روايه كبريائي
الفصل السادس6
بقلم هبة احمد
مراد / هو انتم انتقبتم
روضة / أيوة عوزة قهوة و سندوتشات اى حاجة و عوزين مية ساقعة كمان
هدى / انتم مقتنعين بلبس النقاب ولا بتتسلوا
روضة / احنا بنحاول نحمى نفسنا من الواغش اللى هنشوفه يا ماما
هدى / كدة تحايل على ربنا شوية نلبس نقاب شوية نرجع لحياتنا و نلبس طرح
قمر / كنتم روحتى انتى و بابا و فريد و سبتينا احنا نكمل حياتنا لوحدنا لحد ما ترجعوا ونتجمع تانى مع بعض
هدى / بابا عاوزنا كلنا نكون معاه
روضة / انا و اختى بنتحامى فى النقاب بنبعد عن نفسنا وجع الدماغ
هدى / اتحاموا فى ربنا مش فى النقاب انتم باسلوبكم المحترم تقدروا تبعدوا اى حد عنكم بالادب
روضة / اللى اسمه فهد ده عامل زى الطور الهائج شكله متحكم فى كل اللى فى البيت
فريد / هو ملهوش سلطان عليكم انتى هبلة مين يقدر بنفذ كلامه عليكم غير بابا
مراد / جدكم هو الوحيد اللي كلامه و اى قرار ياخد يكون فرض علينا لازم ينفذ
قمر / مهما كان قراره حتى لو كان غلط مش فى مصلحتنا أو يخالف رغباتنا
مراد / أيوة ياريت نرضى بأى قرار لجدكم بنفس راضية و بكلمة حاضر
روضة / انا الصراحة مقلقة و مقفولة من المشوار دة
قمر / و اختك مرعوبة بجد
فريد / بلاش نسبق الأحداث
هدى / لعله خير كل عطايا ربنا بتكون خير و لازم نقابلها بالحمد و الشكر
روضة / ربنا سبحانه وتعالى بيقول فى كتابه فما معناه بسم الله الرحمن الرحيم ( ولا تلقوا بأيديكم إلى التهلكه)
قمر / صدق الله العظيم
مراد / اهدوا و بلاش تسبقوا الأحداث و مسك الفون وطلب رقم ولما جائة الرد قال السلام عليكم احنا على اول البلد هنقعد فى شقتكم
رسمية / تنوروا قلبى ياضى عينى
سندس / بتكلمى مين يارسمية شكلك بتحبى حد غير الحاج عتمان
نجمة / تعالى جنبى و هاتى الخرطوم ابت ماهى لازم تعترف
رسمية / تصدقى خوفت منكم يا حاج عتمان تعالى طلع البنات دول عند جليلة
نجمة / بلاش جليلة ربنا يسترك احنا بنات غلابة
الحاج عتمان / انتم غلابة د الشيطان بيتعلم منكم
رسمية / مراد هو و ولاده على وصول
نجمة / وهم هيقعدوا فين هنا ولا فى الشقة اللى فى الوش
رسمية / هيقعدوا معانا هنا
نجمة / الأمر لله يلا يا زفتة نطلع ربنا يقوينا على الفهد
الحاج عتمان / خليكم انتم هتفضلوا مع بنات عمكم
نجمة / انا اصلا مش متحمله نفسى اكيد بنات عمى مش هيتحملونى ههههه انا بير غتاتة
الحاج عتمان / هههههه روضة اغتت منك يلا جهزوا الاكل زمان الجماعة جعانين
سندس / حاضر يلا ابت
نجمة / تعالى نلبس من هدوم ستك علشان نشوف رد فعلهم
سندس / انامعاكى فى اى شيئ حتى لو فى جهنم
رسمية / غلط كلامك
سندس / اصل اذا رضيت أو رفضت هو كلامها اللى هيمشى
نجمة / فى عربية وقفت فى الشارع وجرت على البلكونة ستى يا رسمية الجماعة وصلوا يا نهار احوس يابنت يا سندس تعالى شوفى البنات جاين كل واحدة لابسة خيمة بعيد عنك
سندس / شكلنا هنتسلى
رسمية / على فكرة دول بنات متعلمة علام عالى
سندس / مش باين عليهم
نجمة / يلا جدى عمى جه هو و ولاده هافتح الباب
الحاج عتمان / انا اللى هافتح الباب وفتحه و وقف ينتظر مراد و أولاده على الباب
مراد / حمد الله على السلامة يارب يرضيكم يا ولادى ويهيئ ليكم الخير
هدى / السلام عليكم
الحاج عتمان / وعليكم السلام نورتى يابنتى و اخدها فى حضنه وقبلها من جبينها اسف ليكى بجد
هدى / مقييش اسف يا عمى و دخلت سلمت على رسمية والبنات و دخل بعدها فريد و قمر و روضة ومراد
بعد السلام و التعرف على بعض
الحاج عتمان / هاتوا الاكل يا حاجة
رسمية / الاكل جاهز على السفرة
قمر / هو فين المطبخ
رسمية / اخر الطرفة على ايدك الشمال
قمر / عوزة شاى تقيل ساده
نجمة / سادة ولا وساده
قمر / ساده يا جاهلة
نجمة / عيونى يا برنسيسة الا انتى اسمك أية
قمر / أسمى قمر
نجمة / هناك فرق كبير بين قمر السما و غراب الأرض
قمر / اللى ما يعرفك يجهلك وسعى ابت الا ريحتك وحشة اوى
نجمة / قعدت تشم فى نفسها
سندس / مالك ابت هو فى أية
قمر / خلى الاخت دى تروح تاخد شور النضافة حلوة و اخدت كوبية الشاى و خرجت
سندس / مالك متنحة كده
نجمة / قعدت تشم فى نفسها هو انا فعلا رايحتى وحشة
سندس / هى قالت ليكى كده قومى يا هبلة دى بتحبطك تعالى نقعد معاهم انتى زى الفل
فهد / جه من برة نجمممممممةو زق الباب و دخل مين دول ياجدى
نجمة / زلازل و جرت على الاوضة و سندس وراها
الحاج عتمان / دول عمك و ولاده تعالى سلم عليهم
فهد / انا مليش اعمام غير خيال المأته شاكر وبس
فريد / لو على حد حضرتك مكناش فكرنا ناجى
فهد / ورث بح
الحاج عتمان / هو انت هت.....