رواية ملاكى الحزين
الفصل الثاني 2
بقلم نور السيد
ولكن فجأة قبل ماتكمل الاغنيه تولين صرخت بصوت عالى وإشارة باصباعها: رفييييييييف عمو سليم عمو سليم
رفيف : فين ؟
سليم سمع صوت تولين وطلب من بسام أنه يوقف العربيه بسرعه وبسام وقف
نزل سليم وقرب لتولين وهو مبتسم : تولين
تولين : عمو سليم وعرفت سليم على رفيف
رفيف بإعتذار : اهلا بحضرتك انا بعتذر على الازعاج
سليم بابتسامه : ليه الاعتذار انا اتشرفت بالجميله تولين
تولين بفرح : وانا كمان اتشرفت بك عمو سليم
رفيف : كفايه كده يا توتى ويلا بينا نرجع البيت
تولين : لا انا عايزه اقعد مع عمو شويه
رفيف : توتى عيب كده
سليم ابتسم : طيب سبيها شويه انا كمان حبيتها اوى
رفيف بخجل : يا فندم اكيد حضرتك مشغول
سليم ابتسم وشال تولين وقال حتى لو مشغول أفضى مخصوص لاميرة التلج
ضحكة رفيف و تولين ابتسمت لرفيف : عمو قالى أميرة التلج هو كمان
سليم بعدم فهم : تقصدى ايه يا أميرتى
رفيف ابتسمت : الاسم ده مافيش غير اسيل هى اللى بتقوله لها
سليم : ومين بقى اسيل دى
تولين : اسيل تبقى ................
وظهر بسام : يلا يا سليم هنتأخر ؟
ضحك سليم وقاله اعرفك بالانسه رفيف واميرة التلج تولين
بسام اول ماشاف رفيف بصلها بإعجاب وهى اخدت بالها من نظرته واتكسفت
بسام : اهلا انسه رفيف
رفيف بخجل : اهلا بحضرتك نستأذن احنا يا استاذ سليم وفرصه سعيده
ومشيت رفيف وتولين لكن تولين وهى ماشيه لفت وبصت على سليم وأشارت بايدها لكن الحزن كان ظاهر على وشها
أما بسام كان فى عالم تانى عالم رفيف اللى اخدت قلبه معاها
سليم مشى بحزن واتجه للعربيه بسام لحقه وبتسأؤل : ليه قولت لها أميرة التلج ؟
سليم بصوت ضعيف : شوفتها فى تولين واتعلقت بها حسيت انها هى كنت بحضنها كأنى بحضن لارا شميت ريحة عطرها فى تولين
بسام بحزن : انت كده بتعذب نفسك
سليم : غصب عنى مش بإيدى
بسام : عارف أنه مش بإيدك لكن انت لازم تعيش حياتك كفايه لحد كده انت بقالك اكتر من ٦سنين على الحال ده
سليم اتذكر يوم الحادثه
فلاش باك
سليم : هدى السرعه يا مجنونه
ياسمين : لا لا لا
سليم : حبيبتى بلاش جنان اخر مره تسوقى فيها
ياسمين : بما أن انت قررت انها اخر مره اسوق ياحبيبى يبقى جمد قلبك معايا وبصت على المقعد الخلفى لارا جاهزه حبيبتى نطير
لارا بفرح : yes
ياسمين و لارا : Ready Steady go
وبعدها ياسمين زودت السرعه اكتر ولكن فجأة ظهرت أمامها عربية شحن كبيره وهنا فاق سليم على صوت بسام : انساها ياسليم عيش حياتك
سليم : غصب عنى مش قادر اشوف ست غيرها ياسمين الله يرحمها كانت كل حياتي ولارا بنتنا كانت الثمره اللى نبتت من الحب ده لكن للاسف وبحزن الله يرحمهم ياريتهم اخدونى معاهم
بسام : كفايه ياعم قطعت قلبى وأنا قلبى رهيف
سليم تذكر رفيف : اه صحيح انت ايه حكايتك اول ما شوفت رفيف وشك قلب وحسيت انك مش على بعضك
بسام : رفيف اسمها لوحده كده يخطف وبصوت متقطع ر ف ي ف يااااه على الجمال
سليم ضحك : هى الصناره غمزت ولا إيه
بسام : هى غمزت بس ده شبكت على الاخر
ضحك سليم وبسام وكملو يومهم
_________
وعدى اليوم بحلوه ومره وجاه وقت المساء
فى شقة شهيره كان الكل متجمعين (رفيف وتولين وفريده وشهيره ) بيتفرجو على فيلم السهره دخلت اسيل بتعب السلام عليكم ورحمه الله وبركاته
الجميع : عليكم السلام ورحمه الله وبركاته
اسيل بتعب : ازيك يا ماما
شهيره بحزن : بخير ياحبيبتى يلا غيرى لبسك على ما احضرلك الاكل
اسيل : لا يا ماما ماتتعبيش نفسك انا هنام ماليش نفس
شهيره : لا طبعا هتاكلى يلا غيرى لبسك وتعالى بسرعه
أما تولين كانت نظرتها لأسيل حزينه وقربت لرفيف وهمست لها رفيف انا عايزه انام
رفيف بهمس أيضا : لسه بدرى نكمل الفيلم الاول
تولين بهمس : لا كفايه كده انا تعبت
فريده قربت منهم وبصوت عالى : انتم بتتفقوا على ايه ؟
انتبهت اسيل لتولين وقربت منها وبحده: تولين انتى ايه اللى سهرك لحد دلوقت يلا على اوضتك
تولين انسحبت وبصمت وعيون كلها دموع وراحت على اوضتها
رفيف بلوم : ليه كده يا اسيل البنت كانت سهرانه وعايزه تطمن عليكى حرام اللى بتعمليه فى نفسك وفى بنتك قربى منها يا اسيل توتى محتاجلك اكتر مننا ..........محتاجه امها بلاش تقسى عليها انتى كمان
اسيل بحزن انسحبت وخبطت خبطين على الباب وبعدها دخلت لتولين وكانت المسكينه بتبكى بصمت
اسيل قربت منها : أميرتى زعلانه منى
تولين بدموع : لا مش زعلانه
اسيل : اكلتى ؟
تولين : ايوه وغلست اسنانى وكتبت Hoom Work
اسيل: أميرتى الحلوه الشطوره ايه رأيك بكره نخرج نتفسح انا وانتى ونروح المكان اللى يعجبك
تولين بحماس : نروح الملاهى
اسيل : نروح الملاهى يا اميرتى
قربت تولين وحضنت اسيل بفرح انا بحبك اوى يا ماما _________
أما فى الشقه المقابله لأسيل شقة عصام
سندس : يابنى أنا عايزه افرح بك قبل ما اموت
عصام : يا امى قولتلك ١٠٠ مره انا مش هتجوز غير فريده
سندس : طيب تعالى نروح نطلب أيدها انا مش هلاقى لك عروسه احسن منها
عصام بفرح : بجد يا امى طيب قومى يلا نكلم خالتى شهيره
سندس : يخيبك يا عصام اروح فين فى ساعه زى دى انت اتجننت النهار له عنين انا هروح لها بكره واخد رأيها خلينا نفرح بيكم من زمان مافرحناش
عصام : لسه هستنا لبكره خير البر عاجله
سندس بفرح : ربنا يسعدك يابنى ويفرح قلبك قادر يا كريم لكن الصبح من النجمه هكون عند خالتك شهيره تصبح على خير يا قلب امك
عصام : وانتى من أهل الخير يا امى
_____________و فى الصباح
تولين صحيت من نومها كانت اسيل نايمه جانبها قربت منها وحضنتها وطبعت بوسه رقيقه على خدها وبهمس بحبك اسيل ونزلت من سريرها اتجهت لاوضة رفيف
تولين بفرح قربت من سرير رفيف : رفيف رفيف اصحى بسرعه رفيف يلا يا كسلانه
رفيف : يا توتى سبينى انام حرام عليكى؟
تولين : يلا بسرعه اصحى هنروح الملاهى
رفيف : ملاهى ايه بس يا توتى الساعه ٦ الصبح روحى نامى ولفت الجهه الاخرى
تولين لفت لها: اسيل قالت أن هنروح الملاهى يلا يا كسلانه بسرعه
رفيف صحيت وبتعجب : اسيل قالت ايه ؟!.....ملاهى انتى متأكده أن اسيل قالت كده
تولين :طبعا متاكده يلا يا كسلانه اصحى بقى
أما بالسريرالمقابل فريده : وبعدين معاكم انا عايزه انام
تولين بهمس : يلا يا كسلانه كفايه كده ومسكت أيدها ومشيت ورفيف استسلمت للامر الواقع
_________ عند سليم مهران
صحى على صوت الفون
سليم بصوت نائم : الووووه
سوزان : صباح الخير يا سليم
سليم : صباح الفل يا ست الكل وحشتينى
سوزان : وانت كمان يا حبيبى طمنى عليك
سليم : الحمد لله بابا أخباره ايه دلوقت
سوزان : ادعيله حبيبى انت عارف أن صحته اتأخرت الفتره اللى فاتت ماتخفش على بابا انا موجوده معاه المهم انت تاخد بالك من نفسك
سليم بمزاح : انا خايف من وجودك ده يا ماما
ضحكة سوزان : تصدق وانا كمان خايفه خد بالك من نفسك وابقى طمنى عليك دايما
سليم : حاضر مع السلامه
وبص فى الساعه كانت لسه ٦,٥ صباحا اخد شاور ولبس لبس الرياضه وقرر أنه ينزل يتمشى شويه قبل ما يروح الشركه نزل سليم يمشى ويشم هواه فى الجنينه الجو كان لطيف فقرر أنه يخرج يمشى حولين الڤيلا وسرقه الوقت من جمال المكان والهدوء
_________
أما فى مكان قريب من ڤيلا سليم
تاكسى اسيل عطل وأسيل حاولت اكتر من مره وبدون فائده
اسيل بعصبيه : ياربى ايه اليوم ده
رفيف بهدوء : اهدى بس يا اسيل ماحصلش حاجه ده أمر طبيعى
أسيل بغضب : انا مش عايزه اسمع صوت واحده فيكم وحاولت تانى وبعد محاولات كتير
اسيل : هلاقى فين ورشه ميكانيكا فاتحه دلوقت الناس لسه نايمه
رفيف : اكيد موجود يعنى الناس هتكمل نوم طول اليوم وبعدين الساعه بقت ٨,٥ يعنى اكيد فى ورشه فاتحه
أسيل : انا هنزل اشوف اى حد يساعدنا لكن انتى وهى ممنوع حد فيكم يتحرك من مكانه
رفيف وتولين بصو لبعض وحركو رأسهم بالموافقه
خرجت أسيل وكانت بتلتفت يمين وشمال وابتعدت عنهم
أما رفيف وتولين حسو بالملل
تولين : انا زهقت
رفيف : وانا كمان ايه رأيك ننزل نتمشى شويه قريب من هنا
تولين سقفت : هيهييه لكن اتذكرت أسيل وقالت لا أسيل تزعل منا
رفيف : ماتخافيش هنكون قريبين وخرجو واتفقوا أنهم يكونوا قريبين من المكان
تولين كانت بتجرى من رفيف وبتلعب
رفيف جريت وكانت بتلحقها لكن تولين كانت اسرع منها وهى بتجرى اتصدمت بشخص طويل
رفعت عيونها تتأسف وكان المفاجأة من نصيبها وبفرح طفولى عمو سليم
سليم بفرح : أميرة التلج
رفيف : توتى تعالى هنا وانتبهت لسليم
سليم : انسه رفيف ايه الصدفه الجميله دى
رفيف : معقوله ايه الصدفه دى
سليم : انتم ساكنين قريب من هنا
رفيف : لا احنا كنا خرجين لكن العربيه عطلت وأسيل بتدور علي ورشه ميكانيكا قريبه
تولين : عمو سليم انت كمان بتدور على ورشه ميكانيكا
سليم : لا يا اميرتى انا ساكن هنا وأشار على فيلا قريبه
تولين : ده بيتك ؟
سليم : ايوه ده بيتى ايه رأيكم ندخل جواه شويه وأميرتى الحلوه تشوف البيت من جواه
رفيف : متشكرين اوى مره تانيه شكرا لحضرتك
تولين بفرح : أسيل هناك اهى
سليم انتبه والتفت يشوف اسيل لكن الفون رن
رد سليم وكان بسام : فينك يا سليم انت نسيت الاجتماع
سليم : لا فاكر
بسام : يلا ياعم المدير الكل منتظرك وقفل الفون سليم استأذن من رفيف وتولين ورجع الفيلا
أما اسيل كان معها شاب ومعه شنطه بها ادوات الصيانه وقربت اسيل منهم وبعد وقت قصير أنتهى من التصليح وانطلقت اسيل ورفيف وتولين كان بينهم اندماج كالعاده وغنو الاتنين اغانى طفوله وتولين سعيده بوجود اسيل معاها وأسيل نظرت لتولين وابتسمت لكن كانت عيونها فى نظرة حزن وألم تولين قربت لأسيل وبصوت عالى : بحبببببببببك يا اسيل
________________
أما بالشركه كان جو كله قلق وتوتر الكل منتظر يشوف المدير الجديد وياترى هيتعامل معاهم ازاى وايه حكاية التغيرات اللى المهندس بسام لمح لها من قبل كل الموظفين اتجمعوا ودخل سليم القى التحيه على الجميع وكل واحد عرف نفسه ومسؤول عن ايه
سليم : طبعا كلكم عارفين قد ايه بابا تعب فى تأسيس الشركه وبعد تعبه انا اللى هكون مسؤول عنها لحين موعد رجوعه بالسلامه
سليم: بسام مين مسؤول عن الشحنه اللى جايه من المانيا
بسام : رضوان وعصام هما المسؤولين
عصام : اتفضل يا فندم دى كل الحسابات والأوراق الخاصه بالشحنه
سليم بغضب : وايه سبب تأخير العمليه دى
رضوان : يافندم عندنا عجز فى عدد العمال وموظفين الحسابات
بسام : احنا نشرنا اعلان عن طلب موظفين حسابات ويكون خبرتهم عاليه
سليم : مش شرط يكونو خبره عاليه اكتب أننا محتاجين خريجين فى ناس كتير محتاجه وظائف وفرص عمل وخرجين قاعدين على القهاوى
بسام : جميله جدا فكره هايله براڤو عليك
اتناقشو فى كل امور الشركه وبعد لحظات انتهى الاجتماع وكل واحد رجع على شغله
أما عصام فكر فى صديقته أسيل وأنه ممكن تتقبل فى الوظيفه _____________
فى منزل اسيل
شهيرة : نورتينا يا ست ام عصام
ام عصام : البيت منور بأهله يا ام اسيل ندخل فى الموضوع على طول يا ست ام اسيل طبعا انتى عارفه عصام ابنى وعارفه أنه اسم النبى حارسه وصاينه يحميه لشبابه راجل مالو هدومه انا مش بقول كده أنه ابنى
شهيره : ايه الكلام ده يا ام عصام هو عصام غريب عنى ده ابنى عصام معزته من معزة اسيل
ام عصام : شالله يخليكى ويجبر بخاطرك قادر يا كريم شوفى يا ام اسيل انا جيت اطلب ايد عروستنا ست البنات فريده لعصام انا لو لفيت الدنيا مش هلاقى لعصام ابنى عروسه احسن من بنتك فريده
شهيره :وانا مش هلاقى لفريده بنتى راجل يحافظ عليها ويصونها احسن من عصام
ام عصام : يعنى نقول مبروك
شهيرة : طيب ادينى فرصه اشاور البنات وأشوف رأى فريده
ام عصام : وماله ياختى حقك وانا هستنى اسمع منك خبر حلو استاذنك ياحبيبتى
وخرجت ام عصام
فريده خرجت من اوضتها: انا قولت ١٠٠مره أنى مش عايزه اتجوز
شهيره : وعصام مايتعايبش ومش هتلاقى عريس احسن منه
فريده : وانا مش عايزه احسن ولا اوحش
شهيره : ليه أن شاء الله هتقعدى كده من غير جواز
فريده بصوت عالى : وانا مش عايزه اتجوز
شهيره صوتها ارتفع : وانا قولت هتتجوزى عصام غصب عنك
وصوتهم كان عالى فى الوقت ده رجعت اسيل وتولين ورفيف
اسيل : مالكم فى ايه صوتكم جايب اخر الشارع
شهيرة : الست هانم رافضه أنها تتجوز عصام
فريده : ايوه مش هتجوز عصام
اسيل : لكن عصام مايتعيبش أدى نفسك فرصه انك تقربى منه
فريده بسخرية: أقرب منه زى ما انتى قربتى من محمود صح
اسيل بغضب : فررررررريده
فريده : ايه الكلام مش عجبك عايزانى اقرب من عصام ويعمل فيا زى ما محمود عمل فيكى وايه النتيجه وبصوت عالى ردى عليا
أسيل بغضب : ادخلى اوضتك يا فريده
فريده بغضب أيضا : لا مش هدخل يا أسيل فوقى بقى لنفسك عاجبك شكلك ده عاجبك منظرك ده انا بقيت اشك انك ولد ...... كفايه بقى تعيشى فى دور الراجل اللى عايشه فيه
شهيره : اخرسى يا فريده وادخلى اوضتك واعملى حسابك هتتجوزى عصام غصب عنك
فريده بغضب : قولت لا وجواز مش هتجوز كفايه بقى عجبك اللى عملتيه فى أسيل انتى السبب فى ضياعها وحكمتى عليها تتجوز واحد ولا هو من توبها ولا هى من توبه جوزتيها واحد حرامى ومدمن
تولين بدموع : رفيف هو بابا حرامى ؟
رفيف : لا ياحبيبتى بابا مسافر يشتغل وبيحبك
قاطعتها فريده : بطلى كدب كفايه بقى البنت عايشه على وهم أن ابوها راجل عظيم وهو واحد حرامى ومسجون
أسيل قربت منها وضر/بتها بالقلم وبصوت جهوري : اخررررررسى بقااااااا