رواية حب وكبرياء
الفصل العاشر10
بقلم هبه احمد
وقفنا فى الفصل السابق لما سناء قالت لعلا
سناء / دة بيغير عليكى ياهبلة
علا / غورى ياجزمة غيرت اية وزفت اية
حازم / سمع كلام سناءضحك وقعد يتابع وهو فى مكانة وباب المكتب مفتوح شوية
قال مخك شغال والله ياسناء انتى فسرتيلى كل حاجة
سناء / بصى احسن حاجة مترديش عليه خالص حطية
فى خانة البلاك ياهبلة وساعتها هو هيتجن
ضحك حازم وقال فى باله دانت وقعت فى ايد ملا
يرحم ياصاحبى هههه
علا / انا هاعمل اية بيعصبنى ببقى هاتجنن
سناء / بصى انا عوزاكى تضحكى ولا كانة موجود قدامك ولوكلمك مترديش عليه انا هبلة اة بس عليه افكار تودى مستشفى المجانين ضحكت علا وقالت دانتى شيطان يابت
خلص اليوم من غير اى جديد على الجميع
وروحت علا وسناء وهم فى العربية
سناء/ بت ياعلوش
علا/ نعم
سناء / ماتجى تعدى على البت هناء تظبط وشك قبل مانروح
علا/ مليش نفس
سناء / ياهبلة لو مكنش علشان العريس يبقى علشان تغيظى
المز
علا/ والله فكرة حلوة وانتى كمان ظبطى نفسك
سناء / ماشى ياختش بس كدة الواد مجدى ممكن يعمل
الفرح النهاردة هههههه
نزلو وراحوا الكوافير وروحوا وجاء المساء
وجت الخالة ام سيد ومعاه العريس واختة
وجت سناء وظبطت مكياج علا وبصت على العريس سلمت وخرجت دخلت على علا وقالت / بت ياعلوش
علا / نعم يا زفتة
سناء /اقولك البقاء لله العريس عامل زى زكى رستم ربنا يعينك يابنتى فينك يامجدى اروح ياختىى ابوس ايد مجدى دة طلع مز جنب الاخ اللى جوة دة وضحكوا
علا/ الله يخرببيتك سديت نفسى من قبل ماشوفة غورى ياكلبة
سناء / انا ماشية بس والنبى اوعكى توقفى
دخلت مديحة خلصتم يابنات
سناء / مبروك ياانطى مديحة دعريس زى القمر ماشاء الله ومشت تكلم نفسها
خرجت علا من الاوضة دخلت الصالون فوجئت بشخص (قصير جدا وتخين اوى قلبوظة وشعرة اكرت حلقات وشكلة وحش بجد )المهم علا سلمت وقعدت شوية
العريس / انا اسمى محمود
علا / اهلا بحضرتك
محمود العريس / اهلا ياعروسة اسمك اية
علا / اسمى علا شرفتم ونورتم
راحت اخت العريس موجهة الكلام لعلا
اخت العربس / وانتى ياعلا بتشتغلى.
علا / ايوة انا بشتغل وانا
فىةاولى جامعة
. اخت العريس/ هو انتى كنت فى كلية
علا/ انا خريجة كلية التجارة جامعه الاسكندرية
اخت العريس / طيب خلى بالك اخوية مش عوز مرأتة تشتغل هو متزوج علشان عوز واحدة تريحة
علا / ان شاء الله ربنا يسهل
مديحة قاعدة برة بتكلم نفسها بتقول الله يخرببيتك ياختى هو ده منظر عريس يالهوووى لو البت وافقة تبقى دفنت نفسها بالحياه
جه الحاج منصور ودخل وسلم واتصدم من منظر العريس وقال لهم منورين البيت بيتكم انا هروح اصلى بعد اذنكم
وخرج لمديحة وقال بئى هو دة العريس ياهانم كتر خيرك انتى واختك بقى بنتى المتعلمة المتربية تتزوج واحد معاة اعدادية طب اختك مازوجتهوش لبنتها ليه ماشى حسابنا بعدين روحى اقعدى معاهم دول مهما كان ضيوفنا
مديحة / حاضر ياحاج والله مكنت اعر ف انة كدة
ودخل الحاج منصور قعد شوية وخرج وبعد شوية خرجت علا
اخت العريس/ اية رايك ياعروسة
ردت مديحة وقالت هنتشاور ونرد عليكم باذن الله
اخت العريس/ ههههه اصل العريس مستعجل
مديحة / فى سرها فرحانة ياختى بالقرد ده
سلمو ومشوا
علا/ هو د العريس ياماما طيب انا موافقة علشان
اريحك منى
مديحة / لا والنبى مايحصل انا غلطانة ليكى يابنتى
جه الحاج منصور واتخانق مع مديحة جامد وحكم عليها
تتصل باختها. نخبرها بالرفض
مديحة / سامحينى يابنتى
علا /خلاص يا ماما حصل خير
سناء /صباح الخير ياعلا يلا اتأخرنا
علا / صباح العنبر حاضر انا جية اهو
سناء / صباحك زى وش العريس
ضحكت علا وقالت خلاص فركش
سناء / بلا نيلة والله لو اتقدم لامى ماهتوافق دة عامل زى عفريت العلبة بت ياعلوش ياريت تكونى صورتية
علا لا طبعا مصورتش حد
سناء/جتك خيبة كنتى صورتية انا كنت عوزة صورتة جنبى علشان اشوف الواد مجدى مز جنبة
علا / يخرببيتك دانتى مصيبة
سناء / خلينا فى المهم يابت انا قرر واستعنت بالله انى اجوزك للمز مروان
علا / نعم تزوجينى مين ياختىىىى انتى هبلة
سناء ايوة هبلة بس انتى اسمعى كلامى وانا هاخلية يجيلك. راكع
علا / انا مش موافقة انا ملقتش غير المستفز ده بنى ادم بارد
سناء / بس مز اخر حاجة ياهبلة ده من غيرتة عليكى طب تعالى عندى المكتب واتكلمى مع حد من اللى معايا هتشوفى هو هيتجنن ازاى وهيعمل اية
علا / طيوب هافكر فى كلامك