روايه لم يكن بيدي انا فقط أحببته
الفصل السادس 6
بقلم دنيا محمد
مهوسه بيه ...كانت عياده خاصه ف الدور التاني طلعت وانصدمت من كتر الناس ال موجوده وقولت مش معقول هيسيبني استني لما دول كلهم يمشو قربت للممرضه ال
قاعده للحجز وقولتلها ممكن تقولي للدكتور اكرامي دنيا بره
قالتلي حاضر ودخلت له رجعت قالتلي اتفضلي استني هنا
شويه ضغطت علي شفتي من الخنقه هيفضل طول حياته
مستفز منا جيت ف الميعاد ال قالي عليه اهو وبرضو مُصر
يلطعني .... استنيت ساعه كامله ناس تدخل وناس تطلع وانا قاعده هموت عوزه ادخل اطربق العياده علي دماغه زهقت
ووقفت عشان امشي لقيت الممرضه من نفسها بتقولي انسه دنيا اتفضلي استغربت بس فهمت من تصرفها ده انه قالها لما تزهق وتيجي تمشي دخليها ...دخلت وانا ف قمة غضبي حتي
اني رزعت الباب لما دخلت لقيته بيكتب حاجه ومشغول فيها
قعدت وقولت احم احم قالي من غير مايبصلي زهقتي بسرعه
كده ...دنيا : لما انت عارف ان هيبقي فيه كشوفات كتير كده
خليتني اجي بدري ليه ... اكرامي : وانا هعرف منين وبعدين
دي مش عيادتي اصلا اناواخد مكان دكتور عادل لحد مايرجع
من المؤتمر بتاعه ..
دنيا : طيب اتفضل بقي فكلي الجرح عشان امشي
اكرامي : اتفضلي
__ فكلي الجرح وبعد ماخلص كتبلي علي علاج وقالي يتاخد في ميعاده وبطلي استهتار ..
دنيا : مسألتنيش يعني جبت رقمك منين
اكرامي : مش عاوز اعرف
دنيا : هتفضل تعاملني بجفاء كده لحد امتي
اكرامي ؛ احنا معتش بينا تعامل يا انسه دنيا ودلوقتي اتفضلي عندي شغل كتير زي ما انتي شايفه ..
دنيا : شكرا يا دكتور اكرامي تعبتك معايا ..
لسه بفتح الباب سمعنا صوت خناقه قام بسرعه من مكانه وال فاجأني انه دخلني الاوضه تاني وقالي اوعي تخرجي من هنا وقفل الباب عليا عن حجم الفرحه ال كانت جوايا لما حسيت انه خايف عليا .... فتحت الباب شويه ووقفت اتفرج عليه
اكرامي : خير يا حبيبي فيه ايه
__ يادكتور انا قاعد بقالي كتير نزلت من العياده ورجعت لقيت دوري فات بقول للممرضه دي هدخل بعد الحاله ال جوه
قالتلي ببجاحه محدش قالك تسيب دورك وتنزل هتدخل بعد حالتين غير ال جوه
اكرامي : طيب ايدي ومافيش داعي للصوت العالي الناس ال هنا زي ما انت شايف عيانين وانتي دخليه بعد الحاله ال جوه وبعد الشغل هنرتب الامور دي سوي ..
كنت بتفرج عليه وعلي هدوءه ف الكلام حتي ف المواقف الصعبه وحركاته كل حاجه فيه كنت بحفظها وبرجع افكر فيها تاني ..رجعلي وقالي تقدري اتفضلي فضلت واقفه كالمُغيبه بتفرج عليه لقيته بصلي وقالي دنيا ياله مافيش وقت قولتله
دنيا : ليه ماكنتش عاوزني اخرج بره
اكرامي : عشان انتي مجروحه وقلقت عليكي تتخبطي ف حاجه ده واجبي كل دكتور !
دنيا : بس !!
اكرامي : ايوه ؛ واه نسيت اقولك مافيش داعي تروحي تجيبي عربيتك من عند التله انا هبعتهالك بليل علي بيتك
دنيا : شكرا تعبتك معايا
اكرامي : ولا يهمك مع السلامه
_____ خرجت من عنده وانا كل خطوه بخطيها بشوفه قصادي انا ايوه كنت بحب احمد اوي بس ماكنش بيحصلي كده احمد بطبعه حنون ومجنون بيحب الضحك والهزار لاكن
اكرامي هادي وعاقل وراكز وهي دي معني الرجوله حاجه كده تخلي اي واحده تحبه ... اي واحده اي دنا اقولها واشرب من دمها ..معقول هو يحب ويتجوز واحده تانيه ! ليه لأ ده حقه
😔 بس حقه ده مجرد مابتخيله بموت طيب لو ده حصل هيجرالي ايه ... عاااااا ايه ده في ايه
نزلت من عربيتي بسرعه ... حصلك حاجه انت كويس انا اسفه والله ماشفتك
__ اهدي اهدي انا بخير اه
دنيا : لا مش باين عليك بخير ابدا تعالي هوديك لدكتور ياخبر رجليك بتنزف
___ قولت لحضرتك مافيش داعي انا هبقي كويس ممكن بس توقفيلي تاكسي
دنيا : بس انا مصممه اخدك لدكتور اتفضل اركب ياله صدقني مش هسامح نفسي لو سيبتك كده ..
__ وانا ميرضنيش بس قوليلي اسم القمر ايه
دنيا : نعم !!!!
__ مش بعاكس والله انا بقول الحقيقه
دنيا : ممكن تخليك ف ال انت فيه رجليك بتنزف بغزاره
اخدتو ف عربيتي ورجعت بيه علي عيادة دكتور اكرامي انا كنت زعلانه جدا عشانه بس ف نفس الوقت فرحانه انها حجة ارجع اشوف اكرامي بيها واحنا ف الطريق لقيته بيقولي
____ برضو مش عاوزه تقوليلي اسمك
دنيا وانت ؟
__ اسمك حلو اوي يا دنيا انا هادي
دنيا : حاسس بوجع او فيه مكان تاني واجعك غير رجلك
هادي : لا رجلي بس متقلقيش
دنيا : طب اتفضل وصلنا العياده اهي
طلعنا ف الاسنصير ودخلت العياده ناديت ع الممرضه وقولتلها معايا حاله حرجه نادي دكتور اكرامي بسرعه دخلت
تنادي عليه وتقريبا قالتله اسمي لقيته خارج بسرعه يقولي مالك جرالك حاجه ...دنيا : لا لا اهدا انا بخير ده انا خبط واحد بالعربيه
اكرامي : كنت عارف مهو حضرتك لو مركزه ف طريقك ماكنش ده حصل ... هو فين
دنيا : قاعد بره ورجليه بتنزف
____ اخد كرسي متحرك وجاب هادي عليه ودخل بيه الاوضه جيت ادخل معاهم قالي راحه فين خليكي بره
قعدت وانا قلقانه يكون في رجله كسر او حاجه خطيره وعماله بدعيله بعد شويه لقيت اكرامي خارج من الاوضه وبيقولي انتي تعرفي الشاب ده قولتله لا دي اول مره اشوفه
اكرامي : اه عشان كده من وقت مادخل وهو ناسي وجعه وبيسألني عنك مش كده حصل بينك ايه ف الطريق
دنيا : محصل حاجه صدقني انا خبطته وجبته علي هنا لما لقيت رجليه بتنزف ومعرفش بيسألك عني ليه انا مالي
اكرامي : طيب اتفضلي وانا شخصيا ههتم بيه
دنيا : مش هينفع امشي غير لما اطمن عليه ال هو فيه ده بسببي
اكرامي : دنـيــــا
دنيا : بتزعقلي ليه الله انا قولت ايه غلط ده مسؤوليتي ولا انت عاوز يقول عني خبطته وجريت
اكرامي : قيمته بس هتبطلي عنادك ده .اتفضلي اتطمني عليه وامشي
دخلت مع اكرامي الاوضه لقيت هادي نايم ورجليه مربوطه سألت اكرامي هو رجليه كويسه ؟ قالي ايوه جت سليمه مش كده يابطل ولا ايه
هادي : ايوه يادكتور الحمد لله انا كنت عاوز اشكرك يا انسه دنيا علي اهتمامك
دنيا : اهتمام ايه بس دانت هنا بسببي
هادي : كفايه انك جبتيني ودي احلي حادثه ممكن تحصل لاي حد يكفي اني اتعرفت عليكي بسببها
اكرامي : طيب مش كفايه كده بقا يا انسه دنيا واتفضلي تروحي
دنيا : لازم اوصله لبيته الاول
مكملتش كلامي ولقيت شدني من ايده ودخلني اوضه تانيه قعدني علي كرسي بالعافيه وقالي وبعدين معاكي ليه مصممه تعصبيني
دنيا : عملت ايه يعصبك انا مش فاهمه الراجل انا خبطه ب عربيتي عاوزني ارميه ف العياده وامشي كفايه انه ماحولش يستغلني ويطلب تعويض
اكرامي : واضح ان الموضوع مش كده وحضرتك مبسوطه انه عمال يتغزل فيكي وانا واقف
دنيا : يتغزل اي و__ لحظه واحده انت غيران عليا ولا ايه
اكرامي : دنيا فوقي لنفسك ومتعصبنيش اكتر من كده انتي متخصنيش عشان اغير عليكي واتفضلي انزلي خودي عربيتك وياريت تمشي فايقه ومترجعليش ب جريح تاني
دنيا : ماشي يا اكرامي براحتك لحد امتي هتفضل تداري علي ال جواك ليا انا احساسي مابيكدبش وعارفه انك لسه بتحبني
اكرامي : فكري زي ما انتي عاوزه انتي ال هتندمي بعدين عشان انا ال جوايا ليك مات ودفنته ب ايدي كمان ومافيش عندي استعداد اكمل حياتي مع واحده انانيه عاوزه كل حاجه ليها ومش هاممها مشاعر الناس
دنيا : يااه لدرجادي شايفني وحشه طيب انقذتني من الموت ليه وكمان بنفسك عالجتني ومش معني اني عوزاك تبقي جنبي ابقي انانيه ومش هاممني مشاعر الناس
اكرامي : لا انانيه انا لو ماكنتش شبهه احمد كنتي هتحبيني معتقدش عوزاني جنبك عشان بس اعوض الفراغ ال سبهولك اخويا فكري ف كلامي وهتلاقي اني عندي حق
دنيا : حاضر يا دكتور خلاص اوعدك انك مش هتشوف وشي تاني مدام شايفني وحشه اوي كده بس عشان تكون عارف انت لو كنت عرفتني من سنين انكم اتنين انا كنت اختارتك
انت عشان انا حبيت الشخص ال جابلي الشنطه يعني من اول نظره حبيتك واتمنيت اشوفك تاني بس احمد كان اذكي منك واول مره شافني فيه كلمني لاكن انت كل مره كنت
بتبقي ساكت وانا مستوعبتش كل ده غير لما عرفت انكم توأم يعني مش ذنبي انا
اكرامي : عرفتي احمد اخويا امتي
دنيا : كنت فيوم برضو رايحه الكُليه شوفته ماشي مع اصحابه وعشان كنت فكرته انت مشيت نحيته وكلمته
باك ..
دنيا : هاي ازيك
احمد : الله يسلمك احنا اتعرفنا قبل كده
دنيا : مهو انا جايه عشان هتجنن واعرف اسمك
احمد : بعيد الشر عليكي من الجنان انا احمد وانتي
دنيا : انا دنيا ممكن رقم فونك
احمد : اه طبعا والفيس والواتس التليفون نفسه كمان لو عايزه
دنيا : هههههه ماكنتش اعرف ان دمك خفيف كده
باك ....
هو ده ال حصل صدقني كنت بكلمه وقربت منه علي انه انت
اكرامي : بس حبيته هو مش انا يادنيا
... بعيط مش عارفه ارد عليه رجع قالي
اكرامي : حاولي تهدي عشان تقدري تشوفي ارتاحي هنا شويه وانا راجع عشان عندي شغل
لف ضهره وليسه جاي يمشي جريت علي مسكت ايده لف بصلي قولتله برجاء مش هشوفك تاني
اكرامي : ارجوكي يادنيا متضغطيش عليا اكتر من كده واقولك سببها لله الصدف هيا ال هتحدد .... مشي وقفل الباب عليا رجعت قعدت ابكي علي حظي ال ديما كده تاعبني
نفسي قلبي يرتاح ولو شويه من وقت وفاة أحمد وانا تايهه ومخنوقه نزلت وركبت العربيه ومشيت علي بيتي طلعت دخلت اوضتي من غير ما اكلم اي حد ونمت فضلت يومين
ف البيت مش بخرج ولا بتكلم مع حد بس كل شويه ابص ف تلفوني عندي امل كداب ان اكرامي هيرن علي بس طبعا استحاله يعملها ف اليوم التالت لقيت رقم غريب بيرن عليا
رديت بسرعه علي امل يكون هو ...
ألــو !
دنيا معايا
ايوه حضرتك مين
انا هادي يادنيا مش فكراني
دنيا : لا فكراك طبعا بس هو انت جبت رقمي منين
هادي : قدرت اوصله من رقم عربيتك ف الاول !!
دنيا : بس دي عربية بابا وخير فيه حاجه
هادي : لا انا بس كنت حابب اطمن عليكي يوم الحادث كنت حاسس انك حزينه
دنيا : لا انا بخير الحمد لله وماكنش فيه داعي ابدا الإتصال ده انا اعتذرت لك واخدتك ع العياده لو كنت عاوز تعويض كنت قولي يومها وانا مش هتأخر
هادي : تعويض ايه بس ..بصي من الاخر كده انا معجب بيكي جدا ومرتحتش من يومها غير لما قدرت اعرف عنوانك ورقمك
دنيا : وبعدين ؟
هادي : ولا قابلين يادنيا بقولك معجب بيكي وحابب نتعرف
دنيا : بس انا مرتبطه ومش عاوزه اتعرف علي حد
هادي : قصدك كنتي مرتبطه
دنيا : اه ده واضح ان حضرتك سألت كتير عني وعارف كل حاجه بقي
هادي : اه حاجه زي كده
دنيا : طيب بص بقي عشان انت كده هتتعب نفسك ع الفاضي انا مش من النوع ال حضرتك بتفكر فيه ده بتوع نتعرف وكده
هادي : استني بس انتي فهمتي ايه انا والله طالب الحلال وعاوز اتقدملك
دنيا : اعتبر نفسك مرفوض من دلوقتي
هوووف الحكايه كانت نقصاك انت كمان حاجه تقرف لقيته بيرن تاني قفلت تلفوني خالص فات يومين تانين وانا برضو قافله تلفوني بس خلاص قررت افتحه وبعد شويه
لقيت رقم اكرامي بيرن عليا كنت حاسه اني هقع من الفرحه
رديت بسرعه
الووووووووو