رواية بنات الليل
الفصل السابع7
بقلم دلال
رفيف . نزلت وبقيت ابجي اول مره اعلي صوت على ماما بس والله مو قصدي اني مخنوكه ومقهوره تصرفاتهم همه الي خلتنه نوصل لهنا
باوعت على ماما تمشي وتبجي وتضرب بيده
رحت يمها لزمت ايدها بستها ماما سامحيني والله مو قصدي علييت صوتي عليج ......
ماما . (دامشي وكلبي يوجعني على سحوره وابجي كلام رفيف عين العقل اني السبب بنتي ضاعت بسببي اجتني رفيف دنكت ع ايدي )
لاتتعذرين انتي ماحجيتي غير الصح اني السبب بكل الي صار
كريم . دامشي كدامهم احجيت وي الحرس انطوني اذن لدخول لتفتت اصيحلهن منظرهن يقهر مكسورات ويبجن لاحول ولاقوة اله بالله اشرتلهم يلا رفيف خاله
رفيف . مسحت ادموعي اي اي جينه يلا ماما كافي لاتبجين ان شاءالله رح نلكاها وكولشي يصلح
ماما . هزيت راسي بمعى اي ومشيت
كريم . يلا فوتو
...............
ليالي . واكفه اباوع على هاي البنيه كاعده بالكاع وتبجي تستنجد بعمر متدري بي هذا عار ومدمن ماينكسر كلبه ع امه الي باعها العماد ويدري عماد رح ياخذ اعضاء جسمها ويسلمهن لتجار رحت اله
سحر . طلع عمر اخذ وياا عمري ومستقبلي دمرني الحقير وباعني بقيت ابجي بحركه شرح يسون بيه رفعت راسي اباوع على بنات ولاهامهن شي معقوله رجعن لطوله كعدن ومستمرات بالعب والشرب
بس وحده تقربتي خفت منها بنفس الوقت عندي حساس هاي تختلف عنهم
ليالي . كومي كافي بجي تعاي اخذج الغرفتج وانطيج ملابس
سحر . عفيه اني وين شرح اسون بيه
ليالي . اخذت نفس لاتخافي هسه حاليآ كومي ارتاحي بعدين افهمج شغلج اهم شي هسه بطلي بجي لان حزنج وبجيج لايقدم ولاياخر اشرت على بنات شايفه ذن كلهن اجن بوضع امر من الي انتي بي
لزمت ايدها يلا كومي اخذج الغرفتج
سحر . كمت وياها واني احس لهنا اتوقفت حياتي لفتيت نفسي بالشرشف وكمت
بنت اليل 1 . دشوف بله تستحي من عدنه
بنت اليل 2 . حياتو عليمن مستحيه هي كله كم يوم تبقين سيح كدامنه ضحكت
بنت اليل 3 . قلبوشه اضحكي لاصيرين بومه تره كولنه بالهوى سوه هي كوله كم يوم تتعلمين الصنعه وهزيت صدري وضحكت
بنت اليل 3 . اي شلون صنعه عاد اترد الروح وضحكت بصوت عالي
ليالي . ليش ماتلصمن احسن ماكفر بيجن يلا كل وحده ع غرفته
بنت اليل 1 . ليالي لاتعصبين فدوه رحنه العيونج خلينه مجمعين اشوي ونصعد وداعتج
سحر .لزمتني هاي الي اسمها ليالي دا تاخذني للغرفه اباوع ع بنات واني غصه بكلبي ودي اصرخ احس كلبي رح يوكف ياربي لطفك ساعدني
ليالي . اشرتلهن براسي بمعنى اي وخذت سحر صعدت فوك تعاي فوتي هاي الغرفه الج كعدتها ع جربايه
سحر دخلتي للغرفه واني مصدومه اكل اعتقادي هذا حلم مو حقيقه يارب اصحى منه كعدت واني ارجف وابجي
ليالي . موكولنه كافي بجي احجيلي انتي شسمج
سحر . مسحت دموعي هااا اسمي سحر
ليالي . حلو اسمج وووشكد عمرج
سحر . 16
ليالي . بس مابين عليج اتوقعتج اكبر
سحر . اي هو اني ابين اكبر من عمري
ليالي . اي وضح جسمج وشكلج مال وحده عمرها بالقليل 19 سنه المهم سحوره
شوفي هاي ثلاج صغيره الج بيه فوكه ونساتل واي شي تردي كولي وهذا كنتور هاي الخانه ملابس اليوميه وهاي مال الحفلات وهاي سيتات مال نوم
سحر . شنو حفلات شنو سيتات اني شسوي بيهن
ليالي . بعدين افهمج كولشي هسه ارتاحي
هذا حمام صغير داخل غرفتج واي شي تحتاجي بس كوليلي
.............
انور . اخذت علي ورحنا للملهى عرفته على جماعي وعلى بنات
علي . يلا انور اني راجع
انور . ليش بعد وكت بعدهي السهره مابدت
علي . لا تأخرت مناك ام حسوني وحدها بالبيت وهسه الساعه 12
انور . زين لعد اني هم اروح
علي . اتريد تبقى خليك ع راحتك شعليك بيه ابقى
انور . لالا خ اروح يلا شباب صبايا رايحين
بنات الطرف الثاني . هاي وين عيني خليكم بعده اليل باوله
انور . لا مو علي يريد يروح
بنات اليل الطرف الثاني . ليش لزم ام جهال مسيطره وضحكت
علي . ضحكت افه اني زلمه تحكمني مره
انور . رجال ونعم منك عذرو بنات بعده ممتعود على اجواء السهر يعوضكم على مره الجايه
علي . عفتهم وطلعت
انور . طلع علي خرب شرفجن هاي من اولها هج
صديق انور . ديلا عاد هسه شحجن ويااا
البنت الطرف الثاني . اوي اوي هسه شنو زعل ايشكوناله سبينه العنب الاسود خو ما سبينا
انور . ضحكت اعوذ بالله منكم وحدكم السانه اشطوله يلا ريح باي رحت اركض ورا علي
علي يمعود انتظرني
علي . وكفت ها اجيت عبالي رح تبقى
انور . لا مو كوتلك مابقى ارجع خو ماضجت من كلامهم
علي . لايمعود عليمن اضوج بالعكس اتونست وغيرت جو
انور . شلونه الاجواء
علي . ضحكت الصرحه حلوه بس تدري انور اني اول مره اجي هيج اماكن
انور . ضحكت وبعد ماتعوفهن
___________
الاء . صارت ب 12 وبعد ماشرف الافندي بسيطه اني اعلمه
..............
كريم . شلونك كرم
كرم . اهلا كريم خير خو ماكوو شي ومنو ذن النسوان الوياك (كرم العمر 38 رجل وسيم ومحترم )
كريم . كرم محتاج مساعده
كرم . خير احجي شكو صاير شي
كريم . لتفتت صحت رفيف خاله تعالو
ام رفيف . فدوه اروح خاله بنتي مادري وين رحت
كريم . خويه هاي ام صديقه مقربه الي وبنتها ضايعه واريد اساعدها
رفيف . واكفه ونصدمت من كلام كريم يكوله صديقه اوووف سهله سهله كريم رحت تقربت شلونك استاذ كرم
كرم . اهلا وسهلا الي اريدمنكم تهدئون وتحجولي بتفصيل الي صار
رفيف . اشرت الماما اني احجي شوف استاذ اختي مراهقه وطايشه عمرها 16 سنه طلعت على انو رايحه الببت صديقتها من الساعه 3 والحد الان ماكو خبر منه رحنه فترينه كل المستشفيات ماكو رحنه المركز الشرطه انقدم بلاغ مقبلو اله لمن يصيرلها 24 ساعه على اختفائها
كرم . يي طبعآ هذا قانون طيب ومنو هاي صديقتها رحتو البيتها
رفيف . سكتت
كرم . اذا تردون اساعدكم اريد تحجولي بتفصيل وكلشي تعرفو و بصراحه
رفيف . اخذت نفس ودنكت الحقيقه هي مرايحه البيت صديقته طالعه وي واحد
كرم . ومنو هذا الوحد تعرفون اسمه عنوانه
رفيف . هزيت ابراسي بمعنى لا
كرم . طيب هي ماخذه تلفون وياها
رفيف . اي بالاول نتصل ماترد وهسه مغلق
كرم . اوكي اسمها الكامل ورقم تلفونها هسه
ولا تخافو هسه رح نحدد موقعها من خلال شريحتها وان شاءالله باقرب وقت هي يمكم
ام رفيف . فدوه الكلبك استعجل كلبي نار على بنيتي والله بقيت ابجي
كرم . اطمني خاله هسه رح ابلش بالاجرات ومنا الصبح نكون محددين موقعها وداهمنا المكان
_________
عمر . اخذت الفلوس وكبل رحت على بيت صباح دكيت الباب
صباح . منوو
عمر . اني اني
صباح . فتحت الباب لك اغبر شعندك جايني بهاليل
عمر . هااا اريد كريستال وهاي جبتلك فلوسك
صباح . طاحظ ابوك جايني بهليل علمود اشم
عمر . شسوي بعد ماتحمل جسمي ياكلني وراسي ح ينفجر
صباح . جسمه ياكله ابو الوصخ دجيب جيب دينك 13ورقه
عمر . شنو 13 هنه مو 6
صباح . لا صارن 13 وبكيفي
عمر . بس ليش
صباح . هيج خاوه وهمينه لان اتأخرت
عمر . بس اني ماتأخرت هواي مصارلي شهر
صباح . والله عاد هذا قانوني
عمر . بس حرام عليك
صباح . هههههههههههههاي شنو شنو ماسمعت عيد عيد
عمر . لاماكو شي هاك ذن 13 واريد تنطيني كريستال بوقتين
صباح . اخ يابويه الغبر والله ضحكتني دجيب الفلوس وابقى هنا هسه اجيبلك
عمر . بسيطه لك اني اني تضحك علي والله اذا ماخليتك اتوبس رجليه اطلع مو عمر
صباح . هاك الزم ويلا شوفني ظهرك مره ثانيه اذا تجي بوقت متاخر ادوس راسك برجي فتهمت لك اثول
عمر . عفته ورحت بسيطه لك اذا ماجريت اختك لو مرتك وخليتك اتبوس قنادر اطلع ماافتهم مشيت شويه عن بيته كعدة طلعت الكريستال شغلته واخذت نفس طويل شميته ااااااااااااااااااخ اباااا
_________
عماد . رجعت البيت المزرعه لكيت البنات مجمعات
هلاووووو
البنات اليل . هلاوووت عيني ابو دكه
ليالي . نزلت شفت عماد راجع
عماد . وين تاج راسكم ليالي
ليالي . دا انزل من الدرج رفعت ايدي هنا يول خيرشو رجع لهنا اليله
عماد . اي جاي اشوف القطعه الجديده وضحكت
ليالي . عوفه ترا بعدهي صغيره وضعه مايسمح ابد مو تمام
عماد . يعني اني جاي مناك لهناك بهليل لحتى دكليلي وضعه مو تمام
ليالي . بعصبيه عماد عندك ذن بنات ماليات القاعه اختار الي تعجبك البنيه خطيه عوفه هسه مرح اطير
عماد . يله على كولتج مرح اطير خلي ننتظر وضعها ونفسيته تتحسن وضحكت
بنات اليل . تعاي عيني متلعب ويانه لو لعبنه ميعجبك وضحكت بصوت عالي
عماد . لزمت طرف شواربي الف بي لاشلون ميعجبني
___________
سحر . طلعت ليالي من الغرفه رحت للحمام فتحت الدوش كعدت ابجي وتندمت ليش هيج سويت بروحي وافكر باماما ورفيف هسه وين همه و شصاير بيهم بقيت اضرب على راسي الله ياخذني
بنت اليل . سحبت نفسي من البنات ورحت صعدت فوك فتحت الباب على كيف دخلت للغرفه باوعت مالكيتها سمعت صوت المي مفتوح رحت للحمام فتحت الباب
سحر . كاعده جوه الدوش وابجي ما احس اله نفتح علي الباب رجعت ليوره بزويه الحمام لميت نفسي حظنت رجليه
بنت اليل . اف اف شنو هجمال
سحر . بجيت عفيه شتردين مني
بنت اليل . اششش على شنو تبجين اطلعي هسه اخذج الغير عالم ينسيج الدنيا ومابيها
إن النجوم البعيدة في السماء تبدو لنا دائمًا جميلة ولامعة وشاعرية، لكننا إذا اقتربنا منها أدركنا أنها كتل من الغازات شديدة الحرارة والخالية من أي جمال والتي يقتلنا لهيبها، وكذلك أشياء كثيرة في الحياة يصورها لنا خيال الحرمان واحة شاعرية من السعادة، فإن أدركناها قد نجد فيها ما يلسعنا بلهب الندم والتعاسة