رواية كيندرا الفصل التاسع عشر والعشرون بقلم حليمه عدادى

رواية كيندرا 

الفصل التاسع عشر والعشرون

 بقلم حليمه عدادى

فتحت عينيها ببطئ وحاولت إنها تقوم لكن حست بدوخه وكانت هتقع مسكتها رنا 

كيندرا :  أنا فين يارنا . 

رنا : إنتي أغمى عليكي وجبتك   المستشفى ..

كيندرا : أكيد من التعب مافيش حاجة..

رنا : الدكتور قال هيعملك شوية فحوصات وتحاليل وبعدها هيقولنا عندك إيه ..

كيندرا : تمام نقدر نمشي دلوقتي .

رنا : دلوقتي هنروح علشان ترتاحي وهنرجع بالليل تكون النتيجة طلعت ..  

كيندرا : رنا أنا بخير هو بس شوية تعب عادي ..

ساعدتها رنا علشان تقف وخرجوا من المستشفى ركبوا العربية  

كيندرا : وديني المستشفى عند يوسف عايزه أشوفوا ..

رنا : وأنا كمان وحشني أوي حاسه إني من غيره مش عايشه  من بعد موت أهلي بقى هو عيلتي وسندي ..

كيندرا : هيقوم ويرجعلك وهتخلفوا ولاد كمان ..

رنا : إن شاءالله ياكيندرا أنا مستنيه اليوم دا بفارغ الصبر ربنا ينتقم من الظالم اللي كان السبب في الوجع اللي إحنا فيه دا ..

كيندرا : كفاية بقى إحنا إنتقمنا وخلاص بتدعي عليه ليه ..

رنا : كيندرا لازم تنسي جاد هو  بقى عدونا دلوقتي مش هيكون ليه مكان بينا ..

كيندرا : كفاية يارنا إنتي مش حاسه بوجعي الحب يارنا بيجي من غير استئذان الحب مالوش وقت الحب بيجي من غير مانعرف  فجأة بنلاقي إننا حبينا شخص ماكناش متوقعين إنه هيجي يوم ويملك قلبنا .. 

وصلوا قدام المستشفى نزلوا  ودخلوا المسشفى شافوا الدكتور قدامهم و بيبتسم 

رنا : السلام عليكم أنا شيفاك مبسوط يادكتور خير طمنا في أخبار جديده ..

الدكتور : وعليكم السلام طبعاً في خبر أو إثنين ..

كيندرا بفرحة : خير يادكتور  ..

الدكتور : الخبر الأول لقينا دواء ليوسف و السم اللي بجسمه بدأ مفعوله يروح  ومع الوقت هيبقى بخير ..

حضنت رنا كيندرا بفرحة و دموع

كيندرا بفرحة : أنا قلتلك إنه هيبقى كويس وهيقوملنا بالسلامة.

رنا : الحمد لله متشكره أوي أوي يادكتور  طب وإي هو الخبر الثاني ..

الدكتور : يوسف فاق من الغيبوبة و اتكلم وعايز يشوف كيندرا ورنا هو ذكر الاسمين دول ..

كيندرا : يعني ممكن نشوفوا .. 

الدكتور : أيوه ممكن تدخلوا لعندوا دلوقتي هو بقى كويس ..

كيندرا ورنا راحوا بسرعة على أوضة يوسف لقوه بيبص للباب وكأنه مستني حد حضنته رنا بدموع فرح 

يوسف : أنا بقيت كويس ليه الدموع دي يارنا ...

كيندرا بمرح : ابعدي يارنا ماسكه فيه كدا ليه عايزه أشوف أخويا ..

رنا بمرح : لا مش هبعد هو جوزي  وإبن عمي ..

يوسف : هههه إنتوا لسه زي ما إنتوا  تعالي ياكيندرا قعد يوسف وضمهم الإثنين لحضنه ..

يوسف : وحشتوني أوي أومال فين ماما وبابا ..

كيندرا : إحنا أصلاً كنا في الشركة ولما طلعنا قلنا نعدي على المستشفى علشان نشوفك وماقلناش لحد إننا جايين ..  

يوسف : إيه شركة هو إنتوا بقى عندكم شركة في غيابي ..

رنا : إحنا إنتقمنا من جاد المالكي وأخذنا شركته وكل أملاكه كمان ..

يوسف بصدمة : إنتقمتوا من جاد طب ليه ..

رنا : علشان هو السبب في الحالة اللي إنت فيها دي وهو اللي خذ  تعب عمي خالد ..

يوسف بصدمة : إنتوا عملتوا إيه إنتوا اتجننتوا ..

 كيندرا فضلت بصاله وافتكرت كلام جاد لما قالها إنها هتندم لما تعرف الحقيقه ..

كيندرا : اتجننا ليه يايوسف مش هو اللي كان سبب وجعنا وهو كمان اللي خطفك وكان السبب في رميتك دي في المستشفى ..

يوسف بضياع : حرام عليكم إنتقمتوا  من جاد و اخذتوا منه كل حاجة إنتوا عارفين إن بفضل جاد  من بعد ربنا أنا عايش قدامكم دلوقتي..

كيندرا : يوسف إنت آخر حاجة قلتها قبل مايغمى عليك هو إسمه  وهو كمان قال أبوه كان مع بابا ..

يوسف : قولوا لي  عملتوا إيه ثاني .. 

كيندرا : طيب هحكيلك وحكتله كل اللي حصل 

يوسف بصدمة : إنتي كسرتي جاد وهو كان ضحية زينا اليوم اللي لقيتوني فيه وقلت إسم جاد المالكي مكنتش أقصد إن هو اللي أذاني ..

رنا : أومال كان قصدك إيه يايوسف ..

يوسف : يومها هو اللي أنقذني ومكنش يعرف إن أبوه وعمه وعمته هما اللي خطفوني ..

فلاش باك 

دخل جاد المخزن فك قيود اللي مقيد بها يوسف 

جاد : يوسف إنت سامعني يوسف رد عليا ..

ملاقاش منه رد شاله على ظهره وخرج  وحطه قدام المخزن وراح علشان يجيب العربية 

في نفس الوقت وصلت كنيدرا ورنا للمخزن شافوا يوسف قدامها على الأرض جريوا ناحيته

كيندرا : يوسف رد عليا مين اللي عمل فيكي كدا 

رنا : بسرعة خلينا نأخذوا للبيت  ولما وصلوا كان أغمى عليه و خر كلمة قالها.  

يوسف : جاد المالكي جاد 

وبعدها فقد الوعي تحت صراخ الجميع 

باك 

يوسف : دا كل اللي حصل وسعد هو اللي قتل والد جاد لأنه طلب منه إنه يرجع لبابا أملاكه ولما  سعد رفض ووالد جاد أصر على دا قتلوه ..

كيندرا بعد اللي سمعته طلعت من الأوضة بسرعة من غير ماتقول أي  كلمة 

يوسف : كيندرا كيندرا مالها حصلها إيه..

رنا : إحنا اتسببنا بألم كبير لجاد كيندرا وجاد بيحبوا بعض لكن إنتقمت منه علشانك هي كسرته ووجعته كانت بالنسباله النفس اللي بيتنفسه ..

يوسف : أنا عايز أشوف جاد كلميه هو لازم يعرف كل حاجة دلوقتي روحي ورى  كيندرا ..

رنا : حاضر بس إرتاح إنت شوية..

خرجت رنا من عند يوسف شافت كيندرا منهارة وبتبكي بحرقة وحاضنه  نفسها 

رنا : كفاية ياكيندرا إنتي ماكنتيش عارفه ..

كيندرا ببكاء : أنا جرحت أكثر انسان حبني أنا وجعته  وكسرته جاد مش هيسامحني وانهارت بالبكاء ..

رنا : جاد هيفهم كل حاجة من يوسف و هيسامحك ..

كيندرا : مابقاش ينفع حتى لوسامحني كل حاجة راحت خلاص ..

رنا : اهدي ياحبيبتي خلينا نروح ونقول لماما وعمي ونفرحهم وكمان لازم نروح لجاد .. 

كيندرا : عايزه إيه من جاد هنروح له ليه ..

رنا : يوسف عايز يشوفوا يلا بينا..

****************

جاد طول اليوم قاعد وحاسس بنغزه في قلبه هو دائما بيحس بألم في قلبه لما تكون مش بخير لأن اللي بيحب قلبه بيحس بمحبوبه 

حسام : جاد ماما عايزاك تخرج  مع سارة علشان تختار فستان الفرح ..

جاد : أنا حاسس إني تعبان قول لماما هي اللي تروح معاها .. 

حسام : إزاي يعني أمك اللي تروح لازم إنت اللي تروح معاها ياجاد .. 

جاد : حسام أنا حاسس إني هدخل سجن مافيش منه مخرج أنا حاسس إني بتخنق بسبب الجوازه دي ..

حسام : ووافقت ليه من الأول دلوقتي خلاص ماعدش فيه فايدة مش هتقدر تتراجع ..

جاد : افتكرت إني لما أوافق واتجوز هقدر أنساها لكن قلبي وعقلي مافيش جواهم غيرها هي وبس .. 

قاطع كلامهم رنا اللي كانت جايه ناحيتهم 

رنا : السلام عليكم 

جاد : إنتي إيه اللي جابك امشي من هنا يلا ..

رنا : يوسف فاق من الغيبوبه وعايز يشوفك .. 

جاد بلهفه :  هو بخير .. 

رنا : اه الحمدلله هو بخير ومستنيك بالليل ..

جاد : تمام تقدري تمشي دلوقتي ..

حسام : إنت هتروحله ..

جاد : أيوه يوسف كان صاحبي لازم أعرف منه كل حاجة..

وأعرف منه هو كذب ليه و قال إني أنا اللي أذيته ..

حسام : تمام أنا هروح معاك ..

ركبوا العربية وراحوا على المستشفى 

******************

زينب : إنت متأكد إنك بخير ولا بتقول كدا علشان تطمني  .. 

يوسف : لا ياماما أنا بخير ولما شفوتكم بقيت بخير أكثر .. 

خالد : اه يابني من غيرك إحنا تعبنا كثير  ربنا يحفظك وتقوملنا بالسلامة..

يوسف : إن شاءالله من النهاردة التعب والحزن كله هيروح ..

خالد : هنروح دلوقتي أنا وأمك علشان مدرسة زين كيندرا ورنا هيبقوا معاك.. 

يوسف : تمام يابابا بكره إن شاءالله هخرج من المستشفى وكمل بهزار علشان اتجوز بقى أنا عجزت خلاص عايز اتجوز وأخلف بقى .. 

بصتله رنا بإحراج  

زينب : إن شاءالله هتطلع من هنا ونعملك أحسن فرح .. 

يوسف : بابا أنا هتكلم مع جاد والشركه لازم ترجعله  هي وكل أملاكه..

بصتله كيندرا بضياع وحزن حتى لو رجعتله أملاكه مش هيسامحها 

******************

وصل جاد وحسام قدام المستشفى نزلوا من العربية ودخلوا سألوا في الإستقبال عن رقم أوضة يوسف راحوا للأوضة خبط جاد على الباب فتح الباب بعدما سمحله يوسف إنه يدخل 

أول مادخل جاد وقعت عينيه عليها شافها نايمة بهدوء وحاطه رأسها على طرف السرير و الحزن باين على وشها بصلها بشوق 

يوسف : جاد وحضنه وحشتني ياصاحبي .. 

جاد : وإنت كمان وحشتني  ياصاحبي إزيك عامل ايه دلوقتي إنت كويس ..

يوسف : اه أنا كويس إنت عامل إيه .. 

التفت لحسام تعالى ياحسام إيه موحشتكش ولا إيه حضنه بفرحة ..

حسام : إزيك يابطل ..

يوسف : إنتوا نسيتوني ولا إيه أنا عارف إن صداقتنا مكانتش قوية وإنكوا ماكنتوش تعرفوا عني حاجة غير إسمي ..

جاد : إنت بتقول إيه يايوسف إنت فعلاً صاحبي لكن من اليوم إياه إنت اختفيت ومقدرتش أعرف طريقك .. 

يوسف : أنا اسف ياجاد على اللي عملته فيك كيندرا هي مكانتش عارفه الحقيقة .. 

كيندرا استنت تسمع رده لأنها مكنتش نايمه هي مثلت إنها نايمه لأنها مش هتقدر تواجه جاد  

جاد : إنت السبب يايوسف ليه قلتلها إني أنا اللي خطفتك ..

يوسف : جاد أنا هشرحلك كل حاجة وقص عليه كل اللي حصل أنا لما قلت إسمك كنت عايز أنبهك علشان تاخذ بالك لكن مقدرتش أكمل كلامي لأنه أغمى عليه بسبب السم اللي كان في جسمي ..

جاد : الحمد لله على سلامتك يايوسف أنا همشي دلوقتي..

يوسف : جاد أملاكك كلها هترجعلك ..

جاد :  أنا مش فاضي دلوقتي نتكلم مرة ثانية يايوسف لو قدرت ترجع قلبي اللي انكسر زي ماكان وقتها ممكن ترجعلي الشركة ..

يوسف : إزاي مش فاضي وليه مانتكلمش دلوقتي ياجاد ..

جاد : معلش يايوسف هروح مع خطيبتي علشان نختار فستان الفرح لأن فرحي قريب ..

انتفضت من مكانها كأن قرصتها أفعى لدرجة إنها كانت هتقع على الأرض 

كيندرا : إيه إنت قلت إيه 

الفصل 20

مرحبا أيها الحزن لقد مرت الايام وانت رفيقي الا تنوي المغادره شاهدت النجوم على المي و كان على كل دمعة الظلام شاهد اصبحت جسد بلا روح ابتسامة مزيفه 

تمهل ايها الحزن هناك روح حرقت و قلب انكسر و دموع جفت 

تبا لك ايها الحزن لقد اخذت طعم الحياة و اصبحت مثل شجرة في فصل الخريف بلا اوراق و مثل طائر بلا جناح 

اصبحت مجرد روح تتألم اين الهروب 

اصبحت اريد الرحيل و لكن لا ادري الى اين اصبحت حافية الشعور 

ارحل ايها الحزن الدفين ارحل لقد ارهقني الانين

*******************************************

الفصل 20 

كيندرا : إيه إنت قلت إيه 

نظرت إليه نظرت كسره وحزن إتمنت لوتقدر تجري عليه و تتخبى جوا حضنه 

يوسف : فيكي إيه ياحبيبتي إنتي كويسه جاد قال إن فرحه قريب ..

حاولت حبس دموعها لكن ماقدرتش خرجت جري لبره الأوضة .. 

يوسف : روحي وراها يارنا هي تعبانه .. 

جاد : هروح أنا دلوقتي أشوفك مرة ثانية يايوسف .. 

خرج حسام وجاد من المستشفى شافوا كيندرا واقعه على الأرض وجنبها رنا بتبكي وبتحاول تفوقها .. 

جاد لما شافها واقعه على الأرض حس إن روحه اتخذت منه وفي لحظة نسي كل حاجة وجري ناحيتها بخوف ولهفة حط رأسها على رجله شاف مناخيرها بتنزف .. 

جاد بخوف : كيندرا كيندرا حبيبتي رد عليا وقع قلبه لما ماردتش عليه ..

حسام : جاد لازم ندخلها المستشفى حالتها سيئة ..

شالها جاد بين إيديه وجري بيها 

جاد بصراخ : دكتور بسرعة

 جري الدكاترة ناحيته شالوها منه ودخلوها جوا  

جاد : حصلها إيه ليه بتنزف من مناخيرها دايماً ..

رنا : معرفش إمبارح كمان حصلها كدا فقدت الوعي والدكتور قال لازم نعملها شوية فحوصات وتحاليل ..

خرج الدكتور كلهم جريوا ناحيته  

جاد : قولي يادكتور  هي كويسه ..

الدكتور : ماتقلقش هي كويسة لكن نفسيتها وحشه جداً لازم نعملها شوية تحاليل ..

جاد : إعمل اللازم يادكتور هي  فاقت  ..

الدكتور : هتفوق بعد شوية ..

رنا : أنا هدخلها يادكتور ..

جاد : يلا بينا ياحسام ..

**********************************

سناء : كنتوا فين الوقت دا كله سارة من الصبح قاعدة مستنياك ..

جاد : معلش ياماما هي فين علشان نخرج ..

سناء بغضب : لما حضرتك إتأخرت طلبت الفساتين لهنا و اختارت واحد  بس كانت زعلانه أوي ..

جاد : أنا آسف ياماما يوسف فاق من الغيبوبه وطلب إنه يشوفني ..

سناء : وكان عايز إيه منك بعدما أخذوا كل حاجة ..

جاد حكالها كل حاجة

سناء : ودلوقتي هتعمل إيه هتسامح كيندرا بعدما ترجعلك أملاكك ..

جاد : صعب يامامم إنك تسامح حد كسر قلبك وخان ثقتك ..

سناء : حتى لو سامحتها هتطلقها ..

جاد : إزاي أطلقها ياماما ..

سناء : أيوه هتطلقها علشان تتجوز سارة انا مش هرجع في كلامي مع خالتك ..

جاد : حاضر ياماما

 خرج وهو حاسس إنه بيختنق إزاي هيطلق  اللي كانت روحه والنفس اللي بيتنفسه إزاي هيعيش مع سارة وهو مبيحبهاش حتى في أحلامه بيشوف معشوقته ..

حسام : جاد أنا مبقتش قادر أفهمك إزاي هتتجوز سارة وإنت لسه بتحب كيندرا ..

جاد : هتجوز سارة لأني طلعت كيندرا من قلبي ومن حياتي ..

حسام بسخرية : طلعتها من قلبك وكمل بجدية جاد إنت حبك لكيندرا مش مجرد حب عادي حبك ليها بقى بيجري في دمك إنت ماشوفتش نفسك وإنت بتجري وملهوف عليها ولا إزاي كنت هتموت من خوفك عليها .. 

جاد : أنا تعبت ياحسام مش قادر أسامحها ولا قادر اكرهها ..

حسام : ماتتسرعش ياجاد فكر كويس قبل ماتقرر تتجوز ..

**********************************************

رنا : كيندرا كفاية عياط  الدكتور قال إن حالتك مش كويسة وإن نفسيتك وحشه خالص  ..

كيندرا ببكاء : رنا مش هقدر أشوفوا مع واحدة ثانية غيري أنا مش هستحمل دا هموت ..

رنا : حبيبتي اهدي هو لو بيحبك بجد هيسامحك وهيرجعلك ..

كيندرا : أنا جرحته وكسرته ووجعته هيسامحني إزاي بس ..

الباب فتح ودخل يوسف جري عليها 

يوسف : حبيبتي إنتي بخير إيه اللي حصلك ..

كيندرا : ماتقلقش أنا بخير يايوسف شوية تعب بس ..

يوسف: سلامتك من التعب ..

يلا هنروح البيت الدكتور قال إن بقيت كويس وممكن أكمل علاجي في البيت ..

رنا : يلا بينا دا أسعد يوم في حياتي لما تروح لبيتك .. 

يوسف : أنا مبسوط أوي لأني هكون معاكم بعد كل الغياب دا كيندرا يلا بينا ..

 لكن كيندرا ماكنتش معاهم كانت في دنيا ثانية خالص والحزن كان باين عليها حاسه إن قلبها بينزف ..

يوسف : كيندرااا فاقت من شرودهاعلى صوت يوسف 

كيندرا : معلش يايوسف ماسمعتكش أنا عايزه أخرج من هنا  عايزه أروح ..

يوسف : هو دا اللي كنت بقولوا ..

ساعدتها رنا على الوقوف وخرجوا من المستشفى 

**********************************************

أصوات الزغاريد والموسيقى ماليه المكان الكل كان مبسوط ومحدش حاسس باللي بقلب جاد نقص وزنه وكبرت لحيته كان ذبلان ..

حسام : جاد إنت اللي وافقت على الجواز ليه زعلان دلوقتي إنت ماشوفتش نفسك في المراية دا شكل واحد فرحه النهاردة .. 

جاد بألم ظاهر على وشه : محدش فيكم حاسس بيا حسام أنا تعبت  أنا قلبي ينزف من جوا ..

حسام : جاد أنا معاك في أي قرار إنت هتاخذوا ..

جاد : حسام أنا مش عايز أزعل ماما  وأحرجها قدام المعازيم النهاردة فرحي ..

وقف بحزن واتحرك بعيد عن حسام وطلع صورة ليها وفضل باصصلها نزلت دموعه 

جاد في نفسه : ليه عملتي فينا كدا إنتي السبب في كل الوجع اللي حاسين بيه دلوقتي أنا مش هسامحك إنتي كنتي روحي وقلبي ومع كدا مش قادر اتحمل زعلك ..

***************************************

زينب :  أهلاً بيك ياقلبي نورت البيت ..

خالد : الحمدلله على سلامتك يابطل نورت حياتنا ..

زينب : كيندرا مالك ياحبيبتي إنتي كويسة  ..

كيندرا : أنا كويسة ياماما حاسه بشوية  تعب  هدخل أوضتي علشان ارتاح شوية ..

زينب : مش هتدخلي قبل ماتكلي شوفي حالتك بقت عامله إزاي .. 

خالد : إسمعي الكلام يابنتي لازم تكلي علشان خاطري ..

كيندرا : حاضر يابابا علشان خاطرك هاكل شوية مع إني ماليش نفس ..

رن تلفون يوسف كان جاد هو اللي بيتصل 

يوسف : و عليكم السلام عامل إيه  يابطل ..

جاد : بخير الحمد لله اتصلت علشان أعزمك على فرحي أنا مستنيك بالليل ..

يوسف : ألف مبروك ياصاحبي إن شاء الله هاجي ..

جاد : تنورنا ياصاحبي مع السلامه ..

يوسف : مع السلامه وقفل الخط ..

خالد : مين اللي إتصل ..

يوسف : دا جاد فرحه النهاردة بالليل واتصل علشان يعزمني ..

وقعت الكوباية من إيد كيندرا واتكسر مية حته لكن كسر قلبها كان أكبر

خالد : كيندرا إنتي كويسة يابنتي ..

كيندرا : اه أنا كويسة هقوم ارتاح شوية ..

دخلت أوضتها ورمت  نفسهاعلى السرير وحطت المخدة على وشها علشان محدش يسمع صوت عياطها وانهارت بالبكاء كم هو صعب إنك تشوف اللي بتحبه وهو بيروح لغيرك .. 

رنا دخلت عندها ولما شافتها بالحالة دي جريت عليها وحضنتها بدموع 

رنا : بس ياكيندرا كفاية ياقلبي العياط مش هيفيدك ..

كيندرا بدموع ووجع : إزاي يارنا أنا مش هقدر أعمل حاجة غير إني أعيط و كملت بإنهيار رنا أنا وحشه أوي أنا جرحت أكثر إنسان حبني كسرته ووجعته ليه الوجع دا كله .. 

رنا بدموع : حبيبتي اهدي مش هيحصل غير  اللي ربنا كاتبه الدموع مش هتفيد بحاجة لو ليكي نصيب مع جاد هيرجعلك ..

كيندرا : رنا ممكن تسيبيني لوحدي لو سمحتي ..

رنا سابتها لوحدها وطلعت من الأوضة قلعت حجابها واتصدمت لما شافت شعرها بيقع مسكت شعرها بإيدها لقت إن شعرها بيطلع بإيدها  نامت مكانها من غير ماتحس لأنها في الفترة الأخيرة بقت بتنام كثير وكانت بتحس إنها عايزه تنام في أي وقت ..

********************************************

في المساء كانت الزغاريد والموسيقى والأغاني ماليه المكان  وكل أهل القرية كانوا موجودين في المزرعة

 سناء رفضت إن الفرح يتعمل في قاعة وصممت إنها تعمله في القرية 

قعد جاد وهو حاسي إنه بيختنق ومبقاش قادر يستحمل 

جاد : ماما فين سارة المأذون وصل خلينا نخلص .. 

أم سارة : إنت مستعجل ليه  كلها شوية وهتبقى مراتك ..

سناء : ريم روحي هاتي مرات أخوكي .. 

ريم : حاضر ياماما .. 

يوسف : ألف مبروك ياعريس ..

جاد : لله يبارك فيك وعقبالك ..

يوسف : لا أنا مش عايز أنا متجوز يابني لوسمعتك رنا هتقتلني ههه ..

جاد : هههه شكلها مسيطرة ربنا يجعل السعادة دايماً من نصيبك ..

رجعت ريم تجري بخوف

حسام : مالك ياريم حصل إيه هي سارة فين ..

ريم :  أنا ملقتش سارة  في الأوضة

    الفصل الحادي والعشرون من هنا

لقراءة باقي الفصول اصغط هنا