رواية كوفير تمني
الفصل الخامس5
بقلم ريم ابو القاسم
رزان طلعت من الحمام لقتني سرحانه قالت لي مالك مسكتي البت ... قلته ليها بنفس السرحه قتلتها.... قالت لي نعم قتلتيها كيف يعني... قلته ليها كده ... جات قعدت جمبي في السرير مسكت يدي قالت لي انتي عارفه يا تمنى انتي ما اخت انتي شيطانه حياتك اصلا جحيم انا مستحيل اتحرق في نارك و طلعت بره ....بقيت منتظره اكتر من ساعتين بعدين الباب دقه خفته شديد قلته معناها ديل هم جو خلاص مشيت فتحته الباب برجفه و كلي برجف لقيت ديل الشرطه فتحته عيوني كبار قالو لي دايرين نحقق معاكي ... قلته ليهم تمام بس قال لي باختصار كنتي وين وقت الجريمه بما انو الجريمه حصلت جمب غرفتك ما سمعتي صوت .... بعد قال كده غمضته عيوني و اخدته نفس عميق اني اطمنته قلته لي ما عندي علاقه بيها نهائي انا هنا بتاعت كوفير و تعاملي مع كل الناس دي واحد قال لي ما سمعتي صوت قلته ليو ابدا والله قال لي متأكده هزيت راسي قال لي اسفين لللازعاج طلعو قفلته الباب وقفته في باب الغرفه و نزلته بي ظهري بقيت اقول الحمد لله عدت بس المره الجايه لازم انتبه لازم .....
الكويس انو مافي زول شافني والا كان ضعته فيها ... اتصل لي مازن وانا في حالتي ديك قال لي يا مجرمه يا قاتله بقيت مهجومه شديد قلته ليو عملته شنو قال لي عملتي شنو بتسالي كنته خايفه طبعا دي مصيبه جديده كمان ما يكون عرف قال لي عرفته اي شي عنك تعالي سريع الكوفير لبسته أقرب عبايه و أقرب أمجاد و مشيت وصلته الكوفير لقيتو قاعد جوه و فاتح غرفه المعمل معاهو واحد قال لي ده شنو و عيونو كانت حمراء ....جيت قريب لقيت الجثث محلله لمن فيها دود قال لي ده شنو اشرحي لي والا اتصلته بالشرطه وقفته مسافه قلته ليو دي ما بعرف و بقيت أبكى... جاء رفعني من كتفي قال لي تمنى بصوت عالي والله ما تحكي اقتلك حيه عرفته اي شي انا و الجثه دي لمن مسلوخه كيف الجثه دي بقت كده بتعملي شنو بي جلد الناس فتحته عيوني و الدموع عشرة عشرة ... قلته لي ما بعرف ... اداني كف قال لي افضل تفتحي خشمك ده والا طلع تلفونو قلته ليو بحكي بحكي و ببكى... جاب كرسي قال لي تعالي طلعنا بديت احكي من الشعر و حكايه سلخ جلد ولاء ...
اثناء كلامي مره يخت يدو في راسو و مرات يهز راسو سكته مسافه قال لي ما بصدق تكوني بالقرف ده و البشاعه دي انتي ما انسان انا بس منزله راسي ببكي بحرقه..... قال لي تبكي علي شنو انا الابكي لاني وثقته فيكي و حبيتك بس ما افتكرتك كده عارفه نفسك قالته 3 شخص برئين .... قال لي انا ظابط فتحه عيوني بقيت اعاين ليو بخلعه و جسمي كلو اتخدر .... قال لي انتي العملتي ما في زول قبلك فكر يعملو انتي شيطان رفع تلفونو قال ايوا تعالو انا عاينته ليو و قمته جاريه ، جاريه بس ما عارفه وين ما عايزه ادخل السجن ما عايزه اتحاكم عاينته وراي لقيتو جاري وراي .....