رواية سجين الروح
الفصل الثالث عشر13
بقلم ريم ابو القاسم
اثناء ما هو واقف غطيت وشي و وقفته في الشباك عملته نفسي بشم هواء و كده و ما شايفه قلته اشوف نهايتو شنو وقفته مسافه زي خمسه دقايق ابيت نهائي اعاين اتجاه الشباك بعدين قفلتو و طفيت الانوار و رقدته بقيت اتبسم وافكر يا ربي عاين لي يا الله شافني طيب ملامح وشو كانت كيف اثناء تفكيري سامعه صوت ليان تنو تنو جاريه بتصرخ تنو تنو و جات داخله طوالي قلته ليها لياااان سلمت علي و قعدت مبسوطه قالت لي جبته ليك حديه قلته ليها قصدك هديه هزت لي راسا ، طيب وينا 😍 ، طلعت من وراء يدا حلاوه قالت لي جبته ليك هواوه ، يا سلام شكرا يا ليونه يا عسل انتي 😍😍 بستها و حضنتها قالت لي كفا خلاص بقيت اضحك 😂😂😂 طيب يا حلوه الساعه اسي اتاخرتي يلا اكيد نعسانه، لا ما ناسانه (نعسانه ) ، اها عايزه تعملي شنو باليل ده ، احمد وانا بنحضر فلم كرتون حلو ، يا سلام برضو فكره حلوه ، اثناء كلامنا باب الغرفه ضرب قلته مين مع انو الباب فاتح جاني صوت احمد قال انا ، تقريبا شافني لانو الباب فاتح علي مصراعيه🙂💔💔💔 جريت الطرحه و غطيت وشي قلته لي اتفضل ، دخل منزل راسو كنته بعاين لي وقت رفع راسو لقى عيوني اتجاه عيونو كانو بقول لي ما يكون الفي بالي صح تاني نزل راسو و تاني رفعو قال لي اسف يا تنو ما قصدي اشوفك بس الباب كان فاتح و كنته عايز انادي ليان عشان تحضر فلم الك.. ، ايوا بعرف ليان يلا حبيبتي تصبحي على خير و بستها ، تحبي تحضري معانا ، لا حبيبتي انا نعسانه اسي بس بوعدك بكره من الصباح اكيد ، حاضر قمته من السرير عشان ما اعاين ليو وقف شويه كان بعاين لي و انا ماداهو ظهري بعدين طلع قفلته الباب بالمفتاح طلعته الطرحه و العبايه دي كتمه دي 🙂💔 ح اتصل لي ابوي و اشرح ليو الوضع اكيد ح يتفهم و يشوف لي حل اتصلته المساء علي اسعد غالبا بكونو قاعدين ردا من الجرس التاني سلمته علي قال لي اللون و الصحه شكلها البلد نفعت قلته لي الله اكبر عليك عايز تسحرني بعد مناقرات اشتقته ليو شديد والله و النقاش معاو قلته لي اديني ابوي بعد سلم علي حكيت لي عن الوضع و قلته لي عليك الله يا ابوي اشرح لي عمي لانو انا ما يسمع مني و بالمره تكون قريبه البيت و اخد راحتي اسي احمد شافني بدون قصد بجد مضايقه شديد هنا ، طيب طالما ده السبب ده افضل قرار تاخدي بس اول عمك يشوف داخليه امان لانو ما بضمن البلد دي ، اها ودعني و قفلته رقدته الصباح كالعاده قمته بقيت قاعده يا ربي اطلع ولا لا ما عايزه اواجه احمد تاني ما بقدر ما اني حلوه و مقبوله 😂 بس برضو ما بقدر عايزه اقوم الباب ضرب قلته مين خالتو سميه قالت لي انا فتحته ليها قالت لي احمد طلع لو متردده و عمك راجيك تحت تشربي الشاي اتذكرته كلامي مع ابوي قلته بكون حكى ليو بالسرعه دي قلته ليها دايرني في ياتو موضوع ، انتي انزلي اول و بتعرفي براكي اها نزلته لقيتو قاعد بكب في الشاي قال لي تعالي يا تبيان من قال تبيان معناها الموضوع مهم لانو بقول لي تنو طبيعي .