روايه لم يكن بيدي انا فقط أحببته الفصل الاول 1 بقلم دنيا محمد

روايه لم يكن بيدي انا فقط أحببته الفصل الاول 1 بقلم دنيا محمد

يعني اييييه انتم عايزين تجننوني والله شوفته بعنيا يابابا احمد عايش ممكن ال شوفنا جثته ده حد شبهه هو اصلا ملامحه ماكنتش باينه اكيد فيه حاجه غلط

بابا : يابنتي متحرقيش قلوبنا عليك احمد مات واندفن خلاص والموضوع فات عليه شهور ايه لزمة نرجع نفتكرو تاني و ده قضاء ربنا وقدره حتي اهله راضين بنصيبهم ومبيعملوش عمايلك دي انسي انتي كمان وعيشي حياتك بقي

انسي لدرجادي الكلام سهل حب 5 سنين انساه انت ناسي انا عملت ايه عشان توافقو عليه بس ارجع واقولك احمد عايش يابابا وانا شوفتو بعيني دي وهدور عليه ف كل حته لحد مالاقيه

بابا : لاااااه ده الواد لحس عقلك ع الاخر وبصراحه انا لاكنت برتاح له. ولا بحبه وعارف انه كان طمعان ف فلوسك واهو خد جزاءه وريح الناس منه

حرام عليك يا بابا احمد عمره ماكان مستني مني حاجه ويوم مافكر يا خودني طلبني منك بالحلال ولو ماكنش بيحبني كان من اول مارفضته سابني لكن جازف عشاني مره واتنين وعشره وحضرتك عارف ده كويس

بابا : يابنتي ال بتتكلمي عنه ده بقي تحت الترااااب وحضرت عزاه قدامك فوووقي بقي ويكون ف علمك اول عريس هيخطي الباب ده هخطبك ليه عشان اخلص من همك

_____________

احمد : بتحبيني

دنيا : بحبك بس دنا بموت فيك بس هو يعني لازم موضوع الجيش ده انا بخاف عليك وانت عارف ⁦:'(⁩

احمد : ياعمري انتي كل لن يصيبنا إلا ماكتب الله لنا وبعدين حبيبك راجل يابت ومش هيحصله حاجه متقلقيش

دنيا : طيب ايه رايك تأجله

احمد : دنيا ده واجب يا روحي وبعدين انا مش همشي غير وانا لابس دبلتك بس ابوكي يوافق عليا بس وانا اخطبك علي طول وهيا سنه واحده ال هقضيها ف الجيش واول ماخلص نتجوز

دنيا : اخيه يا احمد الكلمه دي لوحدها بتخلي قلبي يفرح وانا اوعدك اني مش هسيب بابا غير لما يوافق عليك

احمد : تعرفي انا بلعن الظروف الي خلتني فقير مع ان الفقر لا عيب ولا حرام بس هو ده ال باعدني عنك

دنيا : انا جنبك يا احمد والامور دي ماتفرقش معايا ولا مع بابا حتي هو بس مش عاوزني اعيش ف مستوي اقل من ال انا فيه دلوقتي وصدقني هو قلبه طيب اوي وانا متأكده انه هيوافق عليك بس احنا لازم نجازف شويه عشان نوصل لبعض

احمد : نجازف شويه بس دنا هحارب العالم كله عشان تبقي بتاعتي مش ابوكي بس وبعدين انا خايف لما تعيشي حياتنا بعد كده ترجعي تندمي

دنيا : هشششش احب اقولك بقي ان حياتك دي اي حد ف الدنيا يتمناها يكفي الراحه النفسيه ال حسيت فيها وانا ف وسطكم والضحك والهزار يا احمد انتم ف نعمه صدقني

وتعرف الناس ال معاهم فلوس دول مايعرفوش يعني ايه فرحه ولا لمة عيله ولا ضحك ولعب وهزار كل واحد شاغل نفسه بحياته وبس انا ماعرفتش يعني ايه عيله ودفا وحب غير معاك انت ومامتك واختك دعاء وحبيتكم اوي

احمد : ولسه لما تتعرفي علي إكرامي هتحبيه بردو وحشني اوي يادنيا ونفسي اشوفه

دنيا : هو لسه هيطول ف السفر انا كمان نفسي اشوفه من كلامك عنه

احمد : كل مابقوله ينزل مش بيرضي معرفش إيه ال معلقه بالبلد دي اوي كده

دنيا : مش يمكن بيحب واحده هناك

احمد : لا لا استحاله اكرامي يحب دي تبقي معجزه

دنيا : يااه لدرجادي ليه ماعندوش قلب يعني ولا ايه

احمد : مش حكايه ماعندوش قلب بس هو طول حياته كده يمكن عمري ماشوفته بيتكلم مع واحده او يبص لواحده ده حتي مالوش اصحاب

دنيا : اه انطوائي يعني بس مأفور شويه

احمد : مش عارف بقا المهم انا بكره جاي اتقدم تاني وبتمني ابوكي يوافق انتي متعرفيش لما بيرفضني بحزن قد ايه بحس ان المسافه مابنا بتزيد اوي

دنيا : متقولش كده يا احمد اوعدك انك هتيجي تكلم بابا بكره وهيوافق

احمد : ناويه على ايه يامجنونه

دنيا : هتعرف بكره يلا باي دلوقتي لازم اروح اتأخرت

احمد : استني هنا انتي ماشيه وسيباني ازاي كده ايه اباچوره واقفه قدامك امشي قدامي هوصلك

دنيا : ههههههههه حبيبي الحمش ياناس بعشقك

احمد : بخاف عليكي يادنيا طول مانتي بعيد عني بقي حلم حياتي يكون لينا بيت انتي معايا فيه واعملي حسابك ده هيبقي قفص ياروحي

دنيا : يعني ايه ناوي تحبسني انشاء الله

احمد : احبسك بس دنا هطلع عينك انتي وابوكي مش هخليه هيلمح ضافرك حتي عشان ال بيعمله فينا ده

دنيا : هههههههه يامجنون كفايه لحد هنا بقي وامشي قبل ما حد يشوفك

احمد : دنياا هوصلك لحد باب البيت انا مابخفش من حد كده كده هتبقي حلالي غصب عن اي حد

دنيا : طب عشان خاطري احنا عاوزين بكره ده يعدي علي خير وبعدين ابقي اعمل ال انته عاوزه ماشي

احمد : حاضر يادنيا اتفضلي هفضل واقف هنا لحد ماتطلعي

دنيا : بحبك باي

___________

طلعت وانا بفكر ف حل يخلي بابا يوافق وجاتلي فكره ..طلعت سألت عنه لقيته ف مكتبه دخلت وانا متردده قولتله بابا انا عوزاك ف موضوع

بابا : خير يادنيا فيه حاجه

دنيا : بابا اأاا.. احمد جاي يكلم حضرتك بكره

بابا : تاني يادنيا هنتكلم ف الموضوع هو ايه جبله مابيزهقش

دنيا : يابابا احمد بيحبني ويكفي انه لسه بيتقدملي رغم كل ال حضرتك بتعمله فيه

بابا : ايوه ماهو ده ال بيثبتلي انه بجح وماعندوش كرامه

دنيا : انا بحبه وماعنديش استعداد اخصره وبعدين انت عارف انه دارس تجاره واكيد فيوم هيبقي حاجه انا متأكده

بابا : قولت لا يعني لا وخليه يوفر علي نفسه التهزيق بتاع كله مره ومايجيش بكره احسن

دنيا : يابابا والله هموت نفسي وهيبقي زنبي ف رقبتك

بابا : حصلت يادنيا عاوزه تموتي نفسك عشان واحد زي ده ماشي يا استاذه دنيا هوافق واتجوزيه بس اوعي فيوم تيجي تشتكيلي منه

دنيا : بجد يابابا خلاص هتوافق

بابا : انتي مهوسه ! ماشي خليه يجي بكره ويجيب اهله

دنيا : عاااا بحبك يابابا اوي

______

جريت علي اوضتي ومسكت تليفوني

الو ايوه يا احمد

مالك يادنيا فيه ايه حصل حاجه

انا مبسوطه اوي اخيرا بابا وافق عليك

نعم ؟؟ متأكده انه وافق قالهالك بنفسه يعني

ههه صدقني وافق وقالي كمان اقولك تجيب اهلك معاك بكره

يا فرج الله اخيرا كويس ان الدبلتين جاهزين عشان نلبسهم بقا ونخلص معتش غير ايام واسافر عشان الجيش

قلبي مش مرتاح والله يا احمد ل موضوع الجيش ده ربنا يعديهالك علي خير

يابت قولتلك متقلقيش بقي ألله ماقولتك حبيبك بطل

ماشي ياعم البطل متتأخرش عليا بكره

اتأخر ايه دنا ممكن اجيلكم من الصبح وياله ياحياتي نامي عشان تصحي بكره فايقه

ماشي ياقلبي تصبح علي الف خير

وانتي من اهلي سلام ______

تاني يوم احمد جه هو وأهله واتقدملي للمره ال 8 بس المره دي فاجئ بابا ب دبل الخطوبه ولبسناها كانت الفرحه مش سيعاني شغلت اغنيه وطول الوقت برقص واغنيها وانا حضناه

( إلا الليله دي مش اي ليله ولا عدي يوم ولا ليله ف عمري اجمل من الليله ) اهله كانو فرحانين بيا اوي لكن بابا وماما لا واخدين موقف اوي ازاي بنتهم الوحيده تنجوز واحد فقير

فاكرين ان كل حاجه فلوس والسعاده مش مهمه عندهم بس انا اختارت سعادتي ويارتني ماختارتها كانت العواقب وخيمه ومش معروف آخرتها ايه بعد اربع ايام من الخطوبه راح

احمد الجيش وقعد هناك تلت شهور بحالهم معرفش عنه حاجه غير كل فين وفين يكلمني دقيقتين ويقفل نزل من الجيش عليا وقتها كنت حسه ان بقاله 3 سنين هناك مش

تلت شهور قعدنا شويه كتار مع بعض وبكيت كتير وقولتله لما جه يمشي متروحش تاني يا احمد عشان خاطري قالي ماينفعش يا دنيا دا واجبي ولازم اقضيه وللمره المليون

متخافيش عليا انا هبقي تمام .. قعد 3 ايام ورجع تاني بس كان لازم قبل مايروح نقضي يوم سوا وكان يوم من زمان نفسي أعيشه قالي محضرلك مفجأه وقالي كمان علي

مطعم بيطل ع البحر لبست ورحت علي هناك بسرعه لقيت المكان كله بلالين ألوان مصدقتش نفسي مشيت وقولت معقول يكون احمد عمل كده عشاني لقيته واقف بعيد وجنبه

طورتايه مشيت نحيته وقولتله كل ده عشاني قالي وياريت اقدر اعملك اكتر من كده حضنته وعنيا مدمعه قالي ماكنش ينفع اسافر تاني من غير ما اعمل حاجه تفرحك انا عارف

ان عيد ميلادك لسه عليه اسبوع بس خايف مقدرش احضرو

عشان كده حضرتلك المفاجأة دي واتمني تعجبك

دنيا : انت بتقولي ايه دي تجنن

احمد : ولسه فيه مفجأه تانيه دنيا : كمان طيب ايه

احمد: ايه رايك ف الخاتم ده 💍

دنيا: الله يا احمد حلو اوي بس ليه كده شكله غالي

احمد : مافيش حاجه تغلي عليكي بس انا هطلب منك طلب

دنيا : ايه هو ياحبيبي

احمد : عاوزك تخلي بالك من نفسك يادنيا انا بكون ف الجيش هموت من القلق عليكي

دنيا : انا كويسه يا احمد وبخير اهو مالك كده

احمد : مافيش حاجه كل الحكايه اني بكون قلقان عليكي وانا ف الجيش عارفك متهوره ومش ركزه

دنيا : لا متقلقش ياروحي خلي بالك انت من نفسك قيمته السنه دي تخلص بقي

احمد : هيا لسه بدأت يامجنونه ياله عشان اروحك ....

روحت واول ما وصلنا ع البيت حضني حضن طويل وباس دماغي كنت بابصله ومستغربه تصرفاته غريبه كده ومش مريحاني ..سافر تاني يوم الصبح فات يوم واحد عليه ف الجيش لقيت موبايلي بيرن برقمه ...

حبيبي اخبارك ايه

_____ الو حضرتك تقربي ل أحمد جمال الغريب

ايوه انا ا انا خطيبته احمد فين

_____ البقاء لله احمد اتوفي

لااااااااااااااا احمد مامتش انت كدااب

ومات حلمي . مات حبيبي حب خمس سنين سابني ومات

لما عرفت ان جثمانه وصل علي بيت ابوه جريت كنت حاطه ف دماغي انه استحاله يكون مات ولما دخلت ولقيتهم

بيعيطو بره الاوضه ال هو فيها قولت لامه بتعيطي ليه ال جوه ده مش احمد انا عاوزه اشوف مين ده افتحولي الباب ده كده محدش راضي يخليني ادخل بس دخلت غصب عنهم

لقيته نايم ومغطينيه بعد ماغسلوه مشيت وانا حاسه برعشه ف كل جسمي شلت من عليه الغطا لقيت نص وشه مشوه متحملتش المنظر وبعدت وشي عنه لسه جايه اخرج واقولهم

ده استحاله يكون احمد بس عيني جت علي ايده بصيت كويس لقيته لابس دبلتي مبقتش عارفه اتحرك ولا اعمل اي حاجه وقفت اعيط ورجعت غطيته وقولت إن لله وإن إليه

راجعون قعدت ع الارض اعيط عاوزه اصرخ وأقوله سيبتني ليه وعدتني تفضل جنبي لقيت عمه داخل يخرجني ويواسيني واندفن حبيبي واخدو عزاه قلبي حاسس انه مش

احمد انا حتي رافضه الفكره وباقول لنفسي هيرجعلي فات شهرين وانا بحاول ارجع لحياتي الطبيعيه وبرضو جوايا امل انه هيرجعلي مش عارفه احزن علي وفاته قلبي رافض

يصدق اكيد لحد مافيوم كنت رايحه الكليه وشوفته وقفت عربيتي ونزلت بسرعه ادور عليه ملقيتوش قولت يمكن بتخيله زي مابيحصل علطول ومره تانيه برضو شفته ماشي

ناحية بيته انا كنت بتعمد اعدي من هناك عشان لينا كتير زكريات ف الشوارع دي ومن وقت للتاني بازور امه ودعاء اول ما شوفته قولت لا المره دي مش هسيبك تضيع مني

نزلت من العربيه وجريت عليه وانا بندهله الغريب انه سرع مشيته ودخل بيتهم جريت ع البيت ده وطلعت كانو ساكنين ف التالت واول ماوصلت وفتحتلي دعاء كنت بنهج من

الجري والسلم قولتلها احمد فين يادعاء قالتلي يعني ايه احمد فين قولتلها انا شوفته ،،شوفته يادعاء دخل العماره دي دلوقتي

دعاء : دنيا بطلي جنان انتي عارفه انه مات وكفايه بقي كل مابنشوفك من غير حاجه بتفكرينا بيه ودلوقتي جايه تقولي احمد فين

دنيا : يادعاء صدقيني شوفته انتم ليه بتبعدوه عني

دعاء ؛ حافظي علي كلامك يا استاذه وبصراحه وجودك هنا ماعتش محبوب

دنيا : تقصدي ايه بالكلام ده

دعاء : اقصد ان كل ما امي بتشوفك بتفتكر احمد وبتتعب وتقعد تعيط فا معلهش معتيش تيجي هنا ال كان ليكي هنا خلاص مات

دنيا : بقولك شوفته بعيني داخل العماره

دعاء: انتي اكيد اتجننتي لو سمحتي امشي من هنا قبل امي ماتصحي

دنيا : شكرا يا دعاء بتكرشيني من بيتكم بجد شكرا

نزلت من عندهم موهومه انا فعلا شوفته مش معقول اكون بتخيل رجعت علي بتنا وطلعت اول ما شوفت بابا قولتله

احمد عايش يابابا بس اهله بيبعدوه عني

بابا :احمد مين ال عايش ارجعي لعقلك يابنتي الله يهديك 👇