رواية كوفير تمني
الفصل الثاني2
بقلم ريم ابو القاسم
بقيت افتش منشفه امسح الارضيه سريع ما لقيت أي شي اطريت فتحته الباب و شلته معاي مزهريه ضربتها في راسا فقدت الوعي.... بلاي انا يداب شغلي بدأ مستحيل اخليها تخرب لي اي شي شلتها دخلتها جوه قلته لي رزان سريع جيبي الحقنه نخلص منها يمكن تبقى فايده فعلا عملت كده.....
جاتني قالت لي خلاص ماتت قلته ليها يلا نمسح الدم ده عاينت لي قالت لي سيرتو ساي بطني بتقلب ماشه اكل انا ما عندي ليك شي مشت خلتني قفلته الكوفير بقيت امسح فيو تعبني لحدي ما مسحتو....🥲💔...
مشيت اشوف جلد ولاء صراحه الريحه فظيعه اطريت البس كمامه اول غسلتو وبديت فيو ... شغاله في التحاليل اسبوعين بعدين ظبطته الخلطه و مفعولا اسبوع بس ... شغالين عادي شغلنا عندي ذبونه وشها كعب حبوب و آثار و حفر قلته بس انتي طوالي.... قلته ليها امسكي الخلطه دي اسبوع بس وشك ح يبقى لبن قالت لي كذابه مستحيل ادفع قروش وشي ده سافرته لي بره برضو حلف☹️💔....
قلته ليها ابدا حبيبتي ما عايزه قروش عايزه اشوفا فيكي ... ابتسمت قالت لي لو كده موافقه ... جاتني بعد اسبوع وشها ابيض و صافي ما فيو ولا حبه حتى آثار ما فيهو جاتني تبكي قالت لي ما عارفه اقول ولا اعمل شنو بشكرك يا تمنى انتي انسانه عظيمه صح انا كلى غلط بس فرحته ليها دموعا ما وقفت لحدي ما طلعت😍... قالت لي ح اجيب ليك صحباتي كلهم تاني ...
وفعلا شده ما الزبائن كترو نحنا بنوم 12 مساء من شده التعب الخلطه بقت مشهوره تنمى للخلطات قروبات الفيس الواتساب حتى اتصدرت بره بقيت مشهوره و بنيت الكوفير حقى😍.. بقى تحفه و بجيب مواد من بره حتى يوم اسره كبيره و معروفه في الخرطوم نادوني لعرس انا ورزان للميكب و الكلام ده كلو للعروس و أهل العروس فعلا مشينا ومن هنا بدايه اكتشاف فضيحتي......