رواية بنات الليل
الفصل الحادي عشر11
بقلم دلال
سحر . منو هم الي يجون وشوكت يجون
ليالي . اي عفيه اريدج هيج خليج قويه يجون هنا الطاكين والتجار والمسؤلين واولاد المسؤلين
سحر .بقيت صافنه معقوله ووو شيسون
ليالي . ضحكت يعني شيسون مثلا غير الشرب والركص والنوم شيسون
سحر . زين واني شنو دوري
ليالي . دورج اتنزلين بوقت الحفله اتركصين وتلفتين النتباهه الموجودين
سحر . اي وشلون الفت انتباهم
ليالي . شنو شلون شغلي مخج
سحر . فدوه ساعديني والله ماعرف علميني
ليالي . اخذت نفس بضحكه بركصه بمياعه اتوكعين اكبر راس بالاخص انتي حلوه وصغيره وبعدج جديده يعني تكدرين تخطفين كلب واحد ساعته رح يشتريج من عماد ورح اتخلصين منا احسن ماتبقين طول عمرج اتركصين وكل يوميه بحضن واحد حالج حال الموجودين فكري بكلامي عدل عفتها وطلعت
___________
الاء طلعت صفاء والله كل كلمه لازم انفذها لان اذاابقى هيج رح يطير مني الرجال خلي انظف البيت واحظر غده واخابره
___________
انور . هاشلونه سهرت البارحه
علي . زينه حلوه غيرت جوو
انور . اتروح اليله
علي . اي ليش لا
انور . ضحكت والمره
علي . يطبه طوب شسوي خلي اسوي تريد تزعل ختروح اني مليت منها
__________
ابو فلاح . وصلت البيت اهل ابو رفيف دكيت الباب
عقيل . منووو (عقيل عم رفيف )
ابوفلاح . اني خويه اني
عقيل . فتحت الباب رجال متوسط بالعمر ماعرفه اتفضل
ابو فلاح . هذا بيت اهل ابو رفيف
عقيل . ياابو رفيف
ابو فلاح . سعد ابو رفيف الي بيته بمنطقه****
عقيل . قطعت كلامه اي اي هذا اخويه خير بي شي صاير شي لا سامح الله
ابو فلاح . انتو عايفين اخوك ماتدرون عنه شبي مابي الرجال يشرب وياذي عائلته
عقيل . ضجت من كلامه بعصبيه وانت بصفتك منو جاي تشكي مرته لو جارته
ابو فلاح . نتفضت احترم نفسك ولاتجاز هذا كلامك ممقبول واني اكدر حتى اكاعدك عشائريآ قبل لاقانونيآ بس مو الخاطركم رح اسكت الخاطر البلمستشفى
عقيل . بصوت عالي هسه انت شرايد من الاخير
ابو فلاح . يعني شريد مثلا اخوك ضارب مرته ومهزم وبنته الصغيره من البارحه ضايعه ميدرون عنه وين وام رفيف بالمستشفى ببن الحياة والموت عفته ورحت
عقيل . لحظه لحظه تعال
ابو فلاح . عفته يحجي ورحت صعدت بسياره امام الله الي عليه سويته شلون ناس لاذمه ولاظمير تاركين اخوهم يخيط ويخربط ومايدرون عنه
عقيل . دخلت جوه يمه يمه
ام عقيل . هايمه خير شبيك اصيح
عقيل . يمه هذا سعد ضارب مرته وبنته ضايعه من البارحه
ام عقيل . عزه هو خو مابي شي
عقيل . لا مابي شي اصلا ماهو بس مرته على اساس وضعها مو زين
ام عقيل . حيل وياها مستاهله مايضربها بدون ذنب وياهي من بناته الضايعه
عقيل . سحر
ام عقيل . اي اكيد مستهترات عليمن ايطلعن على امهن وانت ياهوو الكلك
عقيل . جيرانهم مدري صديقهم هي تايهه اجايني هادود
ام عقيل . عليمن خاله هادود ماصحتلي اطيح حظه
عقيل . يمه رجال جبير شنو اطيحين حظه ماعلينه انروح للمستشفى انشوف شكو ماكو
______________
عماد . كعدت باوعت على ساعه ب12 ونص اخ يابويه متكسر اتكسر خوات العميه عايفيني نايم على ميز ولاكلب عرف يكعدني لك حامد وينك
(حامد احد عاملي الملهى )
حامد . نعم ستاذ
عماد . نعم الله ضلوك لك حيوان شلون هيج عايفيني نايم
حامد . استاذ اني البارحه مامدوم بس من اجيت سالت الولد كالو انت مكثر بالشرب ومقبلت تكعد فاخلوك ابمكانك
عماد . امشي يلا ولي طاحظك وحظ الولد
خلي اخابر اشوف هداوي اسوت ماسوت طلعت تلفون هاي شنو عمر مطور يدز مسجاد فتحت الرسائل خرب انه رح يوكعنه ابمصيبه هالحيوان شلون هسه اتصل عليه لا شتصل عليه غير لازمي
خ الي اخابر*****
**** الو نعم
عماد . شلونك استاذي
**** اهلا عماد انت شلونك
عماد . والله استاذ مو زين
**** ليش صاير شي على البنات
عماد . لاستاذ البنات يبوسن اديك مابيهن شي بس هذا عمر لزمي استخبارات ***** وخايف لايروح يخبر علينه
**** لا تخاف سهله سهله هسه اني اصرف
عماد . اي ستاذ لحك عليه لا يروح يفتح حلكه
**** سهله سهله اسمه الكامل وين متوقف
عماد . اسمه عمر خالد ابراهيم
معتقلي استخبارات ****
**** طيب فصلت الخط
احمد
احمد .نعم استاذ
**** عندنه معتقل اسمه عمر خالد ابراهيم محجوز بستخبارات*** اريد اشوف شغلك قبل لا يروح يعترف
احمد . امرك استاذ هسه اريح
**** اشرتله بيدي بمعنى روح
عكرلي مزاجي هالغبي هذا عود ناوي اليله على سهر بس مالزم اتحرك من مكاني ليوح هذا حاجي شي لو يصوروني يرادلي بالقليل شهر ماروح لبيت المزرعه لحد ما تنتهي هالسالفه خرب شاربك عماد شيصبرني
__________
كرم . بقيت مصدوم من اقوال المتهم عقلي ماجاي يستوعب الي سمعته صحت بصوت عالي ضربت على ميز يعني انت تسحب بنات الناس وذاك الحقير المجرم يشغلهن ببيوت دعاره ولي متقبل ومتخضعله يتاجر بعضاء جسمها احنه بيازمن صرنه
والي يدعم هالعصابه القذره مسؤل بدوله منتخبته الناس حتى يخدمهم يشوف مصالحهم يلعن شرفكم ياا خونه يا عملاء
عمر . سيدي والله هم قشمروني وعلموني على مخدرات واني نادم
كرم . كلكم من نلزمكم نفس الحجي متندم وقشمروني لك انتو لاذمه ولاضمير تقربتله ضربته بوكس
عمر . كاعد مدنك اجاني بوكس وكعني للكاع ماعرف الدم من يطلع خشمي وحلكي بقه يصب
الشرطي . اهدء سيدي القانون ياخذ مجرى
كرم . ياقانون هذا لك حاميه حراميها اذا يكلك هذا **** يدعمهم بعد شتتوق من القانون رحت عليه دست على راسه
الشرطي . سيدي عوفه هسه انصعد اورقه للقاضي وهاي لاسماء كلها ان شاءالله لحبل المشنقه
كرم . كلبي صار يوجعني ختنكت بعد ماكدر ابقى بالمكتب
اسمع تاخذ دوريتين وكبل على عنوان صباح
وهاي الاسماء هسه اجيبلي امر بالقاء القبض عليهم
اني طالع من الساعتين جاي
الشرطي . اخذتله تحيه تمام سيدي
كرم . طلعت صعدت بسياره واني ادخن واحجي وي روحي ياربي معقوله وصلنه الهذا احال اي وليش مو معقوله اذا كل المسؤلين عملاء لمريكا واسرائيل ايران سعوديه وكلها قصدها تسقط هذا البلد
اووووف اوووف خلي اروح للمستشفى هم اشوف اعرف اخبار رفيف وهم ابلغها بالي صار اكيد هسه مشغول بالها
____________
رفيف . كاعده باب العمليات ودموعي ماسكتن
ام فلاح . كافي خاله صلي على محمد وال محمد
اعيونج رحت من البجي خليج قويه وتحملي
رفيف . خاله والله حتى كلبي يوجعني شتحمل غياب سحر الي مادري بيه عايشه ميته لو ماما الي مادري رح تصحى لو الله ياخذ امانته لو بابا الي مادري عنه وين ماوين
عقيل . هاي يمه ذيج رفيف
ام عقيل . شوف الستهتار اكو بت تطلع بهيج ملابس
عقيل . والله يمه ذن كل من امهن مطيتهن مجال
ام عقيل . اي اي تعلمني بيها دسكت وصلناله
ها بيبي رفيف شصار
رفيف . كاعده ابجي سمعت صوت بيبي فزيت من مكاني رحت حظنتها ولج بيبي ماما رح اتروح من دينه
عقيل . انت شلون هيج جايه
ام عقيل . شو دوخري عني خايبه خنكتيني
ام فلاح . عزه ذوله هم محسوبين اهل هزيت ايدي العم كبل رح يحاسب والبيبيه تدفع بيه وجايه عركه الحمدالله هم حظها هاي
رفيف . رجعت خطون لوره نسيت هاي بيبي الي مايوم حبتنه تكرهنه لكرهه امنه شتوقع منه مسحت ادموعي اخذت نفس يارب قويني
ام عقيل . شمالج ماتردين
كرم . وصلت للمستشفى دخلت امشي بسرعه سألت عنه بصاله العمليات وصلت للممر الي ططبعيد شفت رفيف ويها 2 نسوان ورجال خفيت خطواتي ماريد اسببلها احراج بقيت واكف ارقب من مسافه عنهم انتظر فرصه حتى اصيحله
عقيل . انت شلون هيج طالعه متستحين لو امج ماعلمتج العيب
رفيف . عمو والله من خوفي وقلقي على ماما طلعت مامتبهت على نفسي
ام عقيل . وشبيه امج شمسويه من مصيبه حتى ابوج هيج يكتلها
رفيف .نرفزني كلامها بعصبيه انتي ليش تكرهين ماما بس اريد اعرف ماما شمسويتلج وبابا مرح نعفي عنه والله اذا ماتشتكي عليه اني الي اشتكي عليه
كرم .واكف من بعيد دا ارقبهم ارتفعت اصوات صار لزم ادخل
عقيل . انتي صدك مو مؤدبه و متستحين رفعت ايدي اريد اضربها
كرم . لزمت ايده ضغطتها بقوه .......