رواية مليكة قلبي الفصل الحادي عشر11 بقلم نجمه براقه

رواية مليكة قلبي 

الفصل الحادي عشر11 

بقلم نجمه براقه

= مش قولنا بلاش القعدة اهنه 

: كنت بشم شويه هوا وهدخل دلوقتي 

= ايوه  ،  طيب اقعدي وانا هقف بره لو حد جه هقولك  

استدار علشان يمشي ف يوقفه صوتها 

:  لا انا هدخل  ،  بس كنت...  

بصلها واستناها تكمل ولما طال صمتها قال 

= كنتي ايه كملي  

قالت بتردد 

:  انت قولت لمرات عمي تكلمني ليه 

= له انا مقولتش اكده  ،  هي سألتني هزعل لو كلمتك ولا له وانا قولتلها عادي 

بهتت ملامحها وقالت بعد ما بصت بعيد 

:  اه

= بتسألي ليه  ،  متضايقه علشان كلمتك؟! 

:  لا طبعاً  بس هي قالتلي انك انت اللي قولتلها 

= لا مقولتلهاش هما حرين عاوزين يكلموكي يكلموكي  مش عاوزين براحتهم

:  اه 

= طيب هتدخلي ولا هتفضلي قاعده اكده 

:  شويه وهدخل  ،  الجو حلو النهارده  

= ماشي انا قاعده اهناك 

:  طيب  

سابها وقعد بعيد وهي عينيها عليه بتبصله من بعيد ف تلاحظ انه بيبصلها ويرجع يبص بعيد لما يلاقيها شيفاه وبعد وقت علي الحال ده بتدخل وتسيبه عشان يتبعها بعينيه وهو بيكلم نفسه 

= هو انت ممكن يجي يوم وتسامح في الغلط اللي عملته ولا هتفضل اكده مش قادر تنسا شكلها وهي في حضنه  ..  طيب ماهي قالتلك انه ضحك عليها وقالت لبت خالتها كمان  ..  واذا بيضحك عليها  هي ليه تقبل..  طيب ماهي يمكن ملقتش حد جمبها وضعفت....  ضعفت؟!  هو كل الضعف اللي يتسامح فيه   ،  افرض كان كمل  كانت عملت زي بت خالتها او حصل اللي اعفش من اكده..  له يا رمضان له هي غلطت  وغلطها ميتسامحوش فيه  ...  ياخوي اتقندل  انت بتسامح وتزعل مع نفسك  ،  افرض سامحت هي هتقبل بيك يعني ،  دي كرهاك

ـــــــــــــــــــــــــــــــــــــ 

كانت قاعدة في اوضتها بتكلم نفسها عنه 

= ممكن يكون فعلاً بيغير عليه  ...  لا بيغير ايه  ده شلفط وشي  ،  حتي لو بيغير وبيموت فيه  اضمنه ازاي ده  ده مش بعيد يقتلني في لحظة غيره...  اه بس هو باين عليه طيب...  باين؟!  وهو بيبان ازاي  اذا كان مفكرش يعتذر ولا حتي يتكلم في اللي حصل ويحسسني اني ندمان  ،  لا هو مش طيب هو وحش وقاسي وربنا ينتقم منه 

ـــــــــــــــــــــــــــــــــــــ 

دخل اوضته لقا رباب نايمه اتمدد جمبها وغمض عينيه وعقله مشغول بتسنيم ومستحوذه علي كل كيانه   وبيتمني لو يروحلها ويتكلم معاها  ويقولها احساسه نحيتها  ، لكن اللي حصل بيمنعه   ف غمض عينيه واكتفا باستحضارها في ذهنه  وكأنها موجودة جمبه  بتكلمه وبيكلمها وفجأه بيحس بلمسة ايد علي وشه بيفتح عينيه ف يلاقي رباب قدامه  و بيفوق من احلامه لما بيشوفها  بتفرد دراعه وتنام في حضنه ف بيلف درعاته حوليها ويرجع يغمض عينيه ويفكر في تسنيم لغيت ما بيغلبه النوم وتفضل هي بطلت احلامه لغيت الصبح ويصحا  يهمس باسمها ويفتح عينيه يلاقي رباب قدامه بتبصله ودموعها ماليه عنيها  ،  بيقوم من نوم ويتهرب من نظراتها وهي بتقوله 

= كام مره تقول اسمها  ،  حتي وانا جمبك مش  ناسيها

قام من علي سريره ودار ليها ضهره 

:  ده من ضيقتي منها  ،  انما هي متفرقش معايا  ،  متزعليش مفيش غيرك هيدخل حياتي 

= معرفش تكدب  ،  ده انت حتي وانت زعلان معاها شغلاك  ،  هو ده اللي عمر ما واحده غيري هتدخل حياتك  ،  ياخوفي اصحي في مره الاقيك في فرشتها

بصلها وعنيه بتطلع شر 

:  جملي دورك  ، قولتلك متهمنيش 

قال كده وسابها ودخل الحمام يبص للمرايا ويكلم نفسه 

- هتجنن يا رمضان معقول مش قادر تداري  ،  له اكده مش هينفع 

ـــــــــــــــــــــــــــــــــــــ 

صحيت تاني يوم تجهز الفطار وطول الوقت عينيها بتدور عليه لغيت ما بدات تحط الاكل علي السفرة ف بتلاقيه طالع من اوضته وبيوقفو هما الاتنين يبصو لبعض بشكل لا ارادي  لغيت ما يتعاد في ذهنه كلام رباب ف بينزل عينيه عنها ويتجه ناحية الباب عشان يخرج يكون هي رجعت اوضتها كان عاوز يهرب منها عشان ميزدش احساسه نحيتها  لكن مكنش يعرف اللي هيحصل لو اختفت وما شافهاش🫒  وقبل ما يفتح بيوقفه صوتها وهي بتقوله 

:  مش هتفطر 

بصلها وقال بعد صمت 

= قاعد في المندره يكون خلصتي ورجعتي اوضتك 

:  ايه 

= ايوه زي ما فهمتي معوذش اشوفك قدامي 

لمعت دموعها وقالت 

:  طيب دقيقة والاكل هيجهز وهرجع اوضتي 

مشيت نحيت المطبخ عشان توقف بعد ما فشلت في كبت عياطها وبصت عليه وقالت 

= بس انا قولت امشي انت اللي زعلت  وبقيت تزعق 

:  معندناش حريم تقعد وحديها  ،  كفاية عليكي تختفي في اوضتك ما شوفش وشك 

= لدرجه زعلان مني  ،  ده انا ولا كأني قتلتلك قتيل

: انتي ادرا باللي عملتيه 

قال كده وطلع وهي دخلت المطبخ وبقت تجهز وهي بتبكي بشحتفه وبعد ما خلصت رجعت اوضتها وحلفت ما هتخليه يشوفها تاني ،  وعدا ايام كانت بتحرص ميشفهاش  تصحي الفجر تخلص شغل البيت والفطار وبعد ما يخرج تخرج تجهز الغدا وتسيب كل حاجه علي التقديم ومديحه هي اللي تجهز  ،  وكل الفتره دي هو هيموت فدا لانه يلمحها لحظه واحده  مكنش يعرف عواقب كلامه وطلبه انها تختفي عنه  ،  كانت وحشاه لدرجه  الجنون ونسا اللي عملته والمشاكل اللي حصلت وفكر بس انه هيموت لو مشفهاش  و بقا ليله زي نهاره مفيش نوم من كتر تفكيره فيها وفي ليله شوقه غلبه مقدرش يصبر اكتر من كده علشان يشوفها وفي وقت كان الكل نايم خرج هو من اوضته دخل عندها  لقاها قاعده علي سريرها واول ما شافته وقفت تلملم نفسها وهو بيقرب منها لغيت ما وصل ليها وعنيه في عينيها مش قادر يبعدهم عنها لحظة واحده وبيقاوم رغبته في ضمها الي بتزيد عنده اكتر واكتر ودام الصمت بينهم لغيت ما اتكلمت هي وقالت 

: جاي ليه  ،  في حاجه الخدامه نسيت تعملها 

قال بدون ادراك 

= مبتقش اشوفك ليه  ،  كام يوم دلوك وانتي حابسه نفسك في المخروبه دي  ،  معوذاش تشوفيني ولا معوذنيش اشوفك  

:  وتشوفني ليه مش انت قولت مش عايز تشوفني وخليكي في اوضتك  ..  مش انت شايفني وحشه قوي ومش طايقني قدامك  ،    انت عاوز مني إيه  ،  بتعمل معايا كده ليه نفسي افهم  ،  واحد غريب عني يهمه في ايه اغلط ولا لا  ،  ليه ميكونش زعلك زي الباقين  ،  ليه اخترت تعذبني 

قال بدون ادراك منه 

= علشان محدش فيهم اتوجع زيي  ،  محدش شافك بين درعاته ضامك ويديه بتمشي علي جسمك 

اتنقلت بين عيونه وقالت 

:  وانت ايه يوجعك  ،  مش شايف ان دي كلمة كبيره ومش في محلها 

انتبه لنفسه ودار ليها ضهره  

= له في  محالها مانتي عاري والناس هتاكول وشي انا  

وقفت قدامه وقالت 

:  بس انا مش عارك  ،  انا معرفكش   ،  ده انا معرفتش انك ابن عمي غير لما انت قولتلي  ،  كان فين عارك لما محدش سال عني وسيبتوني بعيد  

= قولتلك ابوي سأل  

:  ابوك سأل انت لا  ،  ابوك اللي من حقه يزعل ويعاقبني انت لا  ،  انا معرفكش  ،  انا لغيت دلوقتي معرفش عنك اكتر من اسمك  ،  انت ملكش حكم عليه ولا من حقك تكلمني  ملكش اي صفه في حياتي  

= له ليه صفه  ،  انا جوزك لو كنتي ناسيه 

:  لا والله محدش قالي  ،  انتي مش جوزي وعمرك ما هتكون  ،  حضرتك كتبت العقد ده علشان تتسلي بتعذيبي  

= له جوزك  برضاكي غصب عنك انا جوزك  وهعذبك لغيت ما انسا شكلك وانتي في حضنه  ولو منستش يبقا نصيبك تعيشي بقيت عمرك تتعذبي 

نزلت دموعها وقالت 

:  انا بكرهك  اتمني يجيني خبرك 

= لو مش هتقلقي وتبعتي محروس يدور عليه  ف امين  

بعدت وشها عنه وقالت 

:  قولتلك عملت كده علشان عمي ومرات عمي 

بصتله بكره وقالت 

= بس والله ما اشوفك بتتحرق قدامي لا اطفيك بجاز 

اتنقل بعنيه بتفاصيل وشها وقال بخفوت بعد ما شوقه ليها غلبه ومبقاش قادر يداري 

:  طيب لما اجي اولع هعرفك علشان تجهزي الجاز ولو انك مش محتاجه غير انك تبصيلي اكده بعنيكي علشان تولعي فيه  وتحرميني النوم 

بصتله بربكه من نظراته وقالت 

= قصدك ايه  

ابتسم وقال 

:  قصدي متقعديش كتير في اوضتك  خليني اشوفك،  علشان الاقي سبب اعذبك بيه  ،  طول مانتي  مش قدامي  معرفش الاقيلك غلطه 

قال كده  ومشي عشان تستدير وتبصله وهو واقف عند الباب عقله بيقولو ارجعلها دي مراتك  لغيت ما بتعقد حواجبها بغيظ وتشتمه في سرها ف بيبتسم ويرجع اوضته يتمدد جمب رباب وعقله شارد بتفكير فيها  وبيجي تاني يوم ويدور عليها وبردو مبيلقهاش وفي وسط تركيزه علي باب اوضتها بيجيله صوت مهران وهو بيقولو  

:  بقولك ايه يا رمضان 

= هه  ،  ايوه يابه أمرني 

: الحج عبدالغفار جارنا في الأرض  اللي مأجرها لبيت عطالله  عاوز يبيعها علشان تعبان وعاوز يعمل عمليه ف كلمني وعرض عليه اشتريها وانا قولتله شاري 

= مش ده الراجل اللي ساب البلد وراح مصر 

:  ايوه هو  ولأنه تعبان مش هيقدر ينزل علشان اكده عايز نسافر انا وانت مصر يومين نخلصو  البيعه وننزلو 

= ماشي يابه انا جاهز شوف عاوز تسافر ميته وانا معاك  

:  بكره علي طول قبل ما حد غيرنا ياخدها 

= ماشي يابه اللي تشوفه  بكره نروح  

قال كده ورجع يبص لاوضة تسنيم اللي محاولتش تفتح الباب نهائي  وعدا اليوم ده وجه يوم السفر وهو قاعد في الصاله مستني يسمع صوت فتح الباب ويشوفها قبل ما يسافر لكن مفيش فايده كأنها قاصده تعذبه اكتر ف رجع اوضته قعد مع رباب يوصيها تخلي بالها من نفسها ومن اللي في بطنها وبعدين جهز نفسه وخرج لابوه ومنساش يبص بصه اخيره لاوضتها يمكن يشوفها ولكن الحال يبقي علي ماهو عليه ف خد تليفون امه وخد رقمها من غير ما حد ياخد باله ومشيو وبعدها هي خرجت من الاوضه وقعدت مع مديحه قدام التلفزيون وبعد شويه بتيجي رباب تقعد معاهم  

مديحه:  بقيتي في الشهر الكام علي اكده 

= التالت ان شاءلله 

:  ربنا يكملك علي خير  

= تعيشي يا غاليه   ..  عقبالك يا تسنيم 

قالتها بمكر علشان تبصلها تسنيم وتقول 

:  عقبالي؟!  ومش خايفه وانتي بتقوليها  ده انا اسمي مرات رمضان 

= واخاف ليه  ،  ونبي يخيتي رمضان ما مخليني خايفه  اصله ملهوش في الحريم  ومبيبصش لغيري حتي لو كانت مرته بالورق" 

بصتلها مديحه وقالت في نفسها 

= هه لو تعرفي جوزك ده عامل ايه علشان يقدر يلمحها بس  ،  يختي عليكي ما هتحسي بيه غير وهي حامل منه 

تسنيم:  لا خافي  تبقي غلطانه لو مخوفتيش  ،  الحاجه الوحيدة اللي تطمنك اني انا مش عاوزاه ولا بعتبره جوزي   ...  اعملك كيكة النهارده يا مرات  عمي 

ابتسمت مديحه وقالت 

= ياريت يابتي اتوحشتها من يدك  بس كنتي سبقتي رمضان كان نفسه فيها  

بصت ل رباب باستفزاز وقالت 

:  جيتي في جمل  لما يجي اعمله كيكه من عنيا 

قالت كده وسابتها نارها تاكول فيها ومديحه بتبص لتليفزيون وبتداري ضحكتها  وبتعدي الساعات والكل بيدخل اوضته عشان النوم  وبعد ما بتغفل عينيها بيوصلها اتصال من رقم غير مسجل ف بترد وتقول الو كتير ومبيجيهاش رد ف بتقفل وبعد شويه بيجيها اتصال تاني منه ف بترد تشتمه 

= انت مين يا بارد يابن البارده ياللي ما عند اهلك دم  ،  ده وقت يعاكسو فيه 

:  انا حره اعاكس وقت ما انا عاوز  

اعتدلت وقالت باستفهام 

= مين؟!  رمضان؟! 

:  ايوه انا  ،  عارفك مش بتنامي دلوك ف اتصلت اطمن علي رباب واشوف وكلتيها زين ولا له 

نفخت بغيظ وقالت

= متصل بيه في وقت زي ده علشان رباب  ،  متصلتش بيها ليه  ومين اداك رقمي اصلا 

:  قولتلك اتصل وقت ما انا عاوز  وجبت منين الرقم  دي حاجه متخصكش  

= اه حضرتك مشيت ف قولت تتصل تكمل بجاحه 

:  ايووووه الله ينور عليكي  

= طيب اقفل  سلام 

:  طيب والله لو الخط اتقفل لا انزل افرجك شغلك  

= ايه هو ده  ، انت كنت اشتريتني 

:  ايوه  انا مفتري  عاجبك ولا له 

= معجبنيش 

= المهم انه عاجبني انا  

:  امممم طيب وبعدين ممكن توفر افتراك ده لصبح او لما تيجي علشان انا نعسانه 

= له والايام اللي فاتت معرفتش اضايقك فيهم هعوضهم اليومين دول  ،  عاجبك ولا له 

:  الصبر من عندك يارب  

= ايوه ادعيه يلهمك الصبر   علشان محتاجاه الفتره الجايه  

:  طيب وبعدين  ايه المطلوب مني دلوقتي  ،  اقوم اجهز اكل ل رباب ولا عاوز ايه 

= له تلاقيها نايمه دلوك متقلقهاش 

:  طيب والمطلوب 

= انا مش قولتلك متدسيش تاني في اوضتك  ،  ايه دساكي  ،  ليه  كلامي متسعمش  ولا عجبك الضرب 

:  انت كل اللي ليك ان شغل البيت يخلص وبس 

= طيب وانا كنت هرازيكي وهلقالك غلط كيه وانتي مختفيه اكده 

:   اديك بتعرف تتصرف  زعلان ليه بقا  

= زعلان علشان كلامي متسمعش 

:  انت عاوز ايه يا رمضان  ،  انا مش فهماك  

= وهعوذ منك إيه 

:  معرفش  

دام الصمت بينهم عشان يقول  

= معوذش حاجه  ،  مجانيش نوم وعشان عارفك بتسهري اتصلت اسالك علي البيت 

:  اها  ، البيت كويس وماشي تمام  ،  ورباب كويسه 

= وانتي  

:  انا؟!   انا أيه 

= انتي ازيك 

:  لو سؤال عادي ف انا تمام  بس لو يهمك تعرف  ازيي بجد  ف انا بنصهر  عارف يعني ايه انصهار 

= ليه؟!  شايفة نفسك مظلومه ولا لانك وحدك  

:   مش شايفة نفسي بريئه ومعترفه بغلطي بس بردو مظلومه  ،  انت مستغل اني مليش مكان تاني اروحه ف بتتلذذ بتعذيبي واهانتي  ،  تفتكر لو ليه حد  كنت قدرت تعمل فيه كده 

= وانا عملت ايه يعني  ،  ضربتك  ،  خليتك تشتغلي في البيت  ،  طيب والله انا كنت ماسك نفسي بالعافية علشان مقتلكش او اعجزك  باقي عمرك ،  اللي انا عملته دي نقطه في بحر اللي كان نفسي اعمله فيكي 

:  ارجع واقولك تاني  ليه؟!   تفتكر قرابتنا اللي متعدتش شهرين تسمح للي انت بتعمله ده  

= حتي لو يوم واحده  ف هي تسمح  و انا كده هديت شوية  ،  وههدا اكتر لو كلتك علقه تطلع من عينك  ،  نفسي هفاني امسكك واضرب فيكي  

:  وايه مانعك  ،  عادي علي فكره  انا مش همانع لو عملت كده  ،  بس يارب اموت في ضربه منهم وارتاح  منك 

= يعني مش هتزعلي 

:  لا  ،  او تقدر تقول احساسي مات  وخدت مناعه ضد الضرب وضد الاهانه 

= هنحيه احساسك اللي مات ده  لما يدي تخبط في وشك الناعم ده هترجعي تحسي 

:  انت كدة بتتوعد ليه ولا بتعاكسني  ،  ايه وشك الناعم ده  

ابتسم وقال 

= ماهو ناعم صوح فين المعاكس في كلامي  ،  ومش بس اكده  ده انا ببقا نفسي اخزق عينيكي لما بتبصيلي  ،  عينيكي الجميله  

ابتسمت وقالت 

:  هو في إيه  ، مالك النهاردة  ، مين بيتكلم  ، الو 

- معرفاش مين  ،  تحبي الفخك قلمين عشان  تعرفيني 

: اه طيب وبعدين  

:  وبعدين؟!  مش عارف  ،  بس لقيت ان كفاية عليكي تربيه اكده  وقولت ناخد هدنه  ولا انتي عجبتك الحكاية وعاوزاني اكمل 

=  رمضان انت حد قالك قبل كده انك مجنون  ،  لا بجد انت مجنون  ،  انا مش فهماك اقفل ياعم  

:  طيب والله لو قفلتي ما هرحمك 

= ليه انا عاوزة انام  

:  متنميش 

= طيب وبعدين يعني  

:  ولا قبلين  ،  انا مش هنام انتي تنامي ليه  ،  اعتبريه تعذيب من نوع  تاني  

ابتسمت وقالت

= ماشي  ربنا يرحمنا من عنده بقا 

:  يارب   ،  بتعملي ايه دلوك 

= كنت نايمه  

:  مش بعاده  دايما بلاقيكي سهرانه 

= مش دايما بسهر 

:  ولما بتسهري بتكوني سهرانه ليه   ،  بتفكري في حد؟! 

= اممم ده تلميح للي حصل صح؟! 

:  له ده فتح لموضوع  ،  عاوز اسمع منك حكايتك مع الواد ده  ،  عاوز اعرف وصلتو لفين 

- ولو قولت  مش هترجع تضربني 

: هضربك في حاله واحده بس 

- هي ايه 

:  انه يكون لسه علي بالك ومتعظتيش من اللي حصلك 

- انا اتعظت وكرهته من قبل ما اجيلكم  بس انت اللي محاولتش تسأل قبل ما تعمل اللي عملته 

:  ايوه طيب سامعك  احكي 

سكتت شويه مش عارفه تبدء منين لغيت ما اتكلم هو وقال 

- شوفي  انا حقيقي مش هتعصب مهما تقولي  وده وعد  قولي متخافيش 

= طيب   ، اممم شوف هو انا من فتره قابلته وكان  مستهتر وصايع وفرحان بلمة البنات حوليه وفجأه لقيته بيحاول يخليني ضمن البنات دي  ولأني كنت بجد كرهاهه صديته ولما زودها شتمته قدام الناس وبعدها تفاجئت بيه بيتقدم ل نجلاء 

:  طيب وليه مقولتيش علي اللي كان بيعمله معاكي  لما انتي كنتي كرهاهه صوح 

= انا مقولتش الموقف اللي حصل معايا لأني  خوفت اجرحها وتفهم انه متقدملها عشاني مش عشانها  ، هو كان عاجبها قوي وشيفاه فرصه مينفعش تضيعها  ، بس قولتلها كتير اني مش مرتحاله وانه باين عليه صايع والبنات كتير حولية   بس هي مسمعتش و وافقت واتخطبتله  ، ومن بعدها عمل البدع علشان  احبه  ،  و مش عارفه ازاي عرف كل حاجه عني  ، كان عارف يجيني منين لغيت ما قدر يشغلني وملا حياتي كلها   ،  كان بيكلمني لما بكون زعلانه ويقولي زعلانه ليه مع انه مكنش شايفني 

:  امممم  ،  ماهي البعيده حماره اكيد عرف كل حاجه من بت خالتك  وخالتك نفسها  ،  مكنش بينجم ويعرف ان جنابك زعلانه يعني 

= ما انا بعدين فهمت كده  

:  الف حمد وشكر ليك يارب  فهمت  ،  طيب وبعدين ياست السنيوره عمل ايه تاني  الامير مهاب علشان يثبت لجنابك انه ميت فيكي 

= لو هتطول لسانك بلاش 

:  له قولي يهمني اعرف  ومش هطول لساني انا وعدتك

= طيب   ،  وبعدين لقيت نفسي مشغوله بيه  ،  بحبه  ،  في الوقت اللي كنت بكون محتاجة حد جمبي مكنتش افكر في غيره   ،  قدر يكون اهم حد في حياتي  ،  وبعدها جه في وقت كنت فيه لوحدي في البيت 

= اممممم 

:  خلاص مش هكمل انت اللي قولت  اتكلمي اصلا 

= له والله لا تكملي  اباي  ،  كملي لا انزلك دلوك 

:  انت اللي طلبت اقولك اللي حصل 

= كملي طيب ما تخلنيش اشرك الخلقات 

= طيب!!! ،  المهم لما جه بقا يتكلم برقه وحنيه لغيت ما خلاني اقوله اني حبيته وعبرت كتير عن انه بقا كل حاجه بنسبه ليه   .. 

مكنتش عارفه تقوله اللي حصل ازاي ف اتوترت وتلعثمت في الكلام 

-  احم  ف ايييه ف... 

:  إيه 

= بعد ما اعترفتله ضحك  ضحكه غريبه وقالي حلفت لا اوقعك  وميشرفنيش اعرف واحده زيك وكلام من ده  

سكت شويه  يتمالك اعصابه عشان ميتعصبش عليها وقال 

:  في حاجه ناقصه في مقابلته ليكي لوحدكم مقولتهاش 

توترت وبقت تحاول تجمع كلام تقوله 

= يعني  

:  قربلك؟!  

= مش بالظبط  ،   حضني وكده

:  حضنك واكده  ؟!   عارفه مشكلتك ايه 

= إيه 

:  انك مجزئه الشرف لأجزاء ، وكأن الحضن او مسكت اليد  شيء عادي ملهوش دعوه بالشرف طالما البت بتقفليتها   ، 

كمل بعصبيه وقال

  البت كلها حاجه واحده  لمست يد  زي حضن  ،  زي....  وانتي فاهمه الباقي  ،  يمكن لو حد فهمهالك دي كنتي عرفتي انك غلطتي ومحستيش بالظلم من اللي عملته فيكي  

نزلت دموعها وقالت 

= والله عارفه اني غلطت  ،  بس هو عرف ازاي يقربلي  ،  انا قولتلك اني كنت بكرهو  

:  ايوه انتي عاوزه تجبيها في حتت الاحتياج العاطفي   وانه حسسك بانوثتك والكلام ده ،  بس دي مش احتياج دي قلت ادب ملهاش اسم تاني  

بكت وقالت 

= لا انت مش فاهم  ، هو لما كان عاوز يوصلي مكنش بيقول كلام رومانسي ويحسسني بانوثتي والكلام اللي انت بتقوله ده  ،  هو كان عارف ايه اللي ناقصني   ،  عارف اني مليش حد  وان مفيش انسان هيعوض غياب اهلي  ف كان دايما  بيلعب في الحته دي 

:  ايوه كمليها وقولي انه كان ليكي ام واب  ،  متحاوليش يابت عمي انتي غلطتي  ،  بس ممكن نعتبرها درس تتعلمي منه حاجه للمستقبل  علشان لما واحد زي اكده يقابلك ويحب يعمل الصدر الحنين تعرفي تصديه كيه

= عندك حق  

: زين واللهي ان طلع عندي حق  ،  اقفلي وروحي نامي  

= استنا 

:  عاوزه إيه 

= عاوزه تحلف انك مش هترجع تبهدلني بعد اللي قولتهولك 

:  اعرف قبل  ،  اذا لسه فارق معاكي  واتعلمتي من غلطك ولا له 

= والله ما فارق  واتعلمت من غلطي ،  انا قولتلك اني اتعلمت وكرهته قبل ما اجيلكم

: طيب لو اكده انا مش هضايقك تاني   ولا هضربك  ، وانتي تسمعي الكلام لما اقولك خليني اشوفك تخليني اشوفك  

ابتسمت وقالت

= لأ  ،  انت  عذبتني كتير وانا مش هسامح وهعمل اي حاجه علشان اخلص منك كل  اللي  عملته فيه انا وانت والزمن طويل  ...  تصبح علي خير  

قالت كده وقفلت وابتسامتها علي وشها  وهو  بص لتليفون يكلم نفسه بإبتسامة  

:   افهمها كيه ان بعادها عن عيني هو العذاب نفسه 

            الفصل الثاني عشر من هنا

لقراءة باقي الفصول اضغط هنا