رواية 30 يوم
الفصل الاول 1
بقلم مارلي أيهاب
اعرفكم بنفسي اسمي الدكتوره روح الحاصلة علي شهادة افضل دكتورة نفسية علي مدار خمس سنين
انا دكتورة امراض نفسية و شاطرة و متميزة جدا في شغلي
ده غير اني كاتبة مشهورة جدا وكتبت روايات كتيره جدا بس اغلبها اكشن ورعب ومغامرات كنت بحب اكتب النوع ده من الروايات والقصص مكنتش بحب الكتابة الرومانسية مكنش ليا خلق ليها بصراحة المهم انا عندي 35 سنه كنت متجوزة واطلقت من جوزي لكذا سبب اولهم اني مش بخلف خالص
والثاني انه كل ما بيشوفني بنجح عاوز يقعدني في البيت و يخليني زي زي الكرسي للي قاعدة عليه والمفروض اني اسمع كلامه لاني مش بخلف يعني ممكن في اي وقت يسبني زي ماهو عاوز واهله كانوا بيدعموه في اللي بيعمله وساعات كتير كان بيضربني و يهني علشان بعارضه علي حكاية الشغل لغاية ما لقيته دخل علي الشقة بواحدة وبيقولي مراتي الجديدة وهتعيش معاكي في نفس البيت وفي نفس الشقة اتجننت انا مش هكدب عليكم انا بحبه جدا وكنت بعشق التراب اللي بيمشي عليه وكنت بستحمل علشان حبي ليه لكن يتجوز عليا مستحيل اقبل بالإهانة دي وصرخت فيه و بيعلو صوتي صرخت فيه وقولتله يطلقني وفعلا طلقني وقالي مش هسيبك تتهني استغربت الجملة انت هتعمل ايه يعني مش فاهمة لميت هدومي وانا بعيط و اخدت نفسي ومشيت بس قبل ما امشي لقيت مراته بتبصلي بشماته اه نسيت اصل الست دي واحدة انا عارفها كويس اوي واكله معاها عيش وملح كتير صحبتي الانتيم اللي ياما كنت بشكي ليها حزني وهمي مشيت وانا مكسورة القلب ونسيت اقولكم انه في الفترة دي قاعدني من الشغل سنتين بحالهم اطلقت وانا عندي 30 سنه يعني بقالي خمس سنين معرفش عنه اي حاجة نهائي
في الفترة دي رجعت شغلي واهتميت بنفسي وباقي التفاصيل هحكلكم عليها في الايام الجاية
روح بنت ناصعة البياض وعيونها بني كالقهوة وطويلة القامه 181 سم وشعر حرير وناعم لونه اسود
مها.... عندها 35 سنه دكتور اطفال اتجوزت جوز صحبتها بعد ما وقعته في حبها واتجوزته خلفت منه بنتين و ولد في خلال الخمس سنين
مها بنت متوسطه الطول بشره متوسطه لست سوداء او بيضاء قمحوية و تخنت بعد الجواز وزوجها اصر ان لا تعمل
محمد...... طليق روح وكان بيحبها حب نرجسي مش عاوزها تخرج بره البيت ولا تكبر ولا تشتغل وكان بيزلها بحكاية الخلفة كل شوية واتجوز صحبتها علشان خاطر يقهرها اكتر رغم ان مها متوسطه الجمال اتجوزها
محمد دكتور نفسي وكان مدير القسم في المستشفى التي كانت تعمل بيها روح
عنده اربعين سنه طويل القامة وجسد رياضي وسيم الي حد كبير بعيون خضراء
في بيت علي البحر كانت تجلس روح وهي تكتب و متعمقة في الكتابة من اليوم الاول من روايتها رغم ان الرواية دي كاتبها علي الورق ولكن بتنقلها علي الفون علشان تنزلها الكتروني
اول يوم كان
كانت سما تمشي في انحاء المستشفى و تتطمئن علي المرضي كالعادة ثم دخلت مكتبها وتفاجئ ان مكتوب لها رسالة مجهولة المصدر ومكتوب فيها بالخط العريض
ازيك يا دكتوره سما انا واحد بيعزك اوي اوي كمان وكان نفسي اوي اعمل تجربة عليكي وانا بقي لقيت تجربة جميلة جداً علي فكرة انا كنت بتعالج عندك نفسي وانتي خرجتني من المصحة من زمان الزمان استني اول يوم وشوفي اللي هيحصلك في التلاتين يوم دول هيكون اسوء شهر مريتي بيه وهيفضل معلم معاكي لغاية العمر كله
كنت بقراء الكلام ده وانا مش فاهمة مين الراجل ده وعاوز مني ايه كنت قلقانة اوي انا مش بطلع مرضي من عندي غير لما بتأكد انه بقي كويس طب تلاتين يوم ايه اللي هو بيتكلم عنهم دول انا قلقانة اوي مش هقدر اشتغل دلوقتي خالص انا هروح اخد اجازة وفعلت روحت اخدت اجازة من مدير القسم عندي وروحت بيتي لقيت ماما استغربت وبتقولي مالك يا بنتي في حاجه جاية بدري يعني
خوفت اقولها تقلق عليا سكت وقولتلها مفيش يا حبيبتي بس خلصت الحالات بدري انهارده قولت اجاي اقعد استريح هنا بدل قاعدتي في المستشفى
ماما قالتي... انتي رايحة المصحة انهاردة يا بنتي
سما بقلق..... ايوه يا ماما رايحة
مامت سما اسمها نادية.... خلاص ادخلي ريحي شوية علي ما احضر الغداء علشان ناكل سوا انهاردة
سما بتعب.... حاضر يا ماما
ودخلت اوضتي وانا خايفة وقولت لنفسي يا بت بطلي هبل يمكن واحد بيهزر من زميلاك ولا صحابك ممكن لا ده اكيد حاولت انام لكن مقدرتش حسيت بتقل علي قلبي لدرجة كنت حاسة اني روحي بتطلع ببطء حاولت انده علي ماما تجي تلحقني لكن مقدرتش الصوت مكنش واضح مكنش باين قولت بمنتهي التعب والوجع ما.ما ومقدرتش اكمل الكلمة اللي بعدها لاني كنت حاسه اني خلاص ربنا هياخد امانته كانت حاسه ان دي النهاية بكيت بقهر شديد وانا مش قادرة اصدق ان ده بيحصل كنت حاسه بإن جسمي اتشل اتشل بكل ما للكلمة معني كنت حاسة اني بموت بموت ليه محدش حاسس بيا عمار تعالي شوفني تعالي يا حبيبي بص علي اختك بتموت تعالي طب تعالي يا ماما بصي عليا صحيني علشان الاكل يا ماما يا ماما ده كل اللي قدرت اقوله لنفسي وجوايا ومحدش يحس بيا خلاص كنت حاسه نفسي بيروح
...................................................
روح قفلت التلفون بعد ما سمعت باب البيت بيخبط وقامت بكسل وفتحت كان اخوها مازن
مازن.... ازيك يا دكتورة
روح... اتفضل الاول الحمدلله بخير انت عامل ايه انت وولادك ومراتك
مازن دخل وقعد.... الحمدلله بخير وبيسلموا عليكي وبيقولوا معدتش بيتجي ولا بتسألي يعني
روح بإحراج.... معلش يا مازن عندي مشاغل كتير وما بصدق اجي البيت ارتاح فيه
مازن بحب.... قولتلك تعالي اقعدي معايا انا والعيال في البيت رفضتي
روح ابتسمت.... معلش علشان انت و الولاد ونهي تاخدوا راحتكم في البيت
مازن بضيق.... واحنا رحتنا مش هتبقي موجوده لو انتي جيتي يا ستي تعالي وانا هبقي واخد راحتي
روح ابتسمت.... شوفت الكلام خدنا ومجبتش حاجة ليك تشربها ثواني
ورحت روح تجيب المشروبات ومازن فهم انها قفلت كده الموضوع ومش عاوزة تتكلم فيه
جابت العصير والبسكوت وحطته علي الترابيزة وفضلت تساله عن شغله وحياته لحد ما عدا ساعة وقام يمشي وقبل ما يخرج من الشقة قال خلي بالك من نفسك يا روح وبيتي مفتوح ليكي طول الوقت اوعي في يوم تحتاجي حاجه ومتقوليليش ازعل منك وللهي
روح ابتسمت.... ربنا يخليك ليا يارب ومتحرمش منك ابدا واكيد لو احتجت اي حاجة هجيلك
مازن حضنها وقال..... ربنا يخليكي يا حبيبتي يارب مع السلامه
روح ابتسمت.... مع السلامة
وقفلت الباب بعد ما نزل مازن وفتحت الفون والكراسة اللي كتابة فيها الاحداث وهترجع تكمل الاحداث
ونرجع لسما
دخلت مامتها عليها وشافتها بصه لسقف وهي تبكي بشدة اتخضت عليها جدا وجريت وقالت.. مالك يا بنتي مالك يا حبيبتي
سما لقت نفسها قادرت تتكلم بعد خمس دقايق من وجود مامتها ورمت نفسها في حضنها وهي بتبكي بشدة وتقول كنت هموت يا ماما انا مش عارفة مالي فيا ايه مش عارفة حاسة ان في حاجه وحشة هتحصل ليا في حياتي يا ماما صدقيني يا ماما
امي حضنتني جامد وقالت وهي بتبكي بشدة.... لا يا حبيبتي لا متقوليش كده انتي ما فكيش حاجة انا هوديكي للدكتور يشوفك ولا شيخ يرقيكي ويقراء قران عليكي يا حبيبتي اهدي يا بنتي اهدي يا قلبي
نامي شويه وانا جنبك
اتفزعت اول ما امي قالت النوم وصرخت وقولت لا لا مش هنام مش عاوزه انام مستحيل انام عاوزه اللي حصل ده يحصل ليا تاني لا لا لا مستحيل انام يا ماما مستحيل
كنت بتكلم بمنتهي الهسترية وكأن مكنتش في وعي كنت حاسه اني لو نمت مش هصحي تاني كنت بموت بكل ما للكلمة معني بجد
امي كانت بتنظر للي بدموع وبكي وتقولي.... ازاي بس يا بنتي ايه الكلام اللي بتقوليه ده معقول يا بنتي في حد مش بينام ده انتي دكتورة وفاهمة وعارفة مش جاهلة
وقفت بعصبية وبكاء شديد وانا شايفة كل اللي حصلي لما حاولت انام قدام عيني كأنه لسه بيحصل قدامي تاني وانا نايمة صرخت في امي وقولت..... لا لا لا مستحيل انام مستحيل انام تاني لا لا هاخد منبهات لكن مش هنام سامعة مستحيل انام كنت بصرخ اوي اوي لدرجة ان اخويا دخل من باب البيت وهو مخضوض وشاف شكلي وانا بصرخ وببكي بشدة ومسكه في شعري اللي تقريبا قربت اقطعة من كتر ما شديدت فيه قرب عليا واول ما قرب عليا حضنته جامد وقولته الحقني ماما عاوزني انام يا عمار الحق عمار كان واقف بصدمه فين المشكلة في النوم يعني
لقيته طبطب عليا بحب وقالي... طب فين المشكلة يا حبيبتي
بصتله بوشي اللي كان كله عبارة عن حمار وقولته.. ايوه انت متعرفش اللي حصلي لما كنت هنام انا كنت هنام وبصيت لماما اللي كانت تبكي وقولتلها قوليله اللي حصل يا ماما قوليله
عمار كان زعلان من حالة اخته دي
مامته اتكلمت وقالت ببكاء... انا كنت داخلة اصحيها علشان اقولها ان الغذاء خلص خلاص لقيتها مفتحة عينيها علي الاخر وبتبرق وبصه للسقف كان شكلها يخوف وبعدين قربت منها وحاولت اصحيها لقيتها مش ببتحرك ولا ببتكلم وبعد خمس دقايق لقيتها حضنتني وهي بتقولي كنت هموت يابني ده اللي حصل جيت اقولها تعالي نامي شوية وانا جنبك مردتش وصرخت وعملت اللي انت شوفته
عمار بصلي بهدوء وقال... حبيبتي يمكن ده كابوس بس مش معني كده انك مش هتنمني يا حبيبتي كل واحد مننا لازم ينام ويريح جسمه ده انتي دكتورة وعارفة كل ده يا حبيبتي اهدي بس كده وكل حاجه تمام اقولك ادخلي خدي دوش وتعالي كلي معانا بلاش تنامي دلوقتي لما تهدي ابقي نامي يلا
خرج هو ومامته وهي دخلت غرفة الملابس تاخد هدوم وبعد خمس دقايق دخلت الحمام وعلقت هدومها وبعدين خلعت ملابسها وراحت عند الرف اللي عليه كل الشامبوهات والكيريمات ولكن وقفت لما شافت جملة كانت كفيلة انها تخرج من الحمام وهي لفه الفوطة علي جسمها العريان وهي بتصرخ في الاوضة وخرجت الصالة واخوها اتصدم لما شافها خرجه من الاوضةوبالفوطة الصغيرة دي لف وشه بسرعة واتكسف ومامتها اتصدمت اكتر وقالت بصدمه... في ايه يا سما خارجة كدة ازاي يا بنتي انتي اتجننتي ولا ايه
سما ببكاء وصراخ وتهته في الكلام..... ياماما ككتبلي ان ده اليوم الاول يعني لسة فيه
امها جابت عباية تلبسها تستور نفسها قدام اخوها ولبستها واخوها لف لما لبست العباية
امها... مين ده بس يا بنتي فهمني في ايه وكتب فين
سما بدموع وبكاء.... انا بعد ما خلصت المرور بتاعي دخلت المكتب ليقت واحد كاتب ليا في ورقة علي المكتب انه كان مريض عندي في المصحة واني خرجته وانه بيعزني وهيخليني امر بتلاتين يوم وحشين وصعبين جدا وان ده اليوم الاول ياماما صدقني يا عمار كتبلي علي المرايا
عمار دخل اوضتها والحمام وهما وراه وشاف المرايا مش عليها حاجة خالص نهائي وكأن مفيش اي شئ
اول ما سما شافت ان المرايا مش عليها حاجة بصتلهم بصدمه وخرجت ونامت علي سرير وهي بتبكي بصمت وصدمه
امها ببكاء... اختك لازم تروح للدكتور انت سامع يا عمار اختك لازم تروح للدكتور
عمار بدموع... حاضر ياماما انا هروح اشوف دكتور كويس مش عارف انا دكتور ايه اللي هيعالج اصلا دكتوره نفسيه
وخرج وهو حزين علي اخته جدا ومامته قربت من بنتها وحضنتها وهي بتبكي وبتقول اهدي يا بنتي
روح كتبت المشهد ده في الفون وقالت تكمل بكره لانها تعبت جدا ومش قادرة وسابت الدفتر ودخلت الاوضة بتاعتها ونامت علي السرير ويادوب غمضدت عينيها لقيت رساله وصلت ليها ومكتوب فيها
انا مجهول وفي تلاتين يوم هوريك يا كاتبة يامحترمة اللي انتي كاتبة في روايتك الجديدة تلاتين يوم هيعيشك كل اللي مكتوب فيها بخلاف بعض التفاصيل هيبقي التاتش بتاعي سلام يا دكتورة بكرة اول يوم ليكي يا دكتورة ههههههههههههههه