اتم كلامي انصدمته فيك معقوله تكوني كده روان البت المحترمه الناصحه تكون كده نزلت راسلا عارفه لو اسعد وابوي عرفو ح يضبحوك هنا ، اسعد وابوي ما ح يعرفو الا اذا انتي قلتي ليهم ، انا لي اقول ليهم ما عندي دافع بس زعلانه عليك عارفه لي لانك بتصدقي واحد زي ده وعلي فكره احمد ده انا بعرفو ، انصدمت قالت لي بتعرفي من وين ، احمد ده كان بقرى معانا في الجامعه و كان جاري وراي و خريج بس ربت عشان يقرى معاي قامت مني كذابه انتي كذابه يا تنو مستحيل احمد كده ، طيب و الشكله حقت الشريف و احمد ياهو احمد زولك ده حتى انا مفتكراه زول محترم بس طلع انجس واحد عرفتو في حياتي ، اسكتي ما تقولي كده في احمد و كانت منفعله انا بحبو و هو بحبني حتى وعدني بالزواج ، من كل عقلك بتتكلمي ؟! واحد بتكلم مع بت بالطريقه دي تتوقعي يتزوجا و انتي اديتي اي شي تفتكري ح يحاول يتزوجك اتحداك طيب احمد ده زول مرتاح يعني مستطيع اتصلي ليو اسي قولي لي تعال اتقدم لي و شوفي رده فعلو ، ما بتصل ما بخصك و كانت بتبكي قامت دخلت جوه قلته دي شنو المصايب الوراء بعض دي حاولته امشي ليها كانت رافضاني اتهجمته وقت سمعته صوت ابوي متين جيتي يا تنو و مالا اختك ، ابوي كيفك جيت سلمته عليو و بسته يدو جيت فطرته معاهم و اسي ماشه كنته عشان الشريف بكون جاء ، كويس والله راجلك كيف ، كويس الحمد لله، اسعد قال مسافر ، ايوا بس يخلص إجراءات السفر طوالي بسافر ، سلمي عليو يلا ما ااخرك امشي ربنا يوفقك مشيت لي امي سلمته عليها و ودعتها و رجعته البيت جايه من بعيد شايفه الشريف واقف لي جمب الباب من جيت بي جمبو جراني من يدي ودخلني جوه وقع فيني ضرب عشان اتكلم زاتو ما قادره بقيت ساكته و الدموع جاريه في عيوني ضربني وقام خلاني مغبره وقف قال لي لو مفتكره اني غبي تبقى انتي الغبيه جابت ليها مقابلات كمان تف عليك حالتو منقبه خساره نقابك صحي المظاهر خداعه ، كنته راقده خشمي ما فتحتو دخل جوه قفل عليو باب الغرفه وانا راقده خشمي هبشتو وارم بقيت ابكي وابكي بحرقه كيف يضربني من غير يسالني حتى جايه من وين قمته يا الله كراعي حاسه بيها ما في من التخدير جريتا دخلته الحمام يا الله سندته نفسي كبيت مويه من فوق لي و طلعته قعدته في العريشه اتلفيت بالملايه و رقدته لسه دموعي جاريات شويه كده جاني صوتو تبيان دي اختك اتصلت قالت لي تلفونك ما بتردي عايزه تسالك وصلتي كيف ابيت ارد ، لي ما قلتي لي انك مشيتي لي اهلك كان اتفهمته ، ابيت برضو ارد بقيت ابكي بس ، يعني عاجبك اضربك كده عايز يلمسني ، قمته علي حيلي لو سمحته اوعك تمد يدك دي تاني فاهم و اديني ورقتي انا راجل ما بثق فيني ما في فايده في العلاقه دي ولا في منها امل ، ده كلامك ولا كلام حبيبك ، استغفر الله العظيم يا رب كلامي واحد دايره ورقتي قبل تسافر يا ريت ، عشان تتزوجي عشيقك ما بطلقك لو تموتي فاهمه ، لا ح تطلقني عارف لي بقيت ابكي لانك ما بتستاهلني ، ده اخر قرار لي دخل بقيت ابكي بحرقه قررته الصباح امشي اشتكيهو و اطلب الطلاق بالمحكمة مستحيل اتحملو اكتر من كده الصباح قمته كالعاده ما في شكلو طلع لبسته ومشيت في البدايه رفضو و قالو الا يشوفو علامات الضرب قلته ليهم جيبو لي مره انا منقبه جاتني ضابطه فتحته ليها وشي و جسمي لمن جسمها كشى و اتاثرت قالت لي كيف مستحمله واحد زي ده بقيت ابكي ، ما تبكي حقك ح يطلع و كويس انك جيتي عشان تاخدي حقك و تختاري حريتك لانو اغلب النسوان بقبلو بالوضع ده مع انو باين هي الخسرانه طيب عملت لي كل الإجراءات تعالي بكره اوريك المحكمه متين اتحددت رجعته البيت خايفه القاه قاعد و يعمل لي مشكله بس الحمد لله كان ما في ابيت اطبخ او اكل اليوم عدا بدون اكل هو زاتو رجع بليل شكلو ماكل من بره الصباح عايزه اقوم جسمي مولع نار ما قادره احرك يدي اطريت اتصلته لي روان جاتني بعد شافت حالتي طوالي ركبنا مشينا المستشفى طلعت ملاريا ادوني علاجات ورجعته البيت روان كانت خايفه علي شديد بالرغم الحصل عملت لي شوربه شربتها و ادتني الدواء نمته يداب ما حسيت بالزمن قمته مع اذان العصر اتخلعته قلته ليها معقوله نمته الوقت ده كلو ماشه المركز عندي موعد قالت لي شنو موعد شنو حكيت ليها اي شي قالت لي واي يا تنو معقوله الشريف يكون بالحقاره دي كلاما حسيتو شماته لي بس ما اهتميت حاسه نفسي احسن قمته صليت العصر لبسته قالت لي ح تقدري تمشي لاكن ، ايوا مجبوره طلعنا انا وهي انا مشيت و هي رجعت البيت بعد وصلته الظابطه كانت ما في قالو بتجي بعد المغرب اطريت انتظرا لحدي ما جات قالت لي اقعدي اعتزرت لي عن تاخيرا قلته ليها ما مشكلة ، ادتني ورقه المحكمه بتاعتك بعد اسبوع وانتي قلتي زوجك مسافر صح باقي ليو يومين ....