روايه لم يكن بيدي انا فقط أحببته
الفصل السابع 7
بقلم دنيا محمد
لقيت رقم اكرامي بيرن عليا كنت حاسه اني هقع من الفرحه
رديت بسرعه
الـــو 🖤
اكرامي : ازيك !
دنيا : بخير الحمد لله ؟
اكرامي : جرحك كويس دلوقتي ؟
دنيا : اي جرح فيهم تقصد ؟
اكرامي : ال ف جنبك يادنيا وانا مجرحتكش !
دنيا : بخير يا دُكتر شكرا علي اهتمامك 💔
اكرامي : كنت عاوز اقولك ......
باب اوضتي بيخبط .. ثواني يا اكرامي معلهش ...مين
بابا : صاحيه يا دنيا عاوزك ف موضوع مهم
دنيا : احم اتفضل يابابا
نزلت التليفون من علي ودني واكرامي كان لسه ع الفون
بابا : حبيبت بابا ملاحظ انك ف الفتره الاخيره تعبانه ومرهقه ديما حتي مبتخرجيش من اوضتك فيه حاجه مزعلاكي
دنيا : لا يابابا ابدا انا بخير بس بذاكر عشان كده علطول ف الاوضه
بابا : طيب بصي الموضوع ال هكلمك فيه دلوقتي ارجوكي تفكري فيه قبل ماتردي تمام
دنيا : خير يابابا قلقتني
بابا : متقلقيش ياحببتي بس فيه عريس متقدملك وبصراحه الشاب ده كويس جدا وغني وابن عيله كبيره وكمان ابوه صديقي
اول ماقال الكلام ده كنت عاوزه الارض تنشق وتبلعني عشان اكرامي سامع بصيت ف الفون اشوفه لسه معايا ولا لا لقيته فاتح لسه يعني ساامع 💔
دنيا : يابابا قولتلك ميت مره مش كل حاجه الفلوس ده اولا ثانيا انا مش مستعده لأي علاقه دلوقتي عشان دراستي وعشان الظروف ال مريت بيها
بابا : قولتلك قبل ما تكلم تفكري ف الموضوع وانا عارف ان مش كل حاجه الفلوس انا عاوزك بس تعيشي في مستوي كويس ابقي انا كده غلطان يعني
دنيا : لا يابابا حضرتك مش غلطان بس ارجوك موضوع الارتباط ده انا مش مستعده ليه نهائي دلوقتي
بابا : دنيا الناس دي انا مش حابب اخصرهم وقولتلك الشاب نفسه كويس مش هتخصري حاجه لما تتخطبي له فتره ولو مرتاحتيش انفصلو
دنيا : ايوه وتبقي تجربه فاشله مريت بيها وعادي اصلها ف نظرك حاجه تافهه
بابا : ليا الله دماغك بقت ناشفه اوي من وقت ماعرفتي الولد ال اسمه احمد ده ماكنتيش كده
دنيا : يابابا احمد توفي مايجوزش عليه إلا الرحمه
بابا : كويس والله انك اخدتي بالك انه مات فكري بقي ف مستقبلك واختاري شريك حياه جديد بس المره دي انا ال
هختاره الناس دي جاين هنا بكره الساعه 8 وهتجهزي وتقابليهم ومش هقبل منك أي اعذار تصبحي علي خير
دنيا ______ بصيت ف تلفوني لقيت اكرامي قفل بصيت ع المكالمه اشوفه قفل من قد ايه لقيتها دقيقه يعني سمع كل
حاجه ...يارتني قفلت معاه لما بابا دخل اعمل ايه دلوقتي
مكسوفه ارن عليه والمشكله التانيه دي اعمل فيها ايه كمان
مافيش قُدامي حل غير ماما يمكن تقدر تساعدني بس الاول
هرن علي اكرامي اعتذرله اني سيبته ع الفون ده كله بس يارب يرد مسكت تلفوني ورنيت علي رقمه رد ف اخر الرنه
دنيا : الــو
اكرامي : ايوه
دنيا : انا اسفه ماكنتش اعرف ان بابا هيطول معايا ف الكلام
كده !! _________ الو اكرامي انت معايا ؟
اكرامي : هتوافقي ؟
دنيا ______ عاوزني اوافق ؟
اكرامي : دي حاجه ترجعلك !
دنيا : مش عارفه لو شاب كويسه هوافق ليه لا
اكرامي : ____ تمام ربنا يوفقك !
دنيا : _______ شكرا
اكرامي : تصبحي علي خير
دنيا : وانت من اهله / 📞
__________
كنت متوقعه منه ايه ياغبيه انتي هيقولك لا والنبي متوافقيش مثلا انا بحبك هووووف بس علي الاقل كان يقولي فكري ولا اصبري ولا اي حاجه مش يقولي ربنا يوفقك
ياخبر اما ألحق اكلم ماما قبل ما تنام .. رحت اوضتها والحمد لله لقيت بابا مش موجود دخلت وقولتلها ماما ضروري نتكلم
ماما : خير يادنيا فيه حاجه
دنيا : ماما انتي تعرفي بموضوع العريس ال جاي بكره ده
ماما : ايوه عارفه
دنيا : طب وحضرتك مقولتليش ليه
ماما : ابوكي ال طلب مني استني لحد مايكلمك هو المهم انتي ايه رأيك
دنيا : رأيي ف ايه بس ياماما انتي عارفه اني رافصه موضوع الجواز ده دلوقتي
ماما : يا قلبي افهمي بابا عاوز يطمن عليكي وطول الوقت مشغول بتفكيره فيكي ونفسه يجبلك شريك حياه يصونك وتعيشي عنده ملكه واي اب بيكون نفسه ف كده
دنيا : ياماما افهميني ارجوك انا ياستي لا عاوزه اعيش ملكه ولا عاوزه اعيش اميره حتي وعشان خاطري كلمي بابا يتراجع عن الموضوع ده عشان انا كده كده هرفض وهقولها ف وش العريس ده علني
ماما : تبقي عاوزه تموتي ابوكي بقي شكلك ناسيه اخر مره زعل ان اخوكي بس سقط ف الكليه دخل ف غيبوبه شهر
دنيا :حرام ياماما واللهي حرام
ماما : اسمعي الكلام ياعمري ربنا يهديك يمكن ترتاحي ليه وبعدين تشكوري ابوكي عشان خاطري يابنتي متكسريش فرحته ده طول اليوم بيكلمني عن الشاب ده وعن اهله
_____
سبتها من غير ما ارد ودخلت علي اوضتي طول الليل رايحه وجايه ف الاوضه زي المجنونه لحد ما سمعت صوت الفجر قعدت افكر ابعت لإكرامي رساله بس قولت لا دي تبقي قلة
زوق مني لو بعتله حاجه دلوقتي ف وسط ماكنت بفكر والفون ف ايدي لقيت رساله برقمه برقت للتليفون وقولت لا الراجل ده اكيد مخاوي معقول يكون حس اني عاوزه اكلمه
فتحت الرساله لقيته فيها (دنيا)
دنيا : نعم
اكرامي : ليه لسه صاحيه
دنيا : عادي مش جابلي نوم وانت
اكرامي : انا كمان مش عارف انام ..ها اخدتي قرار
دنيا : تقصد علي الخطوبه 🙂
اكرامي : ايوه وايه لزمته ده 👈🙂 انا بسأل عادي
دنيا : ولا حاجه بس استغربت السؤال وفكرتك مش مهتم
اكرامي : مش كُنتي خطيبه اخويا من حقي أسأل ولا ايه
دنيا : 😒 الصبر يارب لا لسه ما اخدتش قرار بس شكلي كده مضطره اوافق
اكرامي : ليه ؟
دنيا : بابا تعبان ومش حمل زعل
اكرامي : عشان كده بس ولا الشاب عجبك ؟
دنيا : انا لسه ماشوفتوش عشان يعجبني وبلاش تفكر فيا بالطريقه دي
اكرامي : ماشي يا دنيا هسيبك عشان تنامي تصبحي علي خير
دنيا : اكرامي !!
اكرامي ؛ نعم ؟
دنيا : لسه بتحبني ؟؟؟
اكرامي ________________ لا
دنيا : وانت من اهل الخير باي
_____
ياريت جوابك كان غير كده كنت قدرت احدد موقفي هووف يارب حلها من عندك مش حمل تجارب متعبه تاني ف حياتي دنا بقيت حقل تجارب من دلوقتي .....صليت الفجر ودعيت
كتير واستخرت كمان صحيت تاني يوم هموت من الفرحه عشان حلمت بيه ايوه اكرامي ال جاني ف الحلم مش حد تاني معقول هو هيكون نصيبي ياريت ياريت ياريت حسيت
اني ناقصه نوم رجعت اكمل تاني عادي 😹 لحد مالقيت ماما
بتصحيني ... دنياااااا الضيوف قربو يوصلو كل ده نوم قومي
دنيا : ماما قوليلهم دنيا سافرت او هاجرت او ماتت اي حاجه
ماما : حرام عليك يا دنيا ايه الكلام ده اصحي ياله يا إما هبعت ابوكي هو يصحيكي
دنيا : لا خلاص صحيت اهو
ماما : طيب بصي بقا ياحبيبتي ماما جبتلك فستان يجنن اهو البسيه وجهزتلك مجوهرات و ميك اب وكل حاجه عندك اهي
اجهزي ياله مافيش وقت وانا هخلص تحضيرات الضيوف
دنيا : حااضر
خرجت ماما صحيت لقيت فستان سواريه كان شكله يجنن فعلا بس استحاله البسه لبست طقم عادي من بتوعي وبعد نص ساعه لقيت اخويا جاي يقولي كلمي بابا يادنيا
خرجت وانا وشي ف الارض ولمحت ماما بطرف عيني مشيت قعدت جنبها لقيتها بتقولي بصوت واطي هو ده الفستان حسابك معايا بعدين ولقيت بابا بيقولي سلمي يادنيا ع الضيوف رفعت عيني عليهم لقيت العريس 😐 هادي يابن ال .......
كان مبتسملي بإستفزاز وانا عاوزه اجيب سكينه الفواكه واخلي وشه ده الاطبه تحتار تداويه من ال هعمله فيه بعد ماسلمت عليهم لقيت بابا بيقولي دنيا هنسيبك تتعرفي علي
هادي شويه وراجعين وغمزلي وخرج اول ما قفلو الباب علينا مشيت لحد عندو ومسكته من ياقة قميصه ...
دنيا : ايه ال جابك هنا يامستفز انت
هادي : نزلي ايدك دي بس كده واقعدي نتكلم زي اي عريس وعروسه
دنيا : عرسه لما تعضك ياشيخ هو انا مش قولتلك اعتبر نفسك مرفوض ولا انت حابب تتهزأ يعني
هادي : دنا بموت ف التهزئ انتي كنتي فاكره اني هسيبك يابت ولا ايه
دنيا : مين دي ال بت متحترم نفسك يابغل انت
هادي : بت لمي لسانك ده لقطعو انتي فاهمه
دنيا : طب وريني كده هتقطعو ازاي
بابا ..دنيا ايه ياولاد انتم بتتخانقو ولا ايه
هادي : لا ابدا ياعمي بالعكس دحنا اتفقنا جدا ده حتي دنيا طلبت مني نعمل الخطوبه بكره
دنيا : نعمممم
بابا : بجد يادنيا فرحتي قلبي يابنتي والله ربنا يسعدكم ياولادي
دنيا : يا بابا ___
هادي : ايه يا دنيا انتي عاوزه الفرح ال يبقي بكره ولا ايه
بابا خرج يعرف الناس ال بره
دنيا : انت اتجننت ازاي تهبب حاجه زي دي مين ال قالك اني وافقت عليك اصلا
هادي : انا ال قولت يا دودو حسيت انك حبيتيني اوي ولا ايه
دنيا : انت عقلك تعبان ولا ف ايه بالظبط انت حالا تخرج للناس ال بره دي وتقولهم انك رجعت ف كلامك وبعدها زي الشاطر كده تاخد اهلك وتخلعو من هنا
هادي : تخلعو !! اه لسانها فالت وهتتعبني بصي ياشاطره
خطوبتنا هتم بكره برضاكي او غصب عنك وبعدين انتي مالك داخله فيا شمال كده دنا حتي طالب الرضا 😉
دنيا : لو سمحت افهم انا فعلا مش موافقه ع الموضوع ده انت اكيد راجل عاقل وهتفهمني وتقدر قراري
هادي : لا انا ف الحته دي بالزات عيل صغير ومش هسيبك يا دندون
دنيا : متقوليش يادندون مابحبش الاسم داااه
هادي : كده يادندون حد مايحبش دلعه يا دندونه
دنيا : يخربيت التناحه
هادي : ههههههههههه
ليسه جايه اتكلم لقيت اهله واهلي داخلين يباركولنا واتفقو نجيب الشبكه الصبح ونعمل خطوبه ف قاعه كبيره اعترضت وقولتلهم استحاله ده يحصل انا هلبسها ف المحل او البيت
وبعد محاولات كتير وافقو البسها ف البيت بس هيبقي فيه ناس وفرحه كبيره بردو وافقت واخدت عهد علي نفسي اني لازم اطفش الغلس ده بأي شكل واخيرا سابونا ومشيو
مسكت ف بابا واول مره ازعق قصاده مجرد ماحكيت له علي ال حصل بيني وبين هادي ف قاعدة التعارف ضحك هو وماما اوي قولتلهم ده كل ال ربنا قدركم عليه ؟؟
بابا : واللهي يادنيا دمه خفيف اوي وده من حظك انه اتحمل اسلوبك المستفز ده وفعلا ده ال هينفع معاكي
دنيا : ايه يابابا ال بتقوله ده يعني حضرتك هتبقي مبسوط لما اتجوزه وانا مش عوزاه
بابا : يابنتي العشره هتخليكي تحبيه اسمعي مني
دنيا : طب ولو جيتلك ف يوم مطلقه
بابا : تبقي لا بنتي ولا اعرفك لان السبب هيكون منك انتي الشاب شاريكي ومحدش هيتحمل تمردك ده غيره
دنيا : ماشي يابابا يارب اموت عشان ترتاح مني
دخلت اوضتي وقفلت الباب عليا بصيت ف تليفوني لقيت اكرامي رن عليا مره واحده قولت ف بالي منين مش بيحبني
ومنين هيتجنن من وقت ماعرف بموضوع العريس ده ؟ رنيت عليه وانا ايدي بتترعش من الزعل
اكرامي : الو
دنيا : ايوه
اكرامي : انتي كويسه ؟ صوتك ماله
دنيا : خطوبتي بكره
اكرامي : وليه زعلانه حد غصب عليكي توافقي ؟
دنيا : اكرامي انا ب----
اكرامي : سكتي ليه يادنيا كملي
دنيا : انا بحبك
اكرامي : وخطوبتك ال بكره دي ؟
دنيا : ماهو انت قولت انك مش بتحبني
اكرامي : اه تقومي تروحي تتخطبي لواحد مبتحبهش مش كده
دنيا : انت مش فاهم حاجه
اكرامي : ومش عاوز افهم يادنيا ألف مبروك 📞
قفل السكه ف وشي متحملتش الوجع ال كنت حاسه بيه غيرت هدومي ونزلت لقيت عربيتي ف جراج البيت عرفت انه هو ال بعتها اخدتها ورحت بيها عند التله المكان كان شكله
يخوف عشان بليل بس شوية ال هوا ال فيه ريحولي أعصابي لما افتكرت كل ال حصل وال مازال بيحصلي صرخت بعزم مافيا وصرخت تاني لحد ماتعبت وقعدت ع
الارض اكمل بكاء واصرخ واقول انا مش ايوب يارب عشان اتحمل ده كله حرام الاول خطيبي يموت ويرجعلي بنفس الهيئه بس كارهني ودلوقتي هتخطب لانسان غريب ودمه
بارد حتي مافيش اي حد حواليا حاسس بوجعي انا تعبت
فضلت قعده هناك شويه ولما حسيت ان جسمي كله بقا تلج رجعت ع البيت ونمت وانا بدعي مصحاش تاني بس للأسف
صحيت وفات اليوم وانا قاعده حزينه بفتكر يوم خطوبتي علي احمد وبقارنه باليوم ال حالي ده حقيقي الفرحه مع حد
بتحبه مختلفه لبست فستان وماما زوقتني وجه وقت
الخطوبه لقيت هادي واقف وفرحان اوي بس انا من جوايا لو مهما عمل هفضل برضو عاوزه اقتله لما قعدت جنبه لقيته بيقولي بما انك موافقتيش تيجي معايا تختاري شبكتك
جبتهالك علي زوقي انا يا اجمل دنيا ف الدنيا ها ايه رائيك
___ من غير مابص عليها قولتله حلوه وف وسط الخطوبه
لمحت طيف اكرامي وسط الناس بعيد جيت اتأكد منه
ملقتوش بس انا متأكده اني شوفته لسه جايه اقوم من علي الكرسي ادور عليه لقيت امي بتقولي راحه فين يا دنيا قولتلها الحمام ياماما وهرجع بسرعه مشيت ادور عليه بين
الناس زي المجنونه ملقتوش مشيت ادور عليه ف باقي البيت لقيت فجأه باب اوضتي بينفتح وشدني